Policia në Prizren bën të ditur se mbrëmë, në orët e vona, në Prishtinë është arrestuar Xhevat Hysenaj nga Lipjani, i dyshuari kryesor për vrasje dhe plagosje në fshatin Sopijë të Suharekës, që pati ndodhur ditë më parë.
I dyshuari është arrestuar nga Departamenti i Krimeve të Rënda i Policisë së Kosovës.
Tani sa u informuam se hetuesit policorë kanë arritur ta gjejnë edhe armën me të cilën dyshohet se është kryer vepra penale.
Lidhur me arrestimin e personit të dyshuar është njoftuar prokurori i Shtetit, i cili ka kërkuar që provat materiale dhe shkresat e lëndës t’i kalojnë prokurorisë për procedura të më tejme. /PrizrenPress.com