Dolly Castro është një ndër modelet më të kërkuara në botë.
Dhe kjo jo fare rastësisht, por falë një trupi superseksi me forma për t’u patur zili.
Por ajo është edhe e fiksuar pas selfie-ve.
Dolly nuk ngurron të shpërndajë çdo ditë foto të nxehta në rrjetet sociale.
Një aksident trafiku ka ndodhur në Grykën e Carralevës të Suharekës në mes të një veture dhe një automjeti transportues.
D tek aksidenti, sipas policisë, ka ardhur kur i dyshuari duke lëvizur me veturën “Ford Eskort”, duke hyrë në tejkalim të pasigurt, godet automjetin transportues “Mercedes”.
Si pasojë e aksidentit përveç dëmeve materiale, lëndime trupore ka pësuar drejtuesi i “Mercedesit” i cili është dërguar në spitalin e Prizrenit dhe i njëjti pas tretmanit lirohet./PrizrenPress.com/
Ylli i Real Madridit, Cristiano Ronaldo nuk po lihet rehat nga vajzat pas ndarjes me modelen ruse, Irina Shark.
Bukuroshja argjentinase, Charlotte Caniggia, ia ka bërë me sy yllit të Real Madridit, Cristiano Ronaldos, i cili në fundjavë shënoi pesë gola në futoren e thellë ndaj Granadas 9:1
Ajo, gjatë një interviste emisionin në Celebrity Survivor, nuk ka hezituar për ta njohur potencialin e portugezit, por jo në sport.
Kjo është vaja Claudio Caniggias, ish anëtarit të Argjentinës dhe disa skuadrave të njohura si Roma, Benfica River Plate, Boca Juniors e të tjera
Një 52-vjeçar nga qyteti i Beratit i ka dhënë fund jetës së tij në mënyrën më tragjike, shkruan Shqip.
Viktima është gjetur i varur në një pemë, pranë varrit të babait dhe bashkëshortes së tij në fshatin Vojnik.
Nga të dhënat paraprake dyshohet se shtetasi H.J., i ka dhënë fund jetës në kushtet e depresionit. Po punohet për dokumentimin e plotë të ngjarjes.
Një burrë kinez u kap në flagrancë kur 17 të dashurat e tij erdhën për ta parë në spital pas një aksidenti me makinë. Njeri, i identifikuar si Z Juan nga qyteti i Changsha, në provincën Hunan, kishte qenë me sa duket në takime me të gjitha gratë në të njëjtën kohë, dhe madje ka një fëmijë me një prej tyre, raporton China Morning Post. Ndërsa ai arriti t’i mbante të gjitha të dashurat për muaj të tërë, ose në disa raste edhe vite, fundi erdhi kur mjekët kontaktuan të dashurat e tij pas aksidentit.
“Unë kam qenë me të vërtetë e shqetësuar kur dëgjova se ai ishte në spital,” tha Xiao Li, e cila ka qenë duke frekuentuar Z Juan për 18 muaj, “Por kur kam parë vajza të bukura të vinin gjithnjë e më shumë në spital, unë munda të mos qaja më.” tha për gazetën lokale Xiaoxiang Chen Bao.
Ajo thotë se gratë e tjera kanë dhënë mbështetje financiare, me një dorëzim parash për nëntë vjet. Një tjetër e dashur i tha gazetës se ajo tashmë kishte filluar planifikimin e dasmës së tyre.
Historia ka thithur mijëra përdorues kinezë të mediave sociale dhe me mijëra komente ofenduese janë lëshuar drejt Yuan-it. Por jo të gjithë kanë qenë kritike . Disa përdorues e admirojnë dhe të tjerët mendojnë se gratë duhet të kishin nuhatur se diçka nuk po shkonte siç duhej. Sa për ZJuan, problemet e tij sapo ka filluar. Punonjësit e policisë kanë nisur tani një hetim për akuzat për mashtrim.
Shtatë fëmijë janë gjetur të vdekur në një shtëpi në shtetin amerikani Maryland, ka kumtuar policia e ShBA.
Policia nga Princess An në Maryland ka kumtuar se të gjithë të vdekurit e gjetur kanë qenë në lidhej farefisnore dhe se tash për tash nuk ka shenja për ndonjë dhunë, transmeton AP.
Mediet lokale njoftojnë se bëhet fjalë për helmim nga monoksidi i karbonit.
Policia ka kumtuar se mosha e fëmijëve të vdekur është nga 6 në 16 vjet.
Shkruan: Abdullah Thaçi
Në pyetjen e një gazetari drejtuar atëherë presidentit kroat Stjipe Mesiç, se cila ka qenë arsyeja që Kroacia kaq shpejt ka përparua me reforma dhe iu është afruar integrimit në BE? Përgjigja e presidentit Mesiç ka qenë kështu, kjo është bërë e mundur fal heronjve tanë gjyqtar!
Kjo përgjigje e tij, sot më dha mua një shkas të marr guximin të shkruaj edhe nga një arsyeje tjetër nga emisioni “Puls” në KTV, ku për temë ishte haraçi, me protagonist të mbijetuarin nga momenti i refuzimit të tij për të mos paguar më haraç!
Ai mes tjerash, tregoi shumë çka dhe në emër të kujt, për vite të tëra, iu është vjel ky haraç.
Përkundër dhimbjes, unë një fakt e kam të pa shmangshëm ta përmend këtu, ai për mua është një hero, me vet faktin që ka marr guximin të dal publikisht në televizion.
E dhimbshme për mua ishte fakti që një oficer policie e akuzonte atë, se pse nuk e ka denoncuar shumë më herët këtë fakt në organet e policisë së Kosovës?!
Hajgare hesapi, apo jo?!
A e dinë zotëria, se edhe na e dimë, që ata polic janë pjesë e sistemit mafioz të rekrutuar dhe të instaluar aty pikërisht nga një kastë komandantësh bandit që lirinë e Kosovës e cilësojnë si pronë të tyre. E kush do që dëshiron të veprojë në këtë shtet, pos tyre, duhet të paguaj taksën e veprimit që një gjuhën popullore njihet si haraç.
Këta janë po ata komandat që përveç policëve emërojë dhe rekrutojnë prokuror, gjyqtar informator, e çka tjetër. Andaj për këtë edhe shtrojë pyetje ku është dashtë ta denoncojë ky qytetar faturën e haraçit? Tek argatët e tyre a!
Vetëm një fakt shtesë sa për ilustrim, krejt jo personal.
Ndërsa Ridvan Hoxha,denoncuesi i krimit të pushtetit mafioz në Prizren, që udhëhiqet nga i dënuari Ramadan Muja, tash e sa vite është i përndjekur politikisht, përveç se nga 2007 është i pa punë, kjo mafi politike me qellim gjunjëzimi, pas 33 vite punë te pa ndalur në arsim, atij në shenjë hakmarrje edhe gruan ia larguan nga puna.
Hajgare hesapi, apo jo?!
Paramendojeni vet Ju, se sa e fortë është mafia në këtë vend, ku prokuroria e shtetit në një takim rajonal kundër korrupsionit, pikërisht për një ligjërata e fton Ramadan Mujën, të dënuarin për keqpërdorim të pozitës zyrtare dhe korrupsion. I dënuari Ramadan, ne atë takim ligjërojë para prokurorëve të rajonit për sfidat e luftës kundër korrupsionit.
Hajgare hesapi, apo jo?!
Se sa e fortë është mafia e dëshmon fakti se për një shqyrtim të ankesës ndaj vendimit të gjykatës së EULEX-it, në rastin e të dënuarit Ramadan Muja, gjykatës se apelit, iu deshtën më tepër se 15 muaj vetëm për ta caktohet një datë për shqyrtimin e asaj far ankese!
Hajgare hesapi, apo jo?!…
Ka edhe plot gjana, por do hajgare po i lë për do hesape tjera.
Ndryshimi i kriterit të kalueshmërisë në testin e maturës, të cilin sivjet e ka paralajmëruar Ministria e Arsimit, Shkencës dhe Teknologjisë (MASHT), pritet të ndikojë në rritjen e numrit, deri në tre mijë sosh të maturantëve, që do t’i nënshtrohen provimit kryesor të shkollimit të mesëm, meqenëse pos atyre që sivjet përfundojnë këtë nivel, në test do të jenë edhe ata që deri më tash nuk kanë arritur suksesin e nevojshëm të kalueshmërisë.
Ministri i MASHT-it, Arsim Bajrami, ka paralajmëruar shndërrimin e testit të maturës nga ai i kalueshmërisë në test të arritshmërisë, duke e ndërlidhur këtë me stresin që po krijon tek maturantët dhe familjet e tyre.
Maturanti G. Krasniqi, ish-nxënës i Gjimnazit në Prizren pret që në qershor të rifutet në testin e maturës, pasi në vitin 2011 ai nuk kishte arritur rezultatin e duhur, ndërsa pas katër vjetësh, sivjet do ta përsërisë procedurën, për shkak të ndryshimit të kushtit kur testi nuk konsiderohej pozitiv nëse maturanti nuk kishte plotësuar së paku 50 për qind të pyetjeve.
“Për mua ky është një vendim i drejtë i MASHT-it, ndërsa kjo do të ma mundësoj marrjen e diplomës së shkollës së mesme”, ka thënë ai./Zëri/
Prokurori Nazmi Mustafi ishte arrestuar në vitin 2012, ku në aktakuzën ndaj tij rëndonin vepra penale e keqpërdorimit të pozitës apo autoritetit zyrtar dhe posedim pa leje i armës. Por ndonëse është dënuar dhe aktgjykimi ndaj tij është i plotfuqishëm juridikisht, ai vazhdon të jetë prokuror.
Mustafi, i cili është në përfundim të vuajtjes së dënimit, pasi vepra penale për armëmbajtje pa leje është amnistuar pas hyrjes në fuqi të Ligjit për amnisti, si dhe Gjykata e Apelit ia ka ulur vitet e dënimit. Ai aktualisht mban detyrën e prokurorit të Prokurorisë Speciale me dekret të Zyrës Presidenciale, shkruan KosovaSot.
Mustafi asnjëherë nuk është shkarkuar nga posti i prokurorit, pasi këtë gjë nuk e kanë kërkuar asnjë nga institucionet kompetente, në këtë rast as Këshilli Prokuroria i Kosovës (KPK).
Në vitin 2010, Mustafi është dekretuar nga presidenti i atëhershëm Fatmir Sejdiu si prokuror i Prokurorisë Speciale të Republikës së Kosovës (PRSK). Më 2 prill të vitit 2012, ai ishte emëruar shef i Task-Forcës që kishte si mision luftën ndaj korrupsionit.
Drejtuesja e PRSK-së, Sevdije Morina, thotë për Kosova Sot se ata kanë kërkuar nga Komisioni i KPK-së që të shkarkojë Mustafin, por se në mungesë të kuorumit kjo çështje nuk është diskutuar ende.
“Menjëherë pas marrjes së aktvendimit të plotë dënues nga Gjykata e Apelit, për Nazmi Mustafin, Komisioni Disiplinor i KPK-së ka vendosur për shkarkimin e tij. Komisioni atë vendim ia ka dërguar KPK-së për procedura të mëtutjeshme, por në mungesë të kuorumit për të vendosur për këtë çështje nuk e ka diskutuar ende. Presim që menjëherë pasi të ketë kuorum për të vendosur KPK-ja do të vendosë për t’i propozuar presidentes shkarkimin e Nazmi Mustafit nga pozita e prokurorit”, ka thënë Morina.
Derisa nuk do të ketë një vendim nga KPK-ja, e më pas shkarkim nga presidentja Atifete Jahjaga, Nazmi Mustafi do të vazhdojë të gëzoj titullin e prokurorit.
Analisti politik Halil Matoshi ka thënë se opozita në rend të parë duhet që në Kuvend të japë alternativa për politikat qeverisëse dhe jo vetëm të shfaq mospajtim për dhe rreth gjithçkaje.
“Opozita, në rend të parë duhet që në Kuvend të japë alternativa për politikat qeverisëse dhe jo vetëm të shfaq mospajtim për dhe rreth gjithçkaje, sepse ka edhe ndonjë pikë të ndritshme, si p.sh. reforma fiskale që kjo Qeveri po e paralajmëron”, në një intervistë për Gazetën Express.
Protesta sipas tij, duhet të ndodhin dhe ato ndihmojnë pushtetin që të korrigjohet.
“E drejta e qytetarëve për të protestuar në mënyrë paqësore është një e drejtë kushtetuese madje ajo ndihmon edhe pushtetin që të korrigjohet, ndërkaq që, duke u dhënë zë atyre që nuk kanë, protesta aktivizon secilin qytetar që të mendojë për pozitën e tij në shoqëri, të mendojë se ku shkojnë taksat e tij dhe se a po abuzohet me pushtetin.
Pra jo vetëm që është e drejtë, por është imediate të protestohet, për ta detyruar pushtetin që të ndërmarrë hapa emergjent për përmirësimin e sigurisë në vend, për të dhënë sinjale të qarta se askush nuk është mbi ligjin si dhe për ta ndalë kontrollin që po e ushtron pushteti në politikat editoriale në RTK”, ka thënë Matoshi.
Ai ka thënë se nëse me protesta të fuqishme paqësore mund të trandet Qeveria për ndryshimin e mendësisë qeverisëse, ky do të ishte një sukses i madh.
Në pyetjen se sa janë që të ketë dhunë edhe në protestën e 18 prillit, Matoshi ka thënë se ruajtja e rendit është në interesin e të gjithëve në Kosovë.
“Pra edhe në favor të opozitës prandaj mendoj se nuk do të ketë dhunë. Por do t’i bëhet me dije Qeverisë se nuk janë numrat gjithçka në demokraci dhe se të jetuarit në shoqëri të lirë nuk është fare i lehtë, ngase individi, qytetari duhet të mësohet në diversitet, të jetojë me atë që e percepton të ndryshëm nga vetja, duke mos ia cenuar liritë dhe të drejtat, ndërsa një Qeveri e përgjegjshme duhet të mësohet të qeverisë me opozitën – veçanërisht për sa u përket interesave vitale kombëtare dhe kohezionit shoqëror e shtetëror. Nëse me protesta të fuqishme paqësore mund të trandet Qeveria për ndryshimin e mendësisë qeverisëse, ky do të ishte një sukses i madh, mirëpo për këtë sukses, së pari opozita, siç e theksova më parë, do të duhej që të jepte alternativa të elaboruar mirë në Kuvend”, është shprehur Matoshi.