Dafina Zeqiri ka postuar dje një foto ku shfaqet me gjoksin e zhveshur.
Këngëtarja bukuroshe ka postuar foton në Instagram me mbishkrimin “When dope girls work together”.
Ajo ka mbuluar gjinjtë vetëm me njërën dorë, derisa në foto shfaqet edhe një mikeshë e saj, e cila bën sikur e ka zhveshur këngëtaren.
Sindikata e Bashkuar e Arsimit të Kosovës ka njoftuar mbrëmë se edhe sot do të vazhdojë greva nëpër shkolla.
Këshilli Qendror Grevist i SBASHK-ut pas raporteve të marra nga Këshillat Komunale greviste të SBASHK-ut dhe analizave të bëra nga ta dhe nga vet Këshilli Qendror Grevist ka konstatuar se edhe në llogaritjet që janë bërë sot dhe pagat që janë procesuar për të punësuarit në arsim ka shumë gabime në llogaritjen e përvojës së punës të mbi 90 përqind e të punësuarve ku iu mungojnë 7 vite të përvojës së punës si dhe nuk është bërë ndryshimi i pagesës për muajt janar,shkurt dhe mars të vitit 2015
“Për këto gabime të lëshuara edhe në këto lista te pagave të cilat u punuan dhe u procesuan sot deri në këtë moment që ne po lëshojmë këtë komunikatë nuk kemi informata as nga MASHT e as nga MF por as ndonjë prononcim publik pse kanë ndodhur këto gabime prandaj: Këshilli Qendror Grevist i përkrahur nga të gjitha Këshillat greviste Komunale dhe nga Këshilli grevist i Universitetit i njofton të gjithë punonjësit arsimor se greva e përgjithshme edhe nesër mbahet me të njëjtin orar sikurse edhe sot”, thuhet në komunikatën e sindikalistëve të arsimit.
Kjo e fundit i ka bërë thirrje Qeverisë që në afat optimal t’i përmbushin edhe këto lëshime që i kanë bërë në mënyrë që mos të humbet mësimi.
Një ditë më parë, Qeveria ka bërë të ditur se pagat e mësimdhënësve kanë dalë me rritje ndërsa, grevistët kanë thënë se nuk janë paguar në mënyrë retroaktive që nga fillimi i vitit.
Triumfi i Sigal Prishtina në Ligën Ballkanike të basketbollit ka gëzuar gjithë shqiptarët anembanë të cilët e kanë shprehur gëzimin për triumfin në rrjetet sociale.
“Prishtina, qyteti i kampionëve. Ballkani nuk është pushtuar sërish, ne jemi bossët këtu që nga dita e parë. #Autokton #KampionetBallkanit, #Plisat #Krenar”, ka shkruar reperi Cozman në
Kuvendi Komunal i Prizrenit, shpalli qytetar nderi drejtorin e Gjimnazit gjerman “Loyola”, Pater Walter Happel.
Kryetari i Prizrenit, Ramadan Muja tha se Happel ka kontribuar në arsimimin dhe edukimin e gjeneratave të reja në Prizren dhe me gjërë.
Edhe përfaqësuesit e subjekteve politik kanë vlerësuar lartë kontributin që Happel ka dhënë në avancimin e arsimit në Prizren.
Ndërkaq, Pater Walter Happel ka falënderuar Kuvendin e Prizrenit për këtë mirënjohje.
“Ju falënderoj për këtë nder. Unë e vlerësoj këtë mirënjohje. Kjo për mua do të thotë shumë. Do të qëndroj i lidhur me Prizrenin”, ka thënë Happel./PrizrenPress.com/
Kreu i Frymës së Re Demokratike në Shkodër, Zef Kolombi,m ka dhënë dorëheqjen e tij.
“Kjo është një dorëheqje për arsye personale. Jam i pakënaqur me Frymën e Re Demokratike. Kjo parti po punon vetëm për interesat e saj,” tha Kolombi.
Vendimi vjen pak ditë pasi FRD vendosi të hyjë në koalicion me Partinë Socialiste.
Dega e FRD në Shkodër ishte e para që bëri rezistencë.
Ata deklaruan se nuk do mbështesin Keti Bazhdarin në Shkodër, por kandidatin e tyre, Fatlum Nurja.
Bamir Topi synon që të shtojë numrin e këshilltarëve vendorë për partinë e tij në këto zgjedhje
Policia e Kosovës ka arrestuar dy persona në Prizren. Arrestimi i tyre është bërë me urdhër të Gjykatës Themelore në Prizren.Pas arrestimit ata janë dërguar në burgim.
“Në bazë të urdhëresës së lëshuar nga Gjykata Themelore në Prizren, është arrestuar një person dhe i njëjti është dërguar në vuajtje të dënimit në burgun e Prizrenit”, njofton Polica e Kosovës.
“Në rrugën “Brigada” në Prizren në bazë të urdhëresës së lëshuar nga Gjykata Themelore në Prizren, është arrestuar një person dhe i njëjti është dërguar në vuajtje të dënimit në burgun e Prizrenit”./PrizrenPress.com/
Kryetari i Çekisë Milos Zeman ka thënë se, për dallim nga shteti në krye të të cilit gjendet, personalisht nuk e njeh pavarësinë e Kosovës dhe prandaj nuk po dërgon ambasador në Prishtinë.
Në intervistën për numrin e sotëm të “Novosti” të Beogradit, pasi që gazeta ia përkujton se “është i njohur qëndrimi i tij se Kosovën e drejton një regjim mafioz që financohet nga tregtia me narkotikë”, Zeman është përgjigjur: “shumë herë publikisht kam thënë se Hashim Thaçi është kriminel lufte”.
I pyetur se a zhvillon Bashkimi Evropian politikë parimore ndaj Serbisë, Zeman thotë se “gjithçka varet nga ajo se ç’do të merren vesh Serbia dhe Kosova” dhe se, sipas mendimit të tij, “do përzierje nga cilado anë mund të jetë kundërproduktive dhe e gabueshme”.
Kryetari i Komunës së Malishevës, Ragip Begaj, ka paraqitur para anëtarëve të Kuvendit të Komunës së Malishevës, raportin e punës të Qeverisë Komunale për vitin 2014. Në mbledhjen e mbajtur deri në pasditen e vonshme, të ditë së djeshme, para anëtarëve të kuvendit, është prezantuar edhe raporti financiar nga ana Drejtoria për Buxhet dhe Financa, ndërsa në mesin e disa vendimeve, KK i Malishevës, i dha mbështetje edhe kërkesë së kryetarëve të fshatrave për kthimin e shërbimeve nga regjioni Gjakovës në atë të Prizrenit.
Fillimisht, kryetari Begaj, përmes një raporti shumë voluminoz, ka prezanton raportin e punës për vitin 2014, ku në mënyrë të detajuar janë paraqitur të gjitha punët e kryera nga ana qeverisë komunale, të cilën e drejton kryetari Ragip Begaj. Duke u bazuar në këtë raport, kryetari Begaj, tha se “gjatë vitit 2014, kemi arritur, të menaxhojmë dhe shfrytëzojmë buxhetin, në shkallën 98 për qind dhe kemi arritur që të bëjmë investime, në të gjitha fshatrat e Komunës së Malishevës”. Pas diskutimit lidhur me raportin e punës, ku anëtarët e kuvendit, dhanë mendimet e tyre, lidhur me punën e qeverisë komunale, kryetari Begaj, tha: “Unë jam në shërbim të qytetarëve dhe jo në shërbim të partive politike. Nuk kemi qenë të përkryer, por kemi dhënë maksimumin e mundshëm”.
Më pas edhe drejtori i Drejtorisë për Buxhet dhe Financa, Vesel Krasniqi, paraqiti raportin financiar për vitin 2014, me mënyrën e shpenzimit të buxhetit, të hyrat vetanake, dhe të gjitha këto, drejtori Krasniqi, i ka paraqitur edhe në formë vizuale.
Më pas Kuvendi i Komunës së Malishevës, i drejtuar nga kryesuesi Aziz Thaçi, ka shqyrtuar kërkesën kryetarëve të fshatrave, të datës 16.04.2015, për kthimin e të gjitha shërbimeve për nevojat e qytetarëve të Komunës së Malishevës, nga regjioni Gjakovës në regjionin e Prizrenit dhe unanimisht, KK i Malishevës, i ka dhënë mbështetje kësaj kërkese.
Kuvendi i Komunës së Malishevës, dje mori vendim edhe për formimin dhe përbërjen e Këshillit Organizativ, për shënimin e 16 Qershorit, Ditës së Dëshmorëve dhe Ditës së Çlirimit të Malishevës./PrizrenPress.com/
Në Strasburg sot zhvillohen punimet e sesionit të dytë të Takimit të shtatë ndërparlamentar Parlamenti Evropian – Kosova, në të cilin po marrin pjesë eurodeputetë dhe një delegacion i gjerë nga Kosova, i kryesuar nga kryetari i Kuvendit, Kadri Veseli.
Në ditën e dytë të takimit, kreu i Kuvendit të Kosovës, Veseli, do të flasë për bashkëpunimin rajonal, ndërsa për progresin e Kosovës drejt integrimit evropian do të flasin nënkryetarja e PE-së, Ulrike Lunacek dhe ministri i Integrimeve Evropiane, Bekim Çollaku.
Për Marrëveshjen Stabilizim-Asociim dhe përfshirja e Kosovës në Programet e BE-së, do të mbajë një fjalë kryetari i Komisionit për Punë të Jashtme, Enver Hoxhaj.
Për liberalizimin e vizave, ndërkaq, do të flasin eurodeputetët Tanja Fajon dhe Jozo Rados, nënkryetari i Kuvendit, Sabri Hamiti dhe kryetarja e Komisionit për Integrime Evropiane, Teuta Sahatqija, ndërsa për dialogun mes Kosovës dhe Serbisë, nënkryetari Xhavit Haliti dhe deputeti Pal Lekaj.
Nënkryetarja tjetër e Kuvendit, Aida Dërguti, kryetari i Komisionit për Mbikëqyrjen e Agjencionit Kosovar për Inteligjencë, Haxhi Shala dhe anëtarja e Komisionit për Punë të Brendshme, Ganimete Musliu, do të flasin për luftën kundër korrupsionit dhe krimit të organizuar. /Telegrafi/
Komuna e Prizrenit ka vendosur t’i shpërblejë me një ekskursion në bregdetin e Shqipërisë punëtorët e saj për 1 Majin – Ditën e Punëtorëve. Për këtë qëllim do të paguhen 2.450 euro nga buxheti komunal, ndërsa gjysmën tjetër të mjeteve do ta paguajnë vetë punëtorët të cilët kanë shprehur gatishmërinë të jenë pjesë e shëtitjes.
Ekskursion në Sarandë e ka organizuar edhe Drejtoria e Arsimit, ndërsa pjesë e tij janë drejtorët e shkollave, të cilët do t’i paguajnë vetëm shpenzimet e udhëtimit. Shëtitja treditore organizohet nga Drejtoria për Administratë Lokale, ndërsa punëtorët është paraparë që këtë fundjavë ta kalojnë në qytetin e Vlorës. Ata do të nisen të enjten në mbrëmje, ndërsa do të kthehen të dielën pas dite.
Drejtori i kësaj drejtorie, Ilir Baldedaj ka thënë se shëtitja me qëllim të rekreacionit po realizohet me kërkesën e punëtorëve të Komunës së Prizrenit, të cilët janë arsyetuar se nuk kanë ndonjë organizim sindikal për organizime të këtilla, andaj ata kanë dëshirë ta shfrytëzojnë pushimin për Ditën Ndërkombëtare të Punës, derisa kanë shprehur gatishmërinë e tyre që të participojnë me 50 për qind të mjeteve të nevojshme. “Komuna do të paguajë hisen e saj të mjeteve prej 2.450 nga pozicioni buxhetor për mallra dhe shërbime, ndërsa pjesën tjetër do ta paguajnë 70 punëtorët të cilët kanë shprehur dëshirën të jenë pjesë e ekskursionit”, ka thënë ai për “Zërin”.
Një person gjatë qëndrimit treditor në Vlorë duhet të paguaj 70 euro. 35 euro do t’i paguajë Komuna, ndërsa pa aq punëtorët.