22.4 C
Prizren
E premte, 2 Maj, 2025
type here...
Home Blog Page 6866

Dogji me benzinë dy persona, prokuroria: Burgim të përjetshëm

admin
-
0
Dogji me benzinë dy persona, prokuroria: Burgim të përjetshëm

Prokuroria e Durrësit kërkon dënimin me burgim të përjetshëm për Odise Verbofshib, i akuzuar për vrasjen e dy personave dhe më pas djegien e tyre. Ngjarja e rëndë ka ndodhur në 20 shkurt 2014 në zonën e Kënetës, Durrës, pas një përplasje mes autorit dhe viktimave, shtetasve Shaban Babasi dhe Albert Kasalla, për shkak të mos pagesës së çmimit për rreth 75 kilogram kanabis sativa, të cilën i pandehuri u kishte dhënë viktimave.

Sipas hetimit dhe më pas gjatë gjykimit, rezultoi e provuar se i pandehuri Verbofshi i ka vrarë dy viktimat në ambientet e shtëpisë së tij, në Shkozet, me një armë pistoletë rreth pasdites së datës 20 shkurt 2014 dhe më pas, në mbrëmje, i ka hipur trupat e tyre në mjetin me të cilin ata kishin ardhur nga Fushë-Kruja dhe e ka dërguar makinën deri në zonën e Kënetës, ku më pas i ka vënë flakën, për të humbur gjurmët e trupave të viktimave. Pas krimit, autori Odise Verbofshi është larguar drejt disa të njohurve në tij, në qytetin e Korçës, ku ka tentuar të kalojë kufirin.

Pasi nuk ka mundur të kalojë në mënyrë ilegale për në Greqi, autori është rikthyer tek shtëpia e të njohurve të tij në Korçë dhe u ka kërkuar të njoftojnë policinë, pasi do të dorëzohej, duke u treguar edhe për krimin e kryer. Në përfundim të gjykimit, Prokuroria e Durrësit kërkon burgim të përjetshëm për këtë shtetas, për akuzat e “Vrasjes ne Rrethana te tjera cilësuese”; “Prodhimit dhe mbajtjes pa leje te armeve luftarake apo municioneve” dhe “Prodhimit dhe shitjes se lendeve narkotike”. Po ashtu, në përfundim të këtij gjykimi, Prokuroria e Durrësit kërkon dënimin me dy vjet burg edhe për shtetasin Ilirjan Thanasi, lidhje shoqërore e të pandehurit Odise Verbofshi, i akuzuar për veprën penale të “Moskallëzimit të krimit”.

VV në Prizren: Po na mohohet e drejta e fjalës në Kuvend

admin
-
0
VV në Prizren: Po na mohohet e drejta e fjalës në Kuvend

Gjatë seancës së sotme të Kuvendit të Prizrenit, pas fjalimit të këshilltares së Lëvizjes Vetëvendosje, Drita Millaku, rreth një analize të raportit tremujor të shpenzimit të buxhetit nga komuna, kryesuesi i kuvendit, Kujtim Gashi, i’a ka tërhequr vërejtjen këshilltares Millaku, që të flas vetëm për pikën e caktuar e jo të merret me kritika në adresë të kryetarit Muja, pasi që gjatë analizës së saj, duke dhënë kritika për mënyren e shpenzimit të buxhetit, kuvendarja Millaku ka shprehur edhe disa dyshime të saja.

“A mos vallë, avokati mbrojtës i kryetarit Muja në Gjykatën e Apelit do të paguhet nga fondet publike dhe paratë e taksapaguesve prizrenas?”, u shpreh kuvendarja Millaku.

Një qendrim i tillë i kryesuesit Gashi, ka zgjuar reagime nga shefi i GK të LVV-së, Artan Abrashi, i cili tha se me këtë gjë këshilltares Millaku, që disa herë po i mohohet e drejta e fjalës.

“Ne nuk do të ndalemi për t’i paraqitur këndveshtrimet dhe konstatimet tona edhe atëherë kur dikush mundohet të na mohojë të drejtën e fjalës, sikurse ndodhi sot me reagimin e kryesuesit Gashi”, theksoi ai. /TV Prizreni/

U mbajt seanca e Kuvendit të Prizrenit

admin
-
0

Pas mbledhjes solemne, Kuvendi i Prizrenit ka mbajtur seancën e rregullt për këtë muaj ku janë debatuar disa pika të rendit të ditës.Një ndër pikat që më së shumti iu merr kohë kuvendarëve, pa dyshim se është ajo që ka të bëjë me pyetjet e këshilltarëve dhe përgjigjet e zyrtarëve të pushtetit lokal. Çështja që ka zgjuar debat më të gjërë kishte të bënte me projektin e shumëpërfolur të Bibliotekës së Prizrenit. Shefja e GK të LDK-së, Mybera Mustafa dhe kuvendarë të tjerë, kanë kërkuar sqarime rreth kësaj çështje të shumpërfolur nga drejtori i Urbanizmit dhe Planifikimit, Nijazi Kryeziu. Ky i fundit, ka thënë se punimet në realizimin e këtij projekti tashmë janë pezulluar deri në një vendim të ri.

Në këtë mbledhje është diskutuar edhe propozimvendimi për ndryshimin dhe plotësimin e vendimit për dhënie në shfrytëzim të pronës komunale për nevoja të zgjerimit të hapësirave të Kishës Katolike, shqyrtimi i strategjisë komunale për informim, komunikim dhe pjesëmarrje dhe shqyrtimi i raportit rreth realizimit të buxhetit të komunës për tremujorin e parë të vitit. Raporti i këtij buxheti më së shumti është kritikuar për shfrytëzim joracional të buxhetit nga kuvendarja e LVV-së, Drita Millaku. Seancat e rregullta të organit më të lartë legjislativ në Prizren, tashmë nuk po duken interesante për shumë këshilltarë të cilët në të shumtën e rasteve nuk po qendrojnë gjatë në sallë…/TVPZ/

Taulant Muja braktisë PDK-në e Prizrenit, kalon në LDK

admin
-
0
Taulant Muja braktisë PDK-në e Prizrenit, kalon në LDK

Anëtari i Kryesisë së PDK-së në Zhur të Prizrenit, Taulant Muja ju ka bashkuar sot LDK-së në Vlashnje të Prizrenit.

“ Taulant Muja i është bashkuar LDK-së në Vlashnje. Ai  do të kyçet edhe ne procesin zgjedhor të LDK-së në Zhur”, njofton LDK në Prizren. /PrizrenPress.com/

Në Prizren gjendet i vdekur një person në shtëpinë e tij

admin
-
0
Në Prizren gjendet i vdekur një person në shtëpinë e tij

Një person është gjetur i vdekur në shtëpi në Prizren. Zëdhënësi i Policisë në Prizren Hazir Berisha konfirmoi se viktima është një i moshuar.

“Po sot është gjetur një plak i vdekur në shtëpi të tij”, konfirmoi Berisha për PrizrenPress.

Blushi shpërthen kundër qeverisë Rama

admin
-
0

Deputeti i Partisë Socialiste Ben Blushi, ka sulmuar ashpër qeverinë “Rama” dhe mazhorancën e majtë, që nuk ka mbajtur asnjë premtim nga ato që ka bërë thuajse dy vjet më parë.

Me tone të ashpra nga foltorja e Kuvendit, eputeti socialist e ka cilësuar kabinetin qeveritar si fantazma që ndjekin Sali Berishën. Ai ka thënë se në Shqipëri, qeveria, me reformat e saj po bën terror në mënyrë të padrejtë ndaj të varfërve.

“Shumica duhet të korrigjojë veten, – u shpreh Blushi. – Ka ca nga ata që thonë se unë po flas me gjuhën e Saliut, por unë u them se mbase nuk e dinë, se Saliu është një fantazmë, që disa e ndjekin e disa i ndjek. I mirëkuptoj ata që më shajnë mua. Kush flet si Saliu, unë apo jo, që kemi rritur çmimin e energjisë dhe kjo është e vërtetë. Ka më shumë rëndësi e vërteta sesa partia. Premtuan 300 mijë vende pune, por Kukësi është zbrazur nga shqiptarët. Fantazmën e Saliut e ndjekin ata që qeverisin si Saliu”.

“Unë thashë në fushatë se do ulim boxhin dhe ai u rrit. Po qeverisin si Saliu edhe pa Saliun… Kush e ndjek Saliun, ata që sollën kriminelët në parlament? Kush i futi këta në Kuvend, unë që po flas këtu? Po dikush i futi këtu, e pra kush bën si Saliu? Unë nuk flas si Saliu, unë jam shoku juaj”.

Ministri Hajredin Kuçi favorizon dostat

admin
-
0
Ministri Hajredin Kuçi favorizon dostat

Ministri i drejtësisë, Hajredinin Kuçi po insiston që në menyrë të kundërligjshme t’i bëjë anëtarë të provimit të jurispodencës disa miq të tij të Univerisitetit.

Në listën e të propozuarëve për anëtar të cilën e ka dorëzuar në Kuvend për miratim, sipas informacioneve që kanë ardh në adresë të Gazetës Fjala, Kuçi i ka futur Abdulla Aliun, profesor të cilin e ka mik dhe koleg të UP-së si dhe Asllan Bilalli po ashtu mik nga UP-ja të cilët thuhet se nuk i plotësojnë kriteret e kërkuara sipas ligjit, të cilin e ka sponzorizuar vetë ministria e udhëhequr nga Kuçi.

Të dy këta kandidat thuhet se nuk kanë provim të jurispodencës dhe nuk kanë 12 vite provojë pune në sistemin e drejtësisë ashtu siç kërkohët me Ligjin për Provimin e Jurisprodencës.

“Aliu nuk e ka asnjë vit punë në sistemin e drejtësisë, e gjithë provoja e tij e punës është vetëm si profesor universitar. Ndërsa, Asllan Billalli, ka disa vite provoj punë në sistemin e drejtësisë, përkatësisht në gjykatën Kushtetuese të Republikës së Maqedonisë, por jo 12 vite siç kërkohen me ligj”, thotë ky burim.

Ky tentim i të parit të drejtësisë për t’i emruar miqt në menyrë të kunderligjshme anëtar të komisionit për provimin e Jurispodencës është bllokuar nga Komision për Legjislacion në Kuvendin e Kosovës.

Albulena Haxhiu, Kryetare e Komisionit për Legjsilacion ka treguar për Gazetën Fjala se Ministria e Drejtësisë me datë 19 shkurt 2015, ka propozuar emrat për anëtarë të komisionit për provimin e jurisprudencës dhe Komisioni për Legjislacion, më 2 mars i ka shqyrtuar të njëjtit.

“Pas këtij shqyrtimi, si Kryetare e Komisionit për Legjsilacion, kam propozuar që ta rikthejmë listën me emrat e propozuar pasi që nga 10 kandidatë sa janë propozuar, 5 prej tyre nuk i kanë plotësuar kriteret formale të parapara me ligjin për provimin e jurisprudences”.

Ligji për provimin e jurisprudencës në nenin 4 paragrafi 3 thotë: “Komisioni emërohet nga radhët e juristëve të diplomuar, të cilët e kanë dhënë provimin e jurisprudencës, që janë ekspertë të drejtësisë dhe që kanë së paku dymbëdhjetë (12) vjet përvojë pune në sistemin e drejtësisë”

“Komisioni për Legjislacion është përgjegjës për vlerësimin e kushtetutshmërisë dhe ligjshmërisë kësisoj nuk mund të lejojmë që të shkelet kjo dispozitë dhe asnjë tjetër”, ka thënë Haxhiu.

Vendimin për rikthimin e emrave të propozuar ajo thotë se e kanë proceduar menjeherë në Minisrinë e Drejtësisë dhe është kërkuar që deri më 9 mars, t’i sjellë propozimet në pëpruthje me ligjin për provimin e jurisprudencës.

Por ende nuk kanë marrë ndonjë pëërgjigje nga ministria, të cilën Haxhiu e quanë të papërgjegjshme.

“Sot jemi më 30 prill dhe ende Ministria e Drejtësisë, nuk i ka proceduar emrat për anëtarë të Komisionit për Provimin e Jurisprudencës. Këto veprime të Ministrit të Drejtësisë janë jo serioze dhe të papërgjegjshme dhe të njëjtat duhet kundërshtuar pasi që shumë kandidatë po presin për të hyrë në provimin e jurisprudencës dhe në anën tjetër nuk ka asnjë arsyetim nga ministri për këtë vonesë”, thotë Haxhiu.

Gazeta Fjala ka provuar të marr një përgjigje për këtë cështje edhe nga ministry Hajredin Kuçi por kjo ka qenë e pamundur.

Shkolla si poligon i politikës

admin
-
0
Shkolla si poligon i politikës

Bardh Frangu

Sigurisht që gjendja në shkollën shqipe është shumë e keqe, madje në shkallë alarmante. Kjo për faktin se nëse të gjithë pajtohemi se shteti është i kapur nga banda politike, si mund të besojmë se jashtë kësaj kapjeje ka mbetur shkolla shqipe!?

Ndoshta e mira e vetme e këtyre grevave të punëtorëve të arsimit është fakti se kanë ndikuar që të hapet një debat joformal rreth shkollës shqipe. Duket ashiqare se qytetarët (prindërit) ndjehen të irrituar nga greva, meqë fëmijët e tyre janë të detyruar që të humbin mësimin. Por më shumë se qytetarët janë të brengosur drejtorët politikë të shkollave, mbase jo pak nga ta edhe publikisht kanë bërë thirrje që mësimi të mos ndërpritet.

Sigurisht që gjendja në shkollën shqipe është shumë e keqe, madje në shkallë alarmante. Kjo për faktin se nëse të gjithë pajtohemi se shteti është i kapur nga banda politike, si mund të besojmë se jashtë kësaj kapjeje ka mbetur shkolla shqipe!?

Përkundrazi, arsimi është sistemi më i politizuar në Kosovë. Kjo për shumë arsye që dihen, meqë arsimi ishte ai që ndërtoi sistemin paralel dhe në këtë mënyrë u bë pjesë aktive e politikës, e cila kurrë nuk ngurroi që të mos e përdorë për nevoja të vetat. Edhe sot mbledhjet e partive mbahen nëpër shkolla, fushatat paraelektorale gjithashtu, sikundër edhe vetë procesi zgjedhor mbahet nëpër to. Shkollat janë poligon ku ushtrojnë ndikimin e tyre partitë politike dhe ku punësojnë militantët e tyre. Kujtoni vetëm veprimet e ish-kryeministrit Thaçi me drekat dhe darkat shtruar punëtorëve të arsimit si dhe me premtimet e pareshtura për ngritje pagash!? E dhembshme, vërtet.

Nuk ka kategori shoqërore ndër ne që aq me përbuzje ka përjetuar gjendjen e pasluftës. Organizata të ndryshme vendore dhe ndërkombëtare u futën nëpër shkollat tona në emër të demokratizimit të shkollës, sikundër dhe të luftës kundër trafikimit me qenie njerëzore, duhanit dhe drogës. Edhe sot e kësaj dite vazhdojnë fushatat e tilla, të cilat veç sa e kanë degraduar shkollën shqipe. Madje në shumë raste në shkollën shqipe janë futur kolegjet private, bankat e ndryshme si dhe tipa që shkruajnë libra, të bindur se tregun e gjejnë në hapësirat shkollore, përkatësisht ndër nxënës.

Këto fushata që u bënë vetëm sa për të thithur donacione të ndryshme, e kanë sjellë shkollën në një derexhe për dhembje të madhe. Tani nëpër shkollat tona funksionon vetëm e drejta e fëmijëve, por jo edhe përgjegjësitë e tyre. Imagjinoni një mësues i cili është i detyruar të dalë para fëmijëve të kriminelëve dhe hajnave që e kanë rrjepur këtë vend!?

Mësuesit që nga paslufta nuk kanë pasur mundësi as të pushojnë vikendeve, as pushimeve të rregullta verore e dimërore; ata kanë qenë të obliguar që vazhdimisht të jenë nëpër trajnime të ndryshme, të cilat janë organizuar jo për të mirën e shkollës, por për interes të grupeve dhe individëve sa nga institucionet shtetërore po aq edhe nga shoqëria civile. Madje, nëpërmjet kësaj forme ata vazhdimisht janë kërcënuar me humbje të vendit të punës, sikundër që vazhdojnë të kërcënohen nga politika edhe sot e kësaj dite.

Mësuesit vërtet janë dërrmuar nga kjo gjendje. Ata më nuk e kanë hall gjendjen e rëndë sociale, por e kanë hall gjendjen e tyre shpirtërore, sepse tashmë ata nuk janë personat që gëzojnë respekt as ndër qytetarë, as ndër nxënës. Ata e kanë të qartë se tani janë vetëm instrumente në duar të politikës dhe si të tillë duhet të durojnë këtë gjendje. Ata tashmë punojnë në të zezë, sepse nuk kanë as kontrata pune, ndërsa presin që të implementohet Kontrata Kolektive!

Sigurisht që mësuesit e Kosovës e kanë të qartë se as sindikata, përkatësisht SBASHK-u nuk është ajo që mbron nderin dhe respektin e tyre, për më tepër statusin e tyre social. E kanë të qartë se nën këtë ombrellë sindikale janë vazhdimisht të lagur. Më në fund a nuk ishin këta udhëheqës të SBASHK-ut që gjatë kohës së ngërçit politik hapur dhe publikisht anuan nga e drejta e PDK-së për të formuar qeverinë!?

Sigurisht që paga e mësuesit në Kosovë është në nivel të kënaqshëm krahasuar me të punësuarit nëpër institucione dhe sektorë tjerë. Është shumë e sigurt se shumica absolute e tyre nuk do të përkrahte këtë grevë, sikur institucionet shtetërore të mos vazhdonin të manipulonin me ta dhe me të drejtën e tyre.

Nuk duhet harruar se dy janë shtyllat bazë të shoqërisë; arsimi dhe shëndetësia. Tanimë jemi dëshmitarë se këto dy shtylla plotësisht janë rrënuar, prandaj nuk duhet hapur debatin a kanë të drejtë mësuesit në ngritje pagash dhe në njohje stazhi, por si të bëhet që arsimi dhe shëndetësia të trajtohen si dy probleme më të mëdha shtetërore dhe kombëtare.

Geoffrey Nice: Ka pasur pazare e presione në rastin Haradinaj

admin
-
0
Geoffrey Nice: Ka pasur pazare e presione në rastin Haradinaj

Ka pasur pazare e presione në Tribunalin e Hagës. Kështu është shprehur për javoren NIN të Beogradit, ish prokurori i Tribunalit të Hagës, Geoffrey Nice.

Nice ka pohuar se kryeprokurorja e dikurshme e Tribunalit të Hagës, Carla Del Ponte ishte marrë vesh me autoritetet e Beogradit që të “errësohen” dokumentet që kishin të bënin me transkriptin nga mbledhja e Këshillit Suprem të Mbrojtjes së Republikës Federative të Jugosllavisë.

Ato dokumente, transmeton Koha.net shkrimin e NIN-it, u hapën gjatë gjykimit të ish-shefit të Shtabit të Përgjithshëm të Ushtrisë së Jugosllavisë, Momçillo Perishiqit, ndërsa shumë boshnjakë janë të bindur se pikërisht pjesët e fshehura mund të ishin vendimtarë për vendimin e Gjykatës Ndërkombëtare të Drejtësisë sipas padisë së Bosnjë e Hercegovinës ndaj Serbisë për gjenocid, deklaroi Nice.

Sipas fjalëve të tij, juristët e angazhuar në rastin e ish-kryeministrit të Kosovës, Ramush Haradinaj kishin sugjeruar se nuk kishte fakte të mjaftueshme për të ngritur padi ndaj tij, por Carla Del Ponte kishte udhëzuar dy juristët që aktakuza megjithatë të ngrihej.

Carla Del Ponte kishte pritur që, duke akuzuar Haradinajn do të joshte palën serbe që të arrestojë ish-presidentin e Republikës Serbe, Radovan Karaxhiqin dhe komandantin e dikurshëm të Ushtrisë Serbe të Bosnjës, Ratko Mlladiqin, ka shtuar Nice.

Sipas fjalëve të tij, gjatë gjykimit të ish-presidentit të RF të Jugosllavisë, Sllobodan Millosheviq, nga Serbia ka pasur presione që lidheshin me trtanskriptin e Këshillit Suprem të Mbrojtjes. Nice ka konfirmuar se ka pasur presione rreth regjistrimeve të bisedave telefonike ndërmjet Millosheviqit e Mlladiqit.

Ato biseda tregonin se Millosheviq ka qenë në dijeni për ngjarjet në Srebrenicë. Nga ato biseda del qartë edhe sa ka mundur të jetë i informuar Perëndimi se çfarë ka ndodhur atje. Kemi qenë fare afër që nga gjykata të marrim lejën që t’i kërkojmë ato biseda, por Carla Del Ponte ka qenë nën presion që të tërheq kërkesën, ka deklaruar Nice duke shtuar se ai presion nuk kishte ardhur nga Serbia.

SBASHK: Kryeministër ndale Hotin

admin
-
0

Sindikata e Arsimit deklaron se edhe gjatë ditës së sotme më shumë se 90% e shkollave u janë përgjigjur pozitivisht grevës si dhe 14 njësi akademike sipas kryetarit të Sindikatës e kanë konfirmuar grevën.

Kryetari i Sindikatës së Bashkuar e Arsimit, Shkencës dhe të Kulturës së Kosovës, Rrahman Jasharaj, ka thënë se Sindikata që ai udhëheq nuk e ka ndërmend që të heq dorë nga greva.

“Mësimdhënësit pa i parë llogaritë e tyre me paga, nuk heqin dorë”, Jasharaj i ka deklaruar Indeksonline-it. Ai ka bërë të ditur se Këshilli Drejtues i SBASHK-ut do të mblidhet gjatë ditës për të diskutuar për hapat e mëtejmë.

Ndërsa lidhur më deklaratë e Ministrit të Financave Avdullah Hoti, i cili tha që ditët e grevës nuk do të paguhen, Jasharaj i quajtu shokuese.“Unë po them se deklarata e tij, është shkuese, ngase ministri Hoti, me fajin e tij dhe kabinetit të tij ka ardhur deri te kjo situatë që jemi sot. Ata kanë pas kohë së paku kohë të mjaftueshme që të punojnë e jo ditët e fundit.

Listat që pretendon ministri Hoti dhe të tjerët, mësimdhënësit në shkolla nuk i kanë”, tha ai.
Kreu i SBASHK-ut, thotë se ata do të ankohen edhe tek ndërkombëtarët, madje ai pret që vërejtjen ministrit në fjalë të ia tërheq edhe vet Kryeministri për këtë presion.“Unë që nesër do ta njoftoj Edukimin Internacional, që ka mbi 30 milionë anëtarë, dhe do ta konsideroj këtë si presion të pa drejtë, sepse greva nuk mund të thyhet në këtë mënyrë. Dhe Hoti po harron se të njëjtit mësimdhënës të cilët i kërcënon, në vitet e 90-ta, kanë punuar pa asnjë para. I mbetet Kryeministrit që ta thërras z. Hotin që ta ndal Hotin kundër SBASHK-ut”, tha ai.
Rrahman Jasharaj në fund ka theksuar se në këtë situatë, do të ketë grevë edhe gjatë ditëve në vazhdim./ 21 MEDIA/

1...6 8656 8666 867...8 673Page 6 866 of 8 673

Të gjitha materialet e portalit janë të mbrojtura me të drejtat autoriale. Ato mund të kopjohen, modifikohen, dhe ripublikohen vetëm duke iu referuar burimit PrizrenPress.com. Të drejtat autoriale janë të rezervuara, sipas dispozitave ligjore në fuqi në Republikën e Kosovës.

© 2019 NuclearAnt.

Kategoritë

Lidhuni Me Ne