Një i dyshuar mashkull rom është intervistuar nga Policia e Kosovës, pasi që i njëjti në këmbim që të mos i shqiptohet dënimi për kundërvajtje njësitit policor i ka ofruar një monedhë prej 10 euro.
Ngjarja ka ndodhur në fshatin Brrut të Dragashit.
Me urdhër të prokurorit rasti shkon në procedurë të rregullt. /PrizrenPress.com/
Një zyrtar policor në Prizren është sulmuar fizikisht nga një person.
Ngjarja ka ndodhur në rrugën “Ueslli Kllark”, ku i dyshuari është ndaluar në një pikë kontrolli dhe i njëjti më pas nuk i është bindur urdhrave të personit zyrtar, me ç’rast i dyshuari me derë të automjetit e godet zyrtarin policor në dorën e majtë duke i shkaktuar lëndime.
Viktimës dhe të dyshuarit i është ofruar tretman mjekësor.
Me urdhër të prokurorit rasti shkon në procedurë të rregullt./PrizrenPress.com/
Rreth orës 02:30, pas mesnate në një banesë në rrugën “Beteja e Kabashit” në Prizren ka ndodhur një vjedhje.
Policia në këtë qytet njofton se bazuar në informatat nga vendi i ngjarjes i dyshuari kishte hyrë në banesë dhe i kishte marrë dy telefona celularë: një “Iphone 5” dhe një “Samsung Galaxy 3” por ishte kundërshtuar nga dy viktimat.
“Sipas viktimave, i dyshuari i njohur për ta, me vete kishte pasur një shkop bejsbolli por nuk e kishte përdorë ngase viktimat i kishte rrahur me shpulla. Para se të largohej nga vendi i ngjarjes, i dyshuari i kishte kërkuar 600 euro nëse donin t’i merrnin telefonat”, bën të ditur zëdhënësi i Policisë Rajonale në Prizren, Hazir Berisha.
Kjo e fundit bëri me dije se në orët e pasdites ka arritur ta arrestojë Pashk Th., ndërkaq, telefonat u janë kthyer pronarëve.
I dyshuari i këtij rasti me vendim të prokurorit të shtetit është ndalur nën masën e arrestit. /PrizrenPress.com/
Askush nuk gjykohet para Dhomave të Specializuara për vepra për të cilat ai tashmë është gjykuar nga ndonjë gjykatë e Kosovës dhe as për vepra për të cilat ai tashmë është gjykuar nga Tribunali Ndërkombëtar. Projektligji po ashtu sqaron se edhe ata persona që do të gjykohen nga Dhomat e Specializuara, nuk do të gjykohen për vepra të njëjta, nga ndonjë gjykatë tjetër e Kosovës.
Juridiksioni i Dhomave të Specializuara, nuk i nënshtrohet ndonjë amnistie.
Të gjithë personat e akuzuar kanë të drejtën e kërkesës për asistencë në mbulimin e shpenzimeve të mbrojtjes, që paguhen nga Buxheti i Kosovës, i alokuar për qëllimet e këtij Ligji, shkruan Zëri.
Mbështetje financiare u ofrohet edhe anëtarëve të ngushtë të familjeve të personave të akuzuar, si shpenzimet e udhëtimit, akomodimit e mëditjeve ditore.
Personat ndaj të cilëve është ngritur aktakuzë pranë Dhomave të Specializuara, kanë të drejtë të kërkojnë kompensim në rast se ata shpallen të pafajshëm.
Dëshmitarët që nuk përgjigjen, burgosen
Çdo person që është i pranishëm në Kosovë dhe që thirret si dëshmitar nga Dhomat e Specializuara ose Prokurori i Specializuar, e ka për detyrë që t’i përgjigjet thirrjes.
“Mbrojtja e dëshmitarëve, siguria dhe konfidencialiteti merren parasysh dhe shqyrtohen para çdo kërkese të tillë”, thuhet në Projektligj.
Por në rast se dëshmitari i thirrur nuk paraqitet, nuk e arsyeton mungesën, ose largohet nga vendi ku do duhej të merrej në pyetje pa leje, ai dëshmitar mund të gjobitet deri në 250 euro për secilën herë që ai ose ajo nuk paraqitet. E nëse dëshmitari refuzon të dëshmojë edhe pasi të jetë gjobitur, ai mund të burgoset.
“Burgimi zgjat për aq kohë sa dëshmitari refuzon të dëshmojë apo derisa dëshmimi i tij bëhet i panevojshëm, ose derisa procedura penale të përfundojë”, thuhet ndër të tjera në këto projektligje.
Ligji parasheh që rregullat e procedurës dhe provave do të përfshijnë dispozita të posaçme për të garantuar mbrojtjen e dëshmitarëve të ndjeshëm, përfshirë viktimat e dhunës seksuale, viktimat e dhunës me bazë gjinore dhe fëmijët.
Masat mbrojtëse zbatohen gjatë procedurës në rastin e viktimave të dhunës seksuale dhe gjinore apo dëshmitarit, viktimës fëmijë.
Zyra për Mbrojtjen dhe Mbështetjen e Dëshmitarëve, që do të jetë pjesë e Dhomave të Specializuara, mund të bëjë përfaqësime para gjyqtarit të procedurës paraprake, panelit ose prokurorit të specializuar lidhur me masat mbrojtëse, mekanizmat e sigurisë, këshillimin dhe asistencën e nevojshme për dëshmitarin para, gjatë dhe pas dëshmisë dhënë para Dhomave të Specializuara. /Zëri/
Njohësit e çështjeve kushtetuese, Mazllum Baraliu dhe Xhavit Shala i kanë dhënë të drejtë opozitës që dyshimet e sa për miratimin e Gjykatës Speciale t’i adresojë në Gjykatën Kushtetuese.
Ata kanë deklaruar për “Epokën e re” se në këtë proces mund të ketë pasur ndonjë shkelje procedurale. Megjithatë, thonë se kjo përpjekje e opozitës vështirë se do të ketë sukses.
Nga Cerim Bajrami
Të enjtën dhe të premtën e kaluar, në seancat e Kuvendit të Republikës së Kosovës në rend të ditës ka qënë edhe leximi i dytë i Ligjit për letërnjoftime. Siq kanë raportuar edhe mediumet në gjuhën shqipe, dy amandamentet kanë shkaktuar debat ndërmjet deputetëve të kuvendit dhe propozuesve të tyre.
Kur është fjala për amandamentin e dytë, me nr.9, debatiështë zhvilluar ndërmjet dy-tre deputetëve të cilët kanë qenë të rezervuar apo kunder atij propozimi i cili ka mbështetje unanime nga komisioni funksional për punët e mbrëndshme dhe mbikqyrje të FSK-së, dhe, nga ana tjetër, Çerim Bajramit, deputetit boshnjak, propozuesit të amandamentit si anëtar i komisionit dhe dhjetëra deputetëve të cilët e kanë mbështetur këtë propozim. Ky amandament, si dhe Ligji në përgjithësi, ka mbetur pa votim për shkak të mungesës së kvorumit në hallë të kuvendit, për atë arsye votimi eshte prolonguar për muajin shtator, pas pushimit veror.
Megjithatë, para zvogëlimit të numrit të deputetëve nën 61 të pranishëm, amandamenti i parë “i kontestueshëm” i deputetit Nait Hasani, i cili gjithashtu ka shkaktuar debat nga të pranishmit, me vendim të shumicës është refuzuar, derisa ai nuk ka pasur as mbështetje nga Komisioni funksional. Ky propozim i Hasanit i është referuar që në letërnjoftim të jet e shënuar edhe përkatësia etnike.
Propozimi i Bajramit ka mbështetje unanime nga Komisioni Funksional, si dhe nga OSBE-ja, si dhe nga shumica e deputetëve në diskutim në Kuvend.
Per fat keq,ky ndryshim i rëndësishëm i këtyre dy propozimeve mediat nuk e kanë theksuar. Megjitheket, ajo që këto dy amandamente nuk mund të futen në pozitën e njejtë, është edhe fakti që OSBE-ja e ka mbështetur propozimin e deputetit Cerim Bajrami edhe në form të shkruar edhe me deklarat gojore nga përfaqësuesi i tyre në mbledhjen e komisionit funkcional. Derisa amandamentiideputetit Nait Hasanit, i cili ishte më parë në një nga seancat e të njëjtëskomision është përkrah nga shumica (me voten edhe te autorit te këtij teksti), shpejt humbi mbështetjen e saj në seancën e mbylljes për shkak të vërejtjeve të bëra në ndërkohë nga Komisioni për Integrime Evropiane dhe komentet kundër OSBE-së, të cilat ishin të përpunuara në shkelje të dispozitave të Kushtetutës së R.së Kosovës dhe praktikës në botën demokratike.
Kur jemi tek konfuzione të shkaktuara në publik, në mësëpaku njërin prej mediumeve relevante në gjuhën shqipe është thënë që madje në kuvend “shumica ishte kundër” propozimit e deputet Bajramit, derisa e vërteta është që dy-tre deputet kundërshtuan të drejtën e komunitetit boshnjak dhe komunitetit turk që të kenë edhe në gjuhën e tyre letërnjoftimin, ose kanë qen të rezervuar, ndërsa dhjet prej tyre që kanë marrë pjesë në debat ishin – për, ndërjmjet tyre edhe ata në emër të grupeve parlamentare!
Duke marre parasysh paqartësi të cekura të cilat kanë dalë edhe në medium, mendoj qëështë e nevojshme të bëhen edhe shpjegime publike – përse kërkoj(m) letërnjoftime edhe në gjuhën boshnjake.
Ta nënvizoj menjëher:nuk kërkohet që letërnjoftimi të jetëi shtypur vetëm në gjuhën boshnjake apo vetëm në gjuhën turke, por ky dokument personal do të jepet përseri në të tri gjuhë në të cilat edhe tani shpërndahet (shqip, sërbisht dhe anglisht), derisa për ata që kërkojn nga komuniteti boshnjak apo turk do të shpërndahet edhe në gjuhën e katërt: për boshnjak – edhe në gjuhën boshnjake derisa për turk – edhe në gjuhën turke (dhe për këta tjerë, kjo është veq praktika).
Nëse dikush mendon që kjo është fantazi e posaqme e boshnjakëve apo komunitetitturk, apo politika e posaqme nacionale të disa përfaqësuesve, le ta refuzojn menjëher këtë qasje.
Nuk është vendim i politikës, por e drejta kushtetuese dhe ligjore, sipas konventave ndërkombëtare për përdorim të gjuhëve.
E para, kjo nuk është cfarëdo kërkese – por është kërkesa e 15-të viteve pas luftes për respektimin e të drejtës së përdorimit të gjuhës amtare të Boshnjakëve dhe Turqve, gjuhët e të cilëve janë cekur në nenin pesë (5) të kushtetutës së Republikës së Kosovës, e kjo e drejt është e garantuar edhe me të gjitha konventat ndërkombëtare për përdorimin e gjuhës amtare. E dyta, në praktik në Republikën e Kosovës tashmë dekadë më përpara jepen certifikata të lindjes, vdekjës dhe martesës edhe në gjuhën boshnjake edhe në gjuhën turke për anëtarët e këtyre dy komuniteteve pakicë të Republikës së Kosovës. E treta, qe një vjet e gjysmë në Kosovë jepen letërnjoftime edhe në gjuhën turke.
Pra, mbetet që kjo e drejt, qëështë e përshkruar me këtëligjë dhe me amandamentin e tij në procedurë përfundimtare të Kuvendit, të plotesohet edhe për anëtarët e komunitetit boshnjak, gjegjësisht për letërnjoftimet edhe në gjuhën boshnjake! Në këtë drejtim duhet të përkujtojm që përfaqësuesit boshnjakë në institucionet e sistemit janë veçuar për dështimin e tyre që e drejta për lëshimin e dokumenteve primar të identitetit në gjuhën boshnjake nuk është kryer në paralele me ate leternjoftimet edhe në gjuhën turke.
Propozimi im, gjegjësisht amandamenti i Komisionit për punët e brendshme dhe mbikqyrje të Fsk-së, me nr. 9, në të cilin kërkoj(m) që me tekstin (e shkurtër) ekzistues propozuesin e projektligjit në nenin 10, në të cilin figuron: “Formularët dhe letërnjoftimet të shtypen sipas Ligjit për përdorim të gjuhëve”, të shtohet edhe paragrafi 2.: “Formularët dhe letërnjoftimet për anëtarët e komuniteteve joshumicëtë shtypen edhe në gjuhët e tyre të cilat jane në përdorim në nivelin lokal”.
Pra, kjo dote thotë sepërveç tre gjuhëve që janë deri tani në leternjoftim të Kosoves, për pjesëtarë të komunitetit boshnjak të shtohet edhe gjuha e katërt – boshnjake, derisa për pjesëtarë të komunitetit turk do të ishte gjuha – turke. (Siq edhe është.)
Për këtë të drejt, siq edhe cekëm, mbështetem(i) në kushtetuten e Republikës së Kosovës, neni 5., si edhe në rregulla të Ligjit mbi përdorimin e gjuhëve (Nr. 02/L-37) në tërësi, i cili eshte ligj “i tipit të hapur” dhe nuk e kufizon, por e promovon të drejtën në spektrin e gjërë përdorimin e gjuhëve letërave të komuniteteve joshumicë, veqanarisht në nivele lokale atje ku këta gjuhë janë në përdorimin zyrtar. Në veçanti janë tërëndësishme neni 2.i këtij ligji, paragrafi i 5-të, si dhe neni 8., paragrafi 1.deri 3, etj…
Duke filluar edhe nga fakti se Kuvendi i Kosovës miratoi Ligjin për letërnjoftime në vitin 2008.,e cila kishte një dispozitë të qartë në nenin 9., ku ai thotë se që- “leternjoftimet do të shtypet në gjuhët zyrtare në nivel qendror dhe në gjuhët zyrtare nëkomuna”(!), pra, e ngjashme me propozimin tim të pranishëm ose amandamentin e komisionit funksionalë!
Megjithatë, për fat të keq, kjo e drejtë në praktikë nuk është arritur, edhepse ky ligjë ishte i vlefshëm për gati katër vjet, dhe me ndryshimet e vitit 2012.,është ende në fuqi !? Dhe për këtë arsye, nuk ka asnjë bazë për tu ”merakosur” qëse, gjoja, tani “mos te shkelet kushtetuta”?!
Në ndryshimet e lartpërmendura dhe amandamente të këtij Ligji nga 2008-ta, ndër të tjera, nga propozuesi është cekur vetëm shkurtimisht njejt si ajo qëështë propozuar edhe në projektligjin e fundit në nenin 10., në lidhje me gjuhët në të cilat shtypen letërnjoftimet. Propozuesi është nisur me logjikën që kjo është e mjaftueshme, derisa (duke shikuar nga perspektiva e sotit) ndoshta është bërë edhe leshim nga përfaqësuesve të atëhershëm të komuniteteve në Kuvend dhe në komisione, ku në tekstin e ri nuk është ndaluar edhe paragrafii mëparshëm mbi gjuhët në nivelin lokal në ligjin nga viti 2008.
Letërnjoftimi në gjuhën turke tashmë po shtypet, mbetet të bëhet edhe në atë – në gjuhën boshnjake
Megjithate, në ndërkohë ka filluar edhe shtypja e letërnjoftimeve në gjuhën turke, me këmbngulje të disa përfaqësuesve turk me mundësi, ndashta edhe me ndihmës të shtetit amë, qëështë plotësisht normale. Prandaj, në njëfar mënyre, e bën këtë të drejt përfshihet edhe duke pasur parasysh dispozitat e ligjit të shtatë vjet më parë!
Në këtë kontekst, as një përpjekje amatore nga një zyrtar i Ministrisë për punët e brendshme, sponzoresi i draft Ligjit ne fjal, në takimin e Komisionitfunkcional, që kohët e fundit ka filluar lëshimin e leternjoftimet në gjuha turke, per shkak që eshte ajo gjuha e njohur si tradicional në komunën e Prizrenit, nuk ka asnjë bazë, sepse, edhe pse është e qartë se ligji për gjuhët ka njohur statusin “gjuhët tradicionale” e vetmja gjuhë turke në Prizren (e cila është, pra, automatikisht njohje në manualin zyrtarë), kjo vetëm do të thotë se përdorimi zyrtar i gjuhësturke në Prizren nuk varet nga numri i turqve dhe përqindjen e tyre të popullsisë së përgjithshme të komunës ! Megjithatë, komuniteti turk edhe tani ka përqindjen e kërkuar.
Gjithashtu, unë mendoj se bejne gabim ata që këtë veprim rreth lëshimit të letërnjoftimeve edhe nëgjuhën turke,zhvendosin (vetëm) vendimin politik të qeverisë së mëparshme, sepse është e qartë se, që nga viti 2008., institucionet kompetentekan shkelur ligjin ne fuqi. Duke folur më tej në favor të themelimit institucional të këtij vendimi, duhet theksuar dhe rekomandimet e Bordit dhe Komisionerit për gjuhët në zyrën e kryeministrit, i cili pasoi në vitin 2013., me një vërejtje të veçantë – që letërnjoftimin e lëshuar në gjuhët e komuniteteve joshumicë që janë në përdorim në nivel lokal.
Shumica e opinionin tonë e dinë që në nenin 5.të Kushtetutës së Republikës së Kosovës qart flitet për gjuhët zyrtare në Kosovë, ndër të cilat janë gjuhët shqipe dhe serbe, dhe qe në përdorim si zyrtar jane edhe gjuhet boshnjake, turke dhe rome, posaqërisht në nivel komunal. Megjithate, me Ligjin për përdorim të gjuhëve është definu edhe kjo e drejt, gjegjësisht përdorimi zyrtar i ketyre tri gjuhëve është e kufizuar në përdorimin me pes (5) përqind të popullatës në nivel komunal në të cilën jetojn anëtarët e tyre. Kështu që, në bazë të regjistrimit të popullatës nga viti 2011., gjuha boshnjake është në përdorim zyrtar nëmë shumë komuna në Kosovë, ndërsa gjuha turke është në përdorim në disa komuna më tepër se gjuha boshnjake.Gjuha boshnjake mbetet që zyrtarisht të pranohet me statut edhe në komunën e Leposaviçit në veri të Kosovës, siq është paralajmëru që të bëhet edhe në komunën e Mitrovicës veriore. Këto njohje, pra, do të ndiqen, apo janë ndjekur në përputhje me dispozitat e Ligjit për përdorim të gjuhëve, gjegjësisht numri i nevojshëm i banorëve boshnjak dhe turk të komunitetit pakicë.
Si kundër shembull mbi kufizimet e Ligjit për përdorim të gjuhëve, ështëjorealizimi i të drejtës së përdorimit të gjuhës rome e cila është, për shkak të kufizimit numëror të anëtarëve të komunitetit romak, bukvalisht pa tëzbatuar në të gjitha komunat e Kosovës, përshkak se ata nuk kanë përqindje të duhur të anëtarëve të paraparë me dispozita ligjore.
Nga të gjitha që thamë, është e qartë se një dispozitë modeste në draftin e tanishëm duhet të zgjerohet në këtë tekst amandamenti me paragraf shtes, se në nenin 10.vetëm përgjithësisht përmendet Ligji mbi përdorimin e gjuhëve (dispozitat e tij të përgjithshme), derisa sjellet Ligji i cili rregullon vetëm një fushë specifike siq është letërnjoftimi dhe komponenteve të saj të rëndësishme siq janë gjuhët në të cilat shtypet. Veqanarisht pasi ai legalizon praktikën ekzistuese dhe përcakton me saktësi procedurën në lidhje me lëshimin e ardhshëm të dokumenteve personale. Pra, në rastë se do të ndodhte të bëhet boshëlluk ligjor për mospërmendje të gjuhës së parë të popullatës shumicë, atëher askush nuk do të paramendonte që letërnjoftimi të mos shtypet edhe në gjuhën shqipe. Megjithate, si edhe në raste të tjera kur ajo e drejt nuk ceket për komunitete pakicë, atëher shpesh del që ata dhe gjuha e tyre në praktik nuk eksistojn, siq është tani rasti me mungesën e gjuhës boshnjake nëpër letërnjoftime.
Ndryshe, askund në ligj nuk përmendet as gjuha angleze në letërnjoftim, por ajo është e pranishme, sepse është vazhdu me praktikën nga administrata e Unmikut edhe në shtetin e pavarur të Kosovës, kushtetuta e të cilit është miratuar në vitin 2008!
Nevoja praktike për të kuptuar tekstin nga ana e pronarëve të dokumenteve personale
Në fund të fundit ne nuk kërkojm asgjë më tepër, përveq asaj qëështë e drejta jonë. Po kërkimi i të drejtës tonë veqanarisht duhet të merren parasysh si nevoj praktike për qytetarët të komunitetit boshnjak, në një pozitë të ngjajshme janë edhe ata të komunitetit turk. Pra, fakti është që shumica e të rinjve boshnjak të rritur deri në prag dhe pas luftës, nuk e dinë alfabetin qirilicëe cila gjendet në letërnjoftimin e kosovës, pamarrë parasysh që gjuha sërbe dhe boshnjake janëngjajshme.Gjithashtu, realiteti është se një pjesë e mirë e boshnjakëve të Kosovës nuk e njeh edhe gjuhën shqipe. Prandaj imponohet pyetja logjike: Si mundet një person i cili zotëron një dokument personal me të cilin bëhet identifikimi kryesor me njerëz dhe institucione të tjera, kur ai vetë nuk e dine se çfarë shkruan në këtë dokument?
Në këtë drejtim,është po ashtu e rëndësishme: pasiqëështë mbi 30 000 boshnjak të pranishëm në Kosovë, mësëpaku po aq me numer jetojn dhe punojn në diaspor, ku shumica e tyre marrin letërnjoftime të kosovës në përfaqësi diplomatike të R. së Kosovës. Si shembull mëi mirëe përmendim Konzullin në Cyrih, i cili sipas të dhënave zyrtare, ka lëshuar më së shumti dokumente të natyrës personale, prej të cilave janë rrethë tetë mijë aplikantëve prej komunitetit boshnjak të disa kantoneve të Zvicrës, si dhe prej disa pjesëvetë shteteve përreth. Kjo është gati gjysma e të gjitha dokumenteve të lëshuara në këtëkonzullat ! Deshtëm apo nuk deshtëm të themi, shumica e aplikantëve në diaspor qe ishin nga popullata boshnjake dhe janë me prejardhje nga Kosova, përveç gjuhës së tyre amtare, ata dinë vetëm edhe gjermanishtën, franqishtën apo edhe ndonjë gjuhë të shtetit ku veprojn, dhe dinë vetëm edhe – alfabetin latin.
Në fund të fundit, vetë popullata boshnjake dhe të kombësis turke, si edhe qutetaret tjetër në Republikën e Kosovës, edhe ata në diaspor, vet paguajn formularët dhe letërnjoftimet, si dhe të gjitha dokumente personale.
Së fundmi, dua tju falënderoj të gjithë anëtarët e Komisionit për punët e brendshme të cilët nëdy sesionet e tyre të punës diskutuan në detaje propozimin timë, me argument për dhe kundër, që në fund mbeshtetën njëzëri tekstin tim, propozim si amandament i komisionit. Gjithashtu falënderohem të gjithë deputetëve të cilët në seancën e fundit në Kuvendin të cilët e mbështetën këtë propozim, me mbështetje të qart dhe të hapur, dhe deputetes dhe koleges sime nga koalicioni “Vakat”, si dhe deputetës tjetër boshnjake në kuvendin e R. së Kosovës.
E shpreh shpresën e arsyeshme që edhe shumica e deputetëve të Kuvendit të Republikës së Kosovës do ta votojn këtë amandament, si edhe tekstin e tërësishëm të Ligjit mbi letërnjoftimet, tëcilin e ka mbështetur Komisioni Funksional, për shkak se me këtë do ta përmbushin edhe një pikë demokratike të rëndësishme nga fusha e të drejtave njerëzore edhe për anëtarët e komunitetit boshnjak, si edhe për pjesetarë të komunitetit turk të Republikës së Kosovës.
A duhet që dikë ta përkujtojm që këto dy komunitete janë qutetaret lojal të këtij shteti, përfaqesuesit e të cilëve jepen dhe japin kontribut intenziv në të gjitha proceset demokratike dhe shtetrore në Republikën e Kosovës.
E nëse dikush ka pyetje shtes, të tipit “ku na qonë kjo”, përgjigjja jeme është si në fjalimin timnë Kuvend: na qonë tek edhe në një hapë pozitive kah integrimi në bashkimin Europian!
(Autor është deputeti boshnjak në Kuvendin e Republikës së Kosovës)
Manjatia televizive dhe producentja, Lori Hoxha, tashmë njihet për stilin e saj luksoz të jetesës.
Bukuroshja e njohur njihet për luksin e saj, veturat e shtrenjta dhe veshjen firmato nga brendet më të shtrenjta botërore.
Dhe në Snapchatin e saj personal, ajo ka publikuar disa fotografi, ku ndër të cilat vërehet një foto me fustan të kuq, i ngjitur për trupi, transmeton Telegrafi.
Ky fustan pa dyshim se i ngjan, e i hapur në gjoks dhe definues për trupin e bukuroshes vetëm sa e thellon imagjinatën e meshkujve.
Lori Hoxha është e bija e të ndjerit Dritan Hoxha, pronarit të Top Medias. /Telegrafi
Analisti amerikan, Daniel Serwer, ka vlerësuar se Gjykata Speciale u themelua pasi dështoi EULEX-i në Kosovë. Ai shkruan se ka rrezik të dështojë edhe kjo Gjykatë pasi provat e krimeve të luftës janë vjetruar dhe se ka rrezik që procesi të mos jetë fer dhe i drejtë.
Lexojeni të plotë komentin e Serwerit
Dje, Kuvendi i Kosovës ka aprovuar ndryshimet e nevojshme kushtetuese për t’i hapur rrugë formimit të Gjykatës Speciale ndërkombëtare, e cila do të vendoset jashtë këtij shteti të vogël, për t’i trajtuar rastet që datojnë nga fundi i luftës në Kosovë dhe mund të përfshijë disa krime të kryera në Shqipëri. Është e qartë se gjykata do të marrë vite për ta shpallur ndonjë vendim.
Hashim Thaçit, i cili është përfolur në disa prej rasteve, iu desh kurajë t’i siguronte votat e deputetëve të partisë së tij për t’i arritur dy të tretat në Kuvend. Aprovimi i amendamenteve të kushtetutës pati dështuar javë më parë për shkak të disa entuziastëve të Ushtrisë Çlirimtare të Kosovës. Ata pretendojnë se Gjykata Speciale e njollos legjitimitetin e luftës së tyre për liri dhe sovranitetin të shtetit që e kanë krijuar.
Komuniteti ndërkombëtar i pa gjërat ndryshe. Miqtë e Kosovës në Washington dhe në Bruksel mund të kenë pasur më shumë dëshirë që këto raste të trajtohen nga sistemi gjyqësor i Kosovës. Por, Kosova është shumë e vogël dhe e ndërlidhur përbrenda që të mund të trajtojë raste të tilla, të cilat kërkojnë mbrojtje absolute të dëshmitarëve. Sidoqoftë, nuk do të ishte e mundur që gjykatat në Kosovë të merren me këto krime të cilat sipas provave kanë ndodhur në Shqipëri, duke përfshirë këtu vrasje dhe trafikim të organeve.
Fatkeqësisht nuk është ende e qartë nëse edhe ndërkombëtarët mund ta menaxhojnë këtë. Misioni për Sundim të Ligjit në Kosovë (EULEX) është dëshmuar të jetë edhe vetë i korruptuar dhe inkompetent. Tribunali Ndërkombëtar për Krime në ish-Jugosllavi, nuk ka qenë fare më i mirë në trajtimin e këtyre rasteve. Gjykimet e këtyre misioneve janë zvarritur për vite të tëra dhe kanë qenë inkonsistente dhe rrjedhimisht vështirë kanë sjellë rezultate.
Supozohej të kishte rezultate më të mira. Drejtësia ndërkombëtare ka qenë dashur të siguronte llogaridhënien e individëve, ta heqë përshtypjen e fajit nga grupet etnike dhe ta krijojnë një terren të ngrohtë dhe të sigurt. Duke gjykuar në këto pritje, mund të themi që misionet ndërkombëtare ligjvënëse kanë qenë një dështim i mjerë. Përderisa mundësia ushtarake që mund ta prishë balancën në Ballkan është reduktuar në maksimum, tensionet etnike ende janë të pranishme e po ashtu.
Frika ime e vetme për këtë Gjykatë të re, krijimi i të cilës duhet llogaritur si një hap i madh përpara, është se ajo mund të dështojë njësoj si misionet e tjera ndërkombëtare. Sjellja e njerëzve para gjykatës për t’u përgjigjur për krime të para 15 e 16 viteve është sfiduese. Dëshmitë zhduken ose shkatërrohen, dëshmitarët më nuk janë në gjendje ose nuk kanë vullnet të dëshmojnë, kujtimet zbehen. Dyshimet për trafikim organesh do të jenë veçanërisht të vështira të dëshmohen. Ndoshta sfida e vetme e madhe për Kosovën do të jetë frikësimi: Unë nuk do të doja të jetoj në një vend me më pak se dy milionë njerëz ku pjesa më e madhe e tyre do të më quanin tradhtar. Të dëshmosh në këtë gjykatë nënkupton një jetë të tërë në ekzil në programe për mbrojtjen e dëshmitarëve të shteteve të tjera.
Kështu që, shpresoj që ndërkombëtarët i kuptojnë përgjegjësitë e mëdha që i kanë marrë me krijimin e kësaj Gjykate Speciale: gjykimi i rasteve të vjetra, me dëshmi dhe prova të vjetra, duke u munduar të sigurohet proces transparent dhe njëkohësisht të binden të gjitha palët që procesi është i drejtë dhe i pandikuar, duke shmangur prishjen e reputacionit pa prova të forta dhe duke marrë përgjegjësinë në mënyrë që të shmanget dëmtimi i personave të pafajshëm.
Kjo nuk është e lehtë.
Shkrimi në origjinal: http://www.peacefare.net/?p=23995
Deputeti i Kuvendit të Kosovës nga Nisma për Kosovën, Zafir Berisha ka ironizuar me listën e publikuar të gazetarit Milaim Zeka, i cili kishte zbuluar emrat e disa njerëzve që do të gjykohen nga Gjykata Speciale.
Berisha ka thënë se edhe ai ka një listë të personave që do të gjykohen nga Specialja, ku ndër të tjerash gjenden emrat edhe të Halil Matoshit, Milaim Zekës dhe Shkëndije Mujajt, transmeton Telegrafi.
“Berat Buzhala, Shkëndije Mujaj, Halil Matoshi, Milaim Zeka dhe disa të tjerë janë listën time që do të gjykohen nga Gjykata Speciale. Një mashkull që fotografohet ndër këmbët e gruas si Milaim Zeka, s’di sa ka karakter”, ka thënë deputeti Berisha.
“Ma shumë e parapëlqeva të përballem me një demagog të si Milaim Zeka ai është i sojit të dezertorit. Çështjen e listave po e lidhi në lidhje me qëndrimin tim në parlament . Dëmi i parë është që ende pa u kry seanca ai del me listë të emrave. Ka edhe shumë arsye tjera që kanë bë me mbajt atë qëndrim. Politikanët pakurrizorë, butakë për interesa meskine ia kanë bërë një dëm të parikuperueshëm Kosovës”, tha Berisha.
Kujtojmë se gazetari Zeka kishte zbuluar ditë më parë se Hashim Thaçi, Kadri Veseli , Azem Syla dhe disa ish-pjesëtarë të UÇK-së , do të akuzohen nga ana e Gjykatës Speciale për krime të supozuara gjatë luftës në Kosovë në vitin 1999. /Telegrafi/