Skuadra e Leicester Cityt ka arritur të mposht Evertonin në “King Power” për të shijuar titullin kampion për herë të parë në histori të Anglisë.

Rezultati i takimit ishte 3 me 1, ku golat për ekipin e Ranierit i shënuan dy Vardy dhe një King, ndërsa golin e vetëm për mysafirët e shënoi Mirallas.

Leicester dhuroi shou për tifozët duke shënuar tre gola dhe duke luajtur një lojë të shkëlqyer.

Kështu Leicesteri me 80 pikë kryeson Premireligën ku ka mbetur edhe një ndeshje deri në fund, ku “Dhelprat” do të udhëtojnë në Chelsea për ndeshjen e fundit

Bayerni i Mynihut është shpallur zyrtarisht kampion kampion për sezonin 2015-16.

Ekipi i Guardiolës fitoi me vështirësi 2-1 në transfertë ndaj Inglostadt, ndërkohë që Dortmundi u thye në duelin ndaj Frankfurtit.

Të dy golat për Bayernin u shënuan nga polaku Robert Lewandowski, ndërkohë që Aigner mposhti verdhezinjtë.

Bayerni ka 85 pikë në krye e ndjekur nga Dortmund me 77, teksa mbetet edhe një javë për të zhvilluar.

Zinedine Zidane ka thënë se nuk është i sigurt për të ardhmen e tij si trajneri i Real Madridit, për sezonin e ardhshëm, por gjithçka qo të qartësohet pasi të jetë luajtur Finalja e Champions League.

Ai ka pohuar se ende nuk ka fituar asgjë dhe po mendon vetëm si ta përmbyllë sa më mirë këtë edicion.

“Nuk kemi fituar asgjë dhe po mendojmë vetëm të japim maksimumin në ndeshjet e fundit”.

“Kemi edhe tri ndeshje dhe duhet të koncentrohemi”.

“Pas ndeshjes me Atleticon, do të shihni se çfarë do të bëjmë”, ka deklaruar Zidane në konferencë për media.

Manchester United ka shënuar fitore minimale kundër Norwich Cityt 1:0, për të hyrë seriozisht në garë për pozitën e katërt që dërgon në Ligën e Kampionëve.

Golin e vetëm dhe të fitores për Unitedin në këtë ndeshje e shënoi spanjolli, Juan Mata.

Pas kësaj fitoreje Unitedi mbetet në vendin e pestë me 63 pikë, një më pak se sa Manchester City, që nesër luan kundër Arsenalit.