20.2 C
Prizren
E martë, 29 Korrik, 2025
type here...
Home Blog Page 6423

Rrëfime dashurie

admin
-
0
Rrëfime dashurie

Ato mund ta shkrijnë zemrën tuaj, t’ju bëjnë të qeshni dhe të harroni gjetjen e një shamie për të fshirë lotët. Nëse jeni duke kërkuar për personin special ose harenë e dashurisë, këto vepra klasike të përhershme dinë si t’ua prekin telat e zemrës. Kështu që, futuni nën batanije, fikni dritat që mund t’ju bezdisin dhe gjejeni veten në rrëfimet më të bukura të dashurisë së të gjitha kohërave.

“Majat e stuhishme”: Çmenduria e madhe e zemrës (Total eclipse of the heart)

Në një nga klasikët më të mëdhenj që kanë thyer zemrën e dhjetëra brezave, në linjat e skenarit “dashuria e humbur mund të kthejë një njeri të mirë në të keq”, romani Emily Bronte na shpie në vendqëndrimin e “Majave të stuhishme” të 1802-shit.

Në këtë histori dashurie të pakohë, personazhi ynë kryesor, Heathcliff, rritet duke u kthyer në mikun më të mirë të motrës së tij të birësuar, Catherine, dashurisë së tij të përjetshme. Por një koment i thënë papritmas dhe i përhapur në të gjithë Majën, ndryshoi korsinë e jetës së tyre përgjithmonë.

Fakte zbavitëse: Balada e fuqishme e Bonnie Tyler 1983 “Total Eclipse of the Heart”, është frymëzuar pikërisht nga “Majat e stuhishme”.

“Anna Karenina”: Dashuria mund të jetë shkatërrimtare

Një nga përzgjedhjet më të shpeshta sipas autorësisë, ky roman i Tolstoit është i përngjashëm me një telenovelë. I vendosur në qarqet më të larta të shoqërisë ruse, Anna Karenina viziton vëllain e saj Stiva në Moskë për ta ndihmuar të shpëtojë martesën e tij. Teksa gjendej atje, ajo dashurohet me kontin Vronsky. Një grua e martuar, Karenina lufton me dëshirat e saj derisa ato e pushtojnë tërësisht. Ajo largohet nga bashkëshorti i saj, gjenerali Aleksei. Pas mohimit të së drejtës për divorc, Anna vazhdon të gjithë jetën e saj duke kërkuar pranimin e kësaj marrëdhënieje. Kur njolla e jetës së saj dashurore bëhet shumë e madhe, Anna lë Vronsky në inat dhe … Epo, nëse nuk e keni lexuar ende, bëjeni! Ne nuk do të japim asnjë fund zemërthyes këtu.

Fakte zbavitëse: “Anna Karenina” u bë një nga bestsellerët më të mirë të të gjitha kohërave në 2004-n, pasi Oprah e vendosi atë në listën e të preferuarve.

“Romeo dhe Xhuljeta”: Ku është arti, Romeo?

Në një nga veprat më të njohura të Uilliam Shekspirit, kjo romancë e “dashnorëve në yje” është treguar dhe interpretuar nëpër kohë (që nga filmi klasik “West Side Story” në të mirënjohurin Romeo dhe Xhuljeta). Një histori që mund të lidhë të gjithë të dashuruarit, Romeo dhe Xhuljeta fokusohet në tragjeditë që shoqërojnë humbjen e dashurisë së vërtetë. Të dashurit Romeo Montague dhe Juliet Capulet, dy nga klanet më të famshme të letërsisë, vinin nga anët e kundërta të Veronës dhe mosdakordësia e familjeve mbi dashurinë e tyre shpie në vetëflijim.

Fakte zbavitëse: Në lojën e famshme kompjuterike “The Sims 2?, ndodhet një lagje me emrin Veronaville, në të cilën dy personazhet Romeo Monty dhe Juliette Capp bien në dashuri.

“Kazablanka”: Luaje përsëri, Sam

I famshëm nga loja fantastike e Humphrey Bogart dhe Ingrid Bergman, kjo histori dashurie, fillimisht nga një dramë e Murray Burnett, është kthyer në një skenar kinematografik nga skenaristët vëllezër Julius e Philip Epstein dhe miku i tyre Howard Koch. Në këtë narracion, amerikani Rick Blaine është pronar i klubit të lojërave të fatit “Rick’s Cafe Americain” në qytetin maroken të Kazablankës. Me ngjarje të zhvilluara gjatë Luftës së Dytë Botërore, Rick është një njeri i ashpër pas tradhtisë së të dashurës Ilsa Lund. Kur ajo kthehet sërish papritmas në jetën e tij, me bashkëshortin, Rick i duhet të përballet me lëndimet e së shkuarës.

Fakte zbavitëse: Në një sondazh të 2005-s nga Instituti Amerikan i Filmit, citimi nga filmi “Kazablanka”: “Ja ku po të shoh, zemra” u rankua e pesta nga skenat më të rëndësishme të historisë së kinemasë. Së bashku me të, edhe gjashtë skena të tjera nga ky film janë rankuar në 100 më të mirat.

“Ëndrra e një nate vere”: Ëndërro një ëndërr të vogël

Një komedi romantike nga Uilliam Shekspir, e vendosur në Athinën kur duka Tezeus bën plane për një festival të madh në nder të martesës së tij. Përgjatë kësaj kohe, vajza e Tezeusit, Hermia, refuzon të martohet me të fejuarin e saj pas dashurisë dhe përkushtimit për Lisandin. Kundër dëshirave të babait të saj, ajo ia mbath duke u fshehur në pyll dhe … gjeje pak, kush ishte atje në të njëjtën kohë? … E gjithë historia na paraqet trekëndëshin e një dashurie të re me një fund surprizues!

Fakte zbavitëse: Më 1989-n, në filmin e famshëm “Shoqëria e poetëve të vdekur”, personazhi kryesor Neil Perry (i luajtur nga Robert Sean Leonard), është bërë pjesë e kastit pikërisht nga roli i Puck që po luante në një shfaqje ndërqytetëse tek “Ëndrra e një nate vere”.

“Doktor Zhivago”: Djali takon vajzën

Ky roman rus, fitues i çmimit “Nobel” nga Boris Pasternak, është klasiku i kahershëm i historisë së dashurisë së një burri për dy gra. Yuri Zhivago është doktor dhe poet në Revolucionin Rus të 1917-s. I martuar me aristokraten Tonia, ai dashurohet me infermieren Lara. I vendosur në periudhën e luftës, ky trekëndësh i dashurisë së Zhivago bëhet pre e një ndërthurjeje fatesh dhe kthehet në një sfond protagonisti luftarak kundrejt një zemre të brishtë.

Fakte zbavitëse: Versioni i parë filmik i “Doktor Zhivago” ka qenë një version i konceptuar për serial televiziv në Brazil më 1959-n.

“Ndjesi dhe ndjeshmëri”: Motra dhe shoqe të shpirtit

Një tjetër klasik i 1811-s nga Jane Austen, kjo histori dashurie rrotullohet rreth motrave Dashwood – Elinor dhe Marianne. Me ndarjen nga jeta të babait të tyre, ato humbin pronën e familjes dhe kushtëzohen në një jetë të varfër. Historia ndjek motrat teksa ato largohen në distancë, por jo në dashurinë shpirtërore dhe romanticitetin që i karakterizon.

Fakte zbavitëse: Në një version të ri nga Ang Lee më 1995-n të “Ndjenja dhe ndjeshmëri”, gjashtë aktorë kanë qenë gjithashtu protagonistë të filmave të Harry Potter: Emma Thompson (Sybil Trelawney), Alan Rickman (Severus Snape), Gemma Jones (Madam Pomfrey), Robert Hardy (Cornelius Fudge), Elizabeth Spriggs (The Fat Lady) dhe Imelda Staunton (Dolores Umbridge).

“Liaisons i rrezikshëm”: Rreziku i Liaisons është një roman i kompozuar me letra

Ky roman klasik i shek. XVIII, nga Pierre Choderlos de Laclos është padyshim historia më e errët e zilisë, etjes për pushtet, mashtrimit dhe romancës. Me aktorë protagonistë Markezën de Merteuil, që kërkon që partneri i saj Vikomti de Valmont, të joshë vajzën e vogël të kushërirës së saj. Ndërkohë, e reja Cecile është e turbulluar nga profesori i saj, Kavalier Danceny. Histori dashurie, mashtrimi dhe gënjeshtre shpërfaqen në këtë histori.

Fakte zbavitëse: Filmi kult i 1999-s, “Qëllime djallëzore”, është një përshtatje moderne e romanit “Liaisons i rrezikshëm”.

Krenari dhe paragjykime: Një lojë në letërsi e maces dhe miut, e njohur botërisht si romani më i famshëm i Jane Austen

Charles Bingley është një i ri në qytezë dhe jeton në një pronë me motrat dhe mikun e tij të ngushtë Fitzwilliam Darcy. I quajtur si “gjahu” nga të gjitha të rejat beqare të qytezës (për pamjen dhe paratë e tij), Darcy njihet edhe për një person snob. Fqinja Elizabeth Bennet ndihet e poshtëruar nga kjo ego e sëmurë e Darcy teksa afrimi i të dyve në ballo kthen të gjithë faqen e historisë.

Fakte zbavitëse: Libri “Ditari i Bridget Jones” nga Helen Fielding është frymëzuar nga “Krenari dhe paragjykim”.

“Gungaçi i Notre Dame” i Viktor Hygo: Oh Kuazimodo

Novela e Viktor Hygo, vendosur në Paris më 1482-shin, vendos në qendër Katedralen e Notre Dame. Në këtë histori, ku “dashuria e vërtetë vjen nga brendësia”, kërcimtarja rome Esmeralda dashurohet me Kuazimodon e saj, një gungaç zemërmirë, por i deformuar. Me urdhër të Arkidukës Frollo, Kuazimodo përpiqet të rrëmbejë Esmeraldën, por kapet nga rojat. Në gjyq, Kuazimodo poshtërohet nga publiku dhe viktima e tij Esmeralda ndien keqardhje për të. Më pas, Esmeralda procesohet dhe dënohet me vdekje për vrasjen e Foebusit, por në ditën e gjykimit ajo shpëtohet nga vdekja prej Kuazimodos së saj. Por a mund ta kalojë dashuria e vërtetë diferencën e saj me pamjen e tij?

Fakte zbavitëse: Gungaçi i Notre Dame është bërë pjesë e adaptimeve televizive disa herë dhe ka në kast dy Anthony-s për rolet kryesore – Anthony Quinn më 1956-n dhe Anthony Hopkins më 1982-shin. /Politiko.net

Rritet niveli i Drinit të Bardhë në Gjonaj të Hasit

admin
-
0
Rritet niveli i Drinit të Bardhë në Gjonaj të Hasit

Drejtoresha e Institutit Hidrometeorologjik të Kosovës, Letafete Latifi, në emisionin Ora e Fundit të Klan Kosovës ballë për ballë Shkodran Gajrakut, ka diskutuar rreth vërshimeve, kur do të ndalen dhe si do të jetë gjendja e motit këto ditë.

Latifi ka thënë se reshjet do të ulen dhe gjithë këto vërshime kanë ardhur nga shkrija e shpejtë e borës dhe reshjet e dendura të shiut për një kohë të shkurtër.

“Në ditët në vazhdim pritet të ketë reshje, por më një intensitet më të ulët se sa ato që patëm sot dhe mbrëmë. Në të gjitha stacionet meteorolgijike që kemi janë monitoruar reshjet ka pas shumë reshje, 38 litër për metër katror, në Istog 54 litër për metër katror, dhe Ferizaj 35 litër për metër katror.”

“Shtresa e borës është shkrirë për një kohë shumë të shkurtër dhe në viset malore kemi pasë shtresa bore deri në 40 centimetra dhe përmes përroskave malore shkaktojnë përmbytje në ultësira. “

“Ne kemi bërë parashikime sinoptike se do të ketë reshje. Që nga sot është vërejt një ngritje e ujërave në lumenj deri në mesditë, por që nga mesdita ka pas një rritje më të lartë të ujërave në lumenj, kjo edhe për shkak të shkrimit të borës në mesditë.”

“Në ora 21:00 niveli i Drinit të Bardhë në Gjonaj është rritur edhe më shumë”.

“Parashikimi sinoptik jep se do të ketë reshje shiu, por me intensitet të ulët”, ka përfunduar Latifi, njofton Klan Kosova.

Furtunë ndaj kundërshtarëve politikë, të korruptuarit të paprekshëm

admin
-
0
Furtunë ndaj kundërshtarëve politikë, të korruptuarit të paprekshëm

“Aleksandër Lumezi është orientuar kah gjyqet politike, sipas urdhrave të Isa Mustafës e Hashim Thaçit. Kjo na vërteton edhe një herë se duhet çrrënjosur ky pushtet, në mënyrë që pushteti i gjyqësisë të veprojë i lirë, i pakërcënuar dhe në ndjekje të krimit të organizuar”, deklaroi Albulena Haxhiu

Kosova, që nga përfundimi i luftës, më shumë se nga çdo gjë tjetër po lëngon nga niveli i lartë i korrupsionit dhe krimit të organizuar, që dyshohet se janë të përfshirë zyrtarët e lartë. Kapja e shtetit është thelluar vitet e fundit, ndërsa drejtësia e politizuar i ka amnistuar deri tash të korruptuarit. Shumë politikanë, që kanë pasur ose kanë pozita të larta, kanë bërë pasuri të pajustifikueshme, të cilat edhe i deklarojnë çdo vit në Agjencinë Kundër Korrupsionit. Brukseli ka kërkuar që të luftohet korrupsioni i niveleve të larta, por rezultatet mungojnë, edhe pse një mision i BE-së vazhdon të jetë prezent në vendin tonë. Edhe liberalizimi i vizave mbetet i kushtëzuar nga arrestimet e të ashtuquajturve “peshqit e mëdhenj”.

Ekrem Lutfiu, zëdhënës i Këshillit Prokurorial të Kosovës, thotë se prokurori i Shtetit vepron në çdo moment aty ku dyshohet se ka vepër penale apo krim të organizuar. “Në momentin që dyshohet se ka vepra të lartcekura, prokurori i Shtetit menjëherë fillon hetimet lidhur me rastet në fjalë”, thuhet në përgjigjen e Lutfiut, i cili nuk ka pohuar asgjë nëse sivjet mund të ketë furtunë arrestimesh në nivele të larta…/kosova sot/

Hoxhaj zëvendëson Thaçin

admin
-
0
Hoxhaj zëvendëson Thaçin

Zgjedhja e zëvendëskryeministrit dhe njëherësh ministër i Punëve të Jashtme, Hashim Thaçi, në postin e presidentit mund ta rikthejë në krye të diplomacisë ish-ministrin Enver Hoxhaj. Mësohet se ai është kandidati më i mundshëm për ta marrë postin e kryediplomatit kosovar, i cili aktualisht drejton Komisionin Parlamentar për Punë të Jashtme.

Burime të “Zërit” kanë thënë se janë disa opsione, por më i përafërti është opsioni i rikthimit të ish-ministrit të Punëve të Jashtme, Enver Hoxhaj, si pasues i Thaçit. “Në postin e ministrit të Punëve të Jashtme, pas zgjedhjes së ministrit aktual, Hashim Thaçi, në postin e presidentit të Kosovës do të shkojë ish-ministri, Enver Hoxhaj”, ka thënë një burim brenda koalicionit qeveritar.

Gjatë kësaj kohe sa Kuvendi është në pushim para nisjes së sesionin pranveror, sipas burimeve të “Zërit”, po diskutohen edhe opsione tjera. E, njëra prej tyre është edhe ndërrimi i ministrave në kabinetin qeveritar.

Pas zgjedhjes së Thaçit në postin e presidentit, njëri nga opsionet e menduar është edhe emërimi i ministrit aktual të Punëve të Brendshme, Skënder Hyseni, në postin e kryediplomatit, derisa PDK-ja ta marrë drejtimin e MPB-së. Mirëpo, ky opsion shihet si vështirë i realizuar.

Ende s’kemi folur në organet e partisë për emër konkret

Mirëpo, në Partinë Demokratike të Kosovës thonë se ende nuk kanë biseduar në organet e partisë për emra konkretë, se kush do ta marrë drejtimin e diplomacisë kosovare pasi Hashim Thaçi të votohet për president të vendit.

Sekretari i përgjithshëm i PDK-së, Basri Musmurati, ka thënë për “Zërin” se së pari do të respektohet marrëveshja e koalicionit me të cilin do të zgjidhet kreu i PDK-së në postin e presidentit, pastaj do ta zgjedhin edhe njeriun e duhur për ministër të Punëve të Jashtme.

Opozita: Të shtunën nis rënia e Qeverisë

admin
-
0
Opozita: Të shtunën nis rënia e Qeverisë

Përfaqësuesit e subjekteve politike opozitare besojnë se protesta e 9 janarit për rrëzimin e Qeverisë “Mustafa” do të jetë protesta më e madhe në Kosovë që nga përfundimi i luftës, ndërsa demonstratat do të vazhdojnë deri në dorëzimin e kryeministrit.

Në anën tjetër përfaqësuesit e Qeverisë së Kosovës konsiderojnë se me vendimin e Gjykatës Kushtetuese për Marrëveshjen për Asociacionin, opozitës i është rrënuar preteksti për të protestuar, ndërsa arsyeja është “verbëria pas pushtetit”.

Zëdhënësi i Lëvizjes “Vetëvendosje”, Frashër Krasniqi, ka thënë se edhe në të kaluarën ka pasur mjaft shumë protesta politike në të cilat pjesëmarrja e qytetarëve ka qenë shumë e madhe. Ndërsa, në raste tjera, sipas tij, Qeveria ka manipuluar me qytetarët, prandaj protestat nuk kanë qenë shumë masive.

“Mendojmë që një nga arsyet për mospjesëmarrje të njerëzve në të kaluarën, është manipulimi i opinionit të tyre që është bërë nga Qeveria duke i trajtuar protestat si të pavlefshme dhe të panevojshme. Sidoqoftë, sot në Kosovë po ndryshon situata. Çdo herë e më shumë ka gatishmëri qytetare për protesta, dhe kjo u vërtetua edhe në manifestimet e organizuara nga opozita gjithandej Kosovës”, ka deklaruar Krasniqi/zeri/

Asllanaj: Gjendja në Suharekë është normalizuar

admin
-
0
Asllanaj: Gjendja në Suharekë është normalizuar

Kryetari i Suharekës, Sali Asllanaj ka shpalosur detajet më të reja në lidhje me situatën e krijuar nga vërshimet e shiut të rrëbeshëm në këtë komunë.

”Sot kishim një ditë mjaft të mundimshme, dhe pamjet kanë qenë mjaft trishtuese në disa fshatra”, tha Asllanaj në një lidhje direkte në edicionin e së mërkurës të emisionit Ora e Fundit në Klan Kosova.

”Por fatmirisisht kjo gjendje është mbuluar mjaft mirë pa dëme në njerëz të humbur, megjithatë duke iu falënderuar ekipeve të shpëtimit, me kompani të Therandës që kanë ndihmuar për të përballuar këtë situatëpasi që uji kishte kapluar bodrumet”.

”Kjo ishte sfida më e madhe këtu qysh nga viti 1994, ndërsa tashmë Suharekës iu është kthyer normaliteti pas një dite me pamje tejet dramatike”.

”Kishte mjaft vështirësi të mëdha për qarkullim prandaj e kishim mjaft të vështirë për të evakuar nxënësit”.

”Në këtë rast nuk kemi mundësi shumë për të llogaritë në fonde, por mund të themi se kjo qështje është përfundu mjaft mirë me ndihmën e secilit që kanë rrezikuar jetën e tyre”.

”Telashet për mësim kanë qenë minimale prandaj ndrrimin e pasditës për mësim e kemi ndërpre prandaj nuk ka pasur ndonjë rrezik”.

”Nesër do të formohet komisioni për të shqyrtuar edhe për dëmet materiale, natyrisht që për fondet emergjente që kemi do të kompenzojmë gjithcka”.

Morina: Ka filluar normalizimi i gjendjes në Malishevë

admin
-
0

Drejtori i emergjencave të Malishevës, Ahmet Morina, në emisionin Ora e Fundit në Klan Kosova, tregoi për situatën gjatë gjithë ditës të reshjeve dhe vërshimeve, menaxhimin e problemeve dhe çfarë po ngjan aktualisht në Malishevë.

”Gjendja momentale në Malishevë ka filluar të normalizohet, edhe pse gjatë ditës kishte gjendje emergjente, por fal ekipeve tona emergjente kemi arritë me kalu ketë situatë në komunën tonë”, tha Morina.

”Të gjitha fshatrat që kalon lumi Mirusha kanë qenë të rrezikuara, por për shkak të kushteve kemi pas të pamundur me ndihmu të gjitha shtëpitë, e që në një mënyrë ne kishim mundësi përmes kontakteve me të tjerët ndihmuam aq sa kishim mundësi”.

”Të gjitha mjetet që kishim ekipet emergjente, zjarrëfikësit, u mobilizuam me të gjithë për të kaluar situatën e krijuar, ne u mobilizuam që të mos lëshohen nxënësit pa përcjelljen e mësuesve sepse kjo ishte më e vështira për ne, por ajo cfarë neve na u shpërblye ishte se nuk patëm pasoja në humbje njerëzish”.

”Tani për momentin rruga Prishtinë-Rahovec është liru por ajo për Kjevë është e pamundur të kalohet, për dëmet që kanë qenë i kemi biznese të dëmtuara, kanë gjëra të tjera të dëmtuara bukur shumë”.

”Kanë qenë dy figura kryesore që na kanë përkrahur moralisht Presidentja e Kosovës Atifete Jahjaga si dhe Kryetari i Nismës Fatmir Limaj”.

”Për këtë nivel të ujit jemi kriju disa ekipe emergjente, është bukur vështirë të bëjmë një vlerësim se sa është dëmi por qysh nga nesër do të mundohemi që të konstatojmë dicka më konkrete”.

Limaj shpreh mirënjohje për qeverinë komunale të Malishevës

admin
-
0

Në lidhje me dëmet dhe vërshimet e shkaktuar gjatë ditës së sotme në vend e sidomos në komunën e Malishevës, ka reaguar edhe kryetari i NISMA për Kosovën Fatmir Limaj.

Ai nëpërmjet rrjetit social Facebook ka shprehur mirënjoje dhe mbështetje për qeverinë komunale e cila është shumë e mobilizuar dhe në krye të detyrës së saj për t’u dal në ndihmë qytetarëve që kanë nevojë.

“Reshjet e shiut mbrëmë dhe sot kanë shkaktuar përmbytje të mëdha në disa pjesë të Kosovë. Deri më tani komuna e Malishevës është në situatën më të vështirë nga këto përmbytje. Shfrytëzoj rastin të shprehi mirënjohjen dhe poashtu mbështetjën tonë për qeverinë komunale e cila është shumë e mobilizuar dhe në krye të detyrës së saj për tu dal në ndihmë qytetarëve që kanë nevojë”, ka shkruar Limaj.

“Gjithashtu mirënjohje për qytetarët të cilët janë aktivizuar së bashku me qeverinë komunale në ofrimin e ndihmës familjeve të prekura”.

“Unë pres që organet qendrore të aktivizohen dhe tu dalin në ndihmë zonave të prekura nga vërshimet”.

“Falenderoj zotin që deri tani nuk kemi pas viktima në njerëz”. /PrizrenPress.com

Visar Ymeri në Prizren: “Zajednica” dhe Demarkacioni, kanë vdekur

admin
-
0
Visar Ymeri në Prizren: “Zajednica” dhe Demarkacioni, kanë vdekur

Vetëvendosje! në Prizren ka mbajtur dy tubime, një në lagjen “Bajram Curri’ dhe tjetrin në lagjen “Bazhdarhane”.

Në këto tubime para të pranishmëve kanë folur kryetari i Lëvizjes Vetëvendosje, Visar Tmeri, si dhe Qednra e Vetëvendosjes! në Prizren: Drita Millakum, Arbër Rexhaj, Artan Abrashi dhe Jeton jagxhiu.

Kryetari i VV-së Visar Ymeri tha se nuk ka kuptim që të qëndrojë kjo Qeveri, sepse e ka humbur legjitimitetin për të qeverisur derisa ka shkelur kushtetutën e Republikës së Kosovës.

“Zajednica dhe demarkacioni me Malin e Zi kanë vdekur, por kjo Qeveri po mundohet t’i ngjallë sërish këto marrëveshje, prandaj për ne kjo është e papranueshme”, tha Ymeri,raporton PrizrenPress

“Aksionet tona simbolike si opozitë e bashkuar, protestat tona mbrenda Kuvendit të Kosovës kanë dhënë rezultate, prandaj ka për të dhënë rezultat edhe presioni i qytetarëve në protestën masive të 9 janarit, me ç’rast do të jetë fundi i kësaj Qeverie”, tha ai.

Ndërsa, në fjalën e aktivistëve të VV-së në Prizren u theksua nevoja e mobilizimit të qytetarëve të Prizrenit për të marrë pjesë masivisht në protestën e 9 janarit.

Prizreni nuk është vetëm qytet historik, ku ka lindur kombi, por është edhe qytet kulturor ku ka treguar edhe qytetari aktive, prandaj theksuan ata, qytetarët e Prizrenit e kanë obligim të marrin pjesë në protestën ku do të rrëzohet qeveria. /PrizrenPress.com

Organet e drejtësisë në Prizren, bashkë kundër korrupsionit

admin
-
0
Organet e drejtësisë në Prizren, bashkë kundër korrupsionit

Drejtuesit e organeve të drejtësisë në Prizren, kanë premtuar se bashkërisht do të punojnë në luftimin e korrupsionit.

Kryeprokurori i Prokurorisë Sylë Hoxha, kryetari i Gjykatës Ymer Hoxha dhe u.d. i drejtorit të Policisë në Prizren , Lumni Graishta, në një takim të përbashkët, janë pajtuar që bashkërisht të angazhohen në luftimin e korrupsionit dhe krimeve të tjera.

“Qëllim i takimit të sotëm është thellimi i bashkëpunimit të këtyre institucioneve, që si prioritet mbi prioritetet kemi luftimin e krimit dhe të korrupsionit”, tha kryeprokurori Sylë Hoxha

“Me shtimin e numrit të prokurorëve dhe bashkëpunëtorëve profesional, Prokuroria e Prizrenit do të jetë edhe më efikase në angazhimet e saj”.

Ndërkaq, Ymer Hoxha, kryetar i Gjykatës Themelore, pranoi faktin se këto institucione po hasin në vështirësi.

“Me koordinimin e veprimeve të duhura ndërinstitucionale, funksionimi i organeve të drejtësisë dhe atyre të rendit do të jetë më i suksesshëm”.

Këtë takim e vlerësoi të rëndësishëm edhe u.d i drejtorit të Drejtorisë Rajonale të Policisë në Prizren, Lumni Graishta.

“Policia do t’i shtojë aktivitetet e saj më tepër këtë vit në suaza të përgjegjësive që ka ajo, për të pasur një ambient sa më të sigurt për të gjithë qytetarët”, tha Graishta. /TV Prizreni/

1...6 4226 4236 424...8 796Page 6 423 of 8 796

Të gjitha materialet e portalit janë të mbrojtura me të drejtat autoriale. Ato mund të kopjohen, modifikohen, dhe ripublikohen vetëm duke iu referuar burimit PrizrenPress.com. Të drejtat autoriale janë të rezervuara, sipas dispozitave ligjore në fuqi në Republikën e Kosovës.

© 2019 NuclearAnt.

Kategoritë

Lidhuni Me Ne