Lëvizja Vetëvendosje në Malishevë ka shprehur habinë dhe indinjatën ndaj vendimit refuzues të Drejtorisë Komunale të Kulturës, në kërkesë për mbajtjen e takimit me bashkatdhetarë në ambientet e Muzeut të Malishevës.

“Si duket qeverisja lokale e ka keqkuptuar konceptin mbi politikën dhe organizimet politike në vend”, thuhet në reagimin e VV-së në Malishevë.

“Ne kishim zgjedhur që të organizojmë takimet me bashkatdhetarët tanë në ambientet e sallës së muzeut edhe për faktin se aty përgjegjësia morale dhe politike është edhe më e madhe kur ke fytyrat në fotografitë e dëshmorëve përballë”.

“Por, se kjo na u ndalua si duket nga mosdija, ose nga keqkuptimi bazik mbi publiken, vlerat dhe organizimet politike qytetare”.

“I rikujtojmë pushtetit aktual dhe drejtoreshës, se sa i përket destinimit objekti i muzeut, aktualisht është shndërruar në funksion tërësisht komercial pa kurrfarë përfitimi për qytetarët, derisa ambienti përreth dhe brenda muzeut ka filluar të degradohe”t.

Hapeni Muzeun dhe mos pengoni organizimet shoqërore dhe politike!/PrizrenPress.com/

Avokati i Popullit, në pajtim me nenin 16, paragrafi 11, të Ligjit për Avokatin e Popullit, ka ndërmjetësuar midis Fetah Rudit dhe kryetarit të Komunës së Malishevës, Ragip Begaj dhe e ka përmbyllur këtë rast me një aktpajtim formal juridik.

“Fetah Rudi, i është drejtuar me ankesë Avokatit të Popullit lidhur me deklaratën publike të Ragip Begaj, i cili, në cilësinë e funksionit që kryen, duke aluduar në aftësitë e kufizuara në lëvizje të Rudi, është shprehur se: ‘Për shkak të problemeve shëndetësore Fetahu nuk mund ta ushtroj funksionin e nënkryetarit’. Kjo deklaratë, me të drejtë, është konsideruar diskriminuese nga Rudi”, thuhet në deklaratën e Avokatit të Popullit.

Avokati i Popullit ka propozuar ndërmjetësimin si mekanizëm juridik për çështjen e ngritur, për të cilën janë pajtuar të dyja palët dhe pas takimit me përfaqësuesit e Avokatit të Popullit është arritur marrëveshja .

Duke marrë parasysh gjithë rrethanat në të cilat ka ndodhur deklarimi, ashtu siç edhe respektin e ndërsjellë që Begaj dhe Rudi kanë shfaqur për njëri tjetrin, në takimet e ndara me ta, është realizuar një takim i përbashkët, me ç’rast kryetari i Komunës së Malishevës ka shprehur keqardhje për situatën e krijuar pas deklaratës së tij, të dhënë pa qëllim diskriminimi, për të cilën gjithashtu ka bërë edhe sqarim publik.

Ai ka kërkuar falje për shqetësimin e krijuar me këtë rast, gjë që është vlerësuar dhe është mirëpritur nga Fetah Rudi, si formë e satisfaksionit moral. /Telegrafi/

Prokuroria Themelore në Prizren ka ngritë aktakuzë kundër kuvendarit të Bashkimit Demokratik (BD), Skënder Susurit. Aktakuza është ngritë muaj më parë, ndërkohë që në Gjykatën Themelore në Prizren, ende nuk është caktuar data e fillimit gjyqësor.

Kryeprokurori i Prokurisë Themelore në Prizren, Sylë Hoxhaj thotë se Susuri dyshohet për keqpërdorim të detyrës zyrtare.

“Prokuroria ka ngritë aktakuzë kundër Skënder Susurit, pasi që ka arritë të sigurojë prova të mjaftueshme se ai ka keqpërdorë detyrën zyrtare”, thotë Hoxhaj për “PrizrenPress”.

Skënder Susuri ka qenë drejtor i shkollës fillore ‘Mustafa Bakiu” në Prizren. Ai dyshohet se në këtë shkollë ka keqpërdorë detyrën zyrtare.

Kryeprokurori Hoxhaj nuk tregon hollësisht se çfarë ka keqpërdorë Susuri, gjatë ushtrimit të detyrës zyrtare në këtë shkollë.

“Aktakuza është dorëzuar në gjykatë”, tregon Hoxhaj.

Zëdhënësja e Gjykatës Themelore në Prizren, Afërdita Kicaj konfirmon se Prokuroria ka dorëzuar aktakuzën kundër Skënder Susurit. Ajo thotë se ende nuk është caktuar seanca fillestare për këtë lëndë.

“Është e vërtet se kemi pranuar një aktakuzë nga Prokuroria Themelore në Prizren kundër Skënder Susurit, mirëpo nuk është caktuar asnjë seancë gjyqësore për këtë rast, pasi që lënda është e re”, tregon Kicaj.

Skënder Susuri në janar të këtij viti është bërë pjesë e Kuvendit Komunal në Prizren. Ai përfaqëson Bashkimin Demokratik /PrizrenPress.com/

Pazaret për bordet po zvarrisin emërimet dhe pengojnë punën e Agjencioneve të pavarura.

Sipas opozitës kjo vjen si rezultat që koalicioni qeverisës LDK-PDK nuk po mund të merret vesh me partizanë, të cilit subjekt me qenë në këto borde.

Deputetët e Kuvendit të Republikës së Kosovës kanë shkuar në pushime, ndonëse shumë punë i kanë lënë pas, sidomos Ndërmarrjet Publike dhe agjencitë e pavarura vazhdojnë të jenë pa borde. Si pasojë e kësaj, nuk dihet se çka është duke ndodhur në këto ndërmarrje dhe agjenci, ku dyshohet se ka shkelje dhe keqpërdorime edhe bazuar në raportet e auditorëve, shkruan Kosova Sot.

Qeveria shihet qartë se fare pak interesohet për këto ndërmarrje, vlerësojnë opozitarët dhe njohësit e ekonomisë.

Deputeti Zafir Berisha, nga Nisma, thotë se jo rastësisht kompanitë publike janë pa borde.

“Kjo është si rezultat që koalicioni qeverisës LDK-PDK nuk po mund të merret vesh me partizanë, të cilit subjekt me qenë në këto borde. Në anën tjetër, tashmë nuk është ndonjë zbulim epokal që kompanitë publike kanë qenë çerdhe e bandave mafioze të vendit”, tha ai për Kosova Sot.