Kam shtatëmbëdhjetë orë që kam vdekur dhe ende nuk po më varrosin. Sa e mërzitshme qenka të jesh i vdekur! Të paktën, po të kisha një puro për ta tymosur, nuk do të mërzitesha kaq shumë duke pritur.
Mund të kisha kaluar në krahun tjetër me më shumë kujdes, por edhe vetë vdekja ime qe e dështuar. Duke kaluar rrugën «La Septima», ia ngul sytë një zeshkaneje që shkon duke u tundur, hutohem dhe më godit me motoçikletë korrieri i barnatores. Përplas kokën te trotuari dhe aty mbetem si një gjel i ngrirë në vitrinën e një frigoriferi, me sytë e qelqtë dhe me gjuhën e përjagur, ndërsa dosjet e gjyqtarit mbeten të shpërhapura nëpër rrugë. Një qen që kaloi aty nisi të më lëpijë plagën, por e trembi sirena e ambulancës që, siç dihet, mbërriti me vonesë. Kur mbërrita në spital, tashmë i vdekur, nuk donin të më pranonin, pasi nuk kisha dokumentin e sigurimeve shoqërore. Dikush, midis kureshtarëve, më kishte vjedhur portofolin dhe orën e dorës. Ora e dorës nuk më interesonte se s’kishte ç’më duhej më, por humbja e portofolit më dhëmbi, sepse ishte prej lëkure deveje dhe e kisha kujtim nga Elisa. Në agjencinë e varrimit më provuan gjashtë arkëmortë, por asnjëri nuk më bënte. Ishin të vegjël. Më në fund, për të kursyer paratë, ime shoqe vendosi për një që ishte imitim dru mogani, por, meqë as ai nuk më merrte, më hoqën këpucët dhe m’i përthyen këmbët. Tani do të më varrosin me çorape të grisura. Mua që fitoja vetëm nëntëdhjetë mijë peso në muaj! Ime shoqe në fillim zuri të qante, por kur i thanë se sigurimi i jetës paguante nëntë qind mijë peso, e vetmja gjë që tha qe: «Epo mirë, zure se do të vdistepër dhjetë muaj.»
Ja ku jam, në sallonin e shtëpisë sime, duke pritur që të më varrosin. E mbështetur në mur, është kurora me çmim të lirë, që më dërguan shokët e zyrës. Vetëm Hili ka ardhur për të më përcjellë. I detyrohem njëzet mijë peso dhe tani po ngushëllon time shoqe.
Nuk më ka pëlqyer kurrë ky sallon. Muret janë të mbuluar me ca kuadro të dalëboje dhe mobiliet të ronitura. Kurrë nuk më kishte shkuar në mendje që pritja ime e fundit do të ndodhte pikërisht këtu. Kur Hili dhe ime shoqe më lanë vetëm, një mi i madh nxori kokën te kapaku i arkëmortit. Gati sa nuk vdiqa nga frika. Sa do ta doja në ato çaste qoftë edhe një kafe pa sheqer, si ajo që më bënte Elisa. Po bën ftohtë. Tani nuk mundem të thërras as Elisën që të më përcjellë. E njoha para tre vjetësh, në gjykatë kur erdhi për të bërë praktikën. Ajo ishte studente drejtësie. Pikërisht aty u dashuruam. Konsuelanuk e mori vesh kurrë. Nuk ia vlente t’i thosha, ajo ishte shumë xheloze dhe mbretëria e saj ishte kuzhina. Pa shikoje tani! Mizë e ngordhur! Sa e afruar me Hilin dhe nuk qan fare për mua.
Sonte unë do të isha duke pirë birrë dhe duke luajtur domino, si çdo të diel, dhe ja, dreqi ta marrë, më duhet ta kaloj fundin e javës i vdekur, duke pritur varrosjen time. Nëse do të kisha vdekur të hënën apo të martën, të paktën do kisha përfituar duke mos shkuar në punë dhe sot do të isha duke bërë qejf. Siç e shihni, ky është kulmi i fatit të keq: të vdes në një ditë pushimi.
Tani më duhet të pres deri nesër në ora njëmbëdhjetë që të më futin në një “Kadillak” të zi dhe të më kalojnë nëpër gjithë gropat e lagjes. Dhe prifti do të jetë i kënaqur. «Më në fund, iku edhe ky ateisti», do të thotë, duke taposur hundën nga era e vdekjes, kur do të më futin në kishë. Më llahtaris ideja se do të dëgjoj meshën. Do të jetë ajo ceremoni e përhershme që më ka tmerruar që kur isha fëmijë: prifti duke kënduar me zërin e ngjirur, kisha mbushur me qirinj dhe disa plaka të rrudhosura duke qarë e duke u qurrosur për të vdekurin e radhës. Kurrë nuk e kam duruar dot aromën e qirinjve, e shohë që do t’ia plas me teshtima në mes të meshës. Dhe për këtë ceremoni të marrin dy mijë e pesëqind peso. Unë nuk do të paguaja as edhe një qindarkë për një meshë varrimi. Më pas, kur të mbarojë mesha dhe të dëgjohet zilja e akulloreshitësit te dera e kishës, do të më shpien në gropën time. Kushedi se kë do të kem fqinj në varrezë. Ma merr mendja se nuk mund ta zgjedhësh dot. Larg qoftë, sikur të më qëllojë ndonjë llafazane, do të më duhet të duroj gjatë gjithë përjetësisë ankesat dhe qurravitjet e saj. Ç’do të ndodhë pasi varrmihësit të më mbulojnë me dhe, të më vënë gurin përsipër dhe gjithçka ta mbulojë terri? As që dua ta shkoj nëpër mend. Nuk e di, por në këto çaste do të doja të isha si përditë, thjesht duke sistemuar dokumente në zyrën e gjykatës, apo duke luajtur bilardo në El Aventino. Sa e pambarimtë është nata kur je i vdekur! Ende duhen edhe shtatëmbëdhjetë orë që të më varrosin. /Revista Saras
Një shkrim nga Faik Konica, botuar më 1901 në revistën “Albania”!
Si ish vëndi ynë qint vjet më parë e si është sot? Ndryshim i madh, të cilin d t’jua rrëfejmë në pakë fjalë.
Ahere Shqipëria, sundimërisht, ish po thua më vete. Kara Mahmuti sipër, Ali Tepeleni poshtë, e sundojin Shqipërinë pa kërkuar urdhëra nga Stambolli. Ata vetë i emërojin gjithë nënurdhërit e guvernës, të cilët ishin të gjithë shqipëtarë.
Sot kemi mi krye ca Anadollakë qi nuk kanë tjatër mendim e tjatrë punë, përveç të dobësojën vëndin e të shuajnë kombësinë t’onë.
Ahere, emri shqipëtar ish i njohur kudo n’Evropë si i një populli me gjuhë, me zakone, me mendime, të veta. Librat e shkronjëtorëve t’asaj kohe janë plot me dëftime të tilla.
Sot për kundrë, erësia ku na ka lidhur Stambolli, e ku na mban poshtërsia e karakterit t’onë, u dhanë sy e forcë kombeve fqinje të na kllasin djallëzit e tyre e t’i japin të besojë botës se komb shqipëtar nukë ka. Ashtu, ne qi njëqint vjet më parë ishim kombi m’i gjall e m’i fuqishëm i Ballkanikut, jemi sot për sot kombi m’i sëmur e m’i dobëti.
Ahere gjuha shqipe flitej kudo në Shqipëri: rreth vatrës, në trek, në shtëpi të guvernës (huqumet); edhe sikur të kishin patur mënt të parët t’anë, pa farë vështiret kishin bërë qindëra shkolla në gjuhë shqip.
Tani, prapë shumica e Shqipëtarëve të ndershëm shqip flasin e Shqipëtarë mbahen. Po ca harbutë, ca zuzarë të lindur prej nënash shqipëtare, po prej Atësh a Anadollakë a fare të panjohur, bëjnë sikur e harruan shqipen, kërkojnë me pahir të na kllasin gjuhën e mundësit dhe i ndihin armikut të na e shuajë gjuhën t’onë.
Nuk u ndryshua vetëm puna e sundimit e e gjuhës. U ndryshua aq, edhe më tepër, puna e begatimit.
Një qint vjet më parë, tregëria, bujqsia, ishin në lulëzim të bukur. Të marëdhënat ishin të lira – jo si sot që Anadollaku i ndalon shumë tregëtarë të venë e të vijnë, duke rënduar pagat e bakshishet, duke kërkuar pasaporte e tezqerera, duke pyetur ku vete e pse vete e mos ke ndonjë mendim të pshehtë. Bota e punonin dhenë; i varfëri kish tokën e tija e e shtrëngonte t’i nxjerë grur e bukë. Sot një mij shkake, një mij ndalime, e shkretuan bujqsinë; Shqipëtari nukë punon më dhen e tija; arat janë kudo të shkreta, e një erë përjashtimi po i fryn qi i shtyn përjashtë Shqipërisë, në vise të huaja, më të mirët punëtorë.
Më 1801, Shqipëria kish nja pesëdhjetë shtëpi bejlerësh të vjetër e disa oxhakë të krishterë, qi kishin dashurin’ e vëndit, jetojin në Shqipëri, e mbajin kudo si një vatër rreth e rreth së cilës mblidheshin e ngroheshin të varfërit edhe të tjerët. Tani oxhakësia u prish e u shua. Të paka shtëpi të vjetëra kanë mbetur. Zuzarësia edhe harbutëria i largon bejtë e i heq në Stamboll. U vjen më mirë të venë e t’u lëpijnë këmbët Anadollakëve, të bëjnë poshtrësira edhe të fitojnë ca ergjënt, se të rojnë në Shqipëri të vobekë por me nder e me hie.
Ashtu ka qënë. Kështu është.
Ne, Shqipëtarët e anës kombëtare, nukë kemi tjatër mendim përveç t’a heqim Shqipërinë nga balta. Kërkojmë të jetojë kombi yn me gjuhë të tij, me mendime e me nder të tija.
Sa Shqipëtarë janë të ndershëm, do të mbajnë të gjithë me anën kombëtare. Ata qi janë zuzarë, shpirtrobër, e bij kurvash, le të mbajnë me anët e tjera.
Nuk do të ketë Kuvend për shkarkimin e kryetarit të Degës së LDK-së në Prizren, Haxhi Avdyli. Kështu ka thënë nën kryetari Haziz Hodaj.
“Kam dëgjuar se është në lëvizje një listë për të mbledhur nënshkrimet nga anëtarët e Kuvendit të Degës për ta mbajtur një Kuvend, jo për shkarkimin e kryetarit të Degës, por për ta mbajtur një Kuvend pune me qëllimin që dega e kryetari i saj të intensifikojnë aktivitetet për të qenë më afër votuesit të LDK-së”, ka thënë Hodaj për KD.
Ndërkaq, anëtarët e Kryesisë së LDK-së në Prizren, për këtë cështje janë takuar edhe me liderin e tyre Isa Mustafën.
Burimet e “PrizrenPress”-it bëjnë të ditur se temë e bisedimeve me Isa Mustafën ka qenë zhvillimit e fundit të Degës së LDK-së në Prizren.
“Po ka pasur një takim me Isa Mustafën. Është diskutuar për iniciativën që është marrë për shkarkimin e kryetarit të Degës Haxhi Avdyli”, tregon një burim brenda LDK-së.
Sipas të njëjtit burim në këtë takim nuk ka marrë pjesë Haxhi Avdyli
“Haxhi Avdyli nuk do të shkarkohet. Iniciativa është individuale”.
Lideri i LDK-së Isa Mustafa ka garantuar se nuk qëndron prapa iniciativës për shkarkimin e Avdylit.
“Iniciativa ka qenë individuale dhe s’ka të bëjë me Isa Mustafën”.
Ditë më parë pat filluar mbledhja e nënshkrimeve nga delegatët për shkarkimin e Haxhi Avdylit.
Avdyli ka thënë se iniciativa ka qenë individuale nga njerëzit të cilët nuk ia duan të mirën LDK-së.
Pa anulim të marrëveshjeve, pa lirimin e të burgosurve politikë dhe pa një qëndrim të vendosur institucional të Kosovës, se Kosova nuk do të lëshojë pe dhe nuk do të bëjë koncesione, nuk do të mund të ketë normalitet institucional
Deklaratat refuzuese të partnerëve të koalicionit qeverisës, kryeministrit Isa Mustafa dhe zëvendësit të tij, Hashim Thaçi, karshi tri kërkesave të opozitës së bashkuar, për anulim të marrëveshjeve të 25 gushtit, Asociacionit dhe Demarkacionit, referendumit ose zgjedhjeve të reja, e kanë motivuar edhe më shumë opozitën që të këmbëngulë në qëndrimet e saj.
Zyrtarë të subjekteve politike në opozitë, të kontaktuar nga gazeta, kanë thënë se, pavarësisht barrikadimit të Qeverisë në mbrojtje të marrëveshjeve të dëmshme dhe aktivizimit të policisë e drejtësisë për të ndaluar, burgosur deputetë opozitarë, veprimet e koordinuara për të pamundësuar punën e Kuvendit, por edhe protestat qytetare deri në rrëzimin e kësaj qeverie, nuk do të ndalen.
“Pa anulim të marrëveshjeve, pa lirimin e të burgosurve politikë dhe pa një qëndrim të vendosur institucional të Kosovës, se Kosova nuk do të lëshojë pe dhe nuk do të bëjë koncesione sa i përket territorit, institucioneve dhe vetë Republikës, Kosova as nuk do të mund të vazhdojë si Republikë, por në anën tjetër as nuk do të mund të ketë normalitet institucional”, tha kreu i Lëvizjes ‘Vetëvendosje’, Visar Ymeri…/kosova sot/
Ekzekutivi ka mirëmbajtur sistemin klientelist të shtetit të kapur, ka kontribuar ndjeshëm në politizimin e mëtutjeshëm të bordeve vendimmarrëse, ka vazhduar praktikën e ndikimit të gjyqësorit dhe të prokurorisë, duke e rritur nivelin e korrupsionit
Dita Ndërkombëtare kundër korrupsionit e gjeti Kosovën ashtu si edhe vitet e kaluara, me shumë korrupsion e me pak përpjekje për ta ndalur dhe për ta ndëshkuar atë. Me rastin e kësaj dite, zyrtarë të institucioneve të Kosovës dhe ato ndërkombëtare, por edhe përfaqësues nga shoqëria civile, kanë bërë thirrje për një angazhim më të madh dhe më serioz në luftën kundër korrupsionit, që preku pothuajse çdo skaj të shtetit. Në këtë ditë, Instituti Demokratik i Kosovës (KDI) vlerësoi se viti 2015 realisht është një vit i humbur në luftën kundër korrupsionit.
“Nuk ka një plan se si do të veprohet në të ardhmen. Korrupsioni po i prek qytetarët në mënyrë direkte. Kemi mungesë të liberalizimit të vizave, mungesë të investimeve të huaja dhe të gjitha këto shkaktohen nga korrupsioni”, ka deklaruar në këtë rast Artan Canhasi nga KDI-ja. Edhe vetë ambasadori amerikan në Kosovë, Greg Delawie, tha se për të, por gjithashtu edhe për qeverinë amerikane, lufta kundër korrupsionit në Kosovë është prioritet. Për këtë, ai shtoi tutje se është vendosur që vitin që vjen të shpenzohen dymbëdhjetë milionë dollarë për fuqizimin e sundimit të ligjit dhe luftën kundër korrupsionit. Delawie theksoi se, edhe pse ka disa përparime në luftën kundër korrupsionit, niveli i korrupsionit në Kosovë mbetet më i larti në krahasim me vendet e rajonit. Që është kështu e pranon edhe Haki Shatri nga AAK-ja…/kosova sot/
Analisti politik, Isa Mulaj, thotë se me këto veprime, që cenojnë demokracinë e mirëfilltë parlamentare, tanimë është fakt se Kuvendi dhe Qeveria e Kosovës haptas janë shndërruar në ndërmarrje private kriminale, por se kjo nuk duhet lejuar nga opozita dhe nga populli
Vendimi i Kryesisë së Kuvendit të Kosovës dhe kryeparlamentarit, Kadri Veseli, që pavarësisht situatës së tensionuar politike, të thirret përsëri seancë, derisa opozita mbetet e përjashtuar me 7 deputetë në paraburgim, cilësohet nga analistët politikë dhe shoqëria civile si një veprim i gabuar. Me këto sjellje të arrogancës së numrave të pozitës vlerësohet se partitë në pushtet kanë filluar të zbulojnë fytyrën e vërtetë të regjimit totalitar, policor, të instaluar nga Thaçi e Mustafa.
Analisti politik Faik Krasniqi tha për “Kosova Sot” se thirrja e seancës nga kryetari i Kuvendit, Kadri Veseli, është hipokrizi në këtë gjendje të tensionuar politike, në të cilën ndodhet Kosova. Sipas tij, kjo seancë e thirrur nga Veseli vetëm do ta ndizte zjarrin akoma më shumë, derisa kemi shtatë deputetë të opozitës në burg dhe deputetët e tjerë të përjashtuar nga Kuvendi.”Para se të thirrej seanca e radhës, Qeveria pikësëpari është dashur menjëherë t’i lirojë nga burgu deputetët e opozitës, t’i kërkojë falje publike opozitës për dhunën e ushtruar ndaj saj dhe arrestimin e deputetëve, sidomos pas sulmit bizar dhe dhunës së ushtruar në selinë e VV-së”, u shpreh Krasniqi…/kosova sot/
Ata ndoshta nuk janë më me ne, por janë të paharrueshëm.
Janë shuar në moshë të re, disa përshkak të sëmundjeve të rënda e disa përshkak të tragjedive rrugore e jo vetëm.
Anabel ka renditur disa prej ndarjeve më të bujshme nga jeta të personazheve publike shqiptare.
Gent Demaliaj
Vokalisti i grupit të famshëm të viteve 90-të, ‘Djemtë e Detit’, Gent Demaliaj vuante prej kohësh nga një sëmundje e rëndë dhe pavarësisht luftës nuk arriti të fitonte betejen me vdekjen. Ai u shua në 27 janar të 2015-ës, në moshën 40-vjeçare dhe prej vitit 2013 kur u diagnostikua me kancer, bënte vazhdimisht kimioterapi në Tiranë dhe Itali. Ai la pas bashkëshorten dhe vajzën e tij Edea, që ecën në hapat e babait të saj të ndjerë dhe këtë vit u shpall edhe fituese e talent show-t ‘X Factor Albania 4’.
Dr. Flori
Një ndër ndarjet më të bujshme nga jeta do të ishte ikja e parakohshme e artistit Dr.Flori. Mëngjesin e 17 nëntorit të vitit 2014, arti në Shqipëri do të ishte në zi për lajmin e vdekjes së artistit në moshën 35-vjeçare. Flori ndërroi jetë në krahët e vëllait të tij, Albanit dhe shkak i vdekjes mendohet të ketë qenë asfiksia për shkak të një mbidoze kokaine. Florian Kondi la pas bashkëshorten 27 vjeçare dhe 2 fëmijët e vegjël, Kaltrinën dhe Danielit.
Anita Bitri
Këngëtarja e njohur Anita Bitri ndërroi jetë në moshën 38-vjeçare në një tragjedi familjare që i mori jetën edhe nënës e vajzës së saj 7-vjeçare. Ajo u gjend pa jetë nga zjarrfikësit në New York, që zbuluan trupat e viktimave të helmuara nga monoksidi i karbonit në shtëpinë që ndodhet në bulevardin Ocean Avenue. Kështu shkaku i tragjedisë ka qënë helmimi vdekjeprurës që do të shuante këngëtaren në 19 tetor të 2004-ës. Familja e Anitës ishte transferuar në Staten Island në 2002-in ndërsa pak javë para se të humbte jetën, këngëtarja shqiptare kishte humbur edhe bashkëshortin, i cili kishte vdekur pas një sëmundjeje të rëndë.
Elsina Hidërsha- Emmy
Këngëtarja Elsina Hidërshaj, e njohur ndryshe si Emmy u shua në moshë shumë të re. Ajo ndërroi jetë në orët e para të mëngjesit të datës 28 shkurt 2011 pasi ishte plagosur rëndë nga biznesmeni nga Kosova, Aziz Kelmendi pranë një club-i në Tiranë. Ngjarja, sipas Policisë së kryeqytetit, ndodhi pasi këngëtarja 21-vjeçare u tërhoq për disa metra nga automjeti i drejtuar nga Kelmendi, ku ishte varur nga jashtë në xhamin gjysmë të hapur. Emmy u dërgua me urgjencë në Spitalin Ushtarak në gjendje kritike për jetën. Ajo iu nënshtrua një operacioni në kokë dhe arriti të mbijetonte vetëm për pak orë, duke ndërruar jetën rreth orës 02:00 të datës 28 shkurt 2011.
Megi Yzeiri
Më 24 nëntor të 2014-ës, ish-balerina e Tv Klan, Megi Yzeiri u nda nga jeta si pasojë e vetvrasjes. 21-vjeçarja dyshohet të ketë qëlluar veten në bark, për shkaqe depresioni. Megi Yzeiri studionte në vitin e tretë për koreografi dhe në 2013-ën ka qenë një nga balerinat në betejën koreografike të zhvilluar tek ‘E Diela Shqiptare’ në televizionin Klan.
Me premtimin se nuk do të bien pre të frikës, Madonna ka bërë një homazh për viktimat e sulmeve terroriste të 13 nëntorit në Paris.
“Nuk do të biem pre e frikës”, ka premtuar Madonna.
Këngëtarja fillimisht ishte e pranishme në skenën e Bercy, me një Marsejezë të kënduar nga i gjithë publiku në koncertin e saj të Rebel Heart Tour. Më pas, ajo ishte protagoniste e një shfaqejej akustike në Sheshin e Republikës, në memorailin e atentatit, nën statujën e Marianne.
“Mendoj për atë që ndodhi pothuajse një muaj më parë, zemra e Parisit dhe zemra e Francës rreth në zemrat e të gjithë qyteteve! Ne jemi një zemër, dhe zemra jonë rreh në unison. Fuqia e dashurisë është më e madhe se dashuria e fuqisë”, ka thënë e prekur Madonna në skenën e Bercy.
Më pas duke rikujtuar ajo rrëfen se pikërisht këtu në Paris vendosi të merret me muzikë. Ishte vetëm 20 vjeçe.
“Falë Parisit mbolla këtë farë në zemrën time”, tha Madonna.
Më pas me një flamur trengjyrëshajo nisi të këndonte Marsejezën, e ndjekur pas nga publiku i cili u ngrit në këmbë.
Më pas në Sheshin e Republikës këngëtarja performoi këngën e saj “Like a Prayer” dhe “Imagine” të John Lennon.
Adele mund të ketë pushtuar botën me muzikën e vokalin e saj unik, por jo Noel Gallagher, ish– pjesëtarin e grupit britanik, Oasis.
Ish rokeri 48 vjeçar e ka sulmuar hapur yllin e hitit “Hello”, duke e konsideruar muzikën e saj si “të përshtatshme për gjyshërit”.
Duke folur për portalin australian “Music Feeds”, Noel tha se nuk ka frikë që ta shprehë hapur mendimin e tij, sepse beson se këngët e Adele janë bosh.
“Nuk e kuptoj përse kaq zhurmë. Muzika e saj nuk më pëlqen aspak, mendoj se është muzikë për gjyshër”, deklaoi Gallagher.
Me albumin e saj më të fundit, “25”, Adele theu rekordin e Oasis, për albumin të shitur më shpejt në Britani.
(E plotësuar) Akademiku, shkrimtari dhe kritiku letrar, Rexhep Qosja në Zona e Debatit në Klan Kosova ka folur për veprën e tij – raportin e saj me kohët, për popullin, për qeverisjen e tij – apo siç e quan ai “sundimin që i bëjnë elitat politike” dhe shumë gjëra tjera.
Qosja, duke folur për korrupsionin si erodues të themeleve të shoqërisë, ka thënë se ajo është e keqja më e madhe, njofton Klan Kosova.
Sipas tij Kosova sot është e dyzuar – njëra është ajo e popullit të pashpresë dhe tjetra e atyre qo po përfitojnë nga ai.
“Shoqëria kosovare do duhej të shërohej nga një varg i të këqijave, e para e së parës ne do të duhej që pushtetin në Kosovë ta shpëtojmë, ta shërojmë nga një e keqe të madhe. Kjo e keqja e madhe është korrupsioni”.
“Unë sot i shoh dy Kosova. Kosova e atyre që nuk kanë punë, që e shesin vetën për bukë, e atyre që mbesin pa punë pasi nuk është me atë partitë dhe Kosova e atyre që shikojnë nga dritaret dhe thonë çfarë po bëhet”. “Dhe Kosova tjetër”.
Duke e vazhduar më tutje argumentin e tij, Qosja e ka quajtur “Republikë Partiake”, Kosovën, ndërsa ka thënë se populli ende nuk është vetëdijësuar për rolin e tij në raport me këtë situatë, njofton Klan Kosova.
“Kosova nuk është Republikë Parlamentare, Kosova është Republikë Partiake”.
“Populli ende nuk reagon si duhet ndaj kësaj situate, duhet edhe mediat të jenë kontrollues të denjë të pushtetit”.
Profesori Qosja, në rolin e “zërit të popullit” ka shtruar një varg pyetjesh.
“Këta qytetarë shtrojnë edhe pyetje: Ç’u bënë fabrikat dhe koperativat e Kosovës?, Ç’u bënë tokat e Kosovës?, Ku janë ku shkuan?, Ku shkoi një pasuri e përgjithshme e Kosovës?”
“Këta qytetarë që mezi po presin të ikin nga Kosova, shtrojnë pyetjen: si ndodhi? -që njerëzit nuk kishin asgjë për 7-8 vite u bënë me pallate me para, me të mira”.
Qosja: Adem Demaçi është arkitekt i Kosovës të Pavarur
Akademiku, shkrimtari dhe kritiku letrar, Rexhep Qosja në Zona e Debatit në Klan Kosova ka folur për veprën e tij – raportin e saj me kohët, për popullin, për qeverisjen e tij – apo siç e quan ai “sundimin që i bëjnë elitat politike” dhe shumë gjëra tjera.
Qosja, duke folur për figurat historike, ka thënë se rrugëtimi – jetëshkrimi – i Adem Demaçit është për t’u pasur zili nga shumëkush, madje edhe nga popujt e Evropës, por që nderimi ynë për të është i pamjaftueshëm, njofton Klan Kosova.
“Adem Demaçi ka një jetëshkrim me të cilin mburret i gjithë populli shqiptar”.
“Ka 28 vjet burgje të Serbisë e Jugosllavisë – gjithë popujt e Evropës do të mburreshin me një figurë se ai”.
“Adem Demaçi s’është lejuar të inkuadrohet në politikë, s’kemi lejuar ta nderojmë politikisht”.
Për ta bërë më të qartë fjalën e tij lidhur me Demaçin, shkrimtari e ka krahasuar atë me Nelson Mandelan dhe nderimin që i kanë bërë afrikano-jugorët “heroit” të tyre.
“Mendela nuk është filozof, është një qytetar i thjeshtë që ka bërë një vit ose dy më pak se Adem Demaçi. Çfarë bënë afrikanët për të, i kanë ofruar këshilltarë, kujdes dhe e kanë krijuar si figurën më të madhe të popullit afrikan”.
Profesor Qosja, duke e vazhduar argumentin e tij për Demaçin ka shkuar më tej, duke thënë se politikanët janë munduar ta shuajnë figurën e tij.
“Politikanë kanë bërë të pamundurën për ta shuar figurën e Adem Demaçit”.
“Adem Demaçin s’e kanë lejuar të bëhet deputet, se kanë lejuar të bëhet kryetar i vendit , se kanë lejuar të bëhet kryeministër. Çfarë bëjmë: ne falsifikojmë historinë!”
Ndërsa, sa i përket atyre që e konstruktuan pavarësinë e Kosovës, Qosja e ka quajtur Demaçin arkitet të saj.
“Thuhet arkitektët e Kosovës – ata që e kundërshtuan luftën”.
“Adem Demaçi është arkitekt i pavarësisë së Kosovës që nga viti 1958”.
“Është bërë propagandë ndaj tij”.
Qosja: Krizën e krijoi qeveria, jo opozita
Akademiku, shkrimtari dhe kritiku letrar, Rexhep Qosja në Zona e Debatit në Klan Kosova ka folur për veprën e tij – raportin e saj me kohët, për popullin, për qeverisjen e tij – apo siç e quan ai “sundimin që i bëjnë elitat politike” dhe shumë gjëra tjera.
Qosja ka kërkuar që të mos kërkohet legjitimimi i gjithçkaje duke u thirrur në numra dhe vota, duke përmendur raste nga historia botërore – si ai i Stalinit dhe Hitlerit, që janë zgjedhur, por kanë shkaktuar katastrofa botërore, njofton Klan Kosova.
“Nuk duhet të i fetishizojmë zgjedhjet, mund të jenë ligjshëm të zgjedhur, por bëjnë politikë të pa ligjshme”.
Profesor Qosja e ka quajtur të jolegale politikën e sotme, ndërsa burgosjet e deputetëve i ka cilësuar politike. Ai po ashtu ka thënë se është kundër përdorimit të gazit lotsjellës, siç po kërkohet nga deputetët, nga Policia e Kosovës.
“Këtë politikë aktuale e quaj të paligjshme”.
“Këto që po ndodhin janë burgosje politike”.
“Unë jam kundër përdorimit të gazit lotsjellës në Kuvend, por jam edhe kundër përdorimit të gazit lotsjellës nga policia në rrugët e Prishtinës dhe qytetarëve tjerë”.
“Nëse gazi lotsjellës është armë është armë”.
Shkrimtari, për sitatuën aktuale, e ka quajtur fajtor të vetëm kastën qeverisëse.
“Prodhues i gjithë kësaj krize nuk është opozita, prodhues i gjithë kësaj krize është qeveria me veprimet e saj”.
Qosja: Riciklimi i Mustafës, faj i krejt kastës politike
Akademiku, shkrimtari dhe kritiku letrar, Rexhep Qosja në Zona e Debatit në Klan Kosova ka folur për veprën e tij – raportin e saj me kohët, për popullin, për qeverisjen e tij – apo siç e quan ai “sundimin që i bëjnë elitat politike” dhe shumë gjëra tjera.
Qosja edhe një herë tjetër ka përitur kundërshtimin e tij për “riciklimin politik”, siç e quajti ai, ardhjen në krye të qeverisë të Isa Mustafës, njofton Klan Kosova.
Ai ka thënë se qëndron prapa lavdeve që u ka thurur luftëtarëve të lirisë, pasi në atë kohë ata, ose së paku shumica prej tyre, kanë qenë në gjendje të vdesin për lirinë e vendit.
“Një politikan që nuk di çfarë do bëjë dhe nuk di çfarë i duhet vendit të tij për 20 vite, nuk duhet të merret me politikë”.
“Kjo politikë shkurtpamëse na ka dëmtuar shumë. Unë mendoj që ata njerëz kanë shkuar në luftë për të vdekur praktikisht i kam nderuar dhe i nderoj ata që kanë shkuar në luftë për të vdekur”.
“Duhet të bëhet e qartë se jo të gjithë kanë shkuar për të luftuar për të vdekur ka pasur edhe konjukturalistë edhe në atë kohë”.
“Një numër i atyre që kanë hyrë në politikë e kanë dalë nga lufta e kanë keqpërdorur luftën”.
Shkrimtari prapë nuk u pajtua me elitën qeverisëse, duke e rithënë se ajo, me patjetër, do të shkojë në “plehun e historisë”.
“Para se gjithash të ju them se “plehu i historisë” nuk është vetëm nga Trocki, por daton që nga Robespjeri e më herët”.
“Të vërtetat e mëdha që kanë ndikim, që kanë pasoja duhet të përsëriten më shpesh”.
“Jetëshkrimi i tij i këtij kryeministri është i dëmshëm. Ne shohim se ky njeri nuk është në gjendje të gjykoj siç duhet sot, sepse është formuar në një kohë tjetër, sepse ajo është thelbi i tij, ndjeshmëria e tij, shpirti i tij, formësimi i tij. E filloi karrierën duke fyer deputete gra jo meshkuj, tjetri nuk do të guxonte të bënte vërejtje për të pasi e sheh veten si sundues”.
“Është rasti me ministrin Jabllanoviq që i fyeu nënat shqiptare, i kërkohej me ngulm shkarkimi i tij, ai nuk e shkarkonte tek mbas dy muajve”.
“Për dy muaj shkaktoi dëme, u bënë shpenzime, a mendon ky njeri se gjatë atyre dy muajve sa zgjati u përkeqsua gjendja politike në vend. Mentaliteti i tij është i tejkaluar. A e keni parë tash se cfarë thonë për marrëveshjet ai dhe zëvendësi e tij, tash kërkojnë çdo moment dialog”.
Profesor Qosja nuk i ka kursyer nga kritikat as Partinë Demokratike të Kosovës dhe Opozitën e Bashkuar për rolin e tyre në “riciklimin politik të Isa Mustafës”.
“Ata e ringjallën një kufomë politike dhe ky gabim do të bie në shpinën e tyre, në PDK-në dhe në shpinën e kryetarit të PDK-së”.
“Edhe Opozita e ka ringjalluar atëherë këtë njeri, kur e morrën në bllokun e tyre”.
Qosja: Politikanët puthadorës e dëmtuan Kosovën
Akademiku, shkrimtari dhe kritiku letrar, Rexhep Qosja në Zona e Debatit në Klan Kosova ka folur për veprën e tij – raportin e saj me kohët, për popullin, për qeverisjen e tij – apo siç e quan ai “sundimin që i bëjnë elitat politike” dhe shumë gjëra tjera.
Qosja, duke u përgjigjur në një nga cilësimet që i janë bërë si “i vetmuar”, ka thënë se ndoshta ai që ia ka bërë atë nuk e ka menduar, por i ka bërë një kompliment, njofton Klan Kosova.
“Gjenitë janë të vetmuar, nëse nuk janë të vetmuar nuk janë gjeni. Vetmia është kusht i veprimtarisë. Pa vetmi nuk ka vepra. Vetmia është kompliment për çdo krijues. Shohim krijuesit e mëdhenj, të gjithë kanë qenë të vetmuar. Kolektivi të humbë”.
Profesori Qosja po ashtu ka sulmuar elitat politike të cilat, sipas tij, me injorancën dhe servilitetin e tyre e kanë dëmtuar rëndë Kosovën, ndërsa për ilustrim të kësaj ka përmendur kabinetin e presidentit John F. Kennedy – i cilësuar si një nga më të mëdhenjtë.
“Nuk janë rrënjët vetëm të sonte, por janë që nga paslufta, nuk është bërë politikë përkatëse me njerëz përkatës”.
“Problemi më i madh ka qenë përzgjedhja, seleksionimi i gabuar, e shohim në bisedimet me Serbinë, në përpjekjet për t’u inkuadruar në UNESCO. Kjo politikë servile, puthadorëse e ka dëmtuar Kosovën”.
“Kennedy ka zgjedhur ekipin e vet me intelektualët më të mëdhenj”.
Qosja: Ne nuk qeverisemi, por sundohemi
Akademiku, shkrimtari dhe kritiku letrar, Rexhep Qosja në Zona e Debatit në Klan Kosova ka folur për veprën e tij – raportin e saj me kohët, për popullin, për qeverisjen e tij – apo siç e quan ai “sundimin që i bëjnë elitat politike” dhe shumë gjëra tjera.
Qosja, duke përshkruar vlerën e veprave të veta dhe mesazhet që ato përçojnë ka thënë – duke perifrazuar një lexues të tij – ka thënë se më së miri ato kuptohen nëse lexohet edhe ditari i tij, njofton Klan Kosova.
“Ditari ka disa mendime, gjëra, personalitete, dukuri, që nuk janë trajtuar, apo trajtuar sa duhet”.
I pyetur nëse mendon të jetë ngutur ndonjëherë, apo të ketë bërë lëshime ai ka thënë se mundohet të jetë sa më vetëkritik.
“Në jetë të stërkeqin, të bëjnë të keq, të paraqesin të keq të tjerët. Por ndodhë edhe të të paraqesin të mirë, apo edhe më të mirë se që je”.
“Por as veten nuk e kursej. Ndoshta nuk e kursej sa duhet”.
“Mund të jetë se nuk e kursej veten sa duhet. Duhet të mos e kursej veten më shumë sesa nuk e kam kursyer”.
“Por jam gjetur në situata kur është dashur të bëj disa lëshime”.
Teksa foli për popullin dhe gjirin e tij krijues, kritiku letrar ka thënë se ndërsa ai ia ka dalë që të jetë magjepsës në atë që ka nxjerrë në formë tregimesh, mësimesh e historish, vet ai nuk është sjellë në përputhje me ato perla që vet i ka prodhuar.
“Krijimtarinë popullore, populli shqiptar e ka shumë të mençur – tregimet popullore, kallëzimet popullore të krahinave të ndryshme shqiptare përmbajnë një përvojë jashtëzakonisht të mençur, të urtë”.
“Nganjëherë them me vete: ky popull që ka paraqitur atë mençuri nganjëherë, ndoshta më shumë herë, nuk është sjellë në pajtim me atë që ka krijuar”.
“Këtë e shoh edhe sot dhe kjo më dëshpëron”.
Për shkrimtarin, populli shqiptar kërkesat nga elitat politike i ka të vogla dhe si rrjedhojë merr “sundim dhe jo qeverisje”.
“Unë e vërej sot, në mënyrë të dëshpëruar e vërej, (populli) kënaqet me pak – nuk ka shumë kërkesa, sidomos prej atyre që, jo e qeverisin, por e sundojnë them unë. Ne nuk kemi qeverisje, kemi sundim”.
Qosja kritikon qeverinë dhe kolegët akademikë (Video)
Pamjet e gazit lotsjellës në Kuvendin e Kosovës për Rexhep Qosjen janë të papranueshme, por sipas akademikut faji nuk bie mbi opozitarët.
Por, këto politika të qeverisë që ky i cilëson si të paligjshme, kanë zanfillë shumë më të hershme.
Në këtë rrafsh Qosja ka kritika edhe njerëzit që i kapën pushkët.
Ai i fajëson ata se i bënë vend kolegut të tij akademik, që tani e drejton qeverinë, Isa Mustafa.
Kështu, politikanët aktual të Kosovës, sipas tij i kanë bërë dëm të madh vendit.
Qosja, vlerëson se klika aktuale që e udhëheqë shtetin as nuk e di se çka duhet bërë tani, e as nuk ka plane afatgjate.
Sipas tij me këto veprime Kosova po i humb edhe miqtë ndërkombëtar.
Fjalë te mira Qosja nuk ka as për kolegët e tij në në Akademinë e Shkencave.
Qosja foli edhe për situatën ne Shqipëri.
Ai e lavdëroi kryeministrin Edi Rama se do te futet ne histori me punën e tij për te vënë rend dhe ligj, por tha se po pengohet nga njerëzit qe nuk e duan ndryshimin. /Klan Kosova
