Një veturë ka rënë në lum të Suharekës.Sic raporton TherandaPost vetuar vetura ka rënë në lumë pasi gjatë kohës sa vozitësja ka qenë duke u parkuar.

Nga burime të TherandaPost konfirmohet se vozitësja nuk ka lëndime. /therandapost.com/

Kryeministri i Republikës së Kosovës shpreh shqetësimin lidhur me siç thuhet tendencat për manipulimin e opinionit se gjoja Kryeministri ka pasur informata nga AKI lidhur me ngjarjet që mund të ndodhnin në Kumanovë.

Kryeministri i Republikës së Kosovës apelon për përmbajtje nga ndërhyrjet në punën e pavarur të organeve të drejtësisë, duke konsideruar se ndërhyrjet e tilla nuk i shërbejnë sundimit të rendit dhe ligjit, për të cilin do të duhej të ishim të përkushtuar të gjithë.

“Sigurojmë opinionin se po që se Kryeministri i Republikës së Kosovës do të dispononte me informata të tilla, jo vetëm që me urgjencë do të kërkohej nga institucionet e sigurisë për të ndërmarrë të gjitha veprimet parandaluese, por një gjë e tillë do të kërkohej edhe nga autoritetet e Republikës së Maqedonisë, me qëllim të parandalimit të humbjes së jetës së njerëzve dhe dëmtimit të pronës”, thuhet në komunikatë.

Kryeministri i Republikës së Kosovës bënë thirrje për një hetim të pavarur, objektiv dhe gjithëpërfshirës, me qëllim të ndriçimit të plotë të rrethanave dhe pasojave të cilat kanë rezultuar me viktima në njerëz dhe dëme të shumta të pronave. Kryeministri i Republikës së Kosovës apelon që për shkak të rrethanave, ky hetim të mbështetet edhe nga organet e drejtësisë ndërkombëtare.

Shqetësimet rreth ngritjes së Gjykatës Speciale për hetimin e krimeve të luftës në Kosovë janë të gabuara. Kështu ka deklaruar Drejtori i Grupit të Studimit të Politikave në Ballkan, Marko Prelec.

Drejtori i Grupit të Studimit të Politikave në Ballkan, Marko Prelec thotë se shqetësimet mbi ngritjen e Gjykatës së Posaçme për hetimin e krimeve të luftës në Kosovë janë të gabuara.

“Së pari, nëse institucionet e Kosovës dhe instucionet ndërkombëtare si UNMIK-u dhe EULEX-i do të kishin bërë një punë më të mirë në sjelljen para drejtësisë të njerëzve të akuzuar për disa nga krimet që kanë krijuar bazën e raportit të Dick Martit, që janë krime reale që kanë prekur serbët dhe shqiptarët, ne sot nuk do të flisnim fare për këtë. Së dyti, nuk ka asrsye për të besuar se ka një ndryshim në ritmin e njohjeve për shkak të raportit të Dick Martit ose përpjekjeve për të ngritur Gjykatën e Posaçme. Vendet që nuk e kanë njohur Kosovën, e kanë bërë atë për shkak të shqetësimeve të tyre të brendshme. Në disa raste këto vende ndeshen me lëvizje seperatiste brenda territorit të tyre dhe për këtë arsye nuk kanë njohur Kosovën. Vendet e tjera që nuk e kanë njohur Kosovën, janë vende të cilat tradicionalisht kanë qenë aleate të Serbisë. Së treti gjykat do të krijohet në një mënyrë apo tjetër. Është e qartë se qëndrimi i komunitetit ndërkombëtar është ngurtësuar. Tani gjuha e komunitetit ndërkombëtar është e qartë, nëse Kosova nuk e miraton ligjin për ngritjen e Gjykatës së Posaçme, atëherë Këshilli i Sigurimit të OKB-së do ta themelojë atë”.

Në lidhje me mungesën e pëparimit në çështjen e liberalizimit të vizave, zoti Prelec tha se qeveria e Kosovës duhet të bëjë më shumë për plotësimin e kushteve të BE-së për këtë çështje. Ai thotë se Kosova është pa fat pasi tani për shumicën e votuese në vendet e BE-së migrimi është një çështje e debatueshme dhe më pak popullore.

“Vendet e BE-së po tregohen më të kujdesshme dhe duan që Kosova të plotësojë me përpikmëri të gjitha kushtet. Por, nga ajo që kam parë unë, Kosova nuk po diskriminohet në këtë proces. Është përgjegjësi e qeverisë së Kosovës që të zbatojë atë që i kërkohet asaj sa i përket ndërtimit të institucioneve të forta të zbatimit të ligjit, ashtu si vendet e tjera”.

Ndërsa, pjesëmarrja e qytetarëve të Kosovës në luftërat në Lindjen e Mesme, është një problem për paranadalimin e të cilit qeveria e Kosovës duhet të bëjë më shumë.

“Shtrirja e këtij problemi në Kosovë nuk ka dallim shumë të madh me atë në vendet e Bashkimit Evropian të cilat gjithashtu kanë një numër të të madh të popullsisë që i përkasin fesë islame. Kosova ka një numër të vogël qytetarësh që kanë shkuar në luftërat në Lindjen e Mesme në krahasim me Bosnjen, një vend tjetër i rajonit. Ky është një problem për të cilin qeveria mund dhe duhet të bëjë më shumë për ta parandaluar”.

Drejtori i Grupit të Studimit të Politikave në Ballkan, Marko Prelec thotë se arsyet e pjesëmarrjes së qytetarëve të Kosovës në luftërat e huaja në Lindjen e Mesme janë nga më të ndryshmet, duke përfshirë arsyet ekonomike, si dhe bindjet politike e fetare. /Zëri i Amerikës/

Zëvendëskryetari i Komisionit për Punë të Brendshme, Siguri dhe Mbikëqyrje të FSK-së, Fadil Demaku, ka thënë se zhvillimet e fundit në Kumanovë kanë qenë të papranueshme.

Sipas tij, institucionet e Kosovës duhet t’i ndërmarrin të gjitha masat e duhura që gjërat të shkojnë drejt zgjidhjes e jo të vazhdohet me pozicionet e ngrira dhe të moskomunikimit.

“Ne nuk jemi në pozitë të favorshme derisa nuk dihet qartë fati i qytetarëve tanë të përfshirë në atë konflikt”, tha Demaku për ‘Epokën e re’.

Ai duke folur për raportimin që bën të hënë në këtë komision ministri Hyseni dhe drejtori i Policisë, Shpend Maxhuni, në lidhje me rastin në Kumanovë, sipas tij, nga ky raportim nuk doli diçka e re.

Mjekëve kosovarë u është ofruar një mundësi për të përfituar para të majme jashtligjshëm nga referimi për “dhurim” të spermës së kosovarëve përmes një bashkëpunimi, që profesionistëve shëndetësorë ua ka ofruar klinika për IVF “Newborn Clinic” me seli në Shkup të Maqedonisë.

Ndonëse ligjet në fuqi të Kosovës parashohin masa të ashpra për kompensim në këtë veprimtari, spitali maqedonas ka ofertuar një numër të madh të mjekëve kosovarë, kryesisht gjinekologë.

Përmes një shkrese të shkruar në gjuhën shqipe, me shumë gabime logjike dhe drejtshkrimore, të cilën ka arritur ta sigurojë gazeta “Zëri” nga burimet e veta, stafi mjekësor profesional inkurajohet që të dërgojnë pacientë të interesuar për “dhurimin” e spermës, qelizave vezë, si dhe për kryerjen e procedurave të fekondimit artificial, të njohura si IVF.

Në këtë shkresë, e cila është e nëshkruar nga drejtori mjekësor i “Newborn Clinic”, Birol Aydin, iu bëhet me dije mjekëve kosovarë që për çdo pacient të interesuar për dhurimin e spermës, mjekëve që referojnë pacientët iu jepen nga 250 euro./Zëri/