Gjatë vizitës së tij në rrethin e Prizrenit, kryeministri i Kosovës, Albin Kurti, ka premtuar një investim të madh për mbështetje të bizneseve dhe prodhimit.

Ai ka vizituar pesë biznese të suksesshme që operojnë në fusha të ndryshme, përfshirë prodhimin e betonit, veglave dhe telave për prerje me diamant, zdrukthëtaria për profile plastike, prodhimin e plisave dhe printimin dhe prodhimin e reklamave.

“Vëllezërit e Bashkuar janë të parët në Kosovë me certifikim ISO 9001:2000. New Diamond Group eksporton mbi 90% të produkteve të saj, përfshirë Brazilin, Algjerinë, Egjiptin, Spanjën dhe Indinë. Sempro ka zbritur importin e profileve plastike në Kosovë nga 70 deri në 90%, ndërsa eksporton kryesisht në Ballkan dhe Evropë, përfshirë Ukrainën. S-Wool vazhdon të mbajë të gjallë traditën historike duke përpunuar me dorë plisin. APRINT operon në 1500 m² me makineri moderne për printime dhe reklama për ekrane LED”, tha Kurti gjatë vizitës.

“Për mandatin tjetër, kemi planifikuar të mbështesim bizneset për prodhimtari dhe ndërmarrësi me 1 miliard euro. Do të vazhdojmë të bëjmë vend edhe në hartën ekonomike të botës, jo vetëm në atë politike dhe gjeografike”, ka theksuar ai./PrizrenPress.com/

AAK mbajti sot në tubim me të rinjtë e komunës së Suharekës.

Fillimisht të pranishmëve iu drejtuan kandidatët për deputetë që vijnë nga kjo komunë, të cilët u zotuan se do të jenë zëri i të rinjve në parlamenti ne Kosovës nëse ata arrijnë të sigurojnë votat për të zënë ulësen e deputetit.

Ata iu premtuan qendra të inovacionit për zhvillimin e tyre si dhe hapësira të tjera për zhvillimin e talenteve të të rinjve.

Kandidati për kryeministër nga radhët e AAK-së, të rinjve të Suharekës dhe jo vetëm u premtoi bursa për studentë, por këtë e ka thënë edhe nëpër tubime të tjera.

Ai theksoi se çdo i ri derisa të rrijë në tregun e punës ta ketë një status financiar që i bie, do të ketë mbështetje financiare nga qeveria.

Zyra për Barazi Gjinore në Komunën e Malishevës organizoi një takim pune, ku morën pjesë përfaqësues të organizatave të grave, organizatave Handikos, OJQ “Fatjona”, Komiteti për Komunitete, Zyra Juridike Falas dhe aktorë të tjerë institucionalë dhe shoqërorë.

Takimi kishte si fokus promovimin e barazisë gjinore dhe adresimin e sfidave të përbashkëta për krijimin e mundësive të barabarta në mjediset e punës dhe në jetën shoqërore.

“Qëllimi i takimit ishte që të kontribuojmë të gjithë për krijimin e një mjedisi ku gratë dhe burrat, vajzat dhe djemtë të kenë mundësi të barabarta për të realizuar potencialin e tyre të plotë”, thuhet në njoftimin e Komunës së Malishevës, përcjell PrizrenPress.

Gjithashtu, në njoftim theksohet se barazia gjinore është një proces i vazhdueshëm që kërkon përkushtim dhe veprime konkrete nga të gjithë aktorët shoqërorë.

“Barazia gjinore nuk është thjesht një qëllim, por një proces i vazhdueshëm që kërkon reflektim dhe veprime konkrete”, thuhet në njoftim.

Në përfundim të takimit, u bë thirrje për një bashkëpunim më të ngushtë mes institucioneve shtetërore, komunale, shoqërisë civile dhe artistëve për të promovuar dhe zbatuar barazinë gjinore, duke forcuar mekanizmat përgjegjës për të arritur suksese shoqërore dhe duke krijuar një shoqëri të drejtë dhe të barabartë./PrizrenPress.com/

Qytetarët e Komunës së Suharekës kanë paraqitur shqetësimet e tyre për mos funksionimin e ndriçimit publik në tri lokacione të ndryshme.

Për zgjidhjen e këtij problemi ata janë ankuar në platformën Ndreqe.com.

“Raportimit të qytetarëve në platformën ndreqe.com, se nuk është funksional ndriçimi publik në disa lokacione, Komuna e Suharekës i është përgjigjur me ndreqje”, thuhet në njoftimin e kësaj platforme.

Aty theksohet se prishjet janë raportuar për lokacionin afër shkollës “7 Marsi” përkatësisht rrugës në drejtim të gjimnazit “Jeta e Re” e QKMF-ja, pastaj tek lagja “Parku i Dëshmorëve” dhe tjetra afër sheshit të qytetit.

“Që të tria tashmë janë rregulluar. Ndreqe.com inkurajon qytetarët që të vazhdojnë edhe më tutje raportimin për problemet në kompetencë të komunës”, thuhet në platformë.

Qytetarët po vazhdojnë të raportojnë në platformën Ndreqe.com për parregullsitë në vendbanimet e tyre, teksa organet përkatëse konform mundësive po ndërmarrin veprime për zgjidhjen e këtyre problemeve.