Kryetari i Komunës së Malishevës, Ragip Begaj, ka pritur Avokatin e Përgjithshëm Shtetëror, Heset Mazrekaj. Qëllimi i këtij takimi ishte njoftimi i ndërsjellë, me qëllim të informimit për punën dhe qëllimin e këtij institucioni dhe bashkëpunimi i ndërsjellë, mes institucionit të komunës dhe avokatit shtetëror.
Fillimisht, kryetari Begaj, e ka uruar Mazrekajn, për detyrën e ngarkuar, në kuadër të Ministrisë së Drejtësisë, si avokat shtetëror dhe i ka ofruar bashkëpunimin dhe përkrahjen e Komunës së Malishevës në formimin dhe ushtrimin e detyrës së avokatit të shtetit.
Ndërsa avokati i përgjithshëm shtetëror, Heset Mazrekaj, e ka falënderuar kryetarin Begaj, për gatishmërinë dhe përkrahjen e ofruar në punën e institucionit të Avokatit Shtetëror. Më pas, avokati i shtetit, e ka njoftuar kryetarin e Malishevës, me qëllimin dhe obligimet e avokatit shtetëror, në raport me institucionet. /PrizrenPress.com