Kryetari i Kuvendit të Kosovës, Kadri Veseli përkundër asaj që Gjykata Kushtetuese i kërkoi më datë 5 nëntor që kërkesën e presidentes së vendit, Atifete Jahjaga për Asociacionin e Komunave Serbe, t’ua dorëzoj të gjithë deputetëve, kryeministrit dhe Avokatit të popullit, në mënyrë që këta të fundit të japin komentet e tyre për këtë çështje, ai këtë e zvarriti për një javë. Saktësisht nga data 5 nëntor deri më 12 nëntor ai nuk e bëri një gjë të tillë.

Redaksia ka arritur që të siguroj kërkesën e Gjykatës Kushtetuese, e cila në mënyrë eksplicite kërkon që deputetëve t’u dorëzohet një shkresë e tillë, por që Veseli këtë e bëri vetëm pas një jave.

Është arritur që të sigurohet edhe shkresa që më 12 nëntor, Veseli ua dërgoi deputetëve, të cilët kanë afat që deri më 19 nëntor të japin komentet e tyre për kërkesën e Jahjagës, e cila iu drejtua Gjykatës Kushtetuese nëse Asociacioni i Kosovës është në përputhje me Kushtetutën e Kosovës.

Një deputet i Kuvendit të Kosovës, në kushte anonimiteti i ka thënë Gazetës Blic kjo vonesë është bërë qëllimisht që të shkoj sa më shumë kohë, në mënyrë që deputetët të mos dërgojnë fare komente.

“Deputetët në vend që të kenë dy javë kohë, ata tani kanë vetëm një javë kohë që të dërgojnë komente në Gjykatën Kushtetuese për Asociacionin”, ka thënë ky deputet.

Ndonëse është provuar që të kontaktoj edhe me këshilltarin e Kadri Veselit, Blerim Latifin, për të mësuar pse ka ndodhur një zvarritje e tillë, mirëpo ky i fundit nuk u është përgjigjur as thirrjeve telefonike e as SMS-ve të redaksisë.

Në anën tjetër, para pak ditësh, Gjykata Kushtetuese ka marrë vendim që ta pezullojë përkohësisht marrëveshjen e arritur në Bruksel ndërmjet kryeministrit të vendit, Isa Mustafa me atë të Serbisë, Aleksander Vucic për formimin e Asociacionit të Komunave me shumicë Serbe, transmeton gazeta Blic.

Kjo marrëveshje ka bërë që të rebelohet opozita, e cila tash e sa kohë e ka bllokuar Kuvendin e Kosovës, duke mos lejuar që të zhvillohet punimet, duke përdorur madje edhe gaz lotsjellës. Partitë opozitare kanë paralajmëruar vazhdim të bllokadës deri në tërheqjen e nënshkrimit nga kjo marrëveshje.

Politikanët në shërbim të oligarkëve të kriminalizuar dhe kundër interesave të shtetit

Badallaj: Mungesa e përgjegjshmërisë është e rrënjosur në kulturën udhëheqëse

“Sot në Kosovë për dështim nuk jep askush dorëheqje, nuk japin dorëheqje as për vjedhje, as për akuza, as për plagjiatura, me një fjalë politikani i sotëm në Kosovë është i papërgjegjshëm ndaj fjalës së tij, ndaj veprimit të tij dhe ndaj elektoratit, sepse ndryshe ka premtuar e krejtësisht ndryshe po vepron”, shprehet analisti Shefqet Dibrani

Llogaridhënia, dorëheqjet dhe ndëshkueshmëria janë veprime të munguara në Kosovë dhe ndër vite populli nuk ka reflektuar me votën e vet, duke i votuar të njëjtit. E në fakt politikanët sapo i marrin votat, të habitur pas luksit, nuk duan t’ia dinë për llogaridhënie e as për premtime e gënjeshtra. Edhe pse ky pushtet ka dështuar në të gjitha segmentet, askush nuk ofron dorëheqje, e mos të flasim për ndëshkueshmëri, që nuk ekziston fare, sikur Kosova të mos kishte fare ligj dhe as gjyqësor e prokurori.

Kjo kastë politike në pushtet, e cila na çon drejt greminës, është mësuar me dështimin, degradimin dhe nuk e ndien fare veten përgjegjëse për këtë situatë të rëndë dhe gati pa shtegdalje, në të cilën e kanë katandisur popullin dhe vendin në përgjithësi. Analistët mendojnë se është momenti i fundit që kjo klasë e korruptuar politike të lëshojë rrugë që vendi të shkojë drejt BE-së, kurse ata të ulen në bankën e të akuzuarve për dëmet që ia kanë shkaktuar vendit. Ishdeputetja e Kuvendit të Kosovës, Myzejene Selmani, thotë se llogaridhënia, dorëheqjet dhe ndëshkueshmëria janë veprime të munguara në Kosovë, për arsye se mungojnë morali politik dhe etika profesionale.

“Ndëshkimi s’po vjen as nga qytetari, sepse është në gjendje të keqe e të rëndë ekonomiko-sociale, me të cilën po luhet me fatin e tyre. Askush nuk do t’ia dijë për llogaridhënie, e kjo çështje specifikohet edhe në Raportin e Progresit për Kosovën. Askush nuk do t’ia dijë për dorëheqje, e mos të flasim për ndëshkueshmëri, që nuk ekziston fare”, shprehet ajo./kosoa sot/