Kryeministri në largim, Hashim Thaçi, pret të hënën në zyrë një prokuror, i cili po e heton atë për veprime të mundshme të paligjshme që dalin nga raporti i Dick Martyt

Shefi i Task Forcës për hetimin e pretendimeve të raportit të Këshillit të Evropës, prokurori amerikan John Clint Williamson, do ta vizitojë Kosovën pak kohë para prezantimit të gjetjeve të tij që dalin nga hetimi dyvjeçar.

Në Prishtinë kanë konfirmuar ardhjen e prokurorit Williamson, derisa në zyrën e tij në Bruksel mohojnë se ai do t’ia zbulojë gjetjet kryeministrit Thaçi.

“Nuk mund të konfirmoj planet për udhëtimet e ardhshme të ambasadorit Williamson, por pa asnjë fije dyshimi mund të mohoj çfarëdo pretendimi se do t’i paraqesim gjetjet tona në mënyrën se si sugjeroni ju”, ka thënë për “Kohën Ditore” zëdhënësi i Task Forcës, Joao Sousa, teksa i është përgjigjur pyetjes nëse do t’ua prezantojë gjetjet autoriteteve kosovare.

Pas seancës konstituive të legjislaturës V të Kuvendit të Republikës së Kosovës, është bërë dorëzim-pranimi detyrës së kryetarit të Kuvendit.

Kryetari i deritashëm i Kuvendit, Jakup Krasniqi, i dorëzoi detyrën kryetarit të sapozgjedhur, Isa Mustafa, të cilit njëherësh i uroi zgjedhjen në këtë funksion dhe i dëshiroi suksese në krye të legjislativit të vendit.

Kryetari i ri, Mustafa, ndërkaq, e përgëzoi kryetarin e deritashëm Krasniqi, për punën dhe menaxhimin e Kuvendit gjatë dy mandateve legjislative. /Telegrafi/

Ramush Haradinaj ka dhënë shenjat e para se është e pamundshme një marrëveshje me Vetëvendosjen. Ai ka thënë se kanë dallime të pakapërcyeshme me Partinë e Albin Kurtit.
Këto komente, Haradinaj i ka bërë pas seancës së Kuvendit të Kosovës, ku është votuar për Kryetar të Parlamentit.

“Unë kam treguar disa herë si ta gjejmë zgjidhjen. E kam parë që i kemi disa dallime ndoshta të pakapërcyeshme. Ideja ime ka qenë që ta bëjmë një dakordim në parime të përgjithshme – ku nuk prishen, ndërsa t’i lihet e drejta Vetëvendosjes që të ketë mendim të ndarë në disa tema. Përndryshe, është e pamundshme për ta gjetur një dakordim të ndërsjelltë”, ka thënë Haradinaj,transmeton express.

Haradinaj ka treguar se Vetëvendosje kishte propozuar dy dokumente të ndryshme në të cilat Vetëvendosje ka pasur dy qëndrime.

“Edhe unë kamë pasur informatë se ka lëvizur për mirë puna mbrëmë dhe sot në mëngjes kam qenë në takim. Megjithatë, ka pasur dy dokumente: për njërin dokument, njëra palë kishte rënë dakord, për tjetrin ishte pajtuar pala tjetër. Nuk mundëm që t’i bëjmë bashkë në një dokument. Në një dokument që na është prezantuar prapë ka qenë i pranueshëm, mirëpo është parë që po punojnë me dy dokumente të ndryshme. Nuk kemi mbërritur ende te kuota, unë kam menduar se duhen dakordime të përgjithshme dhe Vetëvendosje ta kërkojë votën e vetë për qeverisje, mirëpo ende nuk kemi mbërritur tek kuota”, ka shtuar ai.

Hashim Thaçi ka pësuar sot një debakël në Kuvend, ku ai pau se pas shtatë vitesh të udhëheqjes së mazhorancës, ka ngelur me vetëm 44 deputetë që e mbështesin.

Ndërkohë, Blloku kundër tij ka numra edhe për ta ndryshuar Kushtetutën, 82 deputetë.

Kjo natyrisht se është kapur nga qytetarët të cilët kanë filluar ta tallin atë dhe selfiet e tij të famshme.

Ja njëra nga to, më e freskëta.

Drejtoria e Inspektorateve në Prizren, ka vazhduar me rrënimin e ndërtimeve pa leje. Aksioni i rrënimeve sot është realizuar në rrugën “Xhemil Fluku”.

Inspektorët janë penguar fillimisht nga pronarët e shtëpive pa leje, të cilët janë arsyetuar se posedojnë dokumente të rregullta pronësore dhe se nga ky aksion ata po ndëshkohen pa arsye.

Përkundër disa përpjekjeve jo aq kundërshtuese të pronarëve të objekteve për të penguar këtë aksion,pas disa minutave, inspektorët dhe policia urdhëruan pronarët e këtyre objekteve për të larguar pajisjet shtëpiake dhe gjësendet tjera në afat kohor prej 30 minutash,pasi që urdhri për rrënim do të ekzekutohet.

Pas më shumë se 30 minutash,aksioni për rrënim u ndërmor nga kompania e kontraktuar.
Drejtori i inspektorateve,Bedri Bytyçi,tha se vendimi i Drejtorisë së Urbanizmit për rrënimin e objekteve pa leje do të intensifikohet edhe në zonat e tjera.

“Më shumë ka qenë komuna palë e dëmtuar se sa pronarët e këtyre objekteve,të cilët që disa vite nuk kanë përmbushur asnjë detyrim ndaj institucioneve për shfrytëzimin e hapësirave publike”, tha Bytyçi./PrizrenPress.com/

Veprimtari i çështjes kombëtare, Adem Demaçi, nuk ka dashur të komentojë zgjedhjen e Isa Mustafës, si kryetar i Kuvendit të Kosovës dhe zhvillimet e sotme në legjislativ.

I kontaktuar, ai nuk ka dashur të flasë për këtë, duke vlerësuar se dëshiron t’i shoh ende zhvillimet e fundit.

“Po kam qejf ende me i pa këto zhvillimet, nuk dua t’i komentojë njëherë”, ka thënë Demaçi. /Indeksonline/

Kryetari Partisë Demokratike të Shqipërisë, Lulzim Basha i ka dërguar urime kreut të LDK-së, Isa Mustafa pas zgjedhjes në krye të Kuvendit të Kosovës.

Ja urimi i plotë i Bashës për Mustafën:

Në emrin tim dhe të Partisë Demokratike dua ti shpreh urimet më të përzemërta kryetarit të ri të Kuvendit të Kosovës, zotit Isa Mustafa.

Shpreh bindjen se ligjvënësit kosovare nën drejtimin e zotit Isa Mustafa do të arrijnë të orientojnë drejt rrugët e zgjidhjes së çështjeve që u shërbejnë interesave të të gjithë qytetarëve të Kosovës për zhvillim ekonomik, punësim dhe mirëqenie për konsolidimin e demokracisë dhe integrimin evropian dhe euroatlantik.

Duke i uruar suksese Kryetarit të ri të Kuvendit, jam i sigurt se me urtësinë dhe përvojën e tij zoti Isa Mustafa do të arrijë ti japë një dimension të ri parlamentarizmit në Kosovë duke vijuar në rrugën e progresit dhe zhvillimit.