Deputeti i Nismës për Kosovën, Enver Hoti, ka folur për skandalin në lidhje me rastin Kleçka, të ciline publikoi Koha Ditore në dy artikuj në dy ditë radhazi.

Ai ka thënë se duke u thirrur në fakte që i ka sjell gazeta, dënimi për Limajn ishte i sigurt.

“Me të drejtë dhe shqetësim po shtrohet pyetja nga të gjithë qytetarët, se çka është duke ndodhur me drejtësinë në Kosovë, e cila në vend që të garantojë gjykim fer dhe të pa ndikuar politikisht, është shndërruar në instrument të politikës”, ka thënë Hoti.

Për Hotin, është shqetësuese edhe heshtja e ndërkombëtarëve në lidhje me këtë rast, mirëpo akoma më shqetësuese se kaq, sipas tij, është dhe heshtja e akterëve të Qeverisë, dhe atyre siç i ka quajtur ai “pjesëmarrës për të eliminuar kundërshtarët politikë”.

Hoti ka kërkuar nga Ministri i Drejtësisë, Hajredin Kuçi, që të shfrytëzojë autoritetin e tij për të zbuluar dhe ndriçuar skandalin në rastin Kleçka.

“Ose në të kundërtën tregoni pse është kjo heshtje nga ju, nga kush keni presion”.

Gjykata Themelore në Prizren ia ka caktuar masën e paraburgimit të dyshuarit për vrasjen e trefishtë në Prizren, Eshref Shemallari. Zëdhënësja e Gjykatës në Prizren, Afërdita Kicaj tha se Shemmallarit i është caktuar masa për një muaj paraburgim.

“Shemallari dyshohet se në bashkëkryerje ka kryer veprën penale, të vrasjes së rëndë “, tha Kicaj.

I pandehuri Eshre fShemallari do të mbahen në paraburgim në kohëzgjatje prej 1 muaji, dhe do t’i llogaritet prej datës 10.03.2015, deri me datën 10.04.2015.

I pandehuri së bashku me djalin e tij me iniciale të njëjta dyshohen për kryerje të dy veprave penale, atë të vrasjes së rëndë në bashkëkryerje dhe të armëmbajtjes pa leje.Ai dyshohet për vrasjen e Haki Thaçit, Ferdi Shishkos dhe Belgin Ersojt/PrizrenPress.com/

Kuvendarja e LDK-së, Mybera Mustafa ka akuzuar pushtetin lokal se kanë degraduar arsimin duke punësuar mësimdhënës pa konkurs.

“Drejtoria e Arsimit në Prizren e ka degraduar sistemin e arsimit duke punësuar njerëz pa konkurs dhe politikisht”, tha Mustafa./PrizrenPress.com/

Mybera Mustafa kërkon që pika e parë të jetë debati për arsim
Kuvendarja e LDK-së, Mybera Mustafa ka kërkuar nga kryesuesi i Kuvendit Kujtim Gashi, që debati për çështjen e arsimit të jetë në pikën e parë.

“Kërkojmë që pika e parë të jetë debati për arsimin”,ka thënë Mustafa.Ndërkaq, propozimi i saj nuk ka gjetur mbështetje nga shumica e kuvendarëve.

/PrizrenPress.com/

Shefja e Prokurorisë Speciale të Kosovës, Sevdije Morina, ka akuzuar ish-kryeprokurorin e shtetit Ismet Kabashi dhe ushtruesin e detyrës Sylë Hoxha, për degradim të sistemit prokurorial të Kosovës.

Morina në një intervistë për Kosova Sot ka thënë se problemet me të cilat është duke u përballur sistemi prokuroral janë si pasojë e lënies së një sistemi të rrënuar nga ish-kryeprokurori Kabashi, duke filluar që nga kupola e tij, që është Këshilli Prokurorial i Kosovës (KPK).

“Nuk është se KPK, ka degraduar përnjëherë, por gradualisht. Edhe përpara nuk ka qenë në rregull. Këtu i referohem periudhës para ardhjes së ushtruesit të detyrës Hoxha. Ka ndodhur një fuqizim i administratës, i njerëzve rreth ish- kryeprokurorit Kabashi dhe një anashkalim i prokurorëve të tjerë, bile edhe atyre të KPK-së”, ka thënë Morina për Kosova Sot.

Ajo ka akuzuar Sylë Hoxhën se nuk po e kryen punën e vet si duhet dhe se po tenton te ja zgjas vetes mandatin.

“Vetëm detyrën e tij për të cilën është zotuar publikisht, ai nuk e ka bërë, por ka bërë gjithçka që ta zgjasë këtë punë në pafundësi”, ka thënë Morina.

Ndonëse kanë kaluar nëntë muaj nga vrasja e kandidatit për deputet të Partisë Demokratike të Kosovës (PDK), Elvis Pista, ende nuk ka asnjë person të dyshuar për këtë rast.

Zëdhënësi i Policisë së Kosovës, Daut Hoxha, duke folur rreth hetimeve të zhvilluara për rastin e vrasjes së kandidatit për deputet të Partisë Demokratike të Kosovës (PDK), Elvis Pista, ka thënë për “Zëri” se “krejt çka mund të themi është se hetimet në drejtim të zbardhjes së këtij rasti janë duke vazhduar”.

Sipas tij, hetimet intensive janë duke u bërë në konsultim dhe në koordinim të ngushtë me prokurorinë përkatëse.

Ndryshe, kandidati për deputet i PDK-së, Elvis Pista, ishte vrarë me 15 qershor të këtij viti, për motive ende të panjohura.

Dy persona janë arrestuar në Prizren.Arrestimi i tyre është bërë me urdhër të Gjykatës Themelore në Prizren. Policia e Kosovës njofton se njëri prej të arrestuarve është dërguar në burgun e Dubravës,ndërkaq i arrestuari i dytë është liruar.

“Në bazë të urdhëresës së lëshuar nga Gjykata Themelore në Prizren është arrestuar një mashkull K/Shqiptar dhe i njëjti është dërguar në vuajtje dënimi në burgun e Dubravës”,njofton Policia e Kosovës.

Në rrugën “Salajdin Berisha” në Prizren në bazë të urdhëresës së lëshuar nga Gjykata Themelore në Prizren është arrestuar një mashkull K/Shqiptar dhe i njëjti pas kryerjes së obligimeve ndaj gjykatës është liruar”/PrizrenPress.com/.