Krijimi i frontit politik opozitar dhe nënshkrimi i deklaratës së përbashkët për bashkëveprim kundër koalicionit qeverisës, si brenda, ashtu edhe jashtë institucioneve, pretendohet të shfrytëzohet si strategji e vetme e bindjes së partive në pushtet për t’i dhënë fund para kohe mandatit të tyre qeverisës dhe për të çuar vendin në zgjedhje të reja. Ndonëse të tri subjektet politike në opozitë, flasin për bashkëkoordinimin e tyre në funksion të ndërprerjes së qeverisjes së keqe dhe shkapjes së shtetit nga krimi i organizuar dhe korrupsioni, ata akoma nuk flasin për detajet e projektit të shkapjes së shtetit.

Nënkryetari i Kuvendit të Kosovës, nga radhët e lëvizjes ‘VETËVENDOSJE’, i ka thënë gazetës se alternativa kryesore dhe më me prioritet në këtë aktualitet të zhvillimeve të dëmshme politike për vendin, është që qeverisja e keqe, e cila po identifikohet, vetëm me interesat personale të liderëve politikë të marrë fund sa më shpejt.

“Ne e kemi atë alternativën tonë, që së pari duhet t’i jepet fund kësaj qeverisjeje të keqe, kësaj qeverisjeje, që është lidhur e tëra në interesat personale, dhe kjo qeverisje e tillë e lidhur me krimin e ka kthyer Kosovën nga një Republikë Parlamentare, në diktaturë qeveritare. Tani sa i përket rastit të Gjykatës Speciale dhe rastit të kësaj që po ndodh me ‘Zajednicën’, ku po anashkalohet totalisht Kuvendi i Kosovës, unë mendoj se këto janë dy momente kritike për ekzistencën edhe për kthimin në funksion të Kuvendit të Kosovës”, tha Konjufca për “Kosova Sot”.

Nt: Analisti politik, Fisnik Korenica, konsideron se opozita e ka gjetur megjithatë pikën e dobët të funksionit të këtij koalicioni qeverisës dhe, pavarësisht se kur do të mbahen zgjedhjet e reja, pak më shpejt apo pak më vonë, partitë në pushtet do ta paguajnë faturën e gabimeve të mëdha në qeverisje. /Kosova Sot

Ish-kryetari i Kuvendit të Kosovës Jakup Krasniqi thotë se peticioni i iniciuar sot nga partitë opozitare, është zëri i qytetarëve dhe një protestë legjitime.

Krasniqi thotë se koalicioni aktual qeverisës PDK-LDK po qeveris shumë keq me vendin dhe janë qytetarët ata që duhet të ndalojnë një gjë të tillë. Peticioni sipas tij, është forma më qytetare e protestës duke u bërë thirrje qytetarëve që të japin nënshkrimin e tyre.

Shkrimi i plotë i Krasniqit në Facebook:

PETICIONI ËSHTË ZËRI I QYTETARËVE – ËSHTË PROTESTË LEGJITIME

Sot qeveria foli përmes opinionistëve, për të qenë “analizat” e saja më bindëse për qytetarët, për të mbytur zërin e qytetarëve që janë zoti i vërtetë i këtij vendi. Ata po harrojnë se edhe në të kaluarën kishte “marrëveshje” për t’ju aneksuar Serbisë, se kishin arritur ti bindin disa delegatë në Prizren (korrik 1045), “se ishte interesi i Kosovës që t’i bashkohej Serbisë, se Shqipëria ishte e varfër”. Po edhe në atë kohë, kishin qenë disa zëra që patën kundërshtuar, ani pse ata do te dënoheshin me burg të përjetshëm. Por nuk pat munguar as zëri i guximit njerëzor i Ramiz Cërnicës, i cili kishte thënë: “Me Shqipërinë, JO me Serbinë”!

Pas Kuvendit, kur Rifat Berisha ia kumtoi lajmin Tahir Berishës, se Kosova i ishte aneksuar Serbisë, ai i thotë: “ se shumë gjak do të derdhet për të ndryshuar ketë vendim” (parafrazim). Se nga e si ecëm për të ardhur deri të 17 shkurti i vitit 2008 e dimë të gjithë. U deshën mbi 600 shekuj burg për ata që guxuan të kërkojnë çlirimin nga Serbia, u deshën qindra mijëra shqiptar të shpërndarë në katër anët e Globit, u deshën rreth 100.000 viktima e martirë pas Luftës se Dytë Botërore e shkatërrime të shumta ekonomike. Jo vetëm këto që i ceka, ishin pasojë e një vendimi mendjelehtësh. Edhe atëherë vendimi ishte marrë nën presion e frikë. E sot?

I thash të gjitha këto, jo pse dua të vej shenja barazimi, në mes së sotshmes e se djeshmes, por për të treguar sesa të dëmshme janë vendimet që merren nën çdo formë të diktatit apo presionit. Sesa të dëmshme janë vendimet që merren pa e dëgjuar zërin e qytetarëve te vendit. Nuk kam asnjë dyshim, siç nuk ka as shumica e qytetarëve tani, se koalicioni qeverisës është duke qeverisur keq, madje tepër keq. Gjithë veprimet e vendimet e saj, me vërejtjet e Shoqërisë Civile, te këtyre dite e konfirmojnë ketë. Edhe marrëveshja e 25 gushtit në Bruksel me marrëveshjen e demarkacionit janë tepër të dëmshme për Republikën tonë. Për këto arsyeje të cekura e për shumë të tjera që nuk i ceka, duhet të merr pozicion qytetari ynë.

Nënshkrimi i Peticionit që po e afron opozita e bashkuar nga ana e qytetarëve, është akti më i rëndësishëm i qytetarëve, është vërejtja më serioze që qytetarët ua bëjnë shërbëtorëve të tyre, zyrtarëve të shtetit. Çdo zyrtar i zgjedhur, i emëruar apo zyrtar tjetër që paguhet nga paraja publike, është shërbëtor i qytetarëve e jo zot i tyre, si po pretendojnë e krekosen qeveritarët tanë.

Nënshkrimi i Peticionit nga qytetarët është forma më qytetare e protestës, është vërejtja më serioze paqësore e demokratike, që u drejtohet atyre që nuk po dinë të qeverisin, atyre që po marrin vendime të dëmshme për vendin, atyre që po u lënë pasoja të pa parashikueshme gjeneratave të ardhshme.

Është momenti i fundit, që qeveritarët duhet të tërhiqen nga marrëveshjet e dëmshme, të cilat ende nuk janë të finalizuara, pasi ende nuk kanë folur përfaqësuesit e popullit. Ky edhe është mesazhi i nënshkruesve të peticionit! Mesazhi është fisnik, për secilin që dinë ta lexoj shqip!

Qytetarët duhet të vrapojnë për të shprehur qëndrimin e tyre, për një të ardhmen më të sigurt për fëmijët e tyre.

Sot ka ndërruar jetë shtetasja gjermane, Iris Von Der Ehe, e cila ishte në gjendje koma që pas alivanosjes gjatë protestave të Lëvizjes Vetëvendosje të 22 tetorit të vitit 2012-të.

Në vazhdim pamje të asaj proteste, marrë nga Youtube, ku shihet edhe rasti në fjalë

Shyqri Bytyqi, anëtar i kryesisë së Nismës për Kosovën, ka thënë se janë bërë rreth 25 mije nënshkrime të qytetareve në peticionin e Frontit Opozitar.

“Vetëm në kryeqyteti janë 10 mijë nënshkrime”, ka thënë ai në emisionin “Rrokum Roll” në TV Rrokum.

“Nuk dihet sa ditë do të zgjasë ky peticion, gjithçka varet prej interesimit të qytetarëve”!