Vetëm disa javë pas botimit dhe suksesit në Shqipëri të librit “Mëngjeset në Kafe Rostand”, ku përfshihet romani “Kukulla”, Shtëpia botuese “Fayard” e Parisit e përktheu dhe e botoi veprën në frëngjisht, për publikun francez dhe ndërkombëtar.

Vetëm disa javë pas botimit në Shqipëri të librit “Mëngjeset në Kafe Rostand”, ku përfshihet romanit “Kukulla”, nga dje, Shtëpia botuese “Fayard” e Parisit e përktheu dhe e botoi veprën në frëngjisht, për publikun francez dhe ndërkombëtar. “Një lajm i tillë konfirmon faktin se letërsia shqipe bën pjesë tashmë me dinjitet në klubin europian të letrave”, thuhet në njoftimin për mediat nga botimet “Onufri”. Kritiku më i njohur i Francës, Bernard Pivot, e ka përshëndetur veprën më 17 maj 2015, në “Le Journal du Dimanche” të Parisit: “Nëna ime? Më e ëmbla e nënave, më e dashura, më e mençura, më e qeshura e më kurajozja. Ky është rrëfimi i zakonshëm i shkrimtarëve kur kujtojnë fëmininë dhe rininë e tyre. Por ka përjashtime, veçanërisht nga Ismail Kadare, shkrimtari i madh shqiptar. Nëna e tij? Një kukull. E brishtë, e lehtë si një kukull letre”.

Teksti, një rikthim në sfondin, por dhe personazhet e të famshmit “Kronikë në gur”, zbërthen një enigmë, atë që thuajse gjithë jetën e Kadaresë mbeti një kod i padeshifrueshëm, por tek e fundit dhe i pashmangshëm, të ëmën.

Një rrëfim për moskuptimin midis tyre, që jo vetëm nuk e pengoi për asgjë, po kishte qenë siç shkruan Kadare, ndoshta më i duhuri nga gjithë moskuptimet. Një figurë e pazbërthyeshme që Kadare e quan Kukulla, një cilësim që në mos e ka zëvendësuar fjalën ‘mama’, së paku i është kthyer në një emër të dytë.

Një marrëdhënie e vështirë, gati-gati e munguar e fëmijës, e më pas e shkrimtarit me të ëmën, e përshkruar më së shumti nga dhembshuria. E bashkë me të, dhe mendimi se do të ishte pikërisht ai, biri i vet, shkaktari i ankthit më të madh dhe njëherazi të kotë të së ëmës, frikës së mohimit.

“Një kukull e brishtë, naive, e parritur, e pazonja për t’u përballur me botën, me një marrëdhënie të vështirë me të vjehrrën, që përveç vetmisë e vret më shumë pasiguria”. Ky është portreti që Kadare e vizaton dhembshurisht për të ëmën.

Sa më shumë rritet, aq më tepër ia kupton brengën, tmerrin e saj prej kukulle, që nuk do t’i

ndahet derisa ajo mbyll sytë, në prillin e vitit 1994. E kësisoj largohet nga kjo botë e lehtë, tamam si një kukull prej letre.

Nga 29-të këngë konkuruese të këngës së vjetër qytetare të Festivalit “Zambaku i Prizrenit” të edicionit të 27-të/ 2015,  16 këngë garuese janë përzgjedhur nga juria profesionale.

Në vijim 15 këngët garuese:

1. TIR – Lejla Agolli
2. KJO MELODI – Leonard Canhasi
3. PATY – Naim Krasniqi
4. NORI – Drinor Zymberi
5. DUR – Ylli Ramzoti
6. PRIZREND – Astrit Stafaj
7. ASK – Ilir Bërveniku – (Turke)
8. LIQENI – Selami Kolonja
9. SYZEZA – Artan Bakija
10. SIKI – Tomor Berisha
11. ISHE – Ilir Shaqiri
12. MANDOLINË – Nexhat Macula
13. 0205 – Anida Gjinali
14. ZANBAKU – Ylber Asllanaj
15. VIS – Veton Perolli
16. BOSHNJAKE

Juria profesionale

1. Reshat Randobrava – Kompozitor (kryetar i jurisë)
2. Fahri Beqiri – Kompozitor (anëtar)
3. Fikrim Emra – Kompozitor (anëtar)
4. Edon Ramadani – Dirigjent & Orkestrues (anëtar)
5. Kreshnik Aliçkaj – Kompozitor (anëtar)

/PrizrenPress.com/

Në Universitetin “Ukshin Hoti” në Prizren të hënën është bërë promovimi i librit “Mashtrimi i madh” i autorit Bardhyl Mahmuti, para studentëve, profesorëve, intelektualëve dhe opinionit kë këtij rajoni. Libër me fakte të dokumentuara që po nxitë kureshtjen e opinionit vendor dhe ndërkombëtar për të bëmat gjenocidiale të Serbisë në Kosovë. Për librin folën Prof. Dr. Ramë Buja, ish-ministër i Arsimit dhe dekani i Fakultetit të Filologjisë në UPZ, Prof. Ass. Shkelqim Millaku.

Rektori i UPZ-së, Prof. Dr. Ramë Vataj me këtë rast ka theksuar se libri Bardhyl Mahmutit, është një vlerë e shtuar në publicistikë duke vë në pah fakte për gjenocidin në Kosovë që ka ndodhë nga regjimi serb. Ai spikati se faktet që gjenden në këtë libër mund të shërbejnë për një tribunal për dënimin e këtyre krimeve. Rektori Vataj theksoi se ky libër duhet të botohet edhe në gjuhët e huaja dhe se në këtë mënyrë do t’i shtohej vlera.

Autori i librit, Mr. Sc. Bardhyl Mahmuti, ka theksuar me këtë rast se nëpërmjet këtij libri ka synim t’i kundërvihet propagandës dezinformuse serbe, e cila është shumë aktive në qarqet ndërkombëtare, duke mëtuar që të plasojë të pavërteta në dëm të shqiptarëve, posaçërisht me synimin që luftën e lavdishme të Ushtrisë Çlirimtare të Kosovës ta kthejë nga një lavdi që kishte në opinionin ndërkombëtar, në një antipati.

Ndërkaq, ish-ministri i MASHT, Prof. Dr. Ramë Buja theksoi se ndihet i nderuar që një mik i tij ka shkruar një libër, siç u shpreh ai, me një mal faktesh, duke shtuar se janë rrëqethëse dëshmitë në këtë libër për të bëmat e Serbisë mbi shqiptarët.

Një fjalim përmbajtjesor për librin e mbajti edhe Dekani i Fakultetit të Filologjisë, Prof. Ass. Shkelqim Millaku, duke e ngritur në piedestal kontributin e autorit për zbardhjen e krimeve serbe mbi shqiptarët.

Bardhyl Mahmuti ishte pjesëmarrës i demonstratave të vitit 1981, i dënuar me disa vite burgim, e pas daljes nga burgu emigroi në Zvicër, ku ishe një ndër udhëheqësit e LPK-së, derisa gjatë luftës në Kosovë ishte përfaqësues politik i UÇK-së në Evropë. Ai kishte mbajtur 27 konferenca në Kombet e Bashkuara, derisa pas luftës ishte i angazhuar në jetën politike në Kosovë, por edhe në Maqedoni.

Ai me profesion është politolog, i magjistruar në Universitetin e Lozanës në Zvicër dhe është njohës i shumë gjuhëve të huaja. /PrizrenPress.com/

Mesditën e së hënës u bë ndarja e çmimit Kombëtar për Vepër Jetësore në fushën e teatrit, çmim ky që iu dha aktores, Melihate Qena. Jo rastësisht vendosën që mu në Ditën Ndërkombëtare të Fëmijëve ti ndahet ky çmim kësaj aktoreje, që për 44 vite me radhë është në skenat e teatrit, si atij Kombëtar e po ashtu edhe Teatrit Dodona, teatër ky i fëmijëve në kryeqytet ku aktorja, Qena luan shfaqje të ndryshme për më të vegjlit.

E për këtë çmim aktorja në fjalë u shpreh mjaft e emocionuar duke theksuar se ky nuk është përfundimi i karrierës së saj si aktore, por do të vazhdoj edhe më tutje me shfaqje të tjera.

“Unë ende nuk jam gati ta përfundoj karrierën time, unë ende mendoj ta punoj veprën jetësore dhe shpresoj se do ta bëjë. Kjo mirënjohje më është dhënë për punën që e kam bërë për këto 44 vite dhe shpresoj që do ta bëjë një shfaqje shumë të mirë me të cilën do të mbetem në kujtesën e fëmijëve pikë së pari”, u shpreh Melihate Qena.

Për dhënien e këtij çmimi u vendos nga juria në përbërje të: Bislim Muqaj, Besim Rexhaj e Agim Selimi ku ky i fundit tha disa fjalë në lidhje me veprën jetësore të aktores, Melihate Qena.

“Çmimi jetësor natyrisht që pa dilema dhe me merita të mëdha i është ndarë Melihate Qenës për kontributin e saj jetësor sidomos në skenën teatrore për fëmijë, sepse mendoj që është një margaritar i rrallë e cila e ka mbajtur jetën teatrore për fëmijë, mirëpo natyrisht ky çmim i është ndarë edhe për veprat e tjera jetësore të cilat i ka bërë si në Teatrin Kombëtar, në film e kështu me radhë. Këtë çmim e ka merituar plotësisht”, tha ndër të tjera regjisori, Agim Selimi.

Ndërsa çmimet e tjera që duhej ndarë në këtë ceremoni në fushën e teatrit, juria tha se nuk i kanë ndarë pasi që, sipas tyre ka pasur konkurrencë të vogël. Në bazë të Rregullores për ndarjen e çmimeve për teatër, Çmimi Kombëtar për Vepër Jetësore ka vlerë financiare 5 mijë euro./KultPlus.com/

Në natën e tretë të Javës së Kulturës shqiptaro – britanike që është duke u mbajtur në Londër u organizua ceremonia e dorëzimit të albumit muzikor “Këngët e Atdheut”.

Ky libër muzikor është një dhuratë e muzikantëve, Adelina Hoxha dhe Robert Radoja të përkrahur nga botuesi Flamur Hudhri, enkas për fëmijët e shqiptarëve në Britaninë e Madhe.

“Një sipërmarrje kaq bujare tërhoqi interesin e një audience të gjerë në Ambasadën Shqiptare në Londër. Dhjetëra mësues dhe nxënës morën pjesë në këtë aktivitet të bukur”, ka shkruar ambasadori i Shqipërisë në Britani të Madhe, Mal Berisha.