Ndarja e shkollave në dy cikle ka bërë që edhe qendrat e votimit të ndahen në dysh.

Në Prizren ka dy raste të tilla.

Njëra ka mbetur në fillim të listës së qendrave të votimit në Prizren, derisa e dyta tani është e fundit në listë.

Shkolla fillore “Abdyl Frashëri” ka mbajtur numrin 2002, derisa shkolla e mesme e ulët “Hysen Rexhepi” në këto zgjedhje është emërtuar si qendra e votimit 2075.

Në QV 2002 përkatësisht në shkollën “Abdyl Frashëri” sipas KQZ-së mund të votojnë 6,575 votues. Ndërkaq në QV 2075 respektivisht në shkollën “Hysen Rexhepi” mund  të votojnë 5,542 votues.

Duke qenë në fund të listës edhe materiali i ndjeshëm zgjedhor për QV 2075 sipas menaxheres, Lumnije Rakaj ka ardhur me vonesë dhe ka bërë që procesi i votimit të nis me vonesë prej 30 minutash.

Megjithatë aktualisht votuesit po e ushtrojnë të drejtën e tyre qytetare me një intensitet më të shtuar sesa në orët e mëngjesit në të dyja shkollat që gjenden në një oborr.

Ngjashëm nga gjiri i shkollës “Lekë Dukagjini”, vite më parë është themeluar edhe shkolla e mesme e ulët “Gani Saramati”.

Procesi zgjedhor po zhvillohet edhe në shkollën “Lekë Dukagjini” me 6,598 votues dhe shkolla “Gani Saramati” me 6,566 votues, të cilat figurojnë si QV 2008 dhe QV 2009. /Telegrafi/

Pas plot 1 orë e 10 minuta vonesë, qendra e votimit në shtëpinë e kulturës në Prizren u hap.

T7 raportoi edhe më herët për këtë vonesë, duke siguruar edhe një video nga hyrja e kësaj qendre të votimit, ku një makinë e parkuar që bartte kutinë e votimit ishte aty ani pse procesi ishte paraparë të fillonte në orën 07:00.

Nesër, më 9 shkurt, Kosova do të mbajë zgjedhjet parlamentare, përcjell PrizrenPress.

Sipas raportimit të Klan Kosovës, 118 mijë votues do të jenë nga Prizreni, nga Suhareka 60 mijë votues, e nga Dragashi do të jenë mbi 40 mijë votues.