Gazetari Astrit Gashi ka marrë një kërcenim nga shefi i Njësisë së Inteligjencës Financiare, Dardan Nuhiu. Këtë fakt e ka bërë publikë vetë Gashi në profilin e tij në Facebook. Më poshtë mund ta lexoni postimin e plotë të Gashit.

“Denoncim publik ndaj kercenimit te shefit te Njesise se Inteligjences Financiare Dardan Nuhiu

Te dashur miq, ju njoftoj edhe publikisht se para disa minutash mora nje thirrje telefonike me mesazh e ton kercenues nga Dardan Nuhiu, Shef i Njesise se Inteligjences Financiare te Kosoves.

Nuhiu me nje ton kercenues mu drejtua me keto fjale:

– Astrit Gashi a e din se cfare ke publikuar dhe cilat jane pasojat? Do t’i shohesh!

Pra nuk kishte as mirembrema dhe as ndonje pershendetje kurtoazie si do duhej ta bente nje zyrtar i shtetit. Por z. Nuhiu me drejtoi nje mesazh paralajmerues e madje edhe kercenues .

Une i thash, dhe per kete kam deshmitare, ” Vetem vazhdo”. Ketu nderpreme telefonaten.

Kjo thirrje te dashtur miq eshte kercenim ndaj lirise se mediave dhe te shtypit nga nje institucion qe i pergjigjet drejtpersedrejti Qeverise se Kosoves.

Arsyeja e ketij kercenimi ishte publikimi ne Gazeta Blic te nje dokumenti per transaksionet financiare te kandidatit per kryeprokuror te shtetit z. Aleksander Lumezi.

E porosis Nuhiun dhe shefat e tij ne qeveri, qe presionet dhe kercenimet nuk mund te me ndalin as mua personalisht dhe as gazetaret e Gazeta Blic.

Ju rikujtoj une jam vetem drejtues i Bordit, por mbeshtes ne ploteni punen e gazetareve te redaksise.

Ftoj qytetaret e lire, mediat, shoqatat e gazetareve te rreshtohen krah te fjales se lire. Gjithashtu ftoj Qeverine e Kosoves te distancohet nga sjelljet e zyrtarit te saj dhe te merr masa ligjore ndaj te njejtit, ne mbrojtje te fjales se lire, te drejtes se publikut per te ditur te verteten dhe demokracisë” (sic.). /Telegrafi/

Orteku që ra mbrëmë në rrugën që çon për në qendrën e skijimit të Brezovicës, është larguar. Megjithatë rruga për atje ende mbetet e bllokuar.

Në komunën e Shtërpcës, thonë se gjithçka është pastruar, por situata në terren, ku bora arrin lartësinë deri në dy metra, nuk duket ashtu. Rreziku nga rrëshqitjet ekziston ende.

Kjo është gjendja e rrugës për në Brezovicë. KFOR-i polak po raporton lidhur me gjendjen aktuale këtu, të cilën e cilëson jo shumë të sigurt. Për këtë arsye sugjeruan edhe ekipin e RTK-së që të largohet. Për të arritur deri tek qendra turistike ishte e pamundur. Në Komunën e Shtërpcës thanë se kompanitë janë duke punuar për pastrimin e borës.

Afet Hasani, Shef Drejtorisë për Mbrojtje dhe Shpëtim në Shtërpcë, tha njerëzit të cilët kanë mbetur tek hotelet janë të paktë dhe se po qarkullojnë në këmbë. Disa orë më vonë u panë edhe mjetet të cilat po bënin përpjekje që ta largonin borën. Por të reshurat e fundit kanë bërë që trashësia e borës ta arrijë lartësinë deri në dy metra e gjysmë./RTK/

Prokurori i Prokurorisë Speciale Ali Rexha ka thënë se atij i janë ofruar mito deri në 500 mijë euro për të ndalur ndjekjet për krime të rënda.

Rexha këtë e tha në emisionin “Betimi për Drejtësi” që transmetohet në televizionin publik, ku sipas tij përveç mitos ai edhe është kërcënuar. Madje ai tha se njëra nga këto oferta është edhe një shtëpi në bregdet.

Prokurori tha se këto oferta me para për të mbyllur rastet I kanë ardhur nga sekserë të ndryshëm por që nuk e ka pranuar.

Megjithatë Rexha nuk sqaroi nëse ka ndërmarrë masa ndaj atyre sekserëve përveç se tha se të akuzuarit për këto raste janë dënuar me dënime të larta.