Lideri i Lidhjes Demokratike të Kosovës, Isa Mustafa ka thënë se momentet e reja imponojnë nevojën për sjellje të re, në mënyrë që Kosova të ketë Kuvendin dhe Qeverinë në ditët e ardhshme.

Ai ka paralajmëruar se këto dy ditë LDK do të mbajë takimet e nivelit më të lartë partiak dhe do të vendosë të ndihmojë që Kosova sa më shpejt të ketë institucionet e saja demokratike në harmoni të interesave të qytetarëve.

Ja postimi i plotë i Isa Mustafës në Facebook:

Lidhja Demokratike e Kosovës ka treguar përkushtimin e saj që me koalicionin paszgjedhor të bëjë ndryshime të nevojshme për qeverisjen e mirë të vendit. Dy rrethana të reja kanë ndikuar që këtij koalicioni t’i vështirësohet arritja e këtyre objektivave. Janë vendimi i Gjykatës Kushtetuese, që i jap të drejtë vetëm PDK-së për të propozuar kryetarin e Kuvendit, dhe kriteret e prezantuara nga Presidentja e Republikës së Kosovës, sigurisht të harmonizuara me partnerët ndërkombëtarë, për kushtet e mandatimit të qeverisë së ardhshme, e që janë shumica, partneriteti ndërkombëtar, dialogu dhe implementimi i marrëveshjeve nga dialogu, përfshirja e komuniteteve në qeverisje dhe listës serbe si dhe gjithëpërfshirja. Koalicioni është zotuar se do ta votojë kandidatin që e propozon PDK-ja për kryetar të Kuvendit, përpos VV, për të hapë mundësi për konstituimin e Kuvendit. Edhe çështjet e tjera jemi të interesuar t’i realizojmë në harmoni me politikat e vendit, brenda sallës së Kuvendit dhe me votën e shumicës. LDK mbetet konsekuente ndaj partnerëve, por po ashtu momentet e reja imponojnë nevojën për sjellje të re, në mënyrë që Kosova të ketë Kuvendin dhe Qeverinë në ditët e ardhshme. Këto dy ditë LDK do të mbaj takimet e nivelit më të lartë partiak dhe do të vendosë të ndihmojë që vendi ynë sa më shpejt të ketë institucionet e saja demokratike në harmoni të interesave të qytetarëve.

Hashim Thaçi, ka qenë urdhërdhënësi kryesor për vrasjen e spiunëve në Kosovë, ka thënë dëshmitari A, gjatë dëshmisë së dhënë të hënën, në gjykimin që po i bëhet grupit “Drenica 2”, i akuzuar për krime lufte.

“Hashim Thaçi i ka dhënë urdhra Sylejman Selimit për me i vra këta njerëz, ku një gjë të tillë është duke e bërë ende”, ka thënë dëshmitari A, para trupit gjykues të Gjykatës Themelore në Mitrovicë.

Duke iu përgjigjur pyetjeve të Gregory Guy Smithit, avokat i Sylejman Selimit, ai rrëfeu edhe se si katër pjesëtarë të UÇK-së i kanë thënë atij se Amerika i paguan ata për t’i vrarë spiunët, shkruan Koha Ditore.

E avokati Smith kërkoi të dijë nëse kjo është e vërtetë.

“Këtu në gjykatë keni thënë se personat të cilët më rrihnin siç pretendoni ju në Likovc kanë thënë se janë të paguar nga Amerika për t’i vrarë spiunët. A keni thënë kështu?”, pyeti avokati i Selimit.

“Po, zotëri”, u përgjigj shkurt dëshmitari A.

“Kush ua ka thënë këtë?”, shtroi pyetjen e dytë për këtë çështje, Smith.
“M’i kanë thënë Sylejman Selimi, Isni Thaçi, Zeqir Demaku dhe Jahir Demaku. Gjithashtu më kanë thënë se i marrin nga 500 marka gjermane në muaj për me i vra spiunët”, deklaroi dëshmitari A.

Dëshmitari tregoi se si Sylejman Selimi dhe tre të tjerë pjesëtarë të UÇK-së i kanë thënë se për vete do të jenë të sigurt edhe nëse luftën e fiton Serbia, dhe se ata do të dërgohen për të jetuar në Gjenevë.

Me kërkesën e kryetarit të trupit gjykues, Darius Silicki, dëshmitari përshkroi dhomën e qendrës së ndalimit në Likovc, duke thënë se aty i pa dhjetë të akuzuarit e këtij procesi.

Të akuzuarit e grupit të “Drenicës 2” janë: Sylejman Selimi, Jahir Demaku, Isni Thaçi, Nexhat Demaku, Zeqir Demaku, Selman Demaj, Driton Demaj, Bashkim Demaj, Agim Demaj dhe Fadil Demaku. Ata akuzohen për krime lufte kundër popullsisë civile gjatë kohës së luftës në Kosovë.

Një trysni e butë ndërkombëtare bëri që spektri politik në Kosovë të bëjë një lëvizje të vogël kah tejkalimi i pikës së parë të krizës, që ka të bëjë me konstituimin e Kuvendit. Përveç Partisë Demokratike të Kosovës, pjesa tjetër e spektrit politik tashmë ka gatishmëri të shprehur që seanca të thirret dhe me zgjedhjen e kryetarit dhe nënkryetarëve të konstituohet Kuvendi.

Por, mbetet të shihet se a do të mjafton një trysni e tillë e butë edhe në rastin e formimit të Qeverisë. Pas gjashtë muajve të ndarjes së dy blloqe, tashmë po krijohet një ambient ku askush më nuk mund të përjashtohet si partner në qeverinë e re. PDK po del nga izolimi, kurse blloku VLAN po përçahet. Analisti i Institutit për Politika Zhvillimore – KIPRED, Albert Krasniqi, ka vlerësuar se ndërhyrja e fundit ndërkombëtare ishte një trysni e llojit të butë nga ajo që jemi mësuar ta shohim në Kosovë.

Ndërhyrjet që përshpejtuan procesin ai i sheh tek deklaratat e ambasadores amerikane, Tracey Ann Jacobson, ambasadorit britanik Ian Cliff, pastaj vizitave të zyrtarëve gjermanë apo edhe raporti i Sekretarit të Përgjithshëm të OKB-së, Ban Ki Moon. “Kemi pasur një ndërhyrje të butë ndërkombëtare, jo aso çfarë jemi mësuar t’i shohim kur ambasadorët kanë ardhur edhe me emra konkretë se kush në cilat pozita do të ulen”, ka thënë Krasniqi…/tribuna/

Heshtja e Hashim Thaçit për më shumë se pesë muaj radhazi duket se tashmë ka filluar t’i japë frytet e saj, pasi që partnerët e koalicionit paszgjedhor VLAN nuk po arrijë t’iu rezistojnë përplasjeve të brendshme.

Lakmia për të marrë postin e kryeministrit është bërë sebep që Blloku VLAN të përçahet dhe t’i numërojë orët e fundit të partneritetit disamujor…/zeri/

Pas LDK-së që mori sugjerimin e degëve të veta që Isa Mustafa të nominohet për kryeministër, edhe degët e AAK-së janë mbledhur të hënën për t’i dhënë mbështetje liderit të tyre, Ramush Haradinaj. Ata janë shprehur të vendosur që të mos e ndryshojnë marrëveshjen e 10 qershorit edhe me çmimin e prishjes së koalicionit. AAK-ja ka bërë përgjegjëse LDK-në në rast se ndodh ndonjë veprim i njëanshëm ndaj marrëveshjes. E LDK-ja e drejtuar nga Isa Mustafa pritet të vendosë përfundimisht sot (e martë) se cila do të jetë e ardhmja e bllokut.

Dy partnerët e tjerë të koalicionit, Albin Kurti i “Vetëvendosjes” dhe Fatmir Limaj i Nismës për Kosovën po bëjnë përpjekjet e fundit për ta shpëtuar koalicionin që për pesë muaj qëndroi bashkë. Të hënën ata kanë zhvilluar një takim me Ramush Haradinajn, por pa ndonjë rezultat. Pozicioni i Haradinajt ka qenë i njëjtë.

Qeverisjen me PDK-në nuk e ka përjashtuar deputeti i AAK-së, Ahmet Isufi. Pas takimit me kryetarët e degëve ai ka thënë se deri në fund do t’i përmbahen marrëveshjes së arritur më 10 qershor.

Nënkryetarja e LDK-së, Teuta Sahatqiu, ka thënë se kjo parti vazhdon të insistojë në rishqyrtimin e marrëveshjes së 10 qershorit, ngase Gjykata Kushtetuese e pamundësoi që ajo të zbatohet në tërësi. Zyrtarë të LDK-së në kushte anonimiteti i kanë thënë gazetës se për LDK-në opsioni i vetëm i pranueshëm është Isa Mustafa kryeministër.

E PDK-ja është duke pritur përçarjen eventuale të bllokut për ta marrë ndonjërën prej partive në koalicion

Deputeti i AAK-së, Pal Lekaj, e ka paralajmëruar LDK-në se nëse nuk e pranojnë Ramush Haradinajn kryeministër, marrëveshja ne 10 qershorit do të prishet.

Lekja ka pranuar se ky subjekt politik do të jetë i hapur të bisedojë edhe me PDK-në për formimin e institucioneve të reja, raporton “Epoka e Re”.

Sipas tij, edhe në negociatat me subjektet tjera politik AAK-ja do të kërkojë që i nominuari për kryeministër të jetë lideri i saj.Ai po ashtu ka thënë se nuk do të presin gjatë reflektimin e LDK-së.

Fatmir Limaj në orët e vona të mbrëmjes është takuar edhe me liderin e LDK-së,Isa Mustafën.

Burime e Gazetës Blic, thonë se pas takimeve që Limaj ka zhvilluar ndaras me liderin e AAK-së, Ramush Haradinajn dhe atë LDK-së, Isa Mustafën, është parë gatishmëria për marrëveshje.