Asamblisti i Lëvizjes Vetëvendosje! në Prizren, Arbër Rexhaj nuk është habitur me shpenzimet që ka bërë në periudhën e parë të këtij viti “Qeveria e Mujës”.

“Për ne si opozitë nuk është çudi që kjo qeveri harxhon mjete të konsiderueshme për dreka e darka ngase është qeveri e luksit dhe nuk çan kokën për shpenzime enorme”, ka thënë Rexhaj.

Në gjashtë-mujorin e parë të këtij viti nga buxheti komunal i Prizrenit për dreka zyrtare janë shpenzuar afër 64 mijë euro, apo 18 mijë euro më shumë se sa në periudhën e njëjtë të vitit 2013.

Rexhaj thotë se është e patolerueshme që parat e taksapaguesve shpenzohen në mënyrë të panevojshëm kur qyteti përditë e më shumë varfërohet./PrizrenPress.com/

Partia e cila ka fituar zgjedhjet e 8 qershorit, PDK-ja është duke përgatitur dëshmi të reja për lëndën të cilën e ka deponuar në Gjykatën Kushtetuese për seancën konstituive të Kuvendit të Kosovës.

Një burim i mirinformuar në këtë parti, në kushte anonimiteti ka thënë për “Epokën e re” se secili deputet ka të drejtë ta paraqesë komentin e tij para Kushtetutës për seancës e 17 korrikut.

Prandaj, sipas tij, një gjë të tillë do ta bëjnë edhe deputetët e PDK-së për t’i sjell gjykatës dëshmi shtesë.

Një ditë pasi bëri publike gjetjet kryesore të hetimeve gati trevjeçare të ekipit të tij special hetues, ambasadori amerikan Clint williamson, në cilësinë e kryeprokurorit të Task Forcës Speciale insiston se ka dëshmi të mjaftueshme për të ngritur aktakuza ndaj udhëheqësve më të lartë të UÇK-së dhe arsyeton nevojën që procedurat gjyqësore kundër tyre të zhvillohen jashtë territorit të Kosovës.

Në një intervistë ekskluzive dhënë “Kohës Ditore“ williamson thotë se, sikur të ishte e themeluar Gjykata Speciale, ai që tani do të ishte në gjendje të ngrinte edhe formalisht aktakuzën e tillë.

“Është paksa e vështirësitë spekulohet rreth kësaj por mendoj se, sikur të kishte një gjykatë të krijuar ne do të ishim në gjendje që në këtë moment të ngrinim aktakuzat“.

Edhe pse edhe në këtë intervistë heziton të përmendë emrat e atyre që pritet të akuzohen, ai thotë se Task Forca Speciale i di ata emra.

Ajo që edhe pas paraqitjes së tij publike në Bruksel, të martën, mbeti e paqartë, e që ishte edhe detyra e tij kryesore, është dyshimi për trafikim organesh. Williamson në këtë intervistë sqaron se nuk ka thënë se “nuk ka dëshmi për trafikim organesh“, shton se “ka indikacione bindëse që kjo ka ndodhur“ por pranon se konkluzionet e tij janë kryesisht të njëjta me ato të cilat më parë i kishte shprehur Dick Marti në raportin e tij, e para tij dhe ish-kryeprokurorja e Tribunalit te Hagës, Carla del Ponte, në një libër të saj ku kishte shfaqur dyshime se ish-liderë të Ushtrisë Çlirimtare të Kosovës të kenë kidnapuar serbë dhe në territorin e Shqipërisë “ua kishin nxjerrë me dhunë organet për t’i trafikuar“. Mbi këtë çështje edhe pas paraqitjes së Ëilliamsonit mbetet mjegull, edhe pse ai thotë se “beson se kjo ka ndodhur megjithëse në një shkallë më të vogël“.

Kryeprokurori i Task Forcës Speciale përsërit qëndrimin se vetëm jashtë territorit të Kosovës, në një gjykatë speciale, mund të ketë një proces serioz kundër figurave më të larta të UÇK-së dhe se një proces i tillë nuk është i mundur në Kosovë.

Williamson gjatë muajt gusht do të largohet nga ky post, por pohon se hetimet dhe puna e Task Forcës që ai e ka udhëhequr, e të cilën e kishin formuar bashkërisht BE-ja, SHBA-ja dhe disa shtete të tjera nën ombrellën e EULEX-it për të ndriçuar akuzat e ngritura në Raportin e Dick Martiti, do të vazhdojnë.

Nëse qeverinë e re, ka për tu udhëhequr koalicioni LDK, AAK, NISMA. Paret e popullit, nuk kanë me u shpenzuar ma në asfalt, por, në fushat tjera.

Kështu ka thanë anëtari i kryesisë dhe deputeti i Lidhjes Demokratike, Kujtim Shala, në intervistën për televizionin Rrokum.

Shala ka thanë se programi qeverisës, që po përgatitet, asht i fokusuam në zhvillimin ekonomik, investimet në Bujqësi, përmirësimi i dhe investime në Shëndetësi dhe në Arsim.

Shala e ka pranuar se Ramush Haradinaj, kandidati për kryeministër nga koalicioni i ka kërkuar Vetëvendosjes me qenë udhëheqëse e bisedimeve, por më pas e ka ndërruar mendjen.

Sa i përket mundësisë se kushtëzimit nga Lista Serbe, Shala ka thanë se janë të vendosur, mos të bashkëqeverisin me ata që qesin kushte.

Po ashtu, Shala këmbëngulë se në ditën kur u konstituar Kuvendi i Kosovës, shkeljet u banë nga deputetët e PDK-së.

Kujtim Shala ka fol edhe për zhvillimet brenda LDK-së, e që sipas tij, janë të zanë me krijimin e qeverisë dhe nuk po merren me organizimin e zgjedhjeve brenda partisë, që priten me u mbajt në vjeshtën e këtij viti.

Një ditë pasi bëri publike të gjeturat kryesore të hetimeve gati tre vjeçare të ekipit të tij special hetues, Ambasadori amerikan Clint Williamson, në cilësinë e kryeprokurorit të Task Forcës Speciale insiston se ka dëshmi të mjaftueshme për të ngritur aktakuza ndaj udhëheqësve më të lartë të UÇK-së dhe arsyeton nevojën që procedurat gjyqësore kundër tyre të zhvillohen jashtë territorit të Kosovës.

Në një intervistë ekskluzive për “Kohën Ditore“, e cila do të botohet nesër, Williamson thotë se, sikur të ishte në funksion Gjykata Speciale, ai që tani do të ishte në gjendje të ngrit edhe formalisht aktakuzën e tillë.

“Është paksa e vështirë të spekulohet rreth kësaj por mendoj se, sikur të kishte një gjykatë të krijuar ne do të ishim që në këtë moment në gjendje të ngrehim aktakuzat“.

Edhe pse edhe në këtë intervistë heziton të përmend emrat e atyre që pritet të akuzohen, ai thotë se Task Forca Speciale i di ata emra.

“Ne e dimë se kush janë ata persona për të cilët ne mendojmë se janë përgjegjës për këto krime dhe hetimet do të vazhdojnë dhe do të jenë të fokusuara mbi ta. Varësisht se si do të shkojnë hetimet në muajt e ardhshëm, individë tjerë do të mund të përfshihen në atë listë“, thotë Williamson në këtë intervistë, duke përsëritur se nuk do të akuzohet UÇK-ja por individët me përgjegjësi të lartë.

Lidhur me dyshimet rreth trafikimit të organeve, Williamson tha se beson se “këto gjëra kanë ndodhur por nuk ndjehemi në këtë moment se kemi mbledhur prova të mjaftueshme për të pasur një rast në gjykatë. Por kjo pjesë e hetimeve do të vazhdoj dhe, nëse dëshmitë do të shtohen, atëherë jemi të hapur për ti përfshirë edhe këto krime në aktakuzat të cilat do të ngrihen”.