Kryetari i Komunës së Prizrenit,Ramadan Muja ka mbajtur një takim emergjent me drejtorët e Ekzekutivit. Ai ka diskutuar gjendjen e krijuar pas reshjeve të shiut.
Në këtë takim i është bërë thirrje qytetarëve që të janë vigjilent përreth rrjedhave të lumenjve dhe aty ku paraqiten vështirësi të natyrave të ndryshme të njoftojnë autoritetet komunale në numrat e telefonit 112 dhe 193, të cilët janë në shërbim të qytetarëve përgjatë 24 orëve në vazhdim./PrizrenPress.com/
Aktivistët e subjekteve politike opozitare kanë zhvilluar një aksion simbolik para objektit të Qeverisë së Kosovës, ku kanë kërkuar përsëri dorëheqjen e pushtetarëve, duke i akuzuar për shkelje të Kushtetutës.
Ata vendosën sot rreth e rreth Qeverisë shiritin me mbishkrimin “Vendi i krimit: Këtu rrinë shkelësit e Kushtetutës”.
Sipas opozitës, marrëveshjet e 25 gushtit dhe ajo e 26 gushtit, janë marrëveshje kriminale që e dëmtojnë rëndë sovranitetin dhe integritetin territorial të vendit. Për këtë arsye, opozita e bashkuar tash e 4 muaj është vënë me të gjitha kapacitetet në mbrojtje të Republikës. Me aksione të shumta, tubime, manifestime, protesta brenda dhe jashtë Kuvendit të Kosovës, kemi arritur që t’i ndalim edhe “Zajednicën”, edhe Demarkacionin me Malin e Zi.
Endrit Hoxha i Nismës për Kosovën, tha se opozita e bashkuar përmes aksionit të sotëm po e përsërisin se marrëveshjet e arritura në Bruksel janë antikushtetuese.
Sipas tij, krimi duhet të dënohet, dhe dënimi i krimit të Qeverisë, në këtë rast është dorëheqja.
“Qeveria PDK-LDK-Srpska, e themeluar në Rashkë, komplet mandatin e vetë ia kushtoi legalizimit të ndërhyrjeve ilegale të Serbisë brenda Kosovës. Isa Mustafa dhe Hashim Thaçi, e gënjyen popullin e Kosovës me premtime për qindra mijëra vende të reja pune, përderisa projekti i tyre kryesor në tërë mandatin ishte negocimi i pakusht me Serbinë dhe krijimi i “Zajednicës””, ka thënë ai.
Lirjeta Zeka nga Lëvizja Vetëvendosje tha se kjo qeveri është ndërtuar mbi një dosje kriminale e cila i ka sjell Kosovës vetëm konsensionet e dëmshme.
“Mustafa e Thaçi e gënjyen popullin e Kosovës se kinse do të anëtarësohemi në UNESCO, e kinse do të ketë raport pozitiv për liberalizim të vizave. Ata gënjyen kur thanë që Kosova nuk humb asnjë milimetër me demarkacion me Malin e Zi. Për më tepër, ata e gënjyen gjatë popullin e Kosovës duke thënë që “Zajednica” është në përputhje të plotë me Kushtetutën, dhe që nëse nuk del ashtu, do të japin llogari”, ka thënë ajo.
Ajo ka shtuar se Gjykata Kushtetuese, megjithëse e ndikuar nga pushteti, prapë se prapë nuk arriti t’i arsyetojë veprimet e Qeverisë.
“Ajo e tha qartë që 23 nene të Kushtetutës janë shkelur me marrëveshjen për “Zajednicën”. Tash, jemi në një situatë të re. Përveç që do të bien këto marrëveshje, duhet të largohet edhe Qeveria. Republika e Kosovës nuk mund të udhëhiqet nga ata që e përmbysën rendin kushtetues. Tash është koha që të japin llogari. Ata duhet të largohen nga pushteti. Ose në të kundërtën, ne si qytetarë të Republikës, do t’i detyrojmë që të largohen. Prandaj, mandati i tyre është kaq i shkurtër. Prandaj, fundi i kësaj qeverie nis më 9 janar”, ka shtuar Zeka.
Seremb Gjergji
Korrupsioni, në Kosovë dhe jo vetëm në Kosovë, por në të gjithë Ballkanin mund të ndalohet. Përveç vullnetit politik, së pari ka nevojë për mekanizmat parandalues.
Kjo Strategji paraqet hapat që ndalojnë Korrupsioni deri në maksimum në dy drejtime:
1. Prokurim Publik – aktualisht shpenzohen €300-350 milion euro në vit dhe,
2. Tregtia (Importi i Mallrave) ku qarkullimi me mallra ilegalisht është në vlerë rreth €5 miliardë euro (jo milionë) në vit – duke mos llogaritur hyrjet legale që arrijnë rreth €3 miliardë euro – sipas Ministrisë së Financave.
Strategjia ndihmon procesin e anëtarësimit në BE dhe Liberalizimit të Vizave. Kryeministër, Prokurimi Elektronik nuk e ndalë korrupsionin. Aktualisht të gjitha aplikimet dërgohen në mënyrë elektronike. Madje as nuk i kursen Buxhetit të Kosovës €80 milion euro. Keni rënë pre e kalkulimeve amatore të disa njerëzve në Qeveri. Pyetja ime është: kush ka të drejtë t’i fshij aplikimet? Ju njoh nga viti 1996 dhe e di qe jeni më i fuqishëm!
Ambasador Delawie, ky dokument vë në jetë masa institucionale të cilat parandalojnë deri në 90% tërë SPEKTRIN e korrupsionit në vend. Aplikimi i këtij dokumenti largon një pjesë të madhe nga skena korruptive, ndërsa Spektrin tjetër e vë para drejtësisë. Ambasador i dashur dhe i respektuar, ta shohim se a do të ndihmoni t’i veni këto masa në fuqi. Kërkesa imë vlen për vendet aleate dhe mike të QUINT-it!
Si ndalet korrupsioni në Prokurim
Prokurimi Elektronik, nuk e ndalon korrupsionin, por është fillim i mbarë për të vënë në jetë proceset institucionale të ndalimit të korrupsionit.
Janë 6 hapa/pika, secila më e rëndësishme se tjetra, për të parandaluar dhe minimizuar korrupsionin ne fushën e Prokurimit.
1. Procesi tenderues duhet të bazohet në kriterin e Kualitetit të produktit e jo në kriterin e Çmimit të ulët. Sikur çmimi më i ulët të jetë i leverdishëm, atëherë këtë standard do ta aplikonin gjermanet. Detajet e të cilit i di më se miri Ambasadorja gjermane Angelika Viets.
2. Kur në tender – fituesi i parë nuk arrijnë ta plotësoi kushtin, atëherë Autoriteti i Prokurimit Publik ofertën ia ofron të dytit, të tretit apo cilit do me çmimin e prezantuar nga oferta e parë. Nëse asnjëri nuk e plotëson kushtin – shkon në ri-tenderim. Në këtë mënyrë APP-ja (Autoriteti i Prokurimit Publik) eliminon krimin ekonomik dhe korrupsionin – duke mos lejuar kompanitë t’ia shesin tenderin njëra-tjetrës.
3. Çmimi i produktit të ofruar nga fituesi i tenderit nuk e tejkalon më shumë se 5% çmimin e pakicës në vend. Psh: €16 euro – më së shtrenjti shkon €16.8 euro cent. Nëse e kalon kuotën e 5% të vlerës së pakicës në treg, atëherë në baza vullnetare ajo/ai nënshkruan burgosjen dhe konfiskimin e pasurisë. Indeksi i çmimeve në treg është prezent në faqen Agjencisë së Statistikave të Kosovës (ASK) dhe rifreskohet në baza të rregullta.
4. Të kenë të drejtë të ankohen për një tender vetëm kompanitë e fushës përkatëse të sferës së njëjtë të biznesit. Jo të ketë të drejtë që një kompani zhavorri të ankohet për tenderët e blerjes së pajisjeve telekomunikuese. Rast që ka ndodhur me Telekomin e Kosovës e që e ka bllokuar zhvillimin e kësaj kompanie. Ky nen ligjor duhet ndryshuar në Kuvendin e Kosovës!
5. 10% të tenderit të fituar i jepet menjëherë kompanisë fituese dhe kompania paguan 20% tatim, të holla, me të cilat ndihmon zhvillimin dhe avancimin e kompanisë. Amandamentimi i ndryshimit bëhet në Ligjin për Tatime në Kosovë. Ky veprim i bën vetëm kompanitë serioze të aplikojnë – sepse nuk ua lejon as marzhën minimale të gabimit, për shkak të Sigurimit të TENDERIT që duhet të ofrojnë.
6. Ndër më të rëndësishmet – formimi i një Komisioni Profesional për Monitorimin e Kontratave. Ky Komision duhet të jetë i pavarur nga fushat/lëmit e ndryshme për monitorimin e kontratave gjatë ekzekutimit.
KRPP me ligj ka për obligim krijimin e këtij komisioni – gjë që në letër e ka bërë.
Presidente dhe Kryeministër, a e dini që ky KOMISION nuk e ka monitoruar asnjë kontratë të vetme nga dita e themelimit. Ku jeni ju Qeveri dhe Presidencë e nderuar?
Nuk ka faj Ambasadori anglez Ruari O’Connelli kur pyet se “Kush e merr përgjegjësinë për luftimin e korrupsionit që e dëmton Kosovën”?
Mendoj se të gjitha institucionet nga pak; por kur mblidhen të gjitha, bëhet tepër. Zhgënjehet qytetari, vdes ekonomia dhe kthehemi në kohen e Bajraktarizmave apo fillet e Feudalizmit. Ka ardhë koha dhe mundësia të ndryshojmë. Ta bëjmë së bashku – të gjithë nga pak!
2. Ndalja e Tregtisë Ilegale
Çdo vit institucionet e Kosovës ankohen për hyrjet ilegale të mallrave nga veriu, jugu, lindja apo perendimi; por që asgjë nuk bëjnë për ta parandaluar. Madje as me ekipe mobile – se shumica e automjeteve mobile janë në defekt. Por këtu nuk ndalet trafikimi ilegal i mallrave. Besohet se çdo vjet në Kosovë hyjnë ilegalisht mallra në vlerë rreth €5 miliard euro. Një biznes dhe fitim i jashtëzakonshëm karshi TENDEROMANISË. Por, askush nuk e diskuton – arsyen unë nuk e di? Ndoshta gishti drejtohet kah fajtori i vogël, për ta mbuluar të madhin?!
Po, ambasador Delawie – e ardhmja jonë si Kosovë varet nga luftimi i krimit; në rastin konkret Krimit Ekonomik. Duke e parë se si politika kosovare është e influencuar nga grupet e interesit, e shpesh edhe të kriminalizuar – kjo Strategji i jep zgjidhje nga fundi e jo nga koka (bottom-up).
Zgjidhja vjen nga qytetari i zakonshme si unë; i cili dëshiron që ky vend të lulëzoj jo vetëm për atë dhe familjen, por edhe për nipër e mbesa e stërnipër e stërmbesa. Qeveria por edhe aleatët dhe miqtë tanë nga QUINT-i, duhet ta ketë të qartë se me këtë projekt, në fund-vitit, Buxheti i Kosovës ndanë për qytetarët €10 milion nga mbledhja e Kuponëve Fiskal, por mbushë hambarin me €5.5 miliard euro. Zhduke €5 miliard euro trafikim mallrash ilegal dhe krim ekonomik dhe ndërton standard edhe për vendet për rreth.
1. TVSH-ja e shpenzimeve/blerjeve vjetore familjare, kthehen përsëri tek xhepi i konsumatorit; çdo fundvit. Në këtë mënyrë, ndalet INFORMALITETI në tërë Kosovën. Qytetari e ruan shtetin sepse në fund të viti i kthehen mesatarisht €800. Njëherësh, të gjitha hyrje-daljet e mallrave në shtet janë të regjistruara. Mallrat ilegale obligohen të regjistrohen, për të pasur mundësi shitjeje e tyre përmes kuponit fiskal. Çdo qytetar do të blinte vetëm ku ka kupon fiskal – askund tjetër (shih rritja e buxhetit €5.5 miliard: http://seremb.com/StrategjiaKosoves.aspx).
2. Ndalimi i ekonomisë importuese JO-formale – Inspektorët përqendrohen vetëm në raste të veçanta ndërmjet Doganës dhe Kompanive – sepse vet qytetari e ruan arkën e shtetit. Ky veprim qytetar bënë që të regjistrohen të gjitha mallrat – legale apo ilegale. Në këtë mënyrë €5 miliard euro në tregtinë ilegale dhe rreth €3 miliard në atë legale bëhen pjese e një ekonomie të qëndrueshme.
3. Me paratë e kthyera në fund të vitit – ATK-ja në bashkëpunim me Komunat e Kosovës e ndal tatimin në pronë secilit përfitues nga kthimi i TVSH-së; para se t’u kthehen paratë. Kjo, i pasuron të gjitha komunat – të cilat do të aplikonin taksa për të gjitha pronat – pa dallim, në qytet, fshat apo në bjeshkë. Komunat e Kosovës bëhen të vet-qëndrueshme.
Hambari i Shtetit (Buxheti) me këtë koncept do të ishte plot. Prodhimi dhe investimet e brendshme do të shkonin në kulm. Marrëveshja ekonomike me FMN-në vërtete do të zinte vend sepse Buxheti i Kosovës do të kishte para të mjaftueshme për investime kapitale. Do ta ndalonte ne 95% korrupsionin dhe krimin ekonomik. Kosova do të ishte vend lider në Ballkan për luftimin e korrupsionit.
3. Kush e stimulon korrupsionin?
Pozita dhe Opozita së bashku janë pajtuar që ndoshta një ditë do ta procedojnë në Kuvend ligjin mbi financimin e Partive Politike në Kosovë. Ligj ky që do të bënte publike çdo transaksion financiar të secilit entitet politik.
Mos procedimi dhe aprovimi i këtij ligji – më bënë të kuptoj se Partitë Politike nuk janë të gatshme ta luftojnë këtë dukuri/veti të turpshme për ne dhe për ta.
Ambasadori anglez në Kosovë z. O’Coneli në gazetën ZERI (www.zeri.info) kërkon njerëz në marrjen e përgjegjësi dhe luftimin e korrupsionit. Unë besoj, i nderuari Ambasador dhe të nderuar Ambasadorë në Kosovë, se janë vet Partitë Politike të cilat e stimulojnë korrupsionin me mos deklarimin e financave partiake. Pyetja juaj se: “Kush është përgjegjës për politizimin e pozitës zyrtare dhe kush merr përgjegjësi”, e ka vetëm një përgjigje: Jemi vet ne!
Policia e Kosovës ka arrestuar një person në fshatin Randobravë të komunës së Prizrenit, pasi që i njëjti ka shtënë me armë zjarri në ajër.
Sipas policisë, të dyshuarit i është gjetur dhe konfiskuar një armë e llojit TT M57 me 45 fishek të cal.7.62mm.
Me urdhër të prokurorit i njëjti është dërguar në mbajtje. /PrizrenPress.com
Ato mund ta shkrijnë zemrën tuaj, t’ju bëjnë të qeshni dhe të harroni gjetjen e një shamie për të fshirë lotët. Nëse jeni duke kërkuar për personin special ose harenë e dashurisë, këto vepra klasike të përhershme dinë si t’ua prekin telat e zemrës. Kështu që, futuni nën batanije, fikni dritat që mund t’ju bezdisin dhe gjejeni veten në rrëfimet më të bukura të dashurisë së të gjitha kohërave.
“Majat e stuhishme”: Çmenduria e madhe e zemrës (Total eclipse of the heart)
Në një nga klasikët më të mëdhenj që kanë thyer zemrën e dhjetëra brezave, në linjat e skenarit “dashuria e humbur mund të kthejë një njeri të mirë në të keq”, romani Emily Bronte na shpie në vendqëndrimin e “Majave të stuhishme” të 1802-shit.
Në këtë histori dashurie të pakohë, personazhi ynë kryesor, Heathcliff, rritet duke u kthyer në mikun më të mirë të motrës së tij të birësuar, Catherine, dashurisë së tij të përjetshme. Por një koment i thënë papritmas dhe i përhapur në të gjithë Majën, ndryshoi korsinë e jetës së tyre përgjithmonë.
Fakte zbavitëse: Balada e fuqishme e Bonnie Tyler 1983 “Total Eclipse of the Heart”, është frymëzuar pikërisht nga “Majat e stuhishme”.
“Anna Karenina”: Dashuria mund të jetë shkatërrimtare
Një nga përzgjedhjet më të shpeshta sipas autorësisë, ky roman i Tolstoit është i përngjashëm me një telenovelë. I vendosur në qarqet më të larta të shoqërisë ruse, Anna Karenina viziton vëllain e saj Stiva në Moskë për ta ndihmuar të shpëtojë martesën e tij. Teksa gjendej atje, ajo dashurohet me kontin Vronsky. Një grua e martuar, Karenina lufton me dëshirat e saj derisa ato e pushtojnë tërësisht. Ajo largohet nga bashkëshorti i saj, gjenerali Aleksei. Pas mohimit të së drejtës për divorc, Anna vazhdon të gjithë jetën e saj duke kërkuar pranimin e kësaj marrëdhënieje. Kur njolla e jetës së saj dashurore bëhet shumë e madhe, Anna lë Vronsky në inat dhe … Epo, nëse nuk e keni lexuar ende, bëjeni! Ne nuk do të japim asnjë fund zemërthyes këtu.
Fakte zbavitëse: “Anna Karenina” u bë një nga bestsellerët më të mirë të të gjitha kohërave në 2004-n, pasi Oprah e vendosi atë në listën e të preferuarve.
“Romeo dhe Xhuljeta”: Ku është arti, Romeo?
Në një nga veprat më të njohura të Uilliam Shekspirit, kjo romancë e “dashnorëve në yje” është treguar dhe interpretuar nëpër kohë (që nga filmi klasik “West Side Story” në të mirënjohurin Romeo dhe Xhuljeta). Një histori që mund të lidhë të gjithë të dashuruarit, Romeo dhe Xhuljeta fokusohet në tragjeditë që shoqërojnë humbjen e dashurisë së vërtetë. Të dashurit Romeo Montague dhe Juliet Capulet, dy nga klanet më të famshme të letërsisë, vinin nga anët e kundërta të Veronës dhe mosdakordësia e familjeve mbi dashurinë e tyre shpie në vetëflijim.
Fakte zbavitëse: Në lojën e famshme kompjuterike “The Sims 2?, ndodhet një lagje me emrin Veronaville, në të cilën dy personazhet Romeo Monty dhe Juliette Capp bien në dashuri.
“Kazablanka”: Luaje përsëri, Sam
I famshëm nga loja fantastike e Humphrey Bogart dhe Ingrid Bergman, kjo histori dashurie, fillimisht nga një dramë e Murray Burnett, është kthyer në një skenar kinematografik nga skenaristët vëllezër Julius e Philip Epstein dhe miku i tyre Howard Koch. Në këtë narracion, amerikani Rick Blaine është pronar i klubit të lojërave të fatit “Rick’s Cafe Americain” në qytetin maroken të Kazablankës. Me ngjarje të zhvilluara gjatë Luftës së Dytë Botërore, Rick është një njeri i ashpër pas tradhtisë së të dashurës Ilsa Lund. Kur ajo kthehet sërish papritmas në jetën e tij, me bashkëshortin, Rick i duhet të përballet me lëndimet e së shkuarës.
Fakte zbavitëse: Në një sondazh të 2005-s nga Instituti Amerikan i Filmit, citimi nga filmi “Kazablanka”: “Ja ku po të shoh, zemra” u rankua e pesta nga skenat më të rëndësishme të historisë së kinemasë. Së bashku me të, edhe gjashtë skena të tjera nga ky film janë rankuar në 100 më të mirat.
“Ëndrra e një nate vere”: Ëndërro një ëndërr të vogël
Një komedi romantike nga Uilliam Shekspir, e vendosur në Athinën kur duka Tezeus bën plane për një festival të madh në nder të martesës së tij. Përgjatë kësaj kohe, vajza e Tezeusit, Hermia, refuzon të martohet me të fejuarin e saj pas dashurisë dhe përkushtimit për Lisandin. Kundër dëshirave të babait të saj, ajo ia mbath duke u fshehur në pyll dhe … gjeje pak, kush ishte atje në të njëjtën kohë? … E gjithë historia na paraqet trekëndëshin e një dashurie të re me një fund surprizues!
Fakte zbavitëse: Më 1989-n, në filmin e famshëm “Shoqëria e poetëve të vdekur”, personazhi kryesor Neil Perry (i luajtur nga Robert Sean Leonard), është bërë pjesë e kastit pikërisht nga roli i Puck që po luante në një shfaqje ndërqytetëse tek “Ëndrra e një nate vere”.
“Doktor Zhivago”: Djali takon vajzën
Ky roman rus, fitues i çmimit “Nobel” nga Boris Pasternak, është klasiku i kahershëm i historisë së dashurisë së një burri për dy gra. Yuri Zhivago është doktor dhe poet në Revolucionin Rus të 1917-s. I martuar me aristokraten Tonia, ai dashurohet me infermieren Lara. I vendosur në periudhën e luftës, ky trekëndësh i dashurisë së Zhivago bëhet pre e një ndërthurjeje fatesh dhe kthehet në një sfond protagonisti luftarak kundrejt një zemre të brishtë.
Fakte zbavitëse: Versioni i parë filmik i “Doktor Zhivago” ka qenë një version i konceptuar për serial televiziv në Brazil më 1959-n.
“Ndjesi dhe ndjeshmëri”: Motra dhe shoqe të shpirtit
Një tjetër klasik i 1811-s nga Jane Austen, kjo histori dashurie rrotullohet rreth motrave Dashwood – Elinor dhe Marianne. Me ndarjen nga jeta të babait të tyre, ato humbin pronën e familjes dhe kushtëzohen në një jetë të varfër. Historia ndjek motrat teksa ato largohen në distancë, por jo në dashurinë shpirtërore dhe romanticitetin që i karakterizon.
Fakte zbavitëse: Në një version të ri nga Ang Lee më 1995-n të “Ndjenja dhe ndjeshmëri”, gjashtë aktorë kanë qenë gjithashtu protagonistë të filmave të Harry Potter: Emma Thompson (Sybil Trelawney), Alan Rickman (Severus Snape), Gemma Jones (Madam Pomfrey), Robert Hardy (Cornelius Fudge), Elizabeth Spriggs (The Fat Lady) dhe Imelda Staunton (Dolores Umbridge).
“Liaisons i rrezikshëm”: Rreziku i Liaisons është një roman i kompozuar me letra
Ky roman klasik i shek. XVIII, nga Pierre Choderlos de Laclos është padyshim historia më e errët e zilisë, etjes për pushtet, mashtrimit dhe romancës. Me aktorë protagonistë Markezën de Merteuil, që kërkon që partneri i saj Vikomti de Valmont, të joshë vajzën e vogël të kushërirës së saj. Ndërkohë, e reja Cecile është e turbulluar nga profesori i saj, Kavalier Danceny. Histori dashurie, mashtrimi dhe gënjeshtre shpërfaqen në këtë histori.
Fakte zbavitëse: Filmi kult i 1999-s, “Qëllime djallëzore”, është një përshtatje moderne e romanit “Liaisons i rrezikshëm”.
Krenari dhe paragjykime: Një lojë në letërsi e maces dhe miut, e njohur botërisht si romani më i famshëm i Jane Austen
Charles Bingley është një i ri në qytezë dhe jeton në një pronë me motrat dhe mikun e tij të ngushtë Fitzwilliam Darcy. I quajtur si “gjahu” nga të gjitha të rejat beqare të qytezës (për pamjen dhe paratë e tij), Darcy njihet edhe për një person snob. Fqinja Elizabeth Bennet ndihet e poshtëruar nga kjo ego e sëmurë e Darcy teksa afrimi i të dyve në ballo kthen të gjithë faqen e historisë.
Fakte zbavitëse: Libri “Ditari i Bridget Jones” nga Helen Fielding është frymëzuar nga “Krenari dhe paragjykim”.
“Gungaçi i Notre Dame” i Viktor Hygo: Oh Kuazimodo
Novela e Viktor Hygo, vendosur në Paris më 1482-shin, vendos në qendër Katedralen e Notre Dame. Në këtë histori, ku “dashuria e vërtetë vjen nga brendësia”, kërcimtarja rome Esmeralda dashurohet me Kuazimodon e saj, një gungaç zemërmirë, por i deformuar. Me urdhër të Arkidukës Frollo, Kuazimodo përpiqet të rrëmbejë Esmeraldën, por kapet nga rojat. Në gjyq, Kuazimodo poshtërohet nga publiku dhe viktima e tij Esmeralda ndien keqardhje për të. Më pas, Esmeralda procesohet dhe dënohet me vdekje për vrasjen e Foebusit, por në ditën e gjykimit ajo shpëtohet nga vdekja prej Kuazimodos së saj. Por a mund ta kalojë dashuria e vërtetë diferencën e saj me pamjen e tij?
Fakte zbavitëse: Gungaçi i Notre Dame është bërë pjesë e adaptimeve televizive disa herë dhe ka në kast dy Anthony-s për rolet kryesore – Anthony Quinn më 1956-n dhe Anthony Hopkins më 1982-shin. /Politiko.net
Drejtoresha e Institutit Hidrometeorologjik të Kosovës, Letafete Latifi, në emisionin Ora e Fundit të Klan Kosovës ballë për ballë Shkodran Gajrakut, ka diskutuar rreth vërshimeve, kur do të ndalen dhe si do të jetë gjendja e motit këto ditë.
Latifi ka thënë se reshjet do të ulen dhe gjithë këto vërshime kanë ardhur nga shkrija e shpejtë e borës dhe reshjet e dendura të shiut për një kohë të shkurtër.
“Në ditët në vazhdim pritet të ketë reshje, por më një intensitet më të ulët se sa ato që patëm sot dhe mbrëmë. Në të gjitha stacionet meteorolgijike që kemi janë monitoruar reshjet ka pas shumë reshje, 38 litër për metër katror, në Istog 54 litër për metër katror, dhe Ferizaj 35 litër për metër katror.”
“Shtresa e borës është shkrirë për një kohë shumë të shkurtër dhe në viset malore kemi pasë shtresa bore deri në 40 centimetra dhe përmes përroskave malore shkaktojnë përmbytje në ultësira. “
“Ne kemi bërë parashikime sinoptike se do të ketë reshje. Që nga sot është vërejt një ngritje e ujërave në lumenj deri në mesditë, por që nga mesdita ka pas një rritje më të lartë të ujërave në lumenj, kjo edhe për shkak të shkrimit të borës në mesditë.”
“Në ora 21:00 niveli i Drinit të Bardhë në Gjonaj është rritur edhe më shumë”.
“Parashikimi sinoptik jep se do të ketë reshje shiu, por me intensitet të ulët”, ka përfunduar Latifi, njofton Klan Kosova.
“Aleksandër Lumezi është orientuar kah gjyqet politike, sipas urdhrave të Isa Mustafës e Hashim Thaçit. Kjo na vërteton edhe një herë se duhet çrrënjosur ky pushtet, në mënyrë që pushteti i gjyqësisë të veprojë i lirë, i pakërcënuar dhe në ndjekje të krimit të organizuar”, deklaroi Albulena Haxhiu
Kosova, që nga përfundimi i luftës, më shumë se nga çdo gjë tjetër po lëngon nga niveli i lartë i korrupsionit dhe krimit të organizuar, që dyshohet se janë të përfshirë zyrtarët e lartë. Kapja e shtetit është thelluar vitet e fundit, ndërsa drejtësia e politizuar i ka amnistuar deri tash të korruptuarit. Shumë politikanë, që kanë pasur ose kanë pozita të larta, kanë bërë pasuri të pajustifikueshme, të cilat edhe i deklarojnë çdo vit në Agjencinë Kundër Korrupsionit. Brukseli ka kërkuar që të luftohet korrupsioni i niveleve të larta, por rezultatet mungojnë, edhe pse një mision i BE-së vazhdon të jetë prezent në vendin tonë. Edhe liberalizimi i vizave mbetet i kushtëzuar nga arrestimet e të ashtuquajturve “peshqit e mëdhenj”.
Ekrem Lutfiu, zëdhënës i Këshillit Prokurorial të Kosovës, thotë se prokurori i Shtetit vepron në çdo moment aty ku dyshohet se ka vepër penale apo krim të organizuar. “Në momentin që dyshohet se ka vepra të lartcekura, prokurori i Shtetit menjëherë fillon hetimet lidhur me rastet në fjalë”, thuhet në përgjigjen e Lutfiut, i cili nuk ka pohuar asgjë nëse sivjet mund të ketë furtunë arrestimesh në nivele të larta…/kosova sot/
Zgjedhja e zëvendëskryeministrit dhe njëherësh ministër i Punëve të Jashtme, Hashim Thaçi, në postin e presidentit mund ta rikthejë në krye të diplomacisë ish-ministrin Enver Hoxhaj. Mësohet se ai është kandidati më i mundshëm për ta marrë postin e kryediplomatit kosovar, i cili aktualisht drejton Komisionin Parlamentar për Punë të Jashtme.
Burime të “Zërit” kanë thënë se janë disa opsione, por më i përafërti është opsioni i rikthimit të ish-ministrit të Punëve të Jashtme, Enver Hoxhaj, si pasues i Thaçit. “Në postin e ministrit të Punëve të Jashtme, pas zgjedhjes së ministrit aktual, Hashim Thaçi, në postin e presidentit të Kosovës do të shkojë ish-ministri, Enver Hoxhaj”, ka thënë një burim brenda koalicionit qeveritar.
Gjatë kësaj kohe sa Kuvendi është në pushim para nisjes së sesionin pranveror, sipas burimeve të “Zërit”, po diskutohen edhe opsione tjera. E, njëra prej tyre është edhe ndërrimi i ministrave në kabinetin qeveritar.
Pas zgjedhjes së Thaçit në postin e presidentit, njëri nga opsionet e menduar është edhe emërimi i ministrit aktual të Punëve të Brendshme, Skënder Hyseni, në postin e kryediplomatit, derisa PDK-ja ta marrë drejtimin e MPB-së. Mirëpo, ky opsion shihet si vështirë i realizuar.
Ende s’kemi folur në organet e partisë për emër konkret
Mirëpo, në Partinë Demokratike të Kosovës thonë se ende nuk kanë biseduar në organet e partisë për emra konkretë, se kush do ta marrë drejtimin e diplomacisë kosovare pasi Hashim Thaçi të votohet për president të vendit.
Sekretari i përgjithshëm i PDK-së, Basri Musmurati, ka thënë për “Zërin” se së pari do të respektohet marrëveshja e koalicionit me të cilin do të zgjidhet kreu i PDK-së në postin e presidentit, pastaj do ta zgjedhin edhe njeriun e duhur për ministër të Punëve të Jashtme.
Përfaqësuesit e subjekteve politike opozitare besojnë se protesta e 9 janarit për rrëzimin e Qeverisë “Mustafa” do të jetë protesta më e madhe në Kosovë që nga përfundimi i luftës, ndërsa demonstratat do të vazhdojnë deri në dorëzimin e kryeministrit.
Në anën tjetër përfaqësuesit e Qeverisë së Kosovës konsiderojnë se me vendimin e Gjykatës Kushtetuese për Marrëveshjen për Asociacionin, opozitës i është rrënuar preteksti për të protestuar, ndërsa arsyeja është “verbëria pas pushtetit”.
Zëdhënësi i Lëvizjes “Vetëvendosje”, Frashër Krasniqi, ka thënë se edhe në të kaluarën ka pasur mjaft shumë protesta politike në të cilat pjesëmarrja e qytetarëve ka qenë shumë e madhe. Ndërsa, në raste tjera, sipas tij, Qeveria ka manipuluar me qytetarët, prandaj protestat nuk kanë qenë shumë masive.
“Mendojmë që një nga arsyet për mospjesëmarrje të njerëzve në të kaluarën, është manipulimi i opinionit të tyre që është bërë nga Qeveria duke i trajtuar protestat si të pavlefshme dhe të panevojshme. Sidoqoftë, sot në Kosovë po ndryshon situata. Çdo herë e më shumë ka gatishmëri qytetare për protesta, dhe kjo u vërtetua edhe në manifestimet e organizuara nga opozita gjithandej Kosovës”, ka deklaruar Krasniqi/zeri/
Kryetari i Suharekës, Sali Asllanaj ka shpalosur detajet më të reja në lidhje me situatën e krijuar nga vërshimet e shiut të rrëbeshëm në këtë komunë.
”Sot kishim një ditë mjaft të mundimshme, dhe pamjet kanë qenë mjaft trishtuese në disa fshatra”, tha Asllanaj në një lidhje direkte në edicionin e së mërkurës të emisionit Ora e Fundit në Klan Kosova.
”Por fatmirisisht kjo gjendje është mbuluar mjaft mirë pa dëme në njerëz të humbur, megjithatë duke iu falënderuar ekipeve të shpëtimit, me kompani të Therandës që kanë ndihmuar për të përballuar këtë situatëpasi që uji kishte kapluar bodrumet”.
”Kjo ishte sfida më e madhe këtu qysh nga viti 1994, ndërsa tashmë Suharekës iu është kthyer normaliteti pas një dite me pamje tejet dramatike”.
”Kishte mjaft vështirësi të mëdha për qarkullim prandaj e kishim mjaft të vështirë për të evakuar nxënësit”.
”Në këtë rast nuk kemi mundësi shumë për të llogaritë në fonde, por mund të themi se kjo qështje është përfundu mjaft mirë me ndihmën e secilit që kanë rrezikuar jetën e tyre”.
”Telashet për mësim kanë qenë minimale prandaj ndrrimin e pasditës për mësim e kemi ndërpre prandaj nuk ka pasur ndonjë rrezik”.
”Nesër do të formohet komisioni për të shqyrtuar edhe për dëmet materiale, natyrisht që për fondet emergjente që kemi do të kompenzojmë gjithcka”.