Në kuadër të vizitës zyrtare në Rumani, kryetari i Kuvendit të Republikës së Kosovës, Jakup Krasniqi, po merr pjesë në sot punimet e Asamblesë Parlamentare të shteteve të Evropës Juglindore, në të cilën po marrin pjesë kryetarë të parlamenteve të vendeve të rajonit: Rumanisë, Shqipërisë, Kosovës, Greqisë, Malit të Zi, Kroacisë, Turqisë, Bullgarisë.

Me këtë rast, kryetari i Kuvendit të Republikës së Kosovës, i është drejtuar Asamblesë me një fjalim, të cilin po e publikojmë në tërësi:

Dëshiroj të shpreh kënaqësinë time për prezencën në këtë ngjarje të rëndësishme të themelimit të Asamblesë Parlamentare, në kuadër të Procesit të Bashkëpunimit të Evropës Juglindore. Kjo Asamble Parlamentare është rezultat dhe institucionalizim i vullnetit dhe angazhimit të vendeve themeluese në një proces të gjatë që nga 1996, për fqinjësi të mirë, stabilitet, siguri, mirëkuptim dhe bashkëpunim, sidomos në dimensionin parlamentar, në Evropën Juglindore.

Kuvendi i Kosovës nuk ka qenë pjesë e këtij procesi të rëndësishëm për rajonin tonë, por e kemi përcjellë me vëmendje zhvillimin e tij dhe kurorëzimin me themelimin e Asamblesë Parlamentare, pikërisht në mandatin e kryesimit të Rumanisë, kryeqyteti i së cilës na ka bashkuar në këtë eveniment.

Megjithatë, ne jemi angazhuar fuqishëm, që në një formë a tjetër ta kompensojmë këtë mungesë në proces. Kuvendi ynë tashmë ka një përvojë të mirë dhe të gjatë të bashkëpunimit me Parlamentin Evropian, (nëpërmjet të takimeve të rregullta vjetore, të konferencave të ndryshme, të pjesëmarrjes në seminaret që ai organizon për anëtarët e parlamente të paranëtarësimit), me Asamblenë Parlamentare të Këshillit të Evropës, Asamblenë Parlamentare të NATO-s (në sesionet e saj të rregullta, në mbledhjet e komiteteve dhe seminarin parlamentar), Konferencën e kryetarëve të parlamenteve të Ballkanit Perëndimor (Konferenca e fundit në Budapest, në shtator të vitit të kaluar), Seminarin ndërparlamentar (Sofje e Bullgarisë, mars 2014), Takimet e Konferencës së Komisioneve Parlamentare për Integrim Evropian të vendeve pjesëmarrëse në Procesin e Stabizimim Asociimit (COSAP), (Shkup, 25.11.2013 dhe Sarajevë, 22 mars 2013), Takimet në Rrjetin e Komisioneve Parlamentare për Ekonomi, Financa dhe Integrime Evropiane të Ballkanit Perëndimor etj. Me një diplomaci të mirëfilltë parlamentare, ne kemi vendosur marrëdhenie bilaterale ndërparlamentare me vende fqinje dhe me shumë vende të botës, me të cilat bëjmë shkëmbim të përvojës, dialog dhe bashkëpunim. Qëllimi ynë parësor ka qenë dhe mbetet bashkëpunimi rajonal ndërparlamentar, shkëmbimi i përvojave në fushën e legjislacionit dhe harmonizimit të tij me acquis të Bashkimit Evropian, formave të bashkëpunimit lidhur zhvillimin e kapitalit njerëzor etj. Në këto fusha jemi mbështetur bujarisht edhe nga donatorë të shumtë gjatë viteve.

Kosova tashmë ka mbyllur negocimin e Marrëveshjes së Stabilizim-Asocimit me Bashkimin Evropian. Pritet që kjo Marrëveshje të nënshkruhet deri në fund të vitit vijues, për t’u hapur rruga e aplikimt të Kosovës për statusin e kandidatit në Bashkimin Evropian.

Duke përshëndetur Asamblenë Parlamentare të Procesit të Bashkëpunimit të Evropës Juglindore dhe duke i uruar punime të mbara e të suksesshme, shpreh vullnetin dhe kërkesën e Kosovës që të bëhet pjesë e procesit të bashkëpunimit të Evropës Juglindore dhe të Parlamentit tonë për të qenë anëtar i kësaj Asambleje Parlamentare.

Inkuadrimin e Kosovës në këtë proces dhe në iniciativa e institucione parlamentare, rajonale e botërore e ka lehtësuar edhe dialogu midis Kosovës dhe Serbisë. Ky dialog, i lehtësuar dhe mbështetur nga Bashkimi Evropian dhe baronesha Eshton, ka rezultuar me një varg marrëveshjesh, të cilat synojnë normalizimin e raporteve midis këtyre dy vendeve. Dialogu dhe marrëveshjet janë mënyra më e mirë, madje e vetme për të zgjidhur çështjet e hapura bilaterale, për normalizimin e marrëdhënieve dhe për stabilizimin e rajonit tonë.

Ne i çmojmë lart rolin dhe synimet e Asamblesë Parlamentare, e cila pa dyshim do t’u kontribuojë bashkëpunimit të gjithanshëm e në veçanti atij ndërparlamentar në Evropën Juglindore, paqes e stabilitetit në rajon e në Evropë, harmonizimit të kornizës ligjore të vendeve anëtare, shkëmbimit të përvojave të avancuara, vendosjes së raporteve të shëndosha me iniciativat, forumet dhe institucionet tjera rajonale, zhvillimit demokratik e ekonomik, avancimit të zgjedhjeve të lira, të drejta dhe transparente, respektimit të drejtave universale të njeriut dhe të komuniteteve pakicë, komunikimit më të mirë dhe bashkëpunimit efektiv me institucionet e Bashkimit Evropian e zbatimit të standardeve evropiane legjislative, përparimit të agjendës integruese evropiane etj.

Në punimet e Asamblesë, delegacioni ynë do të jetë i gatshëm të kontribuojë me diskutimet për ekonomi, infrastrukturë, energji, drejtësi, punë të brendshme, bashkëpunim në fushën e sigurisë si dhe në çështjet për zhvillim social, arsim dhe shkencë.

Nisma për Kosovën e ka zyrtarizuar edhe Forumin e Gruas së Nismës, ku kryetare e saj do të jetë Valdete Dushica-Bajrami. Me këtë rast u tha se zëri i gruas së Nismës do të jetë i pandarë nga zëri i mashkullit. Kryetari i Kryesisë së Nisma për Kosovën Fatmir Limaj, tha se ata do të krijojnë mundësi të barabarta në vendimmarrje, për të qenë në shërbim të Kosovës dhe qytetarëve të saj.

E, kryetarja e Forumit të Gruas së Nismës për Kosovën, Valdete Dushica-Bajrami, tha se gjinia femërore zotëron potenciale që i duhen jo vetëm politikës, por edhe shtetit për zhvillimin e mëtejshëm të vendit.

Ajo tha se nuk mund të flitet për pjesëmarrje të gruas në politikë, në mënyrë të shkëputur, pa folur për pjesëmarrjen e saj në jetën ekonomike, politike dhe sociale, pa folur për dhunën ndaj grave dhe të drejtave të tyre në shoqërinë kosovare.

“Nisma për Kosovën si një alternativë e re politike në vend, ka për qëllim që jo vetëm gruas por të gjithë qytetarëve të vendit t’i ofrojë një mënyrë tjetër të të bërit politikë, një vizion që ta kthej qeverisjen e vendit në duart e profesionistëve, të njerëzve të ndershëm dhe të dëshmuar në punën e tyre përkatëse. Vizioni ynë është që gruaja të ketë mundësi të barabarta në vendimmarrje që vendimmarrja të bëhet në mënyrë transparente dhe duke u bazuar në ligjin për barazi gjinore. Ne zotohemi për zbatim të përpiktë të legjislacionit për të drejtat e grave”, tha ajo.

Ndërsa, në anën tjetër , kryetari i kryesisë së Nismës për Kosovën, Fatmir Limaj, tha se zëri i gruas do të jetë i pandarë në shërbim të Kosovës. Limaj tha se Kosova vuan nga mungesa e barabartë mes burrave dhe grave, por sipas tij, Nisma do të jep mundësi të barabartë.

“Kryesia e Nisma për Kosovën është gjithëpërfshirëse, si për nga mosha, ashtu edhe për nga profesioni, po ashtu edhe nga qytetet e Kosovës. Kjo tregon me së miri se zëri i gruas së Nismës do të jetë i fuqishëm edhe brenda Nismës për Kosovën, por ju siguroj që do ta kenë mbështetjen e fuqishme kudo që do të jetë zëri i Nismës, e zëri i Nismës do të jetë i pandarë, nuk do të ketë më zë të mashkullit dhe të femrës, por do të jetë zëri i Nismës për Kosovës në shërbim të gjithë qytetarëve të Kosovës”, tha Limaj.

Ai me tutje tha se e përbashkëta e Nisma për Kosovën dhe gruas është humanizmi, sepse Nisma është krijuar për të ndihmuar njerëzit e nevojshëm, njerëzit që kanë nevojë, njerëzit që vazhdimisht janë të lënë anash, të pambrojtur, të pandihmuar dhe që kanë nevojë për t’i zgjidhur problemet.

Kryeministri në detyrë, Hashim Thaçi tha se gjatë mandatit të ardhshëm qeverisës, Kosova do të anëtarësohet në NATO dhe në BE.
Gjatë një takimi me banorët e fshatit Barilevë, Thaçi, theksoi se në mandatin e ardhshëm do të ketë më pak politikë e më shumë zhvillim ekonomik. Ai shprehu bindjen se PDK-ja do ta udhëheq Qeverinë edhe në mandatin e ardhshëm katërvjeçar.

Kryeministri i Kosovës Hashim Thaçi ka provuar ta vozis traktorin dhe të mbjell patate në fshatin Barilevë afër Prishtinës. Ai vizitoi fermerin Besim Rexha, i cili merret me kultivimin e patates. Thaçi shprehu zotimin për mbështetje për të gjithë fermerët e Kosovës.

“Qeveria e Kosovës për katër vjetët e ardhshëm ka menduar dhe planifikuar që t’i ndajë 500 milionë euro për fermerët e Kosovës, investime këto që do të ndikojnë në rritjen e këtij biznesi, fuqizimin e këtij biznesi, rritjen e prodhimit, hapjen e vendeve të punës dhe pagesat edhe më të mira”, u shpreh Thaçi.

Kreu i Qeverisë vizitoi edhe biznesin tjetër të familjes Rexha, fabrikën për prodhimin e kubëzave “RUB”. Edhe aty, Thaçi theksoi se nga fondi për punësim prej 1.5 miliard eurosh, do të përfitojnë të gjitha bizneset.

“Bizneset çfarë i vizituam sot do të mund të jenë përfituese potenciale, duke pasur edhe performancën e mirë dhe do të mund të zgjerohen më tepër, do të mund të krijojnë edhe vende të reja të punës. Natyrisht duke i paguar edhe punëtorët shumë mirë”, u shpreh Thaçi.

Kryeministri Thaçi mbajti edhe një takim me banorët e Barilevës, ku shpalosi pjesë nga platforma e PDK-së, “Misioni i Ri”. Ai tha se në mandatin e ardhshëm do të ketë më pak politikë e më shumë zhvillim ekonomik, porse për vendimet e rëndësishme ekonomike i nevojitet një mazhorancë me e fuqishme.
“Vetëm një lidership që ka guxim, që ka shpresë dhe optimizëm dhe që beson në suksesin e vendit dhe shoqërisë, mund ta çojë përpara këtë proces”, u shpreh Thaçi.

Kreu i Qeverisë dhe i PDK-së, Hashim Thaçi shprehu bindjen se do ta qeverisë vendin edhe gjatë mandatit të ardhshëm, ndërsa theksoi se ai do të jetë mandat i anëtarësimit të Kosovës në NATO dhe në Bashkimin Evropian.

Shtabi zgjedhor i Degës së PDK-së në Prizren, me prezencën e nënkryetarit të PDK-së, Enver Hoxhaj, kryetarit të Degës së PDK-së në Prizren Minir Krasniqi dhe Shefit të Shtabit Zgjedhor Hasan Hasani, sot gjatë ditës ka mbajtur takim me kryetarët e nëndegëve.

Në këtë takim është diskutuar lidhur me përgatitjet rreth zgjedhjeve nacionale të cilat do mbahen me datën 8 qershor 2014.

Nënkryetari i PDK-së,Enver Hoxhaj, para kryetarëvë të nëndegëve, ka elaboruar për të gjitha përgaditjet, të cilat janë bërë nga niveli qendror i PDK-së, për fitoren e radhës së Partisë Demoratike të Kosovës në zgjedhjet nacionale.

Ai ndër tjera ka përmendur edhe të arriturat e shumta të qeverisë të udhëhequr nga Kryeministri Hashim Thaçi, duke potencuar rritjen e pagave për të gjitha sektorët për 25 %, hapjen e Universitetit në komunën e Prizrenit, përfundimin e autostradës së Kombit e shumë projekte të rëndësishme të cialat janë realizuar gjatë këti mandati qeverisës.

Shefi i Shtabit zgjedhor të PDK-së në Prizren, kërkojnë nga kryetarët e nëndegëve që të vazhdojnë me angazhimet e tyre në teren, duke i takuar të gjitha strukturat dhe aktivistët e PDK-së .

Hasan Hasani, shef i Shtabit zgjedhor i PDK-së në Prizren,, ka përrcjellur qëndrimin e kryesisë së degës, që të fillohet me diskutime me struktura për të nxjerr propozimet për deputet të ardhshëm në Parlamentin e Kosvovës, ku më pas do sjellin në kryesinë e degës për miratim.

Kryetari i degës së PDK-së në Prizren, gjatë fjalës së tij para kryetarëve të nëndegëve ka thënë se shtabi zgjedhor i PDK-së, ka zhvilluar 30 takime duke i vizituar të gjitha nëndegët, ku janë takuar rreth katër mijë anëtarë dhe simpatizantë të PDK-së.

Gjithashtu ai ndër tjera tha se janë formuar edhe trupat koordinuese si dhe nënshtabet zgjedhore nëpër të gjitha nëndegët.

Nga ana e kryetarëve të nëndegëve është raportuar për të gjitha aktivitetet që janë ndërrmarrë nëpër nëndegë, dhe kanë raportuar para kryesisë së degës, ku është thënë se sipas analizës së bërë në teren vërehet vullnet dhe përkushtim i madh i strukturave në mbështetje të platformës politike të PDK-së dhe kryeministrit Hashim Thaçi.

Dega e AAK-së në Prizren, ndonëse zgjedhjet nacionale mbahen për kohë të shkurtë është e mobilizuar për përgatitje sa më të mira për zgjedhjet e 8 qershorit. Lulëzim Kabashi, kryetar i Degës së AAK-së, thotë se koha deri me 8 qershor do të shfrytëzohet makismalisht.

Kabashi thotë se synim i Degës së AAK-së është përfaqsimi në Parlament i Prizrenit nga Dega e AAK-së.

“Këtë e garanton lista e Degës së AAK-së nga Prizreni, e cila do t’i ketë së paku pesë kandidatë”, thotë Kabashi për TVO.

Ai  tha se shumë shpejt do të bëhen publike emrat e kandidatëve të AAK-së nga Prizreni që do të jenë në listën e këtij subjekti politikë në zgjedhjet e 8 qershorit./PrizrenPress.com/

Zyrtarët e Degës së Partisë Demokratike në Prizren janë optimist se edhe në zgjedhjet e 8 qershorit subjekti i tyre politik, do të dalë fitues në këtë qytet.

Zëdhënësi i PDK-së në Prizren, Smir Hoxha thotë se PDK-ja është mobilizuar për të siguruar fitoren e radhës.

“Dega e PDK-së në Prizren, ka takuar më shumë se 4000 anëtarë nga të cilët ka kërkuar mobilim për fitoren e redhës”, tha Hoxha për TVO.
Sipas tij, Dega e PDK-së në Prizren, ka zgjedhur edhe kreytarin e Shtabit Zgjedhor për zgjedhjet e 8 qershorit
“Hasan Hasani është zgjedhur kryetar i Shtabit Zgjedhor për zgjedhjet e ardhshme”, tha Hoxha.
Sipas tij, në ditët në vijim PDK-ja do të zgjerohet edhe me nënshtabe zgjedhore./PrizrenPress.com/

Lidhja Demokratike e Kosovës akuzon kryeministrin në largim, Hashim Thaçi, për nisjen e fushatës parazgjedhore, para afateve të përcaktuara me ligj, duke vlerësuar se kjo është shkelje e rëndë e rregullave demokratike.
LDK-ja gjithashtu e ka akuzuar kryeministrin për keqpërdorim të fondeve publike për qëllime partiake dhe promovime grupore e personale.

“Publikimi i panove ditën e shtunë me imazhe elektorale, janë shkelje e rëndë e rregullave demokratike dhe keqpërdorim i parave të taksapaguesve kosovarë”, thuhet në reagimin e LDK-së.

LDK i bën thirrje Komisionit Qendror të Zgjedhjeve dhe institucioneve tjera relevante që merren me organizimin e zgjedhjeve që të parandalojnë veprime të tille, të cilat cenojnë një proces zgjedhor i cili pasqyron vullnetin e qytetarëve të Kosovës.

LDK-ja i fton organizatat ndërkombëtare për monitorimin e zgjedhjeve si dhe përfaqësitë diplomatike në Kosovës, që krahas monitorimit të procesit zgjedhor të monitorojnë edhe veprimet e subjekteve politike për respektimin e rregullave dhe afateve zgjedhore.

LDK-ja i fton subjektet politike si dhe gjithë qytetarët që të respektojnë procedurat dhe afatet ligjore për zgjedhjet nacionale, në mënyrë që vullneti i qytetarëve për ndryshim të mos cenohet në asnjë mënyrë.

Aleanca për Ardhmërinë e Kosovës ka mbetur pa ish-deputetin dhe donatorin më të madh të partisë. Ramiz Kelmendi prej sot është bërë pjesë e PDK’së së Hashim Thaçit. Kryetari i PDK’së, Hashim Thaçi e ka prezantuar sot ardhjen më të…
Aleanca për Ardhmërinë e Kosovës ka mbetur pa ish-deputetin dhe donatorin më të madh të partisë. Ramiz Kelmendi prej sot është bërë pjesë e PDK’së së Hashim Thaçit.

Kryetari i PDK’së, Hashim Thaçi e ka prezantuar sot ardhjen më të re në këtë parti. Ai është Ramiz Kelmendi, ish-deputet i AAK’së,shkruan Expresas.
Kelmendi u largua nga Partia e Ramush Haradinajt në ditën e fundit kur u shpërnda Parlamenti i Kosovës. Njëra prej arsyeve të largimit ishte përmendur se Kelmendi ishte injoruar nga udhëheqja e AAK’së.
Kelmendi është pronar i ETC’ve nëpër Kosovës dhe Elkos Group.