Në qendër të Prizrenit mbrëmë një person është sulmuar fizikisht nga një tjetër. Sipas policisë, i dyshuari ka shtënë edhe me armë zjarri në ajër.
Ngjarja ka ndodhur rreth orës 21 e 15 minuta në sheshin “Shatërvan”.
Në vendngjarje është gjetur një gëzhojë e cal. të panjohur, ndërsa i dyshuari është larguar në drejtim të panjohur, i cili është ne kërkim te Policisë. /PrizrenPress.com/
Këshilli i Studentëve i Fakultetit të Edukimit në Universitetin e Prishtinës “Hasan Prishtina” thotë se ka marrë shumë shqetësime nga studentët dhe të diplomuarit e këtij fakulteti nga të gjitha qendrat e tij, në raport me vendimin 231 / 01B të ministrit të Arsimit Arsim Bajrami, për të barazuar studentët e diplomuar në Fakultetin e Edukimit të UP-së me ata të Kolegjeve Private.
Ky Këshill i Studentëve përmes një komunikate për media reagon kundër këtij vendimi duke theksuar se profesioni i mësimdhënësit është i shenjtë dhe si i tillë duhet të përcillet me kuadro të filtruar, që do të përgatisnin denjësisht gjeneratat e reja.
Andaj ky Këshill konsideron që barazimi i diplomës së Universitetit Publik të Prishtinës me ato të Kolegjeve Private, është politik, tendencioz dhe i papranueshëm.
“Aktualisht në Kosovë kemi numër të madh të të diplomuarve që kanë profesionin e mësimdhënësit e të cilët janë të papunë për shkak të konkurrencës së madhe dhe padrejtësive që përjetojnë nëpër konkurse, e nëse këtyre do të ju shtoheshin edhe të diplomuarit nga kolegjet private do të rëndonte edhe më shumë situatën e tyre. Prandaj, vendime të tilla mund të bëhen për çdo profesion tjetër që mund të dal nga UP-ja dhe institucionet tjera bartà «se të arsimit të lartë, por duhet në mënyrë të prerë të dallohet e ruhet profesioni i mësimdhënësit pasi që është shtylla kryesore e një shteti e kombi”, theksohet më tutje në këtë komunikatë.
Këshilli i Studentëve i Fakultetit të Edukimit në UP, kërkon nga MASHT-i, që të rishikoj këtë vendim, në mënyrë që të mos ketë reagime të tjera nga studentët e të diplomuarit e këtij fakulteti.
Njohësi i proceseve politike në vend, Belul Beqaj, ka thënë se Kosova e ka edhe një shans të kthehet në binarë me aktivizimin e Gjykatës Speciale, nëse kjo nuk i imiton UNMIK-un dhe EULEX-in.
Përndryshe, sipas tij, Kosova po rrëshqet drejt shtetit të dështuar.
Duke e komentuar veprimin e opozitës për ta kontestuar në Kushtetuese amendamentin i cili i ka hap rrugë formimit të Gjykatës Speciale, Beqaj ka thënë për “Epokën e re” se Gjykata Kushtetuese ka bazë të mjaftueshme për ta rrëzuar vendimin e Kuvendit të Kosovës, por i tërë disponimi i faktorëve më me ndikim politik të brendshëm dhe ndërkombëtar është pro formimit të Gjykatës Speciale.
Sipas tij, ka rrezik që Gjykata Kushtetuese t’i nënshtrohet diktatit politik. Në pyetjen nëse Gjykata Speciale mund ta tronditë koalicionin qeverisës dhe atëherë të shkohet në zgjedhje të reja, Beqaj është përgjigjur: “Gjykata Speciale mund t’i tronditë vetëm ata që janë objekt i dyshimeve, por ata nuk mund ta tronditin Kosovën ngaqë, nëse e bëjnë këtë, do të rrezikojnë edhe më shumë”.
Ajo që ndodhi në fillimet e marsit të vitit 1998 do të bëhet dëshmi për botën e qytetëruar dhe ndërkombëtare.
Natën e 4 dhe 5 marsit 1998, forcat serbe rrethuan Prekazin, ishte ky një rrethim i hekurt.
Është e habitshme se si ato net nuk u kursye asgjë, madje shumëkush mund të thoshte se flijimi dhe sakrifica e Jasharajve është unike dhe e pashoqe.
E, për këtë ngjarje të lavdishme është folur e shkruar shumë, por asnjëherë nuk do të ketë fund të rrëfimit, sepse historia e re e Kosovës ka filluar aty dhe ajo po vazhdon të shkruhet me krenari nga shqiptarët.
https://youtu.be/rUPyPd-IZJ8
Sondazhet dhe ikja masive e qytetarëve dëshmojnë dështimin e koalicionit aktual, i cili nuk është fare popullor në mesin e votuesve
Analiza më e re e institutit KIPRED, që flet për vazhdimin e rënies drastike të besimit në institucionet kryesore të shtetit në Qeverinë dhe Presidencën e vendit, nga përfaqësues të subjekteve politike dhe analistëve të pavarur, shihet si rrjedhojë e dështimit të institucioneve në sigurimin e perspektivës për jetë më të mirë të qytetarëve 16 vjet pas luftës.
Dështimi kryesor sipas opinionistëve të ndryshëm është fusha e zhvillimit ekonomik dhe drejtësia.
“Qeveria dhe Presidenca, që po tregojnë performancë tepër të dobët në ushtrimin e detyrave themelore të menaxhimit të shtetit. Sa i përket performancës së Qeverisë ajo vetëm po vjen duke rrëshqitur teposhtë në humbjen e besimit edhe me largimin e qytetarëve jashtë vendit. Derisa në vitin 2013 kishim 20.000 qytetarë që u larguan jashtë vendit dhe kërkuan azil jashtë vendit, në vitin 2014 kur ndodhi kriza politike dhe dështimi në formimin e institucioneve të reja për plot 6 muaj ka pasur 35 000 të larguar për azil jashtë vendit, derisa në 6 muajt e parë të këtij viti në krye me qeverisjen e Isa Mustafës janë hiq më pak se 60 000 qytetarë të larguar jashtë vendit me qëllim të kërkim azilit në vendet e tjera. Kjo e vë në pikëpyetje serioze kredibilitetin e kësaj qeverisje”, thotë prof. Riza Smaka për “Kosova Sot”.
Gjashtë muaj të ngërçit politik e më pas edhe një prej sfidave më të mëdha që iu vu Kosovës së pasluftës, Gjykata Speciale nuk ia “çeli” gojën Akademisë së Shkencave dhe të Arteve të Kosovës. ASHAK-u me një armatë akademikësh nuk bëzani, as kur nuk u votua amendamenti për ndryshime Kushtetues në Kuvend, as kur u votua me 2/3 e votave. E kjo Akademi ka vendosur që të heshtë edhe para kërkesave të medieve për të marrë ndonjë deklaratë rreth “heshtjes” së tyre, shkruan gazeta Zëri.
Ka mjaftuar një mesazh telefonik nga kryetari i Akademisë së Shkencave të Kosovës, Hivzi Islami, me përmbajtjen “Çka kërkoni” për t’iu rikthyer përsëri letargjisë.
Të gatshëm për të folur për Akademinë nuk ishin as anëtarët e tjerë të Kryesisë.
Ndërsa, analistët dhe profesorët kanë vlerësuar se ASHAK-u ka një organizim të dobët dhe një staf që nuk i plotësojnë kushtet as për të qenë asistentë. Madje, heshtja e tyre ndaj proceseve të shtetndërtimit është quajtur edhe kriminale.
Enca Haxhia po vazhdon të jetë në qendër të vëmendjes.
Enca ka bërë ‘boomin’ e radhës, këtë herë në një nga lokalet në Kosovë.
Këngëtarja ka marrë në skenë njërën nga fanset, e ka puthur në buzë e më pas ka kënduar këngën e Katy Perry ‘I kissed a girl’.
E gjithë kjo është kapur në një video që është postuar nga Gazeta Express.
https://youtu.be/QnQuCNlhJ_8
Edicioni i 14-të i Festivalit të Filmit Ndërkombëtar në Prizren, DokuFest, po vazhdon të shfaqë filma që kanë zgjuar interes të audiencës.
Nga 228 filmat të cilat do të shfaqen deri në fund, e të cilat vijnë nga 43 vende të botës, filmat shqip janë më të shikuarit në këtë festival.
DokuFest-i i sivjetmë, bazuar në konferencën e sotshme të organizatorëve të tij, ka thyer rekordet e të gjitha edicioneve, për nga numri i vizitorëve të huaj e vendorë dhe aplikuesve për filma.
Përveç filmave, karakteristikë e këtij festivali tashmë është bërë edhe jeta e natës, ku mysafirët po i dëfrejnë bende të ndryshme muzikore.
Kryeministri i Kosovës, Isa Mustafa, ka vizituar sot Festivalin Ndërkombëtar të Filmit Dokumentar dhe të Shkurtër “DokuFest”, që zhvillohet tradicionalisht në Prizren.
Mustafa është takuar me drejtuesit e Festivalit, drejtorin ekzekutiv Eroll Bilibani dhe drejtorin artistik Veton Nurkollari si dhe pjesën tjetër të stafit të DokuFest-it.
Më pas ai ka vizituar ambientet ku shfaqen filmat dokumentar dhe të shkurtër si dhe ku zhvillohen pjesa tjetër e aktiviteteve në kuadër të DokuFest 2015.
Në një deklaratë për gazetarët e pranishëm, kryeministri Isa Mustafa ka vlerësuar rëndësinë e madhe që ka për kulturën, për Prizrenin dhe për tërë Kosovën, ky Festival.
“Unë erdha të vizitoj një ngjarje shumë të rëndësishme kulturore e cila ka zënë fill dhe po zhvillohet në mënyrë të mrekullueshme falë dy faktorëve. Së pari Prizrenit, si një qytet dhe një vend i cili është shumë sfidues jo vetëm për kosovarët por edhe për evropianët dhe qytetarët tjerë dhe një ekipi të mrekullueshëm të njerëzve të cilët po punojnë këtu, të cilët po japin kontributin dhe energjinë e tyre dhe të cilët kanë treguar një kreativitet të hatashëm dhe po i japin emër të mirë jo vetëm Prizrenit por edhe Kosovës, në një ngjarje të rëndësishme kulturore”, tha Mustafa.
Më tej, Mustafa po ashtu theksoi se është detyrë e Qeverisë dhe e Ministrisë së Kulturës, që të përkrah këtë ngjarje kulturore.
“Është detyrë e jona edhe si Qeveri edhe si Ministri e Kulturës, që ta përkrahim shumë më shumë këtë ngjarje kulturore, natyrisht më herët me rastin e përgatitjes së tyre sepse biseduam edhe më parë që ne nganjëherë po vonohemi me përkrahjen dhe pastaj krijohen komplikime sa i përket mbulimit të shpenzimeve dhe racionalizimit të të gjitha punëve. Do të bëjmë përpjekje që në të ardhmen të jemi së bashku dhe Qeveria ta jap kontributin e vet sepse këtë e meriton DokuFest-i, e meriton edhe Prizreni dhe veçmas ekipi, i cili po punon dhe po bënë një angazhim të mirë”, u shpreh Mustafa.
Ndërsa drejtori artistik i DokuFest, Veton Nurkollari tha se DokuFest ka nevojë edhe për përkrahje financiare e edhe moral.
“E vlerësojmë lartë ardhjen e kryeministrit, jo vetëm vizitën por edhe përkrahjen. Kryeministri sapo e shprehi atë që do të ketë përkrahje në të gjitha format. Por, DokuFest ka nevojë edhe për nevojë financiare dhe morale”, tha Nurkollari. /PrizrenPress.com/
Ka një kohë që aktori Bradley Cooper dhe modelja Irina Shayk janë në lidhje dashurie.
Ata janë duke qëndruar në pushime në Itali.
Çifti është fotografuar teksa po putheshin në buzë të deitit.
Si duket 40 vjeçari nuk mund t’i largonte duart nga ish e dashura e Ronaldos.
