Pas publikimit në gazetën Koha Ditore të skandalit në lidhje me gjykimin e Famir Limaj dhe të tjerëve në rastin Kleçka, një delegacion i Nisma – s për Kosovën në përbërje, Jakup Krasniqi Kryetar i Këshillit Kombëtar, Bilall Sherifi Sekretar i Përgjithshëm dhe Valdete Bajrami Shefe e Grupit Parlamentar të NISMA-s për Kosovën, sot kanë zhvilluar një takim të përbashkët me Shefin e Zyrës së BE-së në Kosovë/Përfaqësuesin Special të BE-së, Samuel Zhbogar dhe Shefin e Misionit të Bashkimit Evropian për Sundimin e Ligjit në Kosovë – EULEX, Gabriele Meucci, njofton kumtesa partiake.

Në këtë takim, thotë kumtesa, delegacioni i Nisma -s për Kosovën para zyrtarëve të Bashkimit Evropian kanë shprehur shqetësimet në lidhje me këtë skandal dhe kanë kërkuar si hap te par hapjen e hetimeve për ndriçimin e së vërtetës.

Faktet e publikuara në gazetën Koha Ditore janë aq serioze sa askush nuk mund t’i mbyllë sytë dhe të hesht pa një hetim te plot, prandaj kërkuam që këtë hetim ta bëjë një komision hetimor i pavarur i cili do të ndriçonte të vërtetën se si ka ardhur deri të krijimi i panelit gjyqësor në kundërshtim me ligjin siç edhe faktohet në vendimin për përjashtim nga Gjykata e Apelit.

Po ashtu kërkuam të ndriçohen pohimet e gjyqtarit se ai kishte marrë vendim për dënim ende pa e marrë lenden në shqyrtim. Në interes të ndriçimit të se vërtetës ne kërkuam t’i ofrohet garanci dhe mbrojte ligjore njërit nga denoncuesit e këtij skandali, zyrtarit ligjor të EULEX-it i cili në artikull thotë që i është refuzuar mbrojtja ligjore nga zyrtarët e lartë të EULEX-it për të dhënë dëshminë rreth këtij skandali dhe për këtë fakt autori i artikullit pohon se posedon incizimin e këtij zyrtari me zyrtarin lart të EULEX-it .

Ne shprehim brengosjen tonë për tendencën për ta heshtur këtë skandal, tendencë e cila veç sa e rrënon edhe më shumë sistemin e drejtësisë në vend. Ne njoftuam Shefin e Zyrës së BE-së në Kosovë/Përfaqësuesin Special të BE-së, Samuel Zbogar dhe Shefin e Misionit të Bashkimit Evropian për Sundimin e Ligjit në Kosovë – EULEX, Gabriele Meucci se opinioni publik dhe ne presim nga ta hapa konkret qe do të demonstronte vullnetin e institucioneve që drejtojnë për ta ndriçuar këtë skandal, përçudnon kumtesa.

Gjykata e apelit, standarde të dyfishta

Me 13 mars, bëhet 1 vit që nga shpallja fajtor e Kryetarit të Komunës së Prizrenit, Ramadan Muja për keqpërdorim të pozitës zyrtare, nga Gjykata themelore në Prizren. Bëhet një vit nga dënimi i tij me 2 vjet burgim me kusht.

Mirëpo edhe skandalet e publikuara kohëve të fundit nga gazetari prizrenas Rami Berisha, tregojnë se edhe kryetari i komunës Ramadan Muja, ka qenë në dijeni të punësimeve të paligjshme të militantëve partiak në arsim. Por, Muja, ka preferuar të heshtë për skandalet që kanë ndodhur në largimin dhe punësimin e mësimdhënësve nga Drejtoria e Arsimit. Ai deri më tash nuk e ka thënë së paku një fjalë për këto skandale.

Ndaj zvarritjes jo pa qëllim të shqyrtimit të rasti të kryetarit të komunës së Prizrenit Ramadan Muja, ka reaguar deputeti i Lëvizjes Vetëvendosje, Mytaher Haskuka, i cili tha se në Kosovë nuk ka sundim të ligjit por sundim të krimit, meqë sipas tij këtë po e dëshmon edhe Gjykata e Apelit me veprimet e saja.

Edhe deputeti i NISMA-së, Zafir Berisha mendon se rasti i Ramadan Mujës po zvarritet qëllimshëm./Bota Sot/

Kuvendarja e Bashkimit Demokratik (BD) Ganimete Hoxha ka treguar se drejtori i DKA-së, Nexhat Çoçaj, i ka thënë se nuk do të marrë kurrë në punë.

“Kam shkuar bashkë me babën në DKA. Jemi takuar me drejtorin Çoçaj dhe ai i ka thënë babës dhe mua se kurrë nuk do të marrë në punë”, ka treguar Hoxha.

Ndërkaq, drejtori i DKA-së, Nexhat Çoçaj tha se nuk i kujtohet rasti i Ganimete Hoxhës. /PrizrenPress.com/

Drejtori i Drejtorisë së Arsimit në Prizren, Nexhat Çoçaj ka kërkuar ndihmë nga kuvendarët e KK-së dhe qytetarët, që të zbulohet se kush ka kërkuar para për punësim në emër të tij dhe DKA-së.

“Ju kisha lutur juve kuvendarëve dhe qytetarëve që të më ndihmoni në zbulimin e njerëzve se kush ka kërkuar para për punësim në emrin tim dhe DKA-së. Jam shumë i intersuar që këto raste të zbardhen dhe të ndalen këto akuza”, ka thënë Çoçaj.

Kuvendi Komunal i Prizrenit, në seancën e fundit është diskutuar gjendja e krijuar në arsim. Në këtë debat patrtitët opozitare e kanë akuzuar drejtorin Çoçaj për punësime pa konkurs dhe politizim të arsimit.

Drejtori i Drejtorisë së Arsimit në Prizren, Nexhat Çoçaj, ndërkaq ka mohuar të gjitha akuzat e opozitës.

“Arsimi nuk është vetëm zi. Tjetër është pse disa kuvendar dëshirojnë të shohin vetëm zi”, ka thënë ai. /PrizrenPress.com/

Kryetari i Kuvendit të Kosovës, Kadri Veseli është tallur keq me deputetin e PDK-së, Nait Hasanin.

Derisa Nait Hasani fliste për një vizitë që e kishte zhvilluar në Luginë të Preshevës, ku sipas tij, librat e shqiptarëve janë konfiskuar nga ana e policisë serbe, dhe për të drejtat e shqiptarëve atje, por pasi që i kaluan minutat, iu ndërpre fjalimi, dhe Veseli jo që nuk ia vazhdoj fjalimin, por i tha “Nait shyqyr që je ardhë mirë”.

Pas këtij reagimi të Veselit, Hasani kërkoj vazhdimin e fjalimit, por që Veseli kërkoj “mirëkuptim” nga Hasani.

“Pasi që jemi bashkëpartiak, Nait më mirëkupto se sot kam pasur shumë kritika”, ka thënë Veseli.

Lideri i AAK-së Ramush Haradinaj ka deklaruar se Hashim Thaçi dhe Agim Çeku me bashkëpunëtorë e kanë bërë një të keqe të madhe sa i përket procesit të verifikimit të listave të veteranëve.

“Qeveria e ka bërë komisionin për të zbatuar ligjin të cilin e kanë vënë për tre muajt e fundit të luftës duke mos e ditur se ka pas luftë edhe më herët”, tha Haradinaj pas një takimi me kryetarin e Partisë Demokratike Shqiptare Menduh Thaçin.

Haradinaj nuk e ka komentuar deklaratën e Melihate Tërmkollite cila deri para disa ditësh ishte anëtare e AAK-së, e cila ka thënë se pse Haradinaj nuk ka kërkuar ta hetojë SHIK-un kur ka qenë kryeministër.

Lideri i PDSH-së Menduh Thaçi i pyetur për Gjykatën Speciale ka thënë se kjo është çështje e institucioneve të Kosovës por të gjithë do të angazhohen që lufta e drejt e UCK-së mos të merr pikë të zezë.