Seanca e parë e sesionit të ri të Kuvendit të Kosovës, do të mbahet në fund të muajit janar.

Kuvendi i Kosovës zyrtarisht punimet e sesionit pranveror është dashur t’i fillojë më 18 janar, por kjo është shtyrë për 10 ditë, pra për 28 janar, kanë bërë të ditur burime të lajmi.net, brenda Kuvendit të Kosovës.

Ky burim ka treguar gjithashtu, se mbledhja e Kryesisë së Kuvendit do të hënën e javës së ardhshme ku edhe do të zyrtarizohet data për mbajtjen e seancës plenare të Kuvendit.

Fillimi i sesionit vjeshtor të Kuvendit të Kosovës i vitit 2015, kishte filluar me bllokim të disa seancave nga paritë opozitare, duke hedhur gaz lotsjellës në hapësirat e Kuvendit, në shenjë kundërshtimi të dy marrëveshjeve atë për Asociacionin e Komunave Serbe dhe Demarkacionin me Malin e Zi.

Me situatë të njëjtë Kuvendi ishte përballur gjatë gjithë pjesës së dytë të vitit të kaluar që kishin detyruar pozitën parlamentare që disa nga punimet e seancave të mbahen në sallën alternative.

Këto seanca nga Opozita ishin cilësuar si jo ligjore.

Edhe sesioni i ri pritet ta ketë të vështirë funksionimin normal, pasi opozita po këmbëngul në qëndrimin se do të vazhdohet me bllokimin e punës së Kuvendit deri në tërheqjen e nënshkrimeve nga marrëveshja për Asociacionin dhe ajo për Demarkacionin me Malin e Zi. /lajmi.net

Opozita e bashkuar dhe disa deputetë të “rebeluar” të Lidhjes Demokratike të Kosovës (LDK), të cilët nuk e kanë votuar as Isa Mustafën për kryeministër, janë të vendosur në betejën e tyre për ta penguar liderin e PDK-së, Hashim Thaçi, që të bëhet president i vendit.

Shpresa e vetme e tyre në këtë drejtim është pamundësimi i kuorumit, duke mos marrë pjesë në këtë seancë dhjetë deputetë të LDK-së. Në anën tjetër, përfaqësuesit e PDK-së dhe të LDK-së janë të bindur se për zgjedhjen e presidentit i kanë 89 vota dhe do ta realizojnë marrëveshjen që kanë.

Deputetja e LDK-së, Vjosa Osmani, e cila ka treguar se nuk do të marrë pjesë në këtë seancë, i ka ftuar edhe një herë kolegët e saj deputetë të partisë që të mos marrin pjesë në seancën në të cilën do të zgjedhet presidenti.

“Të gjithë e dinë se kush është z. Thaçi. Të gjithë e dinë se ai nuk është figurë unifikuese, siç kërkohet me Kushtetutë. Të gjithë e dinë se e vetmja mënyrë për ta parandaluar zgjedhjen e tij është që atë ditë ta pamundësojnë kuorumin, sepse vota është e fshehtë. Mirëpo, në votim të fshehtë kërkohen vetëm 61 vota në raundin tretë, kurse kuorumi është 80 vota. Pra, kërkohet që së paku dhjetë deputetë të LDK-së, përveç opozitës, mos të marrin pjesë në seancë. Mospjesëmarrja në seancë është kundërshtimi i vetëm efektiv që do të mund ta parandalonte zgjedhjen e z. Thaçi president”, ka thënë Osmani.

Ajo ka treguar se nuk është duke i organizuar deputetët e LDK-së për këtë çështje, por ka thënë se vullneti i elektoratit të LDK-së nuk është që Thaçi të zgjedhet në postin e të parti të vendit.

“Natyrisht se unë nuk do të marr pjesë, sepse ky është kundërshtimi im. Shpresoj që sa më shumë deputetë të LDK-së atë ditë të jenë pjesë e pamundësimit të zgjedhjes së një figure përçarëse në postin ku ishte më herët presidenti Rugova”, ka thënë Osmani.

Mirëpo përfaqësuesit e PDK-së nuk besojnë në realizimin e këtij skenari. Nënkryetari i këtij subjekti politik, Enver Hoxhaj, ka deklaruar për “Epokën e re” se koalicioni qeverisës i ka 89 deputetë për ta bërë kuorumin dhe për ta zgjedhur Hashim Thaçin president. Sipas tij, Thaçi do ta fuqizojë pozitën e presidentit, duke fuqizuar kështu edhe shtetin.

“Ky është prej koalicioneve qeverisëse më të mëdha që ka pasur ndonjëherë vendi pas çlirimit. Do të thotë, i kemi 89 deputetë dhe jemi shumë të sigurt se do të kemi vota të mjaftueshme edhe për ta zgjedhur z. Thaçi president, por edhe për ta pasur kuorumin e duhur në seancë. Z. Thaçi dhe kontributi i tij ka qenë vendimmarrës në proceset kyçe nëpër të cilat ka kaluar Kosova, kurse për PDK-në ai është lideri historik i saj. Kështu që, në rrafshin e vizionit politik dhe kontributit të tij për vendin, z. Thaçi është kandidat që ka mbështetje elektorale, qytetare, popullore dhe i cili do të jetë në gjendje ta fuqizojë pozitën e presidentit në Republikën e Kosovës”, ka deklaruar Hoxhaj.

Ai ka shtuar se ekziston edhe një mbështetje e plotë e LDK-së për zgjedhjen e Thaçit president.

“Deri më tash si subjekt politik kemi biseduar disa herë me LDK-në dhe ekziston një mbështetje e plotë e kryeministrit Mustafa, LDK-së dhe deputetëve të saj në Kuvendin e Kosovës. Mendoj se zërat e atyre që janë kundër e që janë përbrenda LDK-së janë të paktë”, ka theksuar Hoxhaj.

Edhe njohësit e rrethanave politike në vend kanë bërë me dije për “Epokën e re” se lideri i PDK-së mund të bëhet president i vendit.

Analistët politikë, Shkëlzen Maliqi dhe Halil Matoshi, kanë thënë se Hashim Thaçi nuk do ta ketë problem aspektin kushtetues dhe çështjen e votave në Kuvendin e Kosovës pasi, sipas tyre, në raundin e tretë i nevojitet shumica e thjeshtë. Megjithatë, ata kanë treguar se Thaçit mund t’i dalin pengesa të tjera në rrugën e tij drejt këtij posti. /Epoka e re

Deputeti i Nismës, Haxhi Shala, ka thënë se me vendimin e Gjykatës Kushtetuese, qeveria e Kosovës duhet të jap dorëheqje. Ai ka drejtuar akuza në drejtim të kryeministrit të Kosovës, Isa Mustafa duke aluduar në shumë deklarime të tij, të cilat sipas Shalës kanë dalë të kundërta.

“Atë çka e thotë kryeministri është e kundërta çdoherë. Ai e dinë shumë mirë se sot ose nesër nuk ka qare pa dhënë dorëheqje sepse është shkelësi më i madh i Kushtetueses. Në rast se ai nuk jep dorëheqje veprimet e tona do të jenë në përputhje me veprimet e tij”, ka thënë Shala në emisionin “Kontakt”, në Tribuna Channel.

Ai ka folur edhe për mundësinë e zgjedhjeve të parakohshme, ngase siç tha ai gjendja mund të përkeqësohet për aq kohë sa nuk jep dorëheqje kryeministri Mustafa.

Shala ka thënë se nuk kanë vendosur për datën e protestës por se veprimet e tyre në vazhdim do të jenë më radikale se ato që kanë qenë deri më tani.

Ai në këtë emision ka folur edhe për themelimin e Gjykatës Speciale, ku sipas tij nuk është e drejtë që të gjykohen ish-ushtarët e UÇK-së.

Për këto dhe shumë të tjera ndiqeni intervistën e plotë në “Kontakt”.

Një lexues i Malisheva.net na ka derguar disa foto ku shihen nxënësit e një shkolle fillore duke bartur pije alkoolike.

Në shkollën fillore “Bajram Curri” në Drenoc të Malishevës nxënësit bartin birra për mësuesit e tyre.

Më poshtë mund ti shihni fotot:

Gjykimi i Enver Hasanit, goditje e rëndë për “gardianin” e Kushtetuesës. Vendimet e dyshimta, me pasoja të rënda për Kosovën

Hapja e një procesi gjyqësor kundër ish-kreut të Gjykatës Kushtetuese, Enver Hasanit, i cili dyshohet për keqpërdorim të detyrës zyrtare dhe falsifikim të dokumenteve të institucionit më serioz të shtetit, që duhet të jetë gardian i përkushtuar i mbrojtjes së kushtetutshmërisë edhe ligjshmërisë në vend, mund të jetë me pasoja shumë të mëdha jo vetëm për Hasanin si individ, por edhe me një ndikim zinxhiror në rishqyrtimin e proceseve dhe të shumë procedurave.

Sipas përfaqësuesve të politikës dhe ekspertëve ligjorë, në rast se me aktgjykimin përfundimtar konstatohen manipulimet e mëdha në këtë gjykatë gjatë kryesimit të tij, përfundimisht do të ndodhë edhe devalvimi, delegjitimimi i vendimeve të kësaj gjykate, por edhe do të paraqesë nevojën e fillimit të një hetimi akoma më të thellë të shumë proceseve vendimmarrëse në këtë institucion që është bazamenti i funksionimit të shtetit.

“Nëse eventualisht konstatohen manipulime, fshehje faktesh, ndikime të jashtme, qofshin ato partiake ose të tjera, domosdo duhet të rishikohet i gjithë procesi. Duhet të ketë gjykime për keqpërdorim të Gjykatës Kushtetuese nga kushdo qoftë, nëse një gjë e tillë ka ndodhur. Unë besoj se ka pasur ndikime mbi Gjykatën Kushtetuese”, tha deputeti Adem Salihaj. /Kosova Sot

Lordi George Robertson tha se anëtarësimi i Kosovës në organizatat ndërkombëtare, duke përfshirë edhe NATO-n, bëhet vetëm me gjyqësor të fuqishëm dhe duke e luftuar korrupsionin.

Ish-sekretari i NATO-s, Lordi George Robertson, ka porositur qeveritarët e Kosovës se rruga e vetme e anëtarësimit në organizatat e mëdha ndërkombëtare është ajo e ndërtimit të një shteti pa korrupsion dhe që ofron mirëqenie për qytetarët e vet, shkruan “Zëri”.

Robertson këto komente i ka bërë gjatë vizitës së tij që ka zhvilluar në Kosovë të martën, ku ka përçuar mesazhin se Kosova si pjesë e BE-së së shpejti do të jetë realitet. Madje gjatë një ligjërate, që ka mbajtur në Kolegjin “Universum”, ai ka thënë se rruga më e mirë që duhet të ndjekë Kosova e të bëhet pjesë e NATO-s është që të ketë gjyqësor më të fuqishëm, ligje shumë të forta kundër korrupsionit, qeverisje të mirë, si dhe marrëdhënie të mira ndërfqinjësore.

Robertson ka thënë se gazi lotsjellës nuk i kontribuon këtij vendi. Vetëm qytetarët, ai ka thënë se, do t’i tregojnë Qeverisë nëse po bën punë të mirë, ose jo. Ai ka potencuar se Kosova dhe Serbia janë dy shtete të ndara dhe se kosovarët duhet të punojnë për ndërtimin e ushtrisë së tyre.

“Tani Serbia është një shtet krejt tjetër, ashtu si edhe Kosova është një shtet krejt tjetër. Sa më shumë që punoni e sa më shpejt do të keni një ushtri, e cila sigurisht që është e mirë për vendin dhe do të ofrojë më shumë siguri për vendin”.