Kryetari i komunës së Rahovecit, Idriz Vehapi, priti sot në takim, Norbert Pills, menaxher i programit për Decentralizim dhe Përkrahje të Komunave (DEMOS) i financuar nga Qeveria Zvicerane, dhe zbatuar nga Helvetas Swiss Interkoorporation.

Gjatë takimit, sipas një komunikate për media, u diskutua për projektet të cilët jenë në bashkëfinancim në mes të komunës dhe DEMOS-it. Po ashtu gjatë këtij takimi të sotëm, u nënshkrua kontrata për implementimin e projekteve të cilat janë në bashkëfinancim në mes të komunës së Rahovecit dhe projektit të DEMOS-it.

Deri te nënshkrimi i kontratës për projekte ka ardhur, pasi që komuna e Rahovecit dhe projekti DEMOS kanë nënshkruar një memorandum bashkëpunimi”.

Projektet të cilët do të rregullohen në bashkëfinancim me projektin DEMOS, në komunën e Rahovecit janë: parku në fshatin Fortesë, trotuari në fshatin Xërxe, ndërtimi i parkut në fshatin Ratkoc , rregullimi i qesmës në fshatin Celinë, rregullimi i parkut në qendër të Rahovecit dhe rregullimi i qesmës në qytetin e Rahovecit.

Grandin e përgjithshëm që komuna e Rahovecit ka fituar nga projekti DEMOS për vitin 2015, arrin shumën 45,000 euro, për rritjen e grandit për vitet e ardhshme nga DEMOS-i varet kryesisht nga përformanca tëcilën do ta ketë komuna gjatë vitit 2015. /PrizrenPress.com/

Lidhja Demokratike e Kosovës përmes një sqarimi ka demnatuar pohimet e përfaqësuesve të disa OJQ-ve në medie të ndryshme, pohime këto, sipas saj, të paqëndrueshme në lidhje me rrjedhen procedurale në Kuvendin e VIII Zgjedhor.

LDK-ja, me qëllimin e vetëm, që është informimi i drejtë dhe i mirëfilltë i opinonit publik, vlerëson si në vijim:

Sqarimi i plotë:

Përfaqësues të OJQ-ve e analistë, jo rrallë, ndodh që të keqinformojnë publikun, duke keqinterpretuar rregullat demokratike dhe zgjedhore. Interpretimet e rregullave kërkojnë dije dhe njohuri profesionale, dhe jo subjektivizëm politik apo çfarëdo tjetër. Përfaqësues të caktuar të OJQ-ve gjatë në prag të Kuvendit të Tetë Zgjedhor të LDK-së kanë dalur hapur me preferencat e tyre për kryetar të LDK-së, gjë që e kanë humbur kredibilitetin e të qenurit të pavarur për të interpretuar rregullat zgjedhore.

Në rastin konkret, sic kërkojnë rregullat zgjedhore, LDK-ja ka informuar dhe mirëpritur me kohë, përfaqësuesit e KQZ-së (zyrtarët e Zyrës për Regjistrimin e Partive Politike) për të monitoruar punimet Kuvendit. Në Kuvend kanë marrë pjesë edhe përfaqësuesit e Ambasadës së SHBA.

Konform rregullave statutare, në Kuvend janë nominuar dy kandidatë për Kryetar të LDK-së, prej të cilëve njëri ka marrë numrin e mjaftueshëm të votave, kurse kandidati tjetër nuk ka arritë të marrë besimin e delegatëve për të proceduar me dy kandidatë me votë të fshehtë. Meqenëse ka mbetur vetëm një kandidat, Kuvendi i VIII është përcaktuar për votimin e hapur për kryetar të LDK-së, ndërsa votimi i fshehtë me Statut kushtëzohet nga nominimi i më shumë kandidaturave, dhe ky nuk ishte rasti.

Nuk ka pasur asnjë ndryshim Statuti gjatë procesit zgjedhor, kjo për faktin se LDK nuk promovon kulturën e përshtatjës së rregullave sipas preferencave dhe ambicieve të askujt, e veçmas ambicieve ad-hoc-e, përderisa në asnjë rast nuk ka pranuar ndonjë vërejtje ose sugjerime për Statutin aktual, nga ana e KQZ-së. Statuti, sipas së cilit janë kryer zgjedhjet është aprovuar në Kuvenin punues të LDK-së në mauin mars të vitit 2012. Statuti është dorëzuar KQZ-së, në atë kohë në afatin e përcaktuar kohor.

Ne vlerësojmë rolin e KQZ-së në përcjelljen e Kuvendit Zgjedhor, por nuk është në natyrën ligjore të KQZ-së e cila përbëhet nga përfaqësues të partive të ndryshme politike parlamentare, të ndërhyjë në proceset e zgjedhjeve demokratike të një subjekti politik. Prandaj, komentet që arrijnë në absurditete nga disa të ashtuquajtur pëfaqësues të shoqërisë civile, se KQZ-ja duhet të vendosë për zgjedhjet në LDK-së do të nënkuptonin që për zgjedhjet në LDK duhet të vendosin PDK-ja, Lista Serbe, Vetëvendosja dhe përfaqësuesit e tjerë të minoriteteve. Duhet të jetë e qartë se për zgjedhjet në LDK-së vendos Lidhja Demokratike e Kosovës.

Vullneti zgjedhor i shprehur përmes votës së lirë, nuk mund t’i përshatet pritjeve parciale të askujt, dhe në këtë frymë, LDK-ja dëshiron t’i ftojë të gjithë që të pranojnë rregullat demokratike të një gare, dhe për kryetar, LDK-ja dëshmoi që përkrahë vetëm, z.Isa Mustafa, Kryeminister dhe Kryetar i LDK-së.

Lideri i AAK-së, Ramush Haradinaj, ka thënë se publikimi i skandalit të radhës, ku pushteti ndërhynë në drejtësi nëpërmjet lidhjeve të shkurtra midis zyrtarëve të EULEX-it dhe qeveritarëve të lartë, është një alarm jashtëzakonisht shqetësues për prapaskenat që po funksionojnë në Kosovë.

“Lidhjet e shkurtra, për të cilat ne kemi folur që një kohë të gjatë, tashmë kanë arritur të prekin edhe kredibilitetin e misionit të BE-së në Kosovë. Dëshmitë e publikuara mbrëmë në ‘KTV’ paraqesin një shqetësim të madh për mungesën e funksionimit të shtetit ligjor në Kosovë dhe po e dëshmojnë kapjen e shtetit. Rendi dhe ligji nuk mund të funksionojë duke qenë peng i disa qarqeve dhe disa personave, që përmes kapjes së shtetit tentojnë të kontrollojnë çdo gjë dhe të pamundësojnë zhvillimin institucional ligjor në Kosovë. Kjo edhe njëherë e rikonfirmon kapjen e shtetit dhe dëshmon se sa larg kanë shkuar lidhjet e shkurtra. Ky duhet të jetë një alarm gjithëpërfshirës edhe për vendorët, edhe për ndërkombëtarët”, ka shkruar Haradinaj në profilin e tij në Facebook.