Këshilli Drejtues (KD) i Universitetit të Prishtinës “Hasan Prishtina” do të mblidhet sot (e martë) për të shqyrtuar vendimin e ministrit të Arsimit, Ramë Buja, për pranimin e rreth 1 mijë studentëve që vijnë nga kategoritë e dala nga lufta: familjet e dëshmorëve, të veteranëve e të invalidëve.
Shefkije Islamaj, kryesuese e Këshillit Drejtues, ka thënë për “Zërin” se mbledhja është thirrur për të martën, në ora 16: 00. Sipas saj, vendimi i cili do të merret i takon rektorit, ndërkaq ka thënë se KD-ja vetëm do të diskutojë për problemin e shfaqur…