Në moshën 16-vjeçare ai debutoi për herë të parë me PSG-n, ndërkohë që sot Kingsley Coman ka vendosur një rekord unikal. Futbollisti francez ka fituar 3 kampionate të ndryshme që tani edhe pse është vetëm 19 vjeç.

E nisi me Paris SG në moshën 16 vjeç e 4 ditë, kur debutoi për parisienët dhe në fund të sezonit ai fitoi titullin në Ligue1.

Menjëherë kaloi te Juventus ku qëndroi vetëm një vit, por edhe në Itali fitoi titullin kampion, për të kaluar më pas te Bayern Munchen.

Edhe në Gjermani ai luajti rolin protagonistit, duke triumfuar në kampionat. Coman ka fituar edhe trofe të tjerë si Kupën e Francës, Kupën e Italisë dhe Superkupën.

Nga viti i kaluar është edhe pjesë e përfaqësueses A të Francës, më të cilën pritet të luajë në Euro 2016, dhe pas finales në evropianit ai do të festojë ditëlindjen e 20, dhe ndoshta me një tjetër trofe të çmuar.

Zyrtarë të Federatës së Futbollit të Zvicrës me bindje të plotë thonë se nëse nuk do të kishin dalë me propozimin që votimi për pranim të bëhej me vota të fshehta, atëherë Kosova nuk do të pranohej në Konfederatën Evropiane të Futbollit UEFA

Në Federatën zvicerane thonë se shumë përfaqësues të federatave evropiane ishin nën presion politik për të votuar kundër pranimit të Kosovës, shkruan Koha Ditore.

Zyrtari për media në Federatën e Futbollit të Zvicrës, Marco von Ah, është përgjigjur në disa pyetje të gazetës, mes të tjerash ka sqaruar edhe atë që në opinion dhe në vetë Federatën e Futbollit të Kosovës u vlerësua si “tentim i Zvicrës për të penguar pranimin e Kosovës në UEFA”.

Zyrtarë të Federatës zvicerane çuan pluhur para votimit të Statutit të UEFA-s, që po të kalonte do ta bënte më të lehtë pranimin e Kosovës, si dhe para vetë votimit për pranim të Kosovës.

Zviceranët në Kongres thanë se nuk janë kundër pranimit të Kosovës, por se janë kundër që në të ardhmen futbollistët të kenë mundësi të ndërrojnë përfaqësuese, duke iu referuar shqiptarëve që luajnë me Zvicrën. Pos kësaj, propozuan që edhe votimi të bëhej i fshehtë dhe kështu u bë.

Opinionit dhe Federatës kosovare i ka mbetur në mendje ajo që tha Federata zvicerane në Kongresin e mbajtur më 3 maj në Budapest, por në gjithë këtë zyrtarët zviceranë gjejnë edhe meritat e tyre për pranimin e Kosovës në UEFA.

Sipas tyre, po të mos kishin propozuar që votimi të ishte i fshehtë, Kosova nuk do të merrte votat e mjaftueshme.

Në futbollin brazilian, huliganët kanë sjellë një tjetër tragjedi – duke mbytur një tifozë në fushë.

Në ndeshjen mes CSA dhe CRB, u përjetua një ndër skenat më të tmerrshme që janë parë ndonjëherë në një fushë futbolli, të cilat e lanë edhe një tifoz të vdekur.

Autoritet braziliane kanë konfirmuar që pas goditjeve të shumta, njëri prej tifozëve ka ndërruar jetë në fushë. Kjo është një ndër skenat më të tmerrshme që është parë në botën e futbollit dhe Federata e Futbollit të Brazilit, pritet të marrë vendime drastike pas këtij turpi të madh.

https://youtu.be/IlYsJNbGU-o

Në garën e parë me makinën e tipit Formula, e cila u zhvillua në Prevallë, ai jo vetëm që ka pasur kohën më të mirë në plasmanin e përgjithshëm, por e ka përmirësuar bindshëm rekordin e shtegut, të cilin vetëm një ditë më parë e arriti Blerand Hasanaj

Përparim Dushi ka debutuar në mënyrën më të mirë me Formulën e tij. Në garën e parë me këtë makinë, e cila u zhvillua në Prevallë, ai jo vetëm që ka pasur kohën më të mirë në plasmanin e përgjithshëm, por e ka përmirësuar bindshëm rekordin e shtegut, të cilin vetëm një ditë më parë e arriti Blerand Hasanaj.
Dushi kohën më të mirë e pati në vozitjen e parë, kur në cak arriti për 1.29:516 minuta.

“Pas problemeve teknike që i pata të shtunën, me ç’rast nuk kisha mundësi të zhvillojë vozitjet provuese, të dielën m’u lejua të bëjë një provë dhe për këtë e falënderoj kryetarin e FASK-ut, Ismet Rexhepi. Sa i përket rezultatit, sigurisht që jam i kënaqur, pasi ishte hera e parë që u paraqita me Formulë dhe krahas fitores, e shënova edhe rekordin e shtegut”, është shprehur Dushi pas përfundimit të garës.

Në përgjithësi gara është përshkuar me konkurrencë të fortë, sidomos në kategorinë e nëntë, ku pozita e parë i takoi Blerand Hasanajt, e dyta Bardhyl Canollit, ndërsa një vend në podium e siguroi edhe Mitat Vuçitërna.

Një risi tjetër në Prevallë ishte edhe fakti që garuesit e Klubit DDA nga Tirana u paraqitën në klasën PROMO, ashtu sikur edhe garuesit mysafirë nga Maqedonia. Garuesit nga Tirana më herët janë paraqitur në kategoritë përkatëse, por pas pranimit të FASK-ut në FIA, një gjë e tillë u lejohet vetëm në rast se e kanë pëlqimin e Federatës së Auto Sportit të Shqipërisë, gjë e cila së pakur deri tani nuk ka ndodhur.

Rezultatet:
Klasa I
1. Ismail Smani (Yugo – Prizreni D&G) 3.50:598
2. Kreshnik Mariqi (Yugo – Prizreni D&G) +06.644
3. Halil Çerreti (Yugo – Prizreni) +14.655

Klasa II
1. Alban Berisha (Suzuki – Prizreni D&G) 3.42:566
2. Reshat Shabani (Peugeot – Ferizaj) +16.603
3. Dukagjin Mataj (Zastava 128 – Gjakova 137) +49.277

Klasa III
1. Besnik Çitaku (Opel Corsa – Prishtina RCP) 3.44:039
2. Burim Asllani (Suzuki – Ferizaj) +02.265
3. Valon Rexhepi (Lupo – Prishtina RT) +30.955

Klasa IV
1. Premtor Taraku (Honda – Prishtina RT) 3.28:830
2. Valdet Kaçandolli (Suzuki – Prishtina RT) +00.563
3. Gaspër Kaçinari (Yugo – HCR Gjakova) +04.859

Klasa V
1. Faton Rama (Renault – Prishtina RT) 3.33:287
2. Rexhep Bytyçi (Peugeot – Ferizaj) +07.005
3. Ersen Kurti (Honda – Gjakova 137) +11.466

Klasa VI
1. Arbër Rexhepi (Golf – Ferizaj) 3.34:258
2. Leonit Thaçi (Seat – HCR Gjakova) +08.452
3. Senahid Bytyçi (BMW – Prizreni) +20.368

Klasa VII
1. Naim Dashaj (Subaru – Prishtina RT) 3.23:541
2. Shpëtim Jashari (Audi – Ferizaj) +06.847
3. Art Gjoka (Seat – Gjakova 137) +11.850

Klasa VIII
1. Besfort Hana (Opel Astra – HCR Gjakova) 3.27:114
2. Visar Mullazenuni (Golf – Gjakova 137) +11.425
3. Besart Pruthi (Opel Omega – Gjakova 137) +21.425

Klasa IX
1. Blerand Hasanaj (Opel Kadet – DTM) 3.06:728
2. Bardhyl Canolli (BMW – Prishtina RT) +06.539
3.Mitat Vuçitërna (Audi – Rahoveci) +13.594

Klasa X
1.Përparim Dushi (Formula – Prishtina RT) 3.02:092

Plasmani i përgjithshëm
1. Përparim Dushi (Formula – Prishtina RT) 3.02:092
2. Blerand Hasanaj (Opel Kadet – DTM) +04.636
3. Bardhyl Canolli (BMW – Prishtina RT) +11.175