Deputeti i Nismës Zafir Berisha ka komentuar shkrimet dhe opinionin e krijuar për përçarjen e opozitës, pas paralajmërimit të liderit të AAK-së Ramush Haradinaj, se do të marrë pjesë në tryezën e Presidentes Atifete Jahjaga.

“Bashkimi i opozitës nuk nënkupton themelim të Partisë Komuniste”, ka thënë Berisha.

“Bashkimi opozitës në Kosovë ka për qëllim me qu në shtëpi këtë qeveri që ka ra ndesh me Kushtetutën dhe ka bë marrëveshje të dëmshme në kurriz të vendit”.

“Ky bashkim do të vazhdojë…”,thotë Berisha.

Deputeti Zafir Berisha, dje publikisht pat deklaruar se ishte pro shkuarjes së liderëve të opozitës në takimin që Presidentja Atifete Jahjaga kishte thirrur për sot me liderët e të gjitha partive politike. /PrizrenPress.com/

Hidije Pista, ka vizituar sot varrin e djalit të saj,Elvis Pista.

Motra e Elvisit, Nora, me anë të një postimi në Facebook, ka zbuluar fjalët e nënës që ka thënë para varrit të Elvisit.

“Ngrej kokën lart nga qielli”

“Dhe bëj një dedikim kudo që të jesh ti”.

“Do të mbaj në shpirtin tim, deri sa të vi tek ti engjulli im .

“Lotët nuk më ndalen asnjë ditë për ty jeta ime. Erdha tek varri yt, ditëlindjen të ta uroj , dhe përmendoren tënde ta përqafoj , sepse vetëm ajo nga ti më ka mbetur zemër.

“Kush të mori nga jeta ime kurrë dritë mos të shef , do Zoti e përjetojnë poashtu dhimbjen sikur unë dhe motrat e tua”.

“ Vrasësi yt ishalla kurrë dritë me sy të mos sheh , Allahu e dënoftë me tërë fuqinë e tij”.

“Të kisha një më lanë pa asnjë”.

“Të premtoj shpirti im që për secilin lot timin kanë për ta paguar shtrenjt.

“Të qofët dheu i lehtë jeta ime”, shkruhet në postim Nora. /PrizrenPress.com/

Kryetari i Komunës së Rahovecit, Idriz Vehapi, me anë të një propozimi dërguar Komitetit për Politikë dhe Financa në Kuvendin e Komunës së Rahovecit, ka kërkuar inicimin e procedurës për ngritjen e shtatores së Heroit të Kosovës “Sheh Myhedinit”.

Ky propozim i kryetarit do të jetë një nga pikat e rendit të ditës që do të shqyrtohen në mbledhjen e këtij Komiteti, shkruan RahovecPress.

Mbledhja mbahet pas një jave, ndërsa më poshtë e keni dokumentin e propozimit. /RahovecPress

Këshilli i Drejtorëve, i drejtuar nga kryetari i Komunës së Malishevës, Ragip Begaj, ka mbajtur sot takimin e rregullt të së hënës.

Në këtë takim janë diskutuar një varg çështjesh, që lidhen me punët e përditshme të drejtorive komunale dhe planet e drejtorive për javën në vijim.

I pari i Malishevës, Ragip Begaj ka kërkuar që të punohet dhe të mos ketë vonesa në realizimin e projekteve.

“Unë kërkoj nga drejtoritë që të mos vonohen në procedura për realizimin e projekteve, sidomos në investimet kapitale, pasi çdo vonesë e shënuar, neve na humb kohë në realizim, prandaj kërkoj që të punohet me seriozitetin më të madh në këtë drejtim”, tha Begaj.

Më pas, drejtorët e drejtorive komunale, duke raportuar për aktivitetet e javës së kaluar, thanë se janë duke i realizuar disa projekte dhe kjo falë motit të mirë që është duke mbretëruar. Sipas drejtorive, janë realizuar apo janë në realizim e sipër disa projekte të kanalizimeve, si në Gollubovc, Malishevë dhe vende të tjera. Thanë se grupi punues për hartimin e Planit Zhvillimor Komunal (PZHK) është duke punuar në finalizimin e këtij plani, duke u përshtatur me ligjet në fuqi. /PrizrenPress.com

Ministria e Administratës Publike nuk do të merret me zgjidhjen e kontestit pronësor në mes të Avokatit të Popullit dhe Gjykatës Kushtetuese, e që është njëri prej kushteve kryesore për liberalizim të vizave.

Plotësimi i këtij kushti tani mbetet në dorë të këtyre dy institucioneve, që nuk po merren veshe për objektin ku do të vendosen që nga viti 2012.

Gjykata Kushtetuese e cila duhet ta lëshoj objektin aktual që gjendet në lagjen Pejton ngulë këmbë që të qëndroj ende aty, edhe pse ata e kanë të rezervuar hapësirën e punës në Pallatin e Drejtësisë.

Madje krerët e këtij institucioni i kanë dërguar ditë më parë një kërkesë MAP-it që t’i lejohet qëndrimi në këtë objekt.

Por zyrtarë brenda MAP kanë thënë për Gazetën Fjala se ky problem duhet të zgjidhet në mes të dy institucioneve dhe se për momentin nuk e ka ndërmend që të ndërhyjë.

“Gjykata Kushtetuese e ka objektin e saj në pallatin e drejtësisë. MAP shpreson që ky problem që ky problem të zgjidhet në mes të dy institucioneve. MAP për momentin nuk do të ndërhyje në këtë çështje”, kanë thënë burime të Ministrisë së Administratës Publike.

Çollaku: Të mos ketë presion për asnjërën palë

Se gjithçka për liberalizimi të vizitave varet nga ky kontest pronësorë e ka thënë edhe vet ministri i Integrimeve Evropianë, Bekim Çollaku.

Ai ditë më parë ka njoftuar se kanë plotësuar 6 kritere dhe kanë mbetur edhe dy të tjera të paplotësuar, e që njëra prej tyre është çështja e objektit të Avokatit të Popullit.

“Për Zyrën e Avokatit presim që të dyja palët të jenë të arsyeshme dhe të mos ketë presioni mbi asnjërën palë” ka theksuar ai.

Kurse, Avokati i Popullit që nga viti 2011 e deri më tani për të shfrytëzuar objektin ku qëndron duhet të paguaj nga 5 mijë euro qira.

Por as Avokati i Popullit e as Gjykata Kushtetuese nuk e kanë ndërmend të heqin dorë nga kërkesat e tyre.

Zyrtarë të Avokatit të Popullit kanë thënë se presin që vendimi i dhënë nga MAP-i gjatë vitit 2012 që përcakton zhvendosjen e institucionit të Avokatit të Popullit në objektin e Gjykatës Kushtetuese të respektohet nga kjo gjykatë.

“Ekziston një vendim i MAP-it, si ministri përgjegjëse për akomodimin e institucioneve publike, që nga viti 2012, që përcakton objektin ku aktualisht është Gjykata Kushtetuese, si objekt në të cilin do të vendoset institucioni I Avokatit të Popullit”, zëdhënësja e IAP-it, Majlindë Lulaj.

Ajo ka shpjeguar se Institucioni i Avokatit të Popullit (IAP) funksionon në objekt me qira që nga viti 201.

“Realisht, që nga gushti 2015, IAP vazhdon kontratën me pronarin e objektit ku funksionojmë, për periudha të shkurtra kohore, me shpresën se autoritetet përkatëse do të zbatojnë vendimin për akomodim”, thotë ajo.

Gjykata në heshtje

E ndërkaq Gjykata Kushtetuese nuk ka dashur që të deklarohet lidhur me këtë çështje.

Zëdhënësi iI kësaj Gjykate, Veton Dula ka thënë përmes telefonit se nuk dëshiron të përgjigjet. Ndonëse Gazeta Fjala ka pritur dhjetë ditë për të marrë një përgjigje zyrtare nga ky institucion.

“Nuk dëshirojmë që të përgjigjemi”, ka thënë shkurt Dula.

E ndërkaq deputetja e Lidhjes Demokratike të Kosovës, Teuta Sahatqija shpreson se çështja e avokatit të popullit të zgjidhet gjatë këtij muaji.

“Mendoj që është e padrejte prej Gjykatës Kushtetuese e cila vazhdon të jetë kriter në vazhdimësi i mos përmbushjes dhe detyrave tona. Por mendoj që Qeveria më nuk duhet të merret me Gjykatën Kushtetuese, por Qeveria duhet të gjejë një hapësirë për Avokatin e Popullit. Kam informacione se Qeveria është duke bërë përpjekje që gjatë këtij muaji ta siguroi objektin e Avokatit të Popullit”, citohet të ketë thënë deputetja Sahatqija.

Ndërkohë që gjetja e një objekti të përshtatshëm për Avokatin e Popullit është edhe një prej kritereve të Komisionit Evropian për plotësimin e kushteve për liberalizimin e vizave, që është kërkuar të plotësohet shumë shpejt./GazetaFjala/