Ambasadorja gjermane në Kosovë, Angelika Viets, është e bindur se brenda opozitës ka interesa të ndryshme dhe se ata nuk janë bllok meqë kanë qëllime që i dallojnë njërin nga tjetri.
Edhe pse opozita ka arritur t’i mbledhë më shumë se 170 mijë nënshkrime, Viets thotë se opozita është pakicë dhe është e bindur se qytetarët nuk do tu përgjigjen thirrjeve për protestë.
Në një intervistë për ‘Zërin’, Viets thotë se pavarësisht bllokimit të punës së Kuvendit gjatë seancave të fundit, kjo nuk i ngjan krizës institucionale, pasi që, sipas saj, partnerët e koalicionit kanë një shumicë stabile në Parlament.
Ajo është e bindur se zgjidhja do të arrihet brenda institucioneve dhe se nuk ka kthim prapa të marrëveshjes. /Zëri/