Një ditë para seancës së Kuvendit të Kosovës ku do të votohen për zgjedhjen e Presidentit, Lidhja Demokratike e Kosovës nëpërmjet një njoftimi për media ka bërë me dije se do ta respektojë marrëveshjen me PDK’në që Hashim Thaçit të jetë President. Aty thuhet se një gjë të tillë e kanë kërkuar strukturat e partisë gjatë konsultave ditëve të fundit.

Njoftimi i plotë:

Lidhja Demokratike e Kosovës, ditët e fundit, ka zhvilluar takime dhe konsulta shteruese me strukturat e LDK-së, ku është diskutuar për zhvillimet politike në Republikën e Kosovës.

Gjatë takimeve të Kryesisë së LDK-së, të Grupit Parlamentar si dhe me kryetarët e degëve të LDK-së, ka dominuar plotësisht qëndrimi dhe ka qenë konkluzion i përbashkët se Lidhja Demokratike e Kosovës duhet të vazhdojë me përkushtim të plotë kontributin e saj shtetndërtues në institucionet e Republikës së Kosovës.

Anëtarët e të gjitha strukturave të LDK-së, kanë kërkuar pa ekuivok nga përfaqësuesit e saj në institucionet qendrore që LDK-ja si parti me traditë të gjatë institucionale dhe me kontribut vendimtar në themelimin dhe ndërtimin e shtetit të Kosovës, t’i përmbahet parimeve të saj, duke përmbushur obligimet politike e kushtetuese të dala nga marrëveshja për krijimin e institucioneve në këtë mandat qeverisës, duke përfshirë zgjedhjen e Presidentit të Kosovës, sipas kësaj marrëveshjeje.

Duke iu referuar gjendjes aktuale në vend, të gjitha strukturat e LDK-së kanë kërkuar që LDK-ja, si gjithnjë, të luaj rol konstruktiv në funksionalizmin e plotë të institucioneve të shtetit dhe krijimin e kushteve për realizimin e prioriteteve dhe objektivave nacionale.

Kryetarët e degëve, anëtarët e Kryesisë dhe deputetët e LDK-së kanë kërkuar që LDK-ja, përmes udhëheqjes së Qeverisë dhe deputetëve të saj në Kuvend të vazhdojë përkushtimin maksimal për zhvillim ekonomik, ndërtim të institucioneve demokratike dhe proceset integruese euroatlantike.

Lidhja Demokratike e Kosovës, më këtë rast, thekson përkushtimin e saj të plotë për realizimin e synimeve dhe aspiratave të qytetarëve për ndërtimin shtetit të Kosovës, në miqësi të përhershme me Shtetet e Bashkuara të Amerikës dhe vendet tjera mike.

Ky vizion nacional, sot, mund të realizohet përmes punës së përbashkët, dialogut institucional dhe në koordinim të plotë me partnerët perëndimorë dhe jo përmes veprimeve anarkiste anti-perëndimore.

Lidhja Demokratike e Kosovës pret që të premten të gjithë deputetët e LDK-së në Kuvendin e Kosovës të veprojnë në përputhje me marrëveshjen politike të përkrahur nga strukturat e LDK-së, në mënyrë që t’i shërbejnë funksionalizmit të plotë të institucioneve të Kosovës.

Prokuroria Themelore në Prizren, Departamenti i Krimeve të Rënda, ka ngritur aktakuzë kundër të pandehurit S. H., për shkak se ka kryer veprën penale, keqpërdorimi i pozitës apo autoritetit zyrtar nga neni 422 paragrafi 1 lidhur me paragrafin 2.1 të KP-së.

I pandehuri S.H., në cilësi të personit zyrtar në Komunën e Suharekës, duke e shfrytëzuar detyrën zyrtare, i ka tejkaluar kompetencat e tija me qëllim që të përfitojë çfarëdo dobie për personin tjetër, dhe me këtë rast ka shkelur me dashje ligjin lidhur me detyrat e punësimit të tij.

S.H., në kundërshtim me Ligjin 04/L-144 për dhënie në shfrytëzim dhe këmbim të pronës së paluajtshme, që është në pronësi të komunës, dhe Rregullores 23/2013 për përcaktimin e procedurave për dhënie në shfrytëzim dhe këmbim të pronës së paluajtshme, që është në pronësi të komunës, ka lidhur kontratën mbi dhënien e tokës ndërtimore në shfrytëzim të përkohshëm me qira, si përfaqësues i komunës së Suharekës me një ndërmarrje po nga komuna e Suharekës.

Me këtë S.H., pa autorizim nga Kryetari i Komunës ka nënshkruar kontratë, me ç’ rast kontraktuesit nga Suhareka i ka mundësuar dobi edhe atë shfrytëzimin e kësaj parcele kadastrale pa i ndjekur procedurat e rregullta ligjore dhe ka shkelur me dashje ligjin dhe rregulloren e lartcekur. Me këto veprime S.H., ka kryer veprën penale, keqpërdorimi i pozitës apo autoritetit zyrtar nga neni 422 paragrafi 1 lidhur me paragrafin 2.1 të KP-së.

Gjykata Themelore në Prizren ka caktuar një muaj paraburgim për të dyshuarit me trafikim me njerëz.

“Gjyqtarja e Procedurës Paraprake – Departamenti i Krimeve të Rënda i Gjykatës Themelore të Prizrenit vendosi që ndaj të pandehurve me iniciale M.L. nga fshati Cerijan – Peshkopi të Republikës së Shqipërisë, dhe K.G. nga Prizreni i caktohet masa e paraburgimit, për shkak të dyshimit të bazuar se kanë kryer veprën penale trafikimi me njerëz nga neni 171 par.1. të KP-së”, njofton Gjykata Themelore në Prizren..

Të pandehurit do të mbahet në paraburgim në kohëzgjatje prej 1 (një) muaji, i cili do të llogaritet prej kohës së ndalimit, data 23.02.2016 prej orës 16.00 minuta, dhe do të zgjasë deri me datën 22.03.2016 .

Gjyqtarja e Procedurës Paraprake e miratoi kërkesën e Prokurorisë Themelore të Prizrenit e cila kërkoi mbajtjen në paraburgim të pandehurve.

Të pandehurit dyshohen për shkelje të Kodit Penal , sepse nga viti 2011 e në vazhdimësi deri me datën 23.02.2016 në bashkëveprim duke e keqpërdor pozitën e ndjeshme të viktimës duke e mbajtur në situatë të varësisë personale apo ekonomike, të njëjtat, i detyron duke ofruar me qëllim të ofrimit të shërbimeve seksuale me pagesë për persona të ndryshëm, të cilët persona paraprakisht i siguronin të pandehurit./PrizrenPress.com/

“Gjarpri”, epiteti i kandidati për President të Kosovës, të premten mund t’ia veshë vetes edhe një meritë historike, siç i quan Hashim Thaçi, arritjet e tij.

Zgjedhja e Presidentit të Kosovës që pritet të ndodhë nesër koiçidon me të njëjtin muaj kur ai e lexoi deklaratën e pavarësisë së Kosovës, tetë vite më parë.

Në atë kohë nuk i duheshin numrat, ndërsa të premten e shkurtit 2016, njohësit e çështjeve politike thonë se Thaçit do t’i duhen aftësitë prej gjarpër më tepër se kurrë.

Ndryshe nga si e parasheh kushtetuta, që Presidenti të jetë figurë unifikuese, kreu i deritashëm i Partisë Demokratike të Kosovës tanimë është kthyer në figurë problematike e kundërshtimit të fortë opozitarë, shkruan Gazeta Fjala.

Lëvizja Vetëvendosje, Aleanca për Ardhmërinë e Kosovës dhe Nisma, përveç bllokimit të shumicës së seancave të kuvendit të Kosovës për kundërshtimin e dy marrëveshjeve të arritura në Bruksel dhe Vjenë, kërkesën për rrëzimin e qeverisë tani listës së kundërshtimeve i kanë shtuar edhe zgjedhjen e Thaçit në postin e të parit të vendit.

Gjatë kohës kur pritet të mbahet seanca për votim të presidentit ata thirrën edhe protestë masive për kundërshtim. Përveç këtij mobilizimi deputetet e bllokut gjithashtu paralajmëruan edhe bllokim të seancës.

Por Hashim Thaçi kryetari i Partisë Demokratike të Kosovës pretendon se është personi më unifikues për kryetar shteti, duke u thirrur në votat e fituara në zgjedhje ndër vite, pavarësisht kundërshtimeve.

Ai qysh para një viti u mundua të siguroj këtë pozitë duke bërë marrëveshje me Lidhjen Demokratike të Kosovës, pasi që Isa Mustafës ia la rendin për kryeministër.

Përveç kundërshtimit opozitarë  Thaçi ka kundër edhe  disa deputet  të partisë së Koalicionit, që mund të mos qëndrojnë së sallë gjatë votimit. Prezenca e tyre, sipas njohësve të legjislacionit është e domosdoshme.

Vjosa Osmani, Adem Salihaj, Melihate Termkolli, Armend Zemaj, Arben Gashi janë vetëm disa nga deputetët që tashmë kanë deklaruar se janë kundër zgjedhjes së tij president.

Se si do të mund t`i përdorë aftësitë e “Gjarpërit” në garën për president të, pritët të shihet të premten kur edhe u caktua të mbahet seanca e jashtëzakonshme e Kuvendit të Kosovës.

Loja me numrat

Driton Selmanaj nga KDI tha për Gazetën Fjala se rregullat janë të përcaktuara me  rregulloren e punës së kuvendit dhe kushtetutën e Kosovës, pra duhet patjetër që të jenë të pranishëm 80 deputet në sall kur fillon votimi.

Sipas Selamanajt çdo përpjekje për të shmangur këto rregulla është e kotë dhe joligjore.

“Tanimë kemi edhe një arsyetim të bazës kushtetuese në rastin e z. Pacolli  përderisa i kemi disa rregulla nuk ka arsye tjetër që të mendohet se do të veprohet ndryshe”, u shpreh Selmanaj.

Partitë e pushtetit Partia Demokratike e Thaçit dhe Lidhja Demokratike e Mustafës, partneret e koalicionit vazhdimisht janë deklaruar se i kanë numrat e mjaftueshëm për zgjedhjen e Thaçit në krye të shtetit.

“Nëse nuk i kanë këta numra atëherë shkohet me dështim të zgjedhjes së presidentit kushtetuta na obligon që pas 45 ditësh të shkojmë në zgjedhje”, tha Selmanaj.

Por deklaratat e deputetëve të LDK-së kundër Thaçit gjatë seancës së nesërme sipas Selamanajt, mbetet ende si situatë hipotetike dhe nuk dihet çfarë mund të ndodhë në seancë.

“Krejt varet prej deputetëve,  partive të cilave ju përkasin se çka do të ndodhë në seancën e caktuar, por rregullat janë shumë të qarta nëse nuk ka 80 deputet në sallë nuk mund të hyhet as në proces të votimit”.

Për zgjedhjen e Presidentit nuk duhen 120 deputet

Juristi Dren Ajeti shpjegon për Gazetën Fjala se njëra nga kompetencat kryesore të kuvendit është edhe zgjedhja e presidentit të vendit.

Ai thotë se kandidati që pretendon këtë post duhet patjetër të ketë përkrahjen e së paku 25 për qind e anëtarëve të Kuvendit apo 30 deputetë për të fituar të drejtën për të kandiduar.

“Vetëm kandidati që mund të dëshmoj përkrahjen e këtij numri mund të kandidoj për postin më të lartë të vendit”, tha ai.

Hashim Thaçi në garën e nesërme do të sfidohet nga bashkë partiaku Rafet Rama, i propozuar nga Partia Demokratike Kosovës.

Në rastin e zgjedhjes së zgjedhjes së Behxhet Pacollit president gjykata Kushtetuese pati thënë se u shkel akti me i lartë i vendit.

Ajeti tregon se gjatë këtij rasti Kushtetuesja vendosi disa kushte që do ta përcjellin zgjedhjen e presidentëve.  Gjithësi duhet të jenë dy kundër kandidat dhe të të krijohet korumi prej 80 deputetësh.

Rregulla mbi kuorumin, parasheh pjesëmarrjen prej 2/3 e te gjithë deputeteve në mënyrë qe te zhvillohet seanca.

“Ne të tre raundet e votimit në seancën për zgjedhjen e presidentit duhet qe te jene prezent dhe votojnë se paku 2/3 e deputeteve ne mënyre qe te konsumohen raundet e përcaktuara me kushtetute”, tha Ajeti.

Duke ju referuar kundërshtimeve të forta kundër kandidaturës së Thaçit Ajeti tha se ”është për t`u diskutuar”, sesa e mençur është zgjedhja e një presidenti jo-unifikues në këtë kohë kur vendi ka nevoje për një president unifikues dhe neutral. /Gazeta Fjala/