Kryetari i Nismës për Kosovën, Fatmir Limaj ka rrëfyer për herë të parë takimin e Sllobodan Millosheviqin në Hagë.
Ai ka thënë se Millosheviqin e ka takuar në lift.
Dëgjojeni një pjesë të rrëfimit të Limajt:
Limaj rrëfen takimin me Millosheviqin në lift
Ekskluzive: Limaj rrëfen takimin me Millosheviqin në lift
Gepostet von FIRST Channel am Samstag, 21. Mai 2016
Antoino Conte ka kërkuar me çdo kusht transferimin e Gonzalo Higuainit në Stamford Bridge.
Bisedimet mes dy klubeve tashmë kanë filluar dhe pritet të zgjasin pasi Napoli nuk heq dorë lehtë nga ylli i saj.
28-vjeçari ka kaluar një sezon të jashtëzakonshëm pasi ka shënuar 36 gola në Serie A, duke thyer të gjitha rekordet.
Kështu për ta bindur Napolin, Chelsea po mendon të ofrojë 65 milionë funte apo rreth 85 milionë euro për transferimin e Higuainit në Londër.
Në rast se ndodh ky transferim, atëherë Higuain do të bëhet lojtari më i shtrenjtë i blerë nga Chelsea dhe më i shtrenjti që është shitur nga Serie A.
Para pak çastesh, në fshatin Ratkoc të Rahovecit ka ndodhur një aksident i rënd trafiku, ku një veturë e tipit “Mercedess” ka goditur shyllën elektrike.
Dëshmitarët e rastit tregojnë për portalin Indeksonline se vetura ishte rrotulluar disa herë, meqë rast shoferi dhe tre persona të tjerë kanë mbetur të lënduar. Ata menjëherë janë dërguar në qendrën mjekësore.
Tyga nuk ka pritur shumë. Këngëtari është parë në shoqërinë e një modeleje, vetëm pak ditë pasi u nda nga Kylie Jenner.
Ajo është britanikja Demi Rose Mawby.
21-vjeçarja është një modele e njohur dhe parvjet u shpall femra më e nxehtë e re në planet.
I njohur për stilin e tij ekstravagant, Iggy Pop nuk zhgënjeu në tapetin e kuq të Kanës gjatë premierës së dokumentarit mbi jetën e tij, “Gimme Danger”. Muzikanti u paraqit me një xhaketë shik, të veshur pa bluzë apo këmishë.
Filmi me regji të Jim Jarmush hedh një dritë lozonjare mbi Iggy Pop and The Stooges, një grup me influencë të jashtëzakonshme mbi “punk rock”-un. Ndërsa, “Paterson” i Jarmushit, që konkuron për Palmën e Artë, ishte një odë e qetë për rutinën e përditshme, “Gimme Danger” e çoi amplifikatorin në maksimum, me karrierën e Stooges nga 1967 në 1974 e pas kësaj, nga 2003-shi e këtej.
Dokumentari i shfaqur jashtë konkurrimit në Kanë përmban pamje të rralla të grupit të siguruara nga ekipi i Jarmushit e në ndonjërin prej rasteve, edhe me ndihmën e Iggy-t vetë.
Gazetarët e Kosovës sot kanë zgjedhur kryetarin dhe bordin e ri të Asociacionit të Gazetarëve të Kosovës (AGK).
Shkëlqim Hysenaj është zgjedhur kryetar i AGK-së me 123 vota pro.
Kuvendi zgjedhor u mbajt pas përfundimit të mandatit dy vjeçar të kryetarit dhe bordit të kaluar, ku në krye të asociacionit ishte Zekirja Shabani.
Dioqeza e Rashkës – Kisha Ortodokse serbe e Prizrenit ka lëshuar një komunikatë për medie në lidhje me vendimin e Gjykatës Kushtetuese të Kosovës për kontestin mes Komunës së Deçanit dhe Manastirit të Deçanit.
Ata shprehin kënaqësi për këtë vendim të Gjykatës Kushtetuese, i cili sipas tyre është arritur në bazë të fakteve konkrete, transmeton Koha.net.
“Dioqeza e Rashkës-Prizrenit të Kishës Ortodokse Serbe shpreh kënaqësinë e saj mbi padinë e finalizuar dhe vendimin e institucionit më të lartë gjyqësor i cili është arritur në bazë të fakteve konkrete. Gjykata Kushtetuese provuar kompetencën e saj dhe gatishmërinë për të bërë një gjykim të paanshëm i cili e ka mbrojtur në mënyrë të përhershme të drejtat pronësore të Manastirit mbi tokën e tij”, thuhet në komunikatën e kësaj dioqeze.
Vendimi, sipas kësaj komunikate, ka rëndësi të veçantë për qëndrueshmërinë e Manastirit të Deçanit, vend i Trashëgimisë Kulturore Botërore të UNESCO-s.
Prona për të cilën bëhet fjalë është 24 hektarë.
Një person është arrestuar në fshatin Pagarushë të Malishevës. Ai është dërguar në vuajtje të dënimit në burgun e Prizrenit.
Policia e Kosovës nuk ka treguar identitetin e të arrestuarit.
“Në bazë të urdhëresës së lëshuar nga Gjykata është arrestuar një mashkull dhe i njëjti është dërguar në vuajtje të dënimit në burgun e Prizrenit”, njofton PK-ja. /PrizrenPress.com/
Edhe zyrtarisht Granit Xhaka është futbollist i Arsenalit. Mesfushori kosovar brenda pak minutave do të prezantohet para skuadrës londineze.
Paparacit anglezë kanë arritur të shkrepin foto nga fotografimet që Xhaka i ka bërë në mëngjesin e sotëm te skuadra londineze.
Në zyrtarizimin e skuadrës pritet të mësohen edhe detajet e këtij transferi. Xhaka pritet ta mbajë fanelën me numrin 34 te skuadra e madhe angleze.
Presidenti Hashim Thaçi ka udhëtuar sot për në Podgoricë, ku me ftesë të Presidentit të Malit të Zi, Filip Vujanovic, do të marrë pjesë në ceremoninë e shënimit të dhjetëvjetorit të pavarësisë së Malit të Zi, njofton Presidenca e Kosovës.
Në mesin e mysafirëve të shumtë, siç thuhet, pritet të jenë edhe Ndihmëssekretari Amerikan i Shtetit për Europën dhe Eurazinë, Hoyt Yee, Presidenti i Këshillit Europian, Donald Tusk, si dhe Presidenti i Republikës së Shqipërisë, Bujar Nishani.
“Presidenti Thaçi fillimisht do të marrë pjesë në drekën e shtruar nga Presidenti malazez, Vujanovic, në Milloçer, me të cilin do të zhvillojë edhe një takim bilateral”.
“Në mbrëmje, delegacioni kosovar do të udhëtojë në Podgoricë, ku Presidenti Thaçi do të jetë i pranishëm në pritjen e organizuar për përfaqësuesit më të lartë të shteteve, në Villa Gorica, ndërsa në fund do të marrë pjesë në kremtën zyrtare të dhjetëvjetorit të pavarësisë së Malit të Zi në sheshin “Republika” në Podgoricë”, thuhet në njoftim.