Tri partitë opozitare Vetëvendosje, AAK dhe Nisma në vazhdën e protestave nëpër komuna, të enjten, më 17 dhjetor, në ora 13:00, tek Parku i Qytetit në Malishevë, do të manifestojmë për Republikën.
Siç njofton Lëvizja Vetëvendosje, në këtë manifestim do të shprehet masivisht, vullneti i qytetarëve të Malishevës për një shtet sovran e funksional. Për një shoqëri të barabartë dhe jo të ndarë në baza etnike.
Spitali i Përgjithshëm në Prizren” Prim.Dr. Daut Mustafa” të mërkurën ka pranuar një donacion mjekësor nga Vjena. Drejtorit të spitalit, Dr.sc. Afrim Avdaj donacioni i është dorëzuar ngakonsullja e Ambasadës së Austrisë në Kosovë, znj. Eva Elisabeth Michlits dhe komandanti iCIMIK-ut të KFOR-it austriak, Gabelar Otmar.
Konsullja e Ambasadës së Austrisë në Kosovë, Eva Elisabeth Michlits në dorëzimin edonacionit tha: ”Dua të falënderoj të gjithë ata, në veçanti kryetarin e Vienës dhe KFOR-inaustriak, që kanë punuar dhe kanë mundësuar që spitalit të Prizrenit t’i dorëzohet ky donacion.Ndihem shumë mirë dhe jam tepër e lumtur që sot, si përfaqësuese e Ambasadës së Austrisë nëKosovë, jam pjesë e dorëzimit të këtij donacioni që do të jetë në shërbim të qytetarëve”,-theksoi konsullja e Ambasadës së Austrisë në Kosovë, Eva Elisabeth Michlits, duke shprehurgatishmërinë dhe përkushtimin për të ndihmuar Kosovën dhe popullin e saj edhe në të ardhmen.
Komandanti i CIMUK-ut të KFOR-it austruiak, Gabelar Otmar, gjithashtu është shprehur ientuziazmuar për dorëzimin e donacionit: ”Ne jemi shumë të lumtur që sot, pas disa takimeve qëkemi pasur me udhëheqësit e spitalit të Prizrenit, po dorëzojmë këtë donacion mjekësor që do tëjetë në disponim për të mirën e qytetarëve”,- tha oficeri i KFOR-it austriak, Gabelar Otmar,duke falënderuar kryetarin e Vienës, Bernhard Bouzek, dhe ambasadën e Vienës në Prishtinëqë kanë mundësuar dhurimin e këtij donacioni për spitalin e Prizrenit.Drejtori i Spitalit të Prizrenit, Dr.sc.Afrim Avdaj, duke falënderuar për dhurimin e donacionittha: ”Unë, në radhë të parë, dua të falënderoj shtetin mik dhe popullin asutriak për mbështetjen evazhdueshme që kanë dhënë dhe vazhdojnë të japin për Kosovën dhe popullin e Kosovës. Ne sotpo pranojmë një donacion mjekësor nga Viena që do të vihet në shërbim për të ofruar shërbimesa më cilësore për qytetarët tanë.
Për këtë falënderoj kryetarin e Vinenës, Bernhard Bouzek,Ambasadën e Austrisë në Kosovë, që përfaqësohet nga konsullja, znj. Eva Elisabeth Michlits dheCIMIK-un e KFOR-it austriak,që përfaqësohet nga komandanti, Gabelar Otmar, të cilët kanëpunuar dhe janë angazhuar për të sjellur në spitalin e Prizrenit këtë donacion të dobishëm”, – thadrejtori i spitalit, Dr.sci. Afrim Avdaj, duke shprehur bindjen dhe gatishmërinë e thellimit tëbashkëpunimit dhe lidhjes së spiatalit të Prizrenit me spitalet e Vienës/PrizrenPress.com/
Një femër, ka tentuar të vetëvritet në Suharekë. Ajo ka përdorë jë sasi të barnave.
Sipas policisë, viktima është dërguar në klinikën Neuropsikiatrike të QKUK-Prishtinë.
Lidhur me rastin janë intervistuar bashkëshorti dhe prindërit e saj.
Nuk raportohet për të dyshuar./PrizrenPress.com/
Kryetari i Kuvendit të Republikës së Kosovës, Kadri Veseli ka takuar gratë e Krushës së Vogël, të cilave u printe Shpresa Shehu, kryetare e fshatit Krushë e Vogël.
Shehu me bashkëpunëtoret e saj, prezantuan çështjen e të pagjeturve dhe zbardhjen e fatit të tyre, brengë jo vetëm për këtë fshat që përjetoi ndër tragjeditë më të mëdha në Kosovë gjatë luftës çlirimtare, si dhe çështjet tjera që lidhen me mirëqenien e banorëve të këtij fshati dhe infrastrukturën.
Kryetari Veseli shprehu përkushtimin e tij institucional për çështjen e të pagjeturve, që Krusha e Vogël, por edhe familjet dhe vendbanimet që përjetuan më së shumti nga lufta e fundit, të kenë përkujdesjen e duhur, përkrahjen nga institucionet, jo vetëm në arsim e shëndetësi, por edhe infrastrukturë, ngritjen e mirëqenies dhe punësimin.
Kryetari Veseli u ofroi grave të Krushës përkrahje konkrete në projekte biznesore, të ngjashme me projektet që tanimë janë realizuar në Krushën e Madhe. Hapat e parë konkretë në këtë drejtim, theksoi Veseli, do të fillojnë që në pjesën e parë të vitit që vjen. /Telegrafi/
Kryetari i Partisë Konservatore në Prizren, Munir Basha, vlerëson se Qeveria “Muja”, gjatë vitit 2015 ka dështuar t’i realizojë premtimet e dhëna në shumë fusha. Sipas tij, kjo qeveri buxhetin komunal e ka shpenzuar në funksion të elektoratit të PDK-së.
“Nëse e shikojmë destinimin dhe mënyrën e shpenzimit të parasë publike, mund të them se ky buxhet, ka vazhduar të jetë në shërbim të “pozicioneve të forta“, pra të asfaltit dhe kubëzave, që i shkon për shtati oligarkëve të partisë në pushtet”, thotë Basha për PrizrenPress.
“Edhe këtë vit, buxheti ka qenë në funksion elektoral për partitë në pushtet, në veçanti, për PDK-në, si parti bartëse e qeverisë komunale”, shprehet ai.
Basha tregon se pushteti komunal nuk i ka marrë me seriozitet propozimet e Partisë Konservatore, siç ishin: funksionalizimi i Parkut të Biznesit, hapja e Kuzhinës Popullore dhe mbulimi i shpenzimeve të varrimit të të vdekurve.
“Funksionalizimi i Parkut të Biznesit nuk është në funksion edhe pse ka rëndësi të madhe për zhvillimin ekonomik të Komunës”.
“Është injoruar edhe kërkesa jonë për hapjen e një kuzhine popullore”.
“Këtë fat e ka pasur edhe propozimi ynë për mbulimin e shpenzimeve të varrimit për të vdekurit”.
“Për shkak të mospërfilljes së propozimeve tona nga kjo qeveri, vota ime ka qenë kundër kur është diskutuar projekt-buxheti komunal”.
“Edhe aferat korruptive si dhe proceset gjyqësore kundër zyrtarëve të lartë komunal,fatkeqësisht, kanë qenë një dukuri përcjellëse e kësaj qeverie komunale edhe në vitin 2015-të”. /PrizrePress.com
Ish-deputeti i Kuvendit të Kosovës, Eqrem Kryeziu, ka thënë se përgjegjësinë për mos liberalizim të vizave duhet ta merr koalicioni qeverisës.
“Përgjegjësinë e mban pozita, e vuan Kosova”, është shprehur Kryeziu në një intervistë për “Republika24”. Ai ka thënë se vendi ynë është treguar i gatshëm për bashkëpunim me BE-në vetëm verbalisht.
Z. Kryeziu, Këshilli i Bashkimit Evropian ka dalë me konkluzione se Kosova ende s’i ka plotësuar kriteret për liberalizlimin e vizave. A po i jep një goditje BE-ja Kosovës, pavarësisht se vendi ynë është treguar shumë bashkëpunues me BE-në?
Eqrem Kryeziu: Vendi ynë është treguar i gatshëm për bashkëpunim vetëm verbalisht. Me gjasë gatishmërinë verbale nuk e çmuaka BE-në. As Ju, as unë nuk e çmojmë, me gjasë.
Kush duhet të mbajë përgjegjësi për këtë dështim, të liberalizimit të vizave?
Eqrem Kryeziu: Përgjegjësinë e mban pozita, e vuan Kosova. Por pozita është produkt i vullnetit të lirë politik të Kosovës, që do të thotë se çdo gjë është ok.
A mendoni se do të ketë fluks të ikjes së qytetarëve, pasi tash nuk ka shpresë se do të ketë liberalizim të vizave?
Eqrem Kryeziu: Parimisht, BE-ja nuk mund të inkurajojë refugjatë nga Kosova. Ajo është e interesuar që Kosovën ta bëjë Europë, jo ta strehojë atë. Natyrisht, Europa shpreson se zhgënjimi i të ikurve potencialë nga Kosova të shprehet përmes vetëdijes së tyre politike për të zgjedhë, më në fund, qeveri të përgjegjshme, jo për të blerë biletë autobusi.
Këshilli i Bashkimit Evropian ka bërë thirrje që bllokada në Kuvend urgjentisht të zhbllokohet. Sa do të merret seriozisht ky mesazh nga klasa politike në Kosovë?
Eqrem Kryeziu: Prapa këtij apeli supozohen se do bërë veprime të cilat partitë tona politike parlamentare nuk janë në gjendje t’i bëjnë. U kultivua pasioni i urrejtjes e i përjashtimit të njëri-tjetrit. Së pari duhej stigmatizuar PDK-ja, pastaj VV e AAK. Kështu bëjnë fëmijët në moshën tetë a nëntë vjeç: mund të jem shoqe (shok) me ty, por me kusht që mos të jesh shoqe me tjetrën. Infantizmëm, apo jo? Kur gjatë fushatës së fundit për zgjedhje parlamentare reagoja se kjo mostolerancë ndërpartiake është ligësi, më kërcënonte komuniteti im partiak me linçim, i cili kishte filluar që moti tashmë. Sepse Kosova është shtëpia jonë e përbashkët. Prandaj.
Në gjykimin për shpërdorim detyre dhe krim të organizuar Fatmir Limaj thotë se mbrojtja nuk i ka të gjitha shkresat e lëndës.
Limaj u ankua për mungesë të të gjitha dosjeve të tenderëve të cilët përmenden në aktakuzën e konsoliduar për kohën kur ai ishte ministër i Ministrisë së Transportit dhe Postës e Telekomunikacionit.
Limaj tregoi se mbrojtjes i mungojnë dokumentet që përmenden se janë në regjistratorin numër 48, ndërsa sipas tij mbrojtja ka vetëm 42 regjistratorë.
Kreu i Nismës tha se nuk mund të vazhdohet me marrjen në pyetje të dëshmitarëve, pa i pasur mbrojtja të gjitha provat mbi të cilat është ndërtuar aktakuza.
Edhe Bajram Tmava, avokati i Nexhat Krasniqit tha se i mungojnë prova që përmenden në aktakuzë, duke thënë se për këtë çështje ka dorëzuar një parashtresë.
Por prokurori Charles Hardaway reagoi duke thënë se mbrojtjes ia ka dorëzuar të gjitha materialet që janë pjesë e aktakuzës. Hardaway tha se avokati Tmava mund të ketë probleme me teknologjinë.
Ndaj këtyre fjalëve reagoi përsëri Limaj, duke thënë se mungesa e materialeve është problem i tërë mbrojtjes.
Pastaj prokurori Hardaway tha se i di detyrimet e prokurorisë, por mund të ketë ndodhur ndonjë problem teknik që mbrojtja nuk i ka marrë të gjitha shkresat.
Sot pritet ta vazhdojë dëshminë Betim Reçica, një punonjës i ish-Ministrisë së Transportit. Aktualisht është dhënë një pauzë prej 30 minutash.
Fatmir Limaj, Nexhat Krasniqi, Endrit Shala, Shpëtim Telaku dhe Florim Suka që akuzohen për shpërdorim detyre dhe krim të organizuar, u deklaruan të pafajshëm më 3 dhjetor, pasi iu lexua aktakuza e konsoliduar për dy rastet e bashkuara që lidhen me ish-Ministrinë e Transportit dhe Telekomunikacionit.
Më 4 dhjetor prokurori Charles Hardaway kërkoi kërkoi dënimin e të akuzuarve duke thënë se ata po ngarkohen për korrupsion që e cilësoi kancer të Kosovës.
Po atë ditë, avokati i Limajt Tahir Rrecaj tha se prokurori nuk paraqiti ndonjë fakt konkret.
Më 30 nëntor Limaj aktakuzën e ngritur ndaj tij e konsideroi të ngritur me urdhër politik. /Kallxo.com
Me anë të një komunikate, NISMA për Kosovën shpreh shqetësimin e saj në lidhje me dështimin e qeverisë së Kosovës, që të kryej obligimet e nevojshme për heqjen e vizave për qytetarët e saj.
Sipas NISMA-s, në procesin e liberalizimit të vizave me Bashkimi Evropian, nga institucionet e Kosovës, në veçanti nga qeveria, është kërkuar që të punojnë në dy rrafshe. Në njërin rrafsh është kërkuar të zhvillohen bisedime me Serbinë, ndërsa në rrafshin tjetër ato të zakonshmet, forcimin e shtetit ligjor, luftën kundër krimit të organizuar dhe korrupsionit.
NISMA për Kosovën vlerëson se përgjegjësia për këtë dështim në fushën e integrimit të vendit, është vetëm e qeveritarëve të Kosovës, që në procesin e bisedimeve me Serbinë u treguan shumë të dëgjueshëm, shumë dorëlirë, bile aq dorëlirë sa që fare nuk shqetësoheshin se sa të dëmshme dhe të pa pranueshme mund të jenë marrëveshjet mbi të cilat ata i vinin pa hezituar nënshkrimet e tyre.
NISMA vlerëson se qeveritarët tanë ishin shumë të dëgjueshëm deri në përulje në procesin e bisedimeve me Serbinë, e të padëgjueshëm deri në mospërfillje të Bashkimit Evropian në rrafshin e forcimit të shtetit ligjor.
“Duke vepruar në këtë mënyrë, pra duke qenë të zellshëm në bërjen e koncesioneve në kurriz të Kosovës në procesin e bisedimeve me Serbinë, këta qeveritarë shpresonin se Bashkimi Evropian do t’ua vlerësojë këtë “sakrificë” dhe nuk do të ndalet shumë në rrafshin e sundimit të ligjit dhe luftën kundër krimit dhe korrupsionit”, thuhet në komunikatë.
Për fund, NISMA konsideron se vetëm duke e bërë Kosovën vërtetë shtet të së drejtës, duke e zhvilluar atë ekonomikisht, duke e bërë të dinjitetshme në raport me fqinjët e më gjerë, vetëm atëherë, liberalizimi i vizave dhe procesi i integrimit në Bashkimin Evropian do të jetë i shpejtë dhe i drejtë.
Kryetari i Kuvendit të Kosovës, Kadri Veseli e ka vlerësuar si shumë të rëndësishme bashkëpunim mes Kuvendit të Kosovës dhe shoqërisë civile.
Veseli ka thënë se që nga ardhja e tij në krye të Kuvendit të Kosovës, ka pasur prioritet rritjen e transparencës.
Por, Veseli në konferencën e Parë Vjetore për Partneritet midis Kuvendit të Kosovës dhe Shoqërisë Civile, ka kritikuar shoqërinë civile, pasi siç është shprehur ai që një vit asnjëri nga përfaqësuesit e shoqërisë civile nuk ka shkuar në zyrën e tij për ti dhënë ndonjë vërejte, por të gjitha i kanë bërë në media, raporton lajmi.net.
Veseli në këtë konferencë në mënyrë ironike ka pyetur nëse udhëheqësi i organizatës Instituti Demokratik i Kosovës, organizatë që monitori punën e Kuvendit, Driton Selmanaj është anëtarësuar në ndonjë parti politike.
Kryetari i Kuvendit të Kosovës, tha se sikur në institucionet shtetërore që ka njerëz që keqpërdorin pozitën zyrtare edhe në shoqëritë civile ka të atillë që zhvatin para.
“Institucionet e vendit nuk janë të gjitha me djaj, por as shoqëria civile nuk është e mbushur me engjëj, ka thënë ndër të tjera Veseli.
Në këtë konferencë mori pjese ehe shefi i Misionit të OSBE-së në Kosovë, Ambasadori Jean-Claude Schlumberger, i cili shprehi përkushtimin për rritjen e bashkëpunimit mes Kuvendit e shoqërisë civile.
Jakup Krasniqi, Kryetar i Këshillit Kombëtar të Nismës për Kosovën ka thënë në maifestimin e sotëm që po mbahet në Pejë se Opozita i ka 1000 mijë arsye për të protestuar,
“Dëshiren për Kosovën e kanë kthyer në dëshirë për ikje. Këtë e kanë dëshiruar armiqtë shekullor, të cilët nuk e kanë arritur por po e arrijnë Isa Mustafa e Hashim Thaçi.
“Kemi ardhur për të kërkuar përkrahjen e qytetarëve për marrëveshjet e dëmshme e për për fatin tonë politikë”.
“Jemi të vendosur `t`i mbrojmë të drejtat tona”
Sipas tij ndryshimet në shoqëri i sjellin qytetarët e bashkuar.
“Qeveritarët janë vënë një ndjekje të qytetarëve. Kërkojmë nga ju që të kërkoni shkarkimin e këtyre qeveritarve, atyre iu ka mbetur vetëm një rrugë e që është dorëheqja”.
“Nëse diush duhet me ik nga Kosova duhet me ik ata që e meritojnë e jo qytetarët” ka thënë Krasniqi në fjalimin e tij, njofton Klan Kosova.