Një ngjarje tragjike ka ndodhur në orët e para të mëngjesit, ku tre adoleshentë kanë humbur jetën pas një aksidenti në afërsi të fshatit Kosovë e vogël në Lushnjë, ndërsa një i katërt ka arritur të mbijetojë.

Mësohet se katër të rinjtë ktheheshin nga një gëzim familjar kur automjeti me të cilin ata po udhëtonin tip “Benz” me targa AA953AZ ka dalë nga rruga duke përfunduar në një kanal ujitës.

Viktimat e aksidentit të rëndë janë M.Rika, 16 vjeç, F.Rika, 17 vjeç dhe S.Sheqi,16 vjeç, i plagosuri mësohet se është Françesko Mara.

Trupat e 3 të adoleshentëve të cilët kanë humbur jetën janë dërguar në morgun e qytetit, ndërsa i plagosuri Françesko Mara është dërguar në spital për të marrë mjekimin e nevojshëm. Ende nuk dihet se në çfarë gjendje shëndetësore ndodhet Mara.

Katër të rinjtë ishin banorë të fshatit Çinar në komunën e Fier-Sheganit, ku sipas policisë,shkak i aksidentit ka qenë shpejtësia e madhe dhe dalja e automjetit nga kontrolli në kthesë.

Sot në orën 13:45 nga lagja Çairçanja në Shkup do të mbahet protesta për rastin Monstra.

Nga këshilli organizativ ftojnë studentët, intelektualët dhe të gjithë shqiptarët nga të gjitha qytetet e Maqedonisë që të mbështesin këto protesta.

“Derisa ky shtet ushtron dhunë mbi pjesën dërmuese të popullatës së saj, derisa ky shtet nuk e respekton ligjin dhe të drejtat e qytetarëve të saj, ne kuptojmë se në këtë shtet një populli të tërë i mohohet e drejta dhe liria e tij, ne besojmë se shteti dhe ligji është në mbrojtje vetëm të një etnikumi. Nëse koncepti i demokracisë është vetëm akt formal në letër dhe shprehje, atëherë vlen të besojmë se pushteti në këtë shtet është centralist me funksionimin e njëjtë të sistemit të dikurshëm diktatorial komunist”, tha Daim Luçi nga këshilli organizativ, transmeton Portalb.

Kryeministri rus, Dmitry Medvedev, e ka nënshkruar një urdhër që e ndalon qasjen anonime në internetin pa kabëll (wireless) në vende publike.

Urdhëri i Medvedevit, i nënshkruar sot kërkon nga përdoruesit e internetit në këtë formë në restorante, parqe, metro dhe vende të tjera publike që të regjistrohen patjetër kur duan të përdorin internetin, transmeton REL.

Qasja do të jetë e mundshme vetëm për përdoruesit me emër të plotë, të konfirmuar nga një letërnjoftim.

Autoritetet ruse e kanë shtrënguar kontrollin e përdorimit të internetit në Rusi.

Qendra amerikane për kontrollin dhe parandalimin e sëmundjeve aktivizoi qendrën e vet të operimit në nivelin më të lartë, si përgjigje ndaj epidemisë më të rëndë në botë të Ebolës.

Drejtori i qendrës, Dr. Thomas Frieden tha të enjten në një seancë me pyetje-përgjigje të Kongresit se qendrat në Afrikën Perëndimore të prekur nga kriza e epidemisë, do të kenë së shpejti 50 ekspertë të sëmundjes. Ai tha se ka besimin se në SHBA epidemia nuk do të përhapet, raporton VOA.

Dr. Frieden tha se epidemia u pëhap atje ku nuk kishte ndodhur kurrë më parë, prandaj njerëzit nuk ishin të përgatitur për të. Ai tha po ashtu se praktikat jo të kujdesshme të kontrollit të sëmundjeve në rajon dhe ato të varrimit të viktimave të prekura prej epidemisë kontribuan tek përhapja e shpejtë e saj.