Deputeti i VV-së, Arbër Rexhaj ka deklaruar se përsëri propozimi për kryeparlamentare është Albulena Haxhiu dhe nuk ndryshojë mendim, raporton Ekonomia Online.

“Po shkoj lart, kemi një mbledhje. Ne do ta përsërisim përsëri propozimin për Haxhiun. Jemi në përpjekje për të bërë numrat për kryeparlamentarin dhe për formimin e qeverisë. Jemi në konsultime dhe në dialog me Nismën. Së shpejti do ta kemi një përfundim. Është vendimi i VV-së për propozimin,  jo nuk kemi ndonjë propozim tjetër”, tha Rexha.

Pas vendimit të deputetes Duda Balje për të kaluar në opozitë, janë shtuar zërat se kjo lëvizje është ndërlidhur me përplasjet dhe mosmarrëveshjet me deputeten Emilja Rexhepi.

E pyetur lidhur me situatën, Rexhepi ka theksuar rëndësinë e bashkëpunimit dhe të përmbushjes së përgjegjësive institucionale nga ana e përfaqësuesve të komuniteteve pakicë.

“Të gjithë ne përfaqësuesit e komuniteteve pakicë duhet të votojmë dhe të formojmë institucionet, si parlament ashtu edhe qeveri, sa më shpejt që të jetë e mundur,” ka deklaruar Rexhepi.

Ajo shtoi se vonesat në formimin e institucioneve nuk duhet t’u atribuohen përfaqësuesve të komuniteteve.

“Nuk duhet të mbajmë përgjegjësi për stagnimin e shoqërisë së Kosovës.” tha ajo për FrontOnline.

Rexhepi nënvizoi se puna brenda institucioneve është thelbësore për realizimin e objektivave politike.

“Me punën tonë në parlament dhe qeveri do të zbatojmë programin që i kemi premtuar elektoratit tonë që na ka votuar në zgjedhje.”

Ajo gjithashtu u deklaruar kundër shkuarjes në zgjedhje të reja.

“Nuk besoj se është në interesin e askujt të shkojmë sërish në zgjedhje, duke qenë se kemi edhe zgjedhje lokale në vjeshtë.”

Në fund, Rexhepi theksoi qëndrimin e qartë të subjektit që ajo përfaqëson, NDS-n.

“Qëndrimi i NDS-ë është se ne mbështesim votën për kryeparlamentarin dhe kryeministrin Kurti.” potencoi ajo/FrontOnline.

Prizreni, një nga qytete më të bukura dhe historike të Kosovës, është bërë tashmë destinacioni i preferuar nga shumë vizitorë të huaj. Për turistët, vizita në këtë qytet është një përvojë unike dhe e paharrueshme.

“Prizreni është vend shumë i bukur. Unë jam duke punuar këtu që nga 2018 dhe unë më së shumti vij në kala. Është shumë vend i bukur dhe i qetë për të jetuar. Kam vizituar edhe Pejën e Mitrovicën, por në Prizren, sa herë kam mundësi vetëm në kala, sepse mund të shohësh gjithë qytetin”, ka thënë Sunuj nga India.

“Është magjepsëse, është një gërshetim i kulturave dhe monumenteve historike. Janë këto vende, për të cilat jo vetëm që mund të lexosh, por mund edhe t`i shohësh kur vjen këtu…. Prandaj kjo është e mrekullueshme. Pas Prizrenit do të shkojmë në Prishtinë ku edhe do të jemi përreth një javë dhe jemi duke eksploruar vendet e Ballkanit. Mendoj që Prizreni është njëri ndër vendet ku mund të shohësh realitetin ballkanik”, ka thënë Robert Kozak  nga Polonia.

” Mendoj që Prizreni është vend i duhur për të mësuar më shumë për historikun ballkanik. Po shohim që ky vend ka shumë diversitet kulturor dhe fetar. Gjithashtu kemi kuptuar që fliten edhe gjuhë të ndryshme, pra kjo përzierje e bën edhe më interesant këtë qytet. Çka kemi mësuar më shumë është pjesa e historisë që e kemi mësuar këto ditë sa kemi qëndruar në Prizren. Kam provuar ushqime të ndryshme, por këtu gjithçka shijon më ndryshe”, ka thënë Vajzmas Boris nga Brazili.

Ndërsa kryetari i gastronomëve të Prizrenit thekson se Kalaja, Shatërvani dhe monumentet historike janë ndër pikat më të vizituara nga turistët.

“Ndër vendet më të vizituara siç po e shihni edhe ju vet sot janë monumente që ne i kemi si Kalaja, Lidhja e Prizrenit, Ura e Gurit, Shadërvani jonë ku ka edhe monumente të tjera si ku që pjesa më e vizituar  është edhe Xhamia e Sinan Pashës janë Hamami, Teqja pra gjithçka që është përreth Shadërvanit janë ndër më të vizitu”rat”, ka thënë Ilir Shala, kryetari i Gastronomëve.

Prizreni vazhdon të mbetet një nga destinacionet më tërheqëse në Kosovë, ku historia, kultura dhe gastronomia bashkohen për t’u ofruar vizitorëve një përvojë të paharrueshme.

.