Shkruan: Shani Berisha.

Në mbledhjen e datës 17.09.20015 të Kuvendit Komunal të qytetit të Prizrenit, pas një debati vuliminoz të zhvilluar nga kuvendarët e të gjitha partive politike të përfaqësuara në këtë organ, u shqyrtua dhe u votua edhe korniza buxhetore 2016 , e hartuar nga kabineti i qeverisë komunale sipas projekteve” prioritare “të specifikuara nga drejtorët e drejtorive, por gjithmonë në bazë të ligjeve referuese dhe obligative në adresë të kryetarit të komunës.

Buxheti i komunës së Prizrenit për vitin 2016 është mbi 40.milon Euro,i formalizuar nga dy destinacione buxhetore,garndet qeveritare (31.million) dhe të hyrat vetanake komunale(9.milion) .

Jam i vetishëm se fjala publike e thënë , mbanë në vete përgjeqësi personale.
Gjithëmonë sipas meje, ky buxhet komual,që për destinim do të duhej të kishte projektet e argumentuara mirë, e që realisht do të ndikonin në zhvillimin e përgjithshëm të komunës sonë, fatkeqësisht ndodhi e kundërta, kjo garniturë e papërgjeqëshme qeverisëse ofroi dhe ndikoi që të votohet një kornizë buxhetor jo premtuese(stagnuese) në drejtim të zhvillimit të përgjithshëm.

Ky buxhet është në duar të pasigurta
1. Ngase edhe ma tutje vazhdon beteja në mes drejtësisë dhe kryetarit të komunës në procesin gjyqësor maratonik dhe interesant për shkeljet dhe keqpërdorimet ligjore të bëra nga ai me rastin e dhënies së pronave komunale me koncesion firmave dhe personava të prapaskenës.

2.Ngase mbi gjysma e drejtorve të qeverisë Muja është pjesë e këtij procesi gjyqësor maratonik për keqpërdorim të detyrave zyrtare ,ku edhe aq janë duke u hetuar dhe do të përfundojnë gjithësesi para drejtësisë për keqpërdorim të paras puplike.

3.Ngase nga ajo që dihet edhe ato që do të zbulohen, për uzurpin e pronës puplike bërë nga personat e partive në pushtet , dhe atë me dijenin e të parit të komunës, dhe personave që jan shëndruar në lugetër për Ramadan Mujën ,e të cilëve ju është mbushur mendja se kanë mandat për të sunduar e jo për të qeverisur me Prizrenin.

4.Ngase në emër të ligjit të legalizimit të objekteve të ndërtuara pa leje ndër vite,legalizojnë qdo gjë të ndërtuar ,e që për pasojë do të ketë zyrtarizimin e deformimit urbanistik të qytetit.

5.Ngase dështimet e tyre i quajnë sukse, dhe instrumentin pushtet e keqëpërdorin në sulm kundër të gjithë të tjerve që mendojnë ndryshe .

6.Ngase projektet e filluara para shumë viteve të detikuara për komunitetin i kanë bllokuar , dhe këto vonese i arsyetojnë me fjalën do ti” bëjm” , dhe pa i dhanë deri më tani askujt llogari e përgjegjësi?!

Projektet e ndërprera janë.
1. Parku i biznesit i filluar më 2009.
2. Zona e Industrisë së lehtë afër fshatit Petrovë ,filluar më 2009.
3. Plani rregulles urbanistik Dardani 2, filluar në 2006.
4. Ndërtimi i shtëpive të kulturës në fshatrat: Zhur,Hoqë të qytetit dhe Medvec, të filluara më 2009.
5. Ndërtimi i rrugës Tranzit i ri, filluar më 2012.
Projektet që do duhej të planifikoheshin:
6.Parashikim për ndërtimin e një parkingu puplik për automjete!
7.Gadishmërin për ndaljen\ e mëtejshme të degradimit urbanisti të Zonës historike të qytetit dhe të Grykës së Lumbardhit.
8. Fillimin e hartimit të hartave zonale hapësinore, që do të ndihmonin në përcaktimet ndërtuese në qytet.
9.Fillimin e një strategji ,në drejtim të krijimit të mundësive,në investime për infrastrukturën e ujit të pijshëm për të gjitha lokalitet.

Ka edhe shumë dëshmi e fakte tjera që arsyetojnë mendimin tim se buxheti i Komunës së Prizrenit është në duar të njerëzve të pasigurt, që deri më tani kanë dëshmuar se janë joprofesionist , e jo të përgjegjshëm. Dhe përfundimisht kanë dëshmuar se janë të vegjël si karaktere duke u treguar harbut e arrogant të papërmisueshëm në qeverisjen e pasurisë së popullit.

Nga Edison Ypi

S’po ta var kush. Të kanë lënë pas dore. S’po ta vlerësojnë sa duhet diturinë, forcën e karakterit, zemërgjerësinë, zjerjen e gjakut.

Padrejtësi e madhe që duhet vënë në vend urgjentsht.

Zgjidh kohën e duhur. Për pretendimet që ke dhe padrejtësitë që do të vësh në vend, muzgu s’do ishte keq.

Që të mos bezdisesh nga prezenca e ziliqarëve dhe ziliqareshave të shumta që kujtojnë se të gjitha vlerat u përkasin atyre ndërsa ty vetëm Noc Rroku, zgjidh një vend të mbyllur. Pse jo banjën. Me veglat e banjës, vaskën, zorrën, rubinetin, sapunin, briskun, bidenë, peshqirin e varur, dritaren pak të hapur prejnga duket një copë qiell, mund të bëhen kompozime që të çuditet bota.

Përcakto pozicionin e kokës të tillë që drita të bjeri me intensitetin e duhur në pjesën më shprehëse të fytyrës, atë prejku nga brendësia e kafkës të gurgullon zgjuarsia dhe të gjitha cilësitë e tjera të mira që i ke, por padrejtësisht të mohohen.

Zgjat dorën merr celularin, shkrepe.

Ke bërë një Selfie.

Domethënë ke bërë një turp, një neveri.

Mos u mërzit. Nuk je i vetmi. Gomerët si ty që bëjnë selfie janë me miliona.

Mund të ndodhi që selfia që sapo bëre nuk të pëlqeu.

E çfarë se nuk doli mirë Selfia.

Vaska, zorra, bideja, dushi, brisku, sapuni, copa e qiellit, aty janë. Bëj një selfie tjetër. Nëse edhe tjetra selfia nuk do të pëlqejë, bëj nja 20 ose 30 selfie. Ndonjë budalla ose budallaqe mund të mos i pëlqejë selfiet e tua. Edhe për këtë mos u merakos. Ndërkohë që ti po bën selfiet e tua, me mijëra të tjerë po bëjnë selfiet e veta, më për ibret se selfiet e tua. Prandaj mos hum kohë. Nisi urgjent selfiet pa dalë nga banja. E pamundur të mos e kapin gjenialitetin tënd kqyrësit e panumurt të selfieve të tua. Në mos atypëraty, më vonë. Ke kohë. Deri kur të vdesësh do kesh mbi 1 milionë Selfie.

Selfia e banjës nuk është e vetmja. Ka edhe selfie të tjera. Selfia ka nënllojet e veta.

Për shembull, selfia që bën një mashkull kur çfaqet i menduar sikur ka mbi supe gjithë hallet e botës. Selfia e këtij budallai nuk quhet Selfie, quhet selfqirje, që vjen nga fjala greke “qirje” që do të thotë “zotni”.

Selfia mund të bëhet edhe para pasqyrës. Selfia para pasqyrës ta tregon hajvanllëkun në HD. Kjo lloj Selfie quhet Selfpjerdhje

Një tjetër Selfie goxha e përhapur është ajo kur një tufë guakësh bëjnë fotografi me të ngrëna përpara; verë, birra, bërxolla, pica dhe plot të tjera. Selfie më shtazarake se kjo përmes së cilës hajvanët e pangopur dëshmojnë urinë e etërve, nuk ka. Selfia me të ngrëna përpara quhet Sumtyryxhym.