Ish-kryetari i Rahovecit, Smajl Latifi do të jetë kandidat i AAK-së, për deputet të Parlamentit të Kosovës.

“Po ju njoftoj se jam njëri ndër kandidatët e AAK-së për deputet në Kuvendin e Kosovës”,ka shkruar Latifi në Facebook”.
Ai i ka ftuar votuesit që bashkarisht të punojnë për ndërtimin e shtetit të Kosovës.

“Le të punojmë së bashku që të fitojmë të drejtën dhe mundësinë për t’i shërbyer me përkushtim, vullnet, drejtësi dhe vendosmëri popullit dhe vendit tonë,që ta ndryshojmë Kosovën e sotme, për një të nesërme më të mirë për njerëzit e këtij vendi”

“Le të punojmë së bashku për të hapur frontin e madh të punës për të papunët, për zhvillimin e përshpejtuar ekonomik, për mirëqenien e qytetarëve tanë”.

“Le të punojmë së bashku për të fituar këtë betejë shumë të rëndësishme për Kosovën duke qenë ballëlartë në kërkim të besimit tuaj, që t’i japim së bashku drejtim të ri ecjes së saj drejt së ardhmes më të mirë”.

“Le të punojmë së bashku me ju që të fitojë nderi, krenaria dhe dinjiteti njerëzor e kombëtar.Unë kam vullnet të madh dhe vazhdoj përpjekjen për të mirën tuaj”.

“Jam plotësisht i bindur se Kosova e meritoni një qeverisje tjetër, ashtu siç besoj shumë se Kosovës dhe popullit të saj do t’i jep drejtimin e ri platforma qeverisëse, energjia, guximi dhe vullneti i z. Ramush Haradinaj.
Besimi juaj ndaj nesh – përgjegjësi dhe detyrim ndaj jush! “/PrizrenPress.com/

Kryetarit të Prizrenit, Ramadan Mujës, javën e ardhshme do t’i dorëzohet aktgjykimi nga Gjykata Themelore në Prizren.

EULEX-i ka konfirmuar se aktgjykimi i shkruar për kryetarin Ramadan Muja dhe pesë bashkëpuntorëve të tij do të publikohet javën e ardhshme, saktësisht deri më 13 maj.

“Afati i fundit ligjor për publikimin e vendimit është 13 maji, pas zgjatjes së tij nga i autorizuari, udhëheqësi i gjykatës. Vendimi do t’u shpërndahet së pari palëve, para se të publikohet”, thuhet në përgjigjen e EULEX-it.
Kryetari i Komunës së Prizrenit, Ramadan Muja, në muajn mars të këtij viti është shpall fajtor dhe është dënuar me dy vjet burgim me kusht nga një trup gjyqësor i EULEX-it në Gjykatën Themelore të Prizrenit.

Bashkë me Mujën fajtor janë shpallur edhe pesë ish-drejtorë të tij, të mandatit të kaluar, por ata janë dënuar më pak se sa shefi i tyre.

Pala mbrojtëse e të akuzuarëve ka paralajmëruar ankesë, ndërsa nëse vendimi i shkallës së parë konfirmohet nga Gjykata e Apelit, atëherë në Prizren duhet të zhvillohen zgjedhjet e jashtëzakonshme për kryetar të komunës./PrizrenPress.com/

Jakup Krasniqi nëpërmjet rrjetit Facebook, ka kërkuar nga qytetarët në Drenicë dhe në gjithë Kosovën që të kenë kujdes se për kënd votojnë.
Sipas tij, vota edhe e Drenicës dhe e çdo qytetari të Kosovës duhet të jetë: për mendimin e lirë; për fjalën e lirë; për të shprehurit e lirë e pa asnjë frikë, si ia thotë mendja e ia don zemra e gjithë se cilit që do të kontribuoj me votën e tij.

Më poshtë është teksti i plotë i Jakup Krasniqit shkruar në Facebook:

Vota edhe e Drenicës dhe e çdo qytetari të Kosovës duhet të jetë:
1. Për mendimin e lirë;
2. Për fjalën e lirë;
3. Për të shprehurit e lirë e pa asnjë frikë, si ia thotë mendja e ia donë zemra e gjithë se cilit që donë të kontribuoj me votën e tij në ndërtimin e Shtetit të se drejtës.

Këto gjëra të shenjta që i kemi fituar me luftë e flijime të shumta mos te pranojmë të na i rrëmbej askush. Këto janë shenjat më të dukshmet e më të parat e Demokracisë. Kur mungojnë këto, liria e demokracia kanë pushuar se ekzistuari. Askush nuk duhet të lejoj që ta hupë atë që e kemi fituar me flijime të shumta njerëzore e materiale.

Qytetari ynë, i cilës do pjesë të Kosovës duhet t’i thotë jo çdo forme të frikësimit, të shantazhit a çdo presioni tjetër. Këto metoda të punës janë ANTIDEMOKRATIKE, janë Antiliri, Antidrejtësi, Antizhvillim si dhe Antiintegrim në BE. Janë, anti, anti, anti ………
Abraham Linkolni për votën thoshte: “Në luftë me pushkë (armë) e vret armikun. Në Demokraci me votën tende e vret ardhmërinë e fëmijëve tu”.

Kujdes Drenicë e Kosovë se ku po e hedhni votën Tuaj! Kujdes!

As Drenica e as Kosova nuk duhen që me votën e tyre ta vrajën ardhmërinë e Fëmijëve tanë – Shtetin e së Drejtës, shtetin e drejtësisë sociale, shtetin e sigurisë për jetën, nderin e punën, për shtetin e zhvillimit ekonomik e të dinjitetit kombëtar e njerëzor.
Votoni për atë që ia keni Besën! Aty ku ju flenë zemra Ju! Aty është Liria, Demokracia e Sotmja dhe Ardhmëria!

Mashtrimit e mashtruesve thonju mjaftë, se tradhti mbi tradhtitë është grabitja e pasurisë kombëtare, marrëveshjet e dëmshme për vendin, rrenimi i Sistemit të Drejtësisë, qeverisja me të padijshëmitë, me mashtruesit, me profiterët, matrapazët, me njerëzit e trafikuar si dhe me servilët e ligjë që u vardisën pushtetarëve të ndryshëm. A nuk i kemi parë këta lloj njerëzish edhe para luftës çlirimtare?!

Kuvendi i Kosovës gjatë punës së tij, jo rrallë herë është sfiduar nga vota e dyfishtë e pakicës. Së fundmi ka qenë bllokimi i votimit për shndërrimin e FSK në Forca të Armatosura. Mbase me këtë sfidë pritet të përballet edhe legjislatura e ardhshme, pasi kjo është njëra ndër shtyllat më të forta të pakos Ahtisaari, mbi të cilën është hartuar Kushtetuta dhe procedura për ndryshimin e saj është e vështirë.

Kushtetuta e Kosovës nuk parasheh largimin e njëanshëm të votës së dyfishtë. Arsim Bajrami nga PDK dhe njëri ndër hartuesit e Kushtetutës së Kosovës thotë se votimi i dyfishtë është një nga shtyllat më të fuqishme të pakos së Ahtisaarit dhe cilido sfidim i kësaj shumice duhet të bëhet me procedura kushtetuese.

“Cila do legjislaturë e re do të ballafaqohet me problemin e shumicës e dyfishtë dhe nëse ka një vullnet politik për ta mënjanuar si instrument i bllokimit atëherë kjo duhet të bëhet në koordinim jo në mënyrë antikushtetuese, sepse ndryshimi i Kushtetutës bëhet vetëm, me procedurën të cilën e ka paraparë Kushtetuta . Pra nuk ekziston mundësia që njëanshëm të hiqet shumica e dyfishtë ajo mund të relativizohet, apo të zbutet vetëm mbi bazën e një votimi të dy te tretave të shumicës por gjithmonë edhe me dy të tretat e pakicës kur është në pyetje Kushtetuta”, tha Arsim Bajrami.

Edhe Armend Zemaj nga LDK nuk përjashton mundësinë që në të ardhmen kjo të ndryshohet për të mirën e vendit dhe të të gjitha komuniteteve në përgjithësi.

“Ne kemi një shtet i cili është krijuar mbi bazën e një marrëveshjeje ndërkombëtare e cila e ka emrin pako e Ahtisarit, kjo nuk është e lehtë dhe jemi të vetëdijshëm që në të ardhmen e afërt, duhet të konsiderohet si diçka e cila duhet ti hyjë një procesi të ndryshimit, për shumë arsye. E para: Kosova nuk është në gjendjen e viteve të pasluftës, e dyta ; institucionet janë të krijuara me të gjithë mekanizmat e saja dhe të drejtat e minoriteteve janë prej standardeve më të mira ndërkombëtare dhe si temë tjetër është që duhet eliminimi i dyfishtë do të shkojë në të mirë të vendit dhe në të mirë të komuniteteve dhe në të mirë të qytetarëve në përgjithësi”, tha Zemaj, transmeton RTK.

Për Myzejene Selamnin nga AKR çdo ndryshim varet nga marrëveshja paraprake politike.

“Aty ka mundësi të plotësohet apo ndryshohet mirëpo prapëseprapë ajo shkon me marrëveshje politike në mes të gjithë partive politike që janë në Kuvend të Kosovës. Nuk guxojmë të luajmë ashtu për arsye që ne po mundohemi që ti integrojmë të gjithë serbët dhe të gjitha minoritetet në institucione dhe marrëveshja me Serbinë është bërë që edhe pjesa veriore të integrohet”, tha Selmani.

Edhe Ardian Gjini nga AAK thotë se secili vend përcakton mundësinë e ndërrimit të Kushtetutës edhe pse kjo është procedurë e vështirë në rrethanat e Kosovës.

“Kushtetuta e përcakton saktë se cilat janë mënyrat për me u ndërru kushtetuta. Gjitha kushtetuta e përcaktojnë kështu njëjtë. Për me u ndërru ajo prapë duhet të përdorën dy të tretat e dyfishta. Gjithmonë e kemi ndëgju që demokracia është e vështirë edhe e ngadalshme, ne jemi dëshmitarë që është ashtu, por me qenë më funksionale, njerëzit duhet të angazhohen më shumë sidomos ata që janë në pushtet. Nëse mungon angazhimi i njerëzve në pushtet nuk mund të ketë funksionin më institucioneve”, thotë Gjini.

Kurse Visar Ymeri nga Lëvizja Vetëvendosje thotë se vota e dyfishtë i ka bërë shumë dëme Kuvendit të Kosovës prandaj Kushtututa duhet të ndërrohet.

“Është e qartë se Kushtetuta e Kosovës po shihet për çdo ditë me disa prej neneve dhe mekanizmave që i ka të përbrendësuar nga plani i Ahtisaarit do të jetë pengese e vazhdueshme e funksionalizimit të Kosovës dhe rrjedhimisht që kjo kushtetutë për tu bërë taman e Kosovës dhe qytetarëve të saj duhet të ndryshohet. Lëvizja vetëvendosje e ka edhe në alternativën e vet të qeverisë dhe insiston që Kushtetuta e Republikës së Kosovës duhet të jetë kushtetutë që garanton këtë barazinë e qytetarëve edhe karshi votës edhe karshi institucioneve”, tha Ymeri.

Ymeri tha se në praktikë, vota e dyfishtë e la Kosovën edhe pa Forca të Armatosura, prandaj, sipas tij, Neni dy pika dy e Kushtetutës parasheh mbajtjen e një referendumi për ndryshimin e Kushtetutës. /rtk/T

Për tetë ditë, Policia e Kosovës ka shqiptuar 9 mijë e 658 gjoba trafiku. Por, të gjithë ata që mendojnë se këto gjoba janë dhënë vetëm për tejkalim shpejtësie nga ana e vozitësve, atëherë gabojnë.

Si asnjëherë më parë, Policia e Kosovës nga 1 maji dhe në vazhdim është duke zbatuar me përpikëri aksionin ‘Java e sigurisë’,shkruan Tribuna

Policia thotë se aksioni nuk ka për qëllim ndëshkimin e pjesmartrësve në komunikacion, por vetëdijësimin e tyre për rëndësinë e sigurisë në rrugë