Duket se këngëtarja Xhesika Ndoj nuk i është drejtuar Italisë vetëm për të pushuar, por edhe për të punuar.
Këngëtarja ka publikuar disa video në Instagram ku është duke interpretuar këngën e saj më të fundit “Shoqe Bitch”.
Duket se shqiptarët në Itali e kanë mirëpritur këtë perfomancë provokuese të Ndojit.
Partia Demokratike e Kosovës i ka dorëzuar Qeverisë së Kosovës emrat e ministrave të rinj, që do të emërohen shumë shpejt. Gazeta Express ka siguruar emrat e tyre.
Siç merr vesh Express, në ministrinë e Integrimeve Evropianë do të jetë Gani Koci. Derisa ministër i jashtëm do të jetë Enver Hoxhaj.
Gazeta Express ka mësuar po ashtu se në postin e zëvendëskryeministrit do të jetë Hajredin Kuçi, që deri më tash ka qenë ministri i Drejtësisë.
E në vend të Kuçit, në Ministri të Drejtësisë do të emërohet Anila Statovci./Gazeta Express/
Nicki Minaj nuk është një tip që e ka problem të ekspozohet.
Por këtë herë këngëtarja ka vendosur të thyejë rrjetin me një foto të gjoksit të saj.
Duket se ia ka dalë.
Ylli i Real Madrid, Cristiano Ronaldo është parë duke çaluar në fund të seancës stërvitore të kësaj së marte, duke rritur spekulimet rreth fituesit të tij për ndeshjen finale të Champions League, shkruan BBC.
Ish-fituesi i Topit të Artë ka pasur problem me një lëndim në kofshë që e pati detyruar atë të mungojë tre ndeshje në prill.
Po ashtu ai u zëvendësua në ndeshjen e fundit kampionate në La Liga.
Real Madrid përballet këtë fundjavë me Atletico Madridin në Milan, për të përsëritur ndeshjen vitit 2014, ku kishte fituar Reali.
Portugezi ka shënuar 51 gola për Real Madridin këtë sezonë.
Kapiteni i përfaqësueses shqiptare, Lorik Cana, është i mendimit që Shqipëria duhet të jetë parësore për të gjithë futbollistët shqiptarë.
Në konferencën për shtyp, të zhvilluar në qendrën stërvitore të kuqezinjve në Austri, kapiteni ka bërë të qartë se për të, vetëm Shqipëria përfaqëson të gjitha trevat shqiptare dhe kualifikimi në Europian ishte meritë e “bashkimit” të tyre.
“Të gjithë e dinë mendimin tim dhe kam vite që e them. Që nga krijimi i FSHF-së, Shqipëria ka pasur gjithmonë përfaqësuese dhe asnjëherë kombëtare. Kemi vetëm 4 vite që kemi një kombëtare mbarëshqiptare, me lojtarë nga Kumanova, Presheva, Shqipëria, Maqedonia dhe diaspora. Është hera e parë që e kemi këtë kombëtare të bashkuar dhe shihet që të bashkuar arrijmë gjëra të mëdha”, tha Cana.
“Kombëtarja e Kosovës? Kam qenë me mendimin që elita duhet të qëndrojë me Kombëtaren shqiptare. Kam qenë i mendimit që lojtarët më të mirë të rrinë me kombëtaren shqiptare. Ndoshta në të ardhmen mund të bashkohen Federatat, por kjo nuk i takon brezit tonë”, ishte sugjerimi i Canës.
Kapiteni ka folur edhe për fillimin e përgatitjeve të Europianit dhe përqendrimin maksimal që kanë lojtarët, të cilët duan të japin maksimumin që në ndeshjen e parë kundër Zvicrës.
“Ndeshja e parë është më e rëndësishmja dhe ajo e para është ajo ku ne jemi përqendruar, me një kundërshtar të vështirë. Ne jemi rritur dhe ajo përballje do të jetë ndeshja më e rëndësishme e kompeticionit tonë”, deklaroi kapiteni i përfaqësueses, i cili konfirmoi se kishte lënë plotësisht pas problemet me dëmtimin në mes dhe do të ishte në formën më të mirë gjatë Euro 2016.
Në Universitetin e Prizrenit “Ukshin Hoti” në Fakultetin Ekonomik mbajti një ligjeratë themeluesi i ndërmarrjes ndërkombëtare “REPLAY”, Luigino Buziol.
Para studentëve të ekonomikut, ai tregoi se si e nisi biznesin e tij me veshje të këtij brendi dhe si arriti të ekzistojë në treg për 38 vite me radhë.
Buizol, këtyre studentëve u tregoi se pika kryesore me të cilën firma e tij i ka bërë ballë të gjithë është, cilësia dhe kreativiteti.
Në këtë universitet pritet që të vijnë biznesmen dhe themelues të tjerë të suksesshëm evropian me qëllim që studentët të përfitojnë nga përvoja e tyre.
Në pjesën e parë të qershorit pritet dërgimi në Kuvend për ratifikim i Marrëveshjes për Demarkacionin me Malin e Zi.
Deputetët e opozitës pritet të kthehen në Kuvendin e Kosovës për ta kundërshtuar këtë marrëveshje, e cila sipas tyre, i humb vendit mijëra hektarë tokë. E në partinë Nisma për Kosovën thonë se do ta rikthejnë në skenë gazin lotsjellës, vetëm e vetëm që ta pengojnë ratifikimin e kësaj marrëveshje.
Deputeti i Kuvendit të Kosovës nga radhët e Nismës për Kosovën, Zafir Berisha, në një prononcim për lajmi.net ka thënë se për kundër bojkotit çështjet që janë të rëndësishme dhe rrezikojnë sovranitetin e vendit Nismën do ta kthejnë në Kuvend.
“Do ta kundërshtojmë këtë marrëveshje tepër të dëmshme. Ne do ta kundërshtojmë në forma demokratike Demarkacionin me Malin e Zi dhe në gjuhën e argumenteve”, ka thënë deputeti i Kuvendit të Kosovës nga radhët e Nismës për Kosovën, Zafir Berisha.
Ai tha se do të punojnë që të koordinohen si opozitë në aktivitetet për kundërshtimin e Demarkacionit, si me AAK-në, ashtu edhe me Vetëvendosjen.
“Ne do ta bëjmë një kundërshtim të organizuar për mos me pas mundësi që marrëveshja të kalojë Kuvend. Nëse është e nevojshme edhe gaz do të gjuajmë vetëm e vetëm ta pengojmë ratifikimin e Marrëveshjes për Demarkacionin me Malin e Zi”, ka thënë Berisha. /lajmi.net/
Për gjashtë vite rreth 400 pjesëtarë të Forcës së Sigurisë së Kosovës janë dorëhequr nga FSK-ja.
Nga ky numër 29 prej tyre janë femra dhe 371 janë meshkuj, shkruan Gazeta Fjala.
Në pyetësorin e siguruar nga Gazeta Fjala, Njësia për të Drejtat e Njeriut, ka përdorë një pyetësorë të veçantë duke bërë një analizë për të hetuar shkaktarët e dorëheqjes së femrave nga FSK, nga viti 2009-2015.
Të dhënat janë të mbështetura në dosjet e femrave pjesëtare të FSK-së të cilat me rastin e dorëheqjes kanë plotësuar formularin me arsyetimin e dorëheqjes. Për këtë periudhë numri i femrave që kanë dhënë dorëheqje është 29 femra.
Arsyet e dorëheqjeve të këtyre pjesëtarëve po dalin të jenë për shkak të kushteve të punës, arsye personale, ndërrimi i statusit që nënkupton martesën./GazetaFjala/
Parlamenti Studentor e ka cilësuar skandaloz dhe kundër zhvillimit të UPZ-së, vendimin e Ministrit të Arsimit Arsim Bajrami, për shkarkimin e Bekim Gashit.
Bekim Gashi, kryetar i Këshillit Drejtues të Universitetit të Prizrenit, është shkarkuar të hënën nga posti me vendim të ministrit të Arsimit, Arsim Bajrami.
“Në vend se Ministria e Arsimit të merret me skandalin e shkaktuar nga ish-ministri Rexhep Osmani i cili dyshohet se ka ngacmuar seksualisht studenten e vetë, Ministri i Arsimit me një raport tendencioz e skandaloz të Inspektoratit të inskenuar nga Rexhep Osmani dhe nga njerëz shkelës të ligjit dhe me aktakuza brenda UPZ , ka marr vendim për shkarkimin nga anëtari i KD-së të Dr. Sc. Bekim Gashi gjoja se paska bërë shkelje që punon në këtë universitet si mësimdhënës i angazhuar, edhe pse në shumicën e universitet publike anëtarët e KD punojnë si mësimdhënës me angazhim”, thuhet në reagimin e Parlamentit Studentor të UPZ-së, raporton PrizrenPress.
“Parlamenti Studentor i UPZ-së është tejet i shqetësuar me këtë vendim të Ministrit dhe kërkon urgjentisht që të rishqyrtohet dhe të tërhiqet vendimi për shkarkimin e Gashit në të kundërtën studentët nuk do të rrinë te qetë”.
“Bekim Gashi me punën e tij ka bërë që Këshilli Drejtues i UPZ të jetë në kulmin e punës. Gjatë kohës sa ka qenë duke u drejtuar nga Gashi KD është treguar shumë i suksesshëm duke nxjerrë një sërë rregulloresh dhe duke ndikua në uljen të shpenzimeve të pa nevojshme. Parlamenti Studentor është i shqetësuar se Ministri i MASHT ka ra pre e ndikimeve dhe lojërave të parapolitikës që kanë për planë ta marrin në duar UPZ-në dhe në këtë mënyrë ta shkatërrojnë atë”. /PrizrenPress.com/
Në autostradën “Ibrahim Rugova”, saktësisht në fshatin Arllat, janë aksidentuar një autobus me një kamion.
Për pasojë është derdhur sasi e madhe misri nga kamioni i cili po e transportonte.
Nuk është raportuar për lëndime, përveç dëmtimeve të vogla të mjeteve transportuese si dhe misrit të derdhur në rrugë.
