Një aksident trafiku në mes të dy veturave civile në rrugën “Gjergj Kastrioti” në Malishevë.
Përpos dëmeve materiale lëndime trupore kanë pësuar tre persona.
Viktimat janë dërguar në QKUK dhe janë jashtë rrezikut për jetë.
Me vendim të prokurorit rasti shkon në procedurë të rregullt. /PrizrenPress.com/
Sot, në mbledhjen e Këshillit të drejtorëve, kryetari i Komunës së Malishevës Ragip Begaj, ka kërkuar nga drejtorët e të gjitha drejtorive, që të jenë të angazhuar maksimalisht në përgatitjet e shënimin të 16 Qershorit, Ditës së Çlirimit dhe Ditës së Dëshmorëve të Komunës së Malishevës.
Ndërkaq, drejtoresha për Kulturë Rini dhe Sport Blerta Krasniqi, në këtë mbledhje ka njoftuar për agjendën, e cila është përgatitur nga Këshilli Organizativ për 16 Qershorin, ku parashihen një varg aktivitetesh, kulturore, sportive, pastaj më 16 Qershor, mbledhja solemne e KK-së, manifestimi qendror dhe aktivitetet tjera.
Po ashtu, drejtoresha Krasniqi, njoftoi edhe për aktivitetet që sot do të shënohen me rastin e shënimit të 1 Qershorit, Ditës Ndërkombëtare të Fëmijëve. /PrizrenPress.com/
(I plotësuar) Ashtu siç ka raportuar PrizrenPress, Kryesia e Kuvendit nuk ka diskutuar për Specialen. Kështu që në seance e radhës në Kuvend nuk do të diskutohet për Gjykatën Sepaciale.
Zëvendëskryeministri i Kosovës, Hashim Thaçi do të rrëfehet të enjten para deputetëve për përgjegjësinë lidhur me procesin e demarkacionit të kufirit në mes Kosovës dhe Malit të Zi. Kështu u vendos në mbledhjen e kryesisë së Kuvendit, ku u tha se deri tani Qeveria nuk e ka sjellë projektligjin për Gjykatën Speciale dhe për këtë arsye, kryesia nuk e ka proceduar për seancë.
Kështu ka thënë kryetari i Kuvendit, Kadri Veseli pas përfundimit të mbledhjes së kryesisë, ku tha se nuk ka konflikt procedural që edhe ndryshimet kushtetuese edhe projektligji për dhomat e veçanta te speciale.
“Qeveria e Kosovës duhet ta procedoj ligjin në Kuvend dhe pastaj komisionet tek ne dhe më pas e dërgojmë në seancë”, ka thënë ai.
Haxhi Shala nga Nisma për Kosovën tha se pozita nuk i ka votat për specialen për atë edhe u shty seanca për specialen.
“Ne si Nismë nuk kemi presion për ta votuar specialen pasi me kohë e kemi bërë të ditur se nuk do ta votojmë”, ka thënë Shala.
Kryesia e Kuvendit as sot nuk vendos për votimin e Gjykatës Speciale?
Pavarësisht nga paralajmërimi se Kryesia e Kuvendit të Kosovës do të diskutojë për hapat të cilat do të ndërmerren për çështjen e themelimit të Gjykatës Speciale, burime brenda Kryesisë së Kuvendit i kanë thënë PrizrenPress-it se kjo çështje sot nuk është në rendin e ditës.
“Në asnjë pikë të rendit të ditës nuk parashihet diskutimit për këtë çështje, veç nëse ndodh ndonjë ndryshim të me fillimin e mbledhjes”, thekson burimi, i cili do të jetë pjesë e takimit të sotëm të Kryesisë.
Javën e kaluar është thënë se shkaku i mungesës së materialeve ishte shtyrë seanca, ku në rend dite ishin amendamentet për themelimin e kësaj Gjykate.
Shefi i Grupit parlamentar i PDK-së, Adem Grabovci ka thënë se kurdo që të jetë gati materiali për Gjykatën Speciale, Kryesia e Kuvendit do ta trajtojë atë.
Por, opozita ka theksuar se partitë në pushtet nuk i kanë pasur votat, prandaj kanë shty në kohë të pacaktuar seancën për këtë çështje./PrizrenPress.com/
Policia e Kosovës ka arrestuar dy persona në fshatin Banjë të Malishevës.
Sipas policisë, ata dyshohen se kanë uzurpuar pronën e një personi tjetër.
Të dyshuarit pas intervistës me vendim të prokurorit dërgohen në mbajtje. /PrizrenPress.com/
Sot, në Portorozh të Sllovenisë fillon Samiti 100 – Biznes liderë në Evropën Juglindore, ku krahas presidentëve nga rajoni, biznesmenëve dhe sipërmarrësve, merr pjesë edhe presidentja Atifete Jahjaga.
“Në Slloveni në Samitin e Liderëve të Biznesit për fuqizimin e marrëdhënieve ekonomike të vendeve të rajonit”, ka shkruara Jahjaga në profilin e saj në Facebook.
Samiti i parë i tillë u organizua në vitin 2011 në Serbi, ndërsa dy vjet më vonë u mbajt në Malin e Zi. Vitin e kaluar samiti u mbajt në Kroaci. Patronazh i samitit të sivjetshëm është presidenti i Sllovenisë, Borut Pahor.
Bustin Bieber dëshiron të bëjë me dije se ai nuk është homoseksual, në qoftë se keni menduar ashtu pas videos së tij të fundit.
21 vjeçari ka shpërndarë një video të dielën në instagramin e tij, ku i jep një puthje një mashkullit.
Në mbishkrim të videos këngëtari siguroi që askush të mos e ngatërroi seksualitetin e tij.
‘’Unë nuk jam homoseksual, por edhe në qoftë se do të isha nuk është fyerje’’ ishte mbishkrimi i videos.
Një mjet i pashpërthyer është gjetur në fshatin Mushtisht të Suharekës. Policia e Kosovës njofton se rasti është paraqitur nga një banor i këtij fshati, i cili ka hasur në këtë mjet të dyshuar shpërthyes.
Policia ka siguruar vendin e ngjarjes, ndërsa njësia për deminim e PK-së ka asgjësuar mjetin shpërthyes në mënyrë të kontrolluar. /PrizrenPress.com/
Departamenti për Krime të Rënda i Gjykatës Themelore të Prizrenit ka vendosur një muaj paraburgim ndaj të pandehurve T.K, K.K, Gj.K, Gj.K, M.K nga Sërbica e Epërme e Prizrenit, B.B nga Prizreni, dhe B.O nga fshtai Zhur.
Ata dyshohen se kanë kryer veprën penale të fajdeve, organizim i skemave piramidale dhe bixhozit të kundërligjshëm dhe mbajtja në pronësi, kontroll ose posedim të paautorizuar të armëve.
“Të pandehurit do të mbahen në paraburgim në kohëzgjatje prej një muaji, i cili do të llogaritet prej kohës së ndalimit, data 28.05.2015 në ora 10:00 dhe do të zgjasë deri me datën 28.06.2015”, thotë zëdhënësja e gjykatës, Afërdita Kicaj.
Gjyqtarja e Procedurës Paraprake e miratoi kërkesën e Prokurorisë Themelore të Prizrenit e cila kërkoi mbajtjen në paraburgim të pandehurve.
“Të pandehurit dyshohen për shkelje të Kodit Penal, se në periudhën kohore prej vitit 2010 e gjer në vitin 2015, në bashkëveprim me të pandehurit e tjerë, i kërkojnë me qëllim të përfitimit material duke e ditur pozitën e vështirë ekonomike financiare të dëmtuarit P.G. dhe të tjerëve, duke e pasur parasysh mënyrën e kryerjes së veprës penale, pasojat të cilat mund të shkaktojnë dëm të mëdha shoqërore tek personat tek familjet e tyre, rrezikun se të njëjtit mund ta përsërisin veprën penale, duke e pasur parasysh se të njëjtit janë të njohur për gjykatën dhe janë recidivist të këtyre veprave penale, Gjykata Themelore e Prizrenit iu caktoj paraburgimin në kohëzgjatje prej një muaji”, thotë Kicaj. /PrizrenPress.com/
Festivali Ndërkombëtar Fest Film Kosova “Hyjnesha në Fron” do të hapet sot në mesditë në Amfieteatrin e hapur para Stacionit Hekurudhor në Fushë Kosovë.
Në orën 11 në hapësirat e Stacionit Hekurudhor të Fushë Kosovës mbahet Konferenca për media ku do të prezantohen për filmat që do të shfaqen gjatë pesë ditëve të Festivalit dhe aktivitetet tjera në kuadër të Festivalit
Sivjet ‘krahas repertoarit të pasur të filmave për të rritur, ‘Hyjnesha në Fron’ sjell edhe edicionin e filmave për Fëmijë. Dita e parë e Festivalit deri në orët e mbrëmjes i kushtohet 1 Qershorit, Ditës së Fëmijëve.
Në edicionin e sivjetmë të Festivalit Ndërkombëtar “Hyjnesha në Fron”do të shfaqen 44 filma, të metrazhit të shkurtë , të mesëm e të gjatë nga 17 shtete të ndryshme të botës.
Inspektorati Policor i Kosovës, institucion ky i dal nga Policia e Kosovës, sot mban një ceremoni me rastin e përvjetorit të nëntë të IPK-së.
Në këtë aktivitet pritet të marrin pjesë përfaqësues të lartë të institucioneve vendore dhe ndërkombëtare, përfaqësues të institucioneve që ndërlidhen me fushën e sigurisë, gjyqësisë, prokurorisë si dhe përfaqësues nga Shërbimi i Kontrollit të Brendshëm të Republikës së Shqipërisë etj.
Si pjesë e aktiviteteve për të shënuar nëntë vjetorin e IPK-së, pasi që 1 Qershori është edhe dita ndërkombëtare e fëmijëve, mbi 30 punonjës të IPK-së do të dhurojnë vullnetarisht gjak për fëmijët në nevojë. Ky aktivitet realizohet në objektin e IPK-së në bashkëpunim me Transfuzionin e Gjakut.
Ndryshe, rreth këtij institucioni shpesh herë është ngritur dilema se si mbron të drejtat e shkelura të qytetarëve nga ana e Policisë, kur ky institucion ka dal nga vet Policia e Kosovës.