Patën bërë bujë të madhe fotografitë nudo që Rita Ora kishte realizuar për revistën “Lui”.
Por, një fotografi që ajo realizuar për këtë revistë nuk është parë asnjëherë deri më sot.
Në këtë fotografi që është publikuar sot në internet, këngëtarja nga Prishtina, me famë ndërkombëtare, shihet në një shtrat teksa mbulon gjoksin e saj me duar.
Presidenti i Kosovës, Hashim Thaçi, ka vizituar të dielën malet e Sharrit.
“Para se të filloj me 100-ditshin aktiv si president, sot isha në malet e Sharrit. Isha dëshmitar i mrekullisë tipike kosovare: katër stinë në një ditë!”, ka shkruar Thaçi në profilin e vet në Facebook.
Nga Umberto Ecco
Kush isha i vogël, fëmijëve u bliheshin dy lloj akulloresh që shiteshin në ca karroca të bardha me kapakë ngjyrë argjendi: ose me kaush dy lekësh, ose me vafer, katër lekëshe…Gjyshja na këshillonte të mos e hanim kaushin deri në fund, ta hidhnim fundin majuc sepse ishte prekur nga dora e akullorexhiut (megjithatë, kjo ishte pjesa më e mirë, më kërrce, e hanim fshehurazi, duke u shtirur sikur e kishim hedhur).
Vaferi katër lekësh pregatitej nga një makinë e veçantë, edhe ajo ngjyrë argjendi që shtypte një seksion cilindrik akullorje mes dy sipërfaqesh të rrumbullakta paste. E kalonim gjuhën në pjesën e ndërmjetëme deri sa të mbërrinte bërthamën prej akullorje, në këtë pikë akullorja hahej e gjitha, me gjithë pastat mbështjellëse që tashmë ishin zbutur e nginjur me nektar. Gjyshja nuk kishte ndonjë këshillë për të na dhënë: teorikisht, vaferi ishte prekur vetëm nga makineria, praktikisht, akullorexhiu e kishte marrë në dorë për të na e dhënë, por nuk mund të identifikohej zona e prekur.
Unë isha i magjepsur nga disa bashkëmoshatarë të mitë, prindërit e të cilëve nuk u blinin një vafer katër lekësh po dy kaushë dy lekësh. Këta të privilegjuar marshonin me një akullore në dorën e djathtë e një në të majtën dhe, duke lëvizur me zhdërvjelltësi kokën, lëpinin herë njërën, herë tjetrën. Kjo liturgji më dukej aq madhërishëm për t’u pasur zili sa shpesh herë kisha kërkuar ta luaja edhe unë. Më kot. Të mitë ishin të paepur: një akullore katër lekëshe dakort, dy dy lekëshe, në asnjë mënyrë. Siç mund ta vërejë secili prej jush, as matematika, as ekonomia, as dietika nuk mund ta justifikonin këtë refuzim. Bile as higjena, duke parakuptuar se do të hidhedhin dy fundet e koneve…Tani, banor dhe viktimë e një shoqërie konsumi e shkapërderdhjeje (që nuk ishte e tillë në vitet tridhjetë), e kuptoj se ata të dashur që tani nuk janë më, kishin të drejtë. Dy akullore dy lekëshe në vend të njërës katër lekëshe, ekonomikisht nuk ishin shkapërderdhje, por simbolikisht ishin që ç’ke me të. Tamam për këtë i dëshiroja: se dy akullore të sugjeronin teprinë. Tamam për këtë nuk m’i lejonin: pse nuk dukeshin të fisme, se përqeshnin mjerimin, se dukeshin mendjemadhësi e një privilegji të rremë, mburrje me mirëqenien…
Njësoj si prindërit e atyre grykësave dinakë që i kisha zili dikur, qytetërimi i konsumit shtiret sikur të jep më shumë, por, në të vërtetë, për katër lekë, të jep atë që vlen katër lekë. Do ta hidhni tej radion e vjetër të dorës për ta zëvendësuar me atë që premton edhe autorivers, por ca dobësi të brendëshme të pashpjegueshme do të bëjnë që radioja e re e dorës të ketë veç një vit jetëgjatësi. Makina e re do t’i ketë ndenjëset me lëkurë, dy pasqyra anësore që rregullohen nga brenda dhe kroskotin prej druri, por do të mbijetojë shumë më pak se e lavdishmja Cinquecento që, edhe kur prishej, një shqelm e vinte sërish në punë.
Por, morali i atyre kohësve na donte të gjithëve spartanë, ndërsa ky i sotmi na do të gjithëve të dhënë pas qejfeve.
Kanë kaluar më tepër se 20 vjet që kur rok-grupi i mirënjohur kosovar, “Gjurmët”, realizoi këngën “Karrigat” e cila u cezura nga sistemi i atëhershëm me arsyetimin se është këngë e papërshtatshme.
Por kjo këngë nuk u shua, ajo u këndua sërish pas një kohe të gjatë, në fund të vitit 2015, në skenën e madhe të Pallatit të Kongreseve në Tiranë, ku grupi “Gjurmët” majti një koncert të ribashkimit, megjithatë historia e saj nuk mbaroi as aty.
“Karrigat” është përpunuar nga Oborri & Taste2 dhe i është realizuar edhe videoklipi. Produksionin dhe orkestrimin e këngës e kanë realizuar Tomor Kuçi dhe Arbër Salihu.
Ky version u promovua në kafe-librarinë Dit’ e Nat’ në Prishtinë dhe bazuar në komentet që po qarkullojnë nëpër rrjete sociale po pritet shumë mirë.
Lulëzim ETEMAJ
Dëshmorët dhe heronjtë, me sakrificën e tyre sublime, kanë dhënë gjithçka për çlirimin e Kosovës dhe lirinë e saj. Çdo tentim për t’u mveshur merita dhe grada joreale, duke iu dedikuar vepra dhe veprimtari të paqena, nuk i nderon ata. Përkundrazi.
Asnjëherë nuk do të duhej harruar për asnjë motiv të mundshëm, që zakonisht rezulton të jetë personal, se po këta dëshmorë dhe heronj nuk ishin të vetëm, kishin edhe bashkëluftëtarë dhe drejtues, ushtarak dhe politikë, një pjesë e të cilëve mund të jenë ende gjallë, dhe se u bën të tillë edhe në saje të pikërisht këtyre bashkëveprimtarëve dhe bashkëluftëtarëve.
Çlirimi dhe liria e popullit shqiptar ishte më tepër se ëndërr. Ishte më shumë se sa një ëndërr personale. Dhe u bën realitet kur tejkaluan përmasën personale, kur u bën gjakim i shumicës. Nuk nderohen dëshmorët dhe heronjtë duke ua dedikuar ekskluzivisht atyre këtë gjakim. E njëjta gjë vlen edhe për synimin dhe përpjekjet për bashkimin kombëtar, përmes bashkimit me shtetin amë- Shqipërinë.
Është fyerje bizare për luftëtarët e gjallë, një pjesë e madhe e të cilëve kanë pas vetës pa fije dyshimi një mori veprash heroike të bëra për çlirimin, lirinë dhe bashkimin e Atdheut, çdo tentim që Ideali i bashkimit të subjektivizohet duke e stërkequr në përmasën personale të ëndrrës së individit, qoftë ai edhe dëshmor a hero i rënë në luftën çlirimtare, siç po ndodhë edhe këto ditë kur po shënohet përvjetori i thyerjes së kufirit shqiptaro- shqiptar në Koshare, përmes një operacioni të përgatitur në detaj dhe të drejtuar nga Shtabi i Përgjithshëm i UÇK-së.
Lërini dëshmorët dhe heronjtë e rënë në luftë në përmasat e tyre njerëzore. Dhe mos ta keni mendimin që duke mos ua mveshur përmasat që s’i kishin asnjëherë, po i nderoni më pak. Përkundrazi, duke i lënë të tillë çfarë ishin, tokësorë, me sjelljet dhe veprat e mira, më pak të mira apo dhe të këqija, i bëni më njerëzorë, më real dhe më të kuptueshëm, qoftë nga gjeneratat e tanishme, qoftë nga ata që do të vinë.
A s’e shihni sa librat keni bërë për ta që nuk i lexon askush?! Nuk i lexojnë madje as dhe familjet tuaja. Sa dokumentarët, shpesh të parapaguar, që pakkush i shikon deri në fund.
Dëshmorët dhe heronjtë e rënë në luftë ishin njerëz. Njerëz të përkushtuar për Kombin dhe Atdheun deri në sakrificën sublime. Siç janë edhe shumë heronj të tjerë; bashkëluftëtarë të tyre të gjallë.
Së paku 260 refugjatë janë lënduar gjatë përleshjeve në kufirin greko-maqedon, kur Policia e Maqedonisë ka hedhur disa lotsjellës.
Organizata “Mjekët pa kufi” ka njoftuar se ka dërguar ekipe shtesë që të ndihmoj të lënduarit në kampin e refugjatëve Idomeni, transmeton Indeksonline.
Sipas mediave greke, një grup i refugjatëve ka tentuar ta kalojë kufirin dhe të hyjë në Maqedoni, në çka policia e këtij vendi i është përgjigjur me gaz lotsjellës.
Gjithashtu theksohet se përleshjet kanë filluar pasi që në kamp ishin shpërndarë broshura në gjuhën arabe në të cilat shkruante se migrantët duhet të nisen drejt kufirit.
“Hapni kufijtë”, “Na duhet BE-ja” ishin disa nga mesazhet që mbanin në duar migrantët.
Sipas “Russia Today” disa nga refugjatët para përleshjes kanë thënë se “ose do ta kalojnë kufirin ose do të vdesin”
Donika Kadaj-Bujupi, e cila para disa ditëve ka dhënë dorëheqje nga të gjitha funksionet partiake në AAK, së shpejti do të dalë një qëndrim rreth të ardhmes së saj në skenën politike.
Kadaj-Bujupi, e cila aktualisht është vetëm deputete e pavarur e Kuvendit të Kosovës është duke e shqyrtuar mundësinë të formojë një parti të re politike në Kosovë. Lajmin e ka konfirmuar për “Epokën e re” një burim i afërt me Kadaj-Bujupin. “Ajo është në konsultime me disa miq të saj, që janë edhe pjesë e shoqërisë civile dhe një pjesë prej tyre biznesmenë, të cilët janë duke përkrahur atë në idenë e krijimit të një partie të re politike në vend”, ka thënë ky burim i njohur për redaksinë.
“Epoka e re” ka bërë përpjekje për të kontaktuar me Donika Kadaj-Bujupi, por kontakti me të ka qenë i pamundur. Sipas burimeve të gazetës ajo ndodhet së bashku me deputeten e LDK-së, Vjollca Osmanin, në Kroaci, në një konferencë me parlamentarë dhe zyrtarë të lart të Evropës Juglindore nga partitë socialdemokrate.
Kadaj-Bujupi në deklaratën e saj të dorëheqjes nga AAK-ja pati thënë se luhatja e kësaj partie, e sidomos marrja e vendimeve të njëanshme, të cilat vazhdimisht e pengonin krijimin e një alternative të fuqishme, e cila, sipas saj, do të inicionte ndryshimin, ishte një prej arsyeve që ka zbehur dhe dobësuar ëndrrën për ndryshim në këtë vend. “Ky vend nuk e meriton gjendjen në të cilën është, e as ëndrrën për të cilën përherë kam sakrifikuar dhe kam qenë e gatshme të ballafaqohem edhe me burg edhe me çfarëdo sfide tjetër”, pati deklaruar Kadaj-Bujupi.
Kadaj-Bujupi në AAK mbante postin e nënkryetares dhe shefes së grupit parlamentar në Kuvendin e Kosovës.
Alda Bardhyli
Simone_de_Beauvoir2Pasditen e 24 tetorit 1963 Simonë Dë Bovuar kishte vetëm një shqetësim. Të kapte sa më shpejt avionin e parë nga Roma drejt Parisit. Një telefonatë e ardhur atë ditë, kishte përmbysur gjithë axhendën e çiftit më të njohur të letrave të shekullit XX. (Simon Dë Bovuar dhe Sartri). Tashmë as darkat ku nuk mungonte Pasolini, dhe emra të tjerë të njohur të kohës nuk kishin më rëndësi sa një biletë avioni. Ajo mbërriti në Aeroportin e Parisit të nesërmen, duke i dhënë taksistit vetëm një adresë, spitalin “Busiko”. Në morinë e librave të shkruar nga De Bovuar, ka një libër në të cilin ndalem shpesh dhe ai është “Një vdekje shumë e ëmbël”, sjellë në shqip nga Edmond Tupja. Janë dy muajt e shkrimtares në hapësirën e vogël të një dhome spitali, ku i duhej të kujdesej për të ëmën e sëmurë me kancer. Janë orët ndoshta më torturuese në jetën e një njeriu, ku në fytyrën e njeriut më të dashur i duhet të shohë çdo ditë fytyrën e vdekjes. Sesi një e verdhë e lehtë nis e i pushton ngadalë gjithë trupin për t’u shndërruar më pas në një të kaltër të lehtë derisa para syve të tu, merr rrugën për në një hapësirë tjetër, dhe ti nuk mund ta mbash, dhe kur e di se ajo nuk e do këtë udhëtim.
Teksa bisedonin bashkë për kujtimet e largëta, episode në të cilat shfaqej dhe motra tjetër Marta, apo zëri i largët i babait, i cili ishte larguar nga jeta para saj, Dë Bovuar një grua që kishte provokuar shoqërinë franceze me shkrimet e saj mbi seksin, do të përballej tashmë me një tjetër të vërtetë, vdekjen. Ajo ishte aty në atë dhomë të vogël, nga ku era e morfinës i shpërndahej kudo në peliçen që ishte varur mbi karrige, dhe shumë shpejt do të largohej që aty bashkë me nënën e saj. Rrëfimet e saj të shkurtra në pauzat e ilaçeve shumë shpejt nuk do të ishin më, dhe ajo duhet ta pranonte një botë pa të. Më shumë se një libër autobiografik, ky roman i shkurtër është një shkrim i jashtëzakonshëm mbi pranimin e vdekjes. Dë Bovuar e shkroi këtë libër menjëherë pas humbjes të së ëmës. Boshllëku ishte tepër i madh, bashkë me ndjenjën e fajit se nëse do ta kishte kapur me kohë sëmundjen ajo mund të kishte jetuar më gjatë. Për më shumë se një vit ajo do të linte pas jetën e mbrëmjeve në Paris, udhëtimet, për të hedhur në libër për herë të parë jetën e saj, pa ndrojtje. Dë Bovuar pranon një raport shpesh kontradiktor nënë-bijë, fëmijërinë dhe adoleshencën e vështirë për të mbërritur te shkrimet e para.
Por ajo nuk do të flasë shumë për veten. Ky libër është për të, për një grua të thjeshtë franceze që ishte nëna e saj. Një grua jeta e të cilës ngjason aq shumë me nënat tona. Pas vdekjes të së shoqit, një veseli që ulërinte tërë ditën, ajo shiti tryezën prej druri dardhe të nxirë, orenditë e kuzhinës, të stilit Henri II, shtratin bashkëshortor, pianon e madhe e mbajti, bashkë me disa mobilie të tjera, dhe mori një studio me qira, e jetoi në një hapësirë që e mbushi plot tablo gati 20 vjet. Kur mikeshat e saj gjetën si zgjedhje azilet për shkak të pafuqisë, ajo nuk vendosi të largohej nga kjo shtëpi dhe pse mobiliet ishin vjetruar. Historia e saj është historia e një gruaje që rriti vetëm dy vajza dhe nuk u mbyll në të kaluarën e saj, por punoi për t’ia dalë.
Një grua që si mijëra të tilla në ato vite mësonin heshturazi gjuhë të huaja, punonin gjithë ditën e nuk harronin të buzëqeshnin para pasqyrës teksa krihnin flokët në darkë. I përshkruar nga një ndjeshmëri e thellë ky libër është ndoshta pamfleti më i vërtetë për feminizmin, që ndryshe nga “Seksi i dytë”, e tregon tepër thjesht seksizmin, përmes jetës së një gruaje që vdiq aq ëmbël…
Fenomeni i prostitucionit është përhapur gjerësisht në Novi Sad, Serbi, aty ku mund të gjesh punonjëse seksi të moshave 12-13 vjeçare.
Në bazë të burimeve të policisë, thuhet se disa prej vajzave të mitura ofrojnë seks oral në këmbim të një byreku. Siç thonë nga policia e Novi Sadit, ata janë të pafuqishëm, sepse edhe kur i kapin prostitutat e reja, nuk ka asnjë bazë ligjore për t’i mbajtur ato në burgim.
“Praktikisht këto vajza janë të moshës 12 ose 13 vjeçe, të cilat duhet të jenë në shkollë fillore. Ato punojnë për veten e tyre. Pra, ndodh shpesh që klientët e tyre nuk i paguajnë ato, ose edhe i rrahin. Për favore seksuale, mesatarisht, ato duan 500 dinarë (4,21 euro)”, i tha gazetës ‘Informer’, bashkëbiseduesi nga policia.
Sipas tij, policia haset në shembuj të tmerrshëm se si prostitutat e mitura ofrojnë seks oral për një mëngjes të thjeshtë, për një byrek dhe një kos.
“Ne kishim një rast që një vajzë e mitur kishte shitur trupin për byrek dhe kos. Është e vërtetë edhe që një vajzë shtatzënë në muajin e shtatë të shtatzënisë, ofron seks oral për klientët për një mijë dinarë”, tha ai./INA
Kryetari i Nismës Fatmir Limaj, thotë se ish-presidentja e Kosovës, Atifete Jahjaga, gjatë mandatit të saj, nuk ka arrit të mbrojë Kushtetutën e vendit, ndërkaq që presidenti aktual, Hashim Thaçi, e ka shkal atë për 5 vjet.
Ai, ka komentuar edhe ceremoninë e inaugurimit të presidentit Hashim Thaçi.
“Qohet presidentja e deritanishme, Kushtetutën, që nuk ka mundur me mbrojt për 5 vjet, ia dorëzon atij që e ka shkelë për 5 vjet, dhe i thotë po ta lë amanet”,ka thënë Limaj në Prizren, transmeton PrizrenPress.
Sipas tij, presidenti i Kosovës, Hashim Thaçi, ka shkelur Kushtetutën e Kosovës, duke i dhënë territor Malit të Zi.
“Është kreator dhe nënshkrues i dhënies së territ tonë Malit të Zi”.
Limaj tha se Kosova nuk është ashtu siq po paraqitet në televizor.
“Kosova është në gjendje të mjerueshme”./TV Prizreni/
NISMA NË PRIZREN SHËNON 2 VJETORIN E THEMELIMIT, FATMIR LIMAJ , HASHIM THAÇIN E KRAHASON ME INSTINKT PREJ DIKTATORI SI TË KRYETARËVE TË SHTETEVE TË LINDJESMe një solemnitet rasti, në oret e vona të pasdites së sotme Dega e Nisma për Kosovën në Prizren, ka shënuar 2 vjetorin e themelimit. Pjesë e kësaj ngjarje ishin edhe drejtuesit më të lartë të këtij subjekti politik. Pjesë e solemnitetit të sotëm të përvjetorit të dytë të Nisma për Kosovën në Prizren, përveç anëtarëve, simpatizantëve dhe strukturave më të larta, ishin edhe zyrtarë të degës së LDK-së, BD-së, partive të tjera dhe përfaqësuesve të komuniteteve fetare në Prizren. Para të pranishmëve ka folur kryetari i degës së Nismës në Prizren, Sinan Alijaj, i cili në mes tjerash tha se për dy vite funksionim , fal angazhimeve maksimale jemi zhvilluar aktivitete të shumta në shtrirjen e partisë në tërë territorin e komunës , në shërbim të ndryshimit të mentalitetit politik në shërbim të interesave të qytetarëve , theksoi ai.Ndërkaq, lideri i këtij subjekti politik, Fatmir Limaj, tha se Nisma po fuqizohet anëkënd vendit duke marrë besimin e qytetarëve si parti që sjell ndryshime pozitive në shërbim të tyre dhe të shtetit, pasi qe jemi parti që e mbajmë fjalën , theksoi ai duke vijuar se si pjesë e opozitës së bashkuar kemi dhënë shembullin më të mirë si mbrohen interesat e qytetarëve dhe shtetit edhe në Parlamentin e Kosovës. Fatmir Limaj, ka folur para të pranishmëve edhe për zhvillimet aktuale sociale dhe politike në vend, duke thënë se Kosova dhe populli i saj nuk ka qenë në gjendje më të keqe se sa që janë sot, ndërsa inaugurimin e djeshëm të kryetarit të ri të vendit, Hashim Thaçi, e ka quajtur ngjarjen ceremoniale të inaugurimit të një kryetari me instinkt diktatori nga Lindja, i cili ka shkelur Kushtetutën dhe ka qenë iniciator dhe nënshkrues i dhënies së tokës së Kosovës Malit të Zi, theksoi ai. Pas fjalimeve, dhjetëra të rinjve prizrenas i janë shpërndarë libreza të anëtarësisë në këtë organizëm politik…
Gepostet von Televizioni Prizrenit am Samstag, 9. April 2016