Bedri Zyberaj është zgjedhur drejtor i Bibliotekës Kombëtare “Pjetër Bogdani”, dhe për zgjedhjen e tij në krye të këtij institucioni, për KultPlus e ka konfirmuar edhe anëtari i Këshillit Drejtues, Xhevat Bajrami, ku ky i fundit është përfaqësues i MKRS në këtë këshill.

“Po, është e vërtetë që Bedri Zyberaj është zgjedhur drejtor i Bibliotekës Kombëtare “Pjetër Bogdani”, dhe një vendim i tillë është unanim nga të gjithë anëtarët e Këshillit Drejtues”, ka thënë për KultPlus, Xhevat Bajrami.
Në anën tjetër, se me çfarë ka dalluar Zyberaj nga kandidatët e tjerë, Bajrami ka thënë se prezantimi i tij përgjatë intervistës ka qenë më bindës në udhëheqjen e këtij institucioni, dhe secili anëtar i Këshillit ka votuar për të.

Se kur do të nis punën Zyberaj në krye të këtij institucioni, Bajrami ka thënë se Këshilli tashmë e ka kryer punën e tij me zgjedhjen e Zyberajt në krye të këtij institucioni, ndërkaq pjesa tjetër është punë e MKRS-së, deri në kryerjen e procedurave.

Ndërkohë, vetë Bedri Zyberaj nuk ka pranuar të flas për këtë çështje duke thënë se akoma një gjë e tillë nuk i është konfirmuar zyrtarisht. Ai ka thënë për KultPlus, se ka qenë në intervistë me rreth 10 kandidatë të tjerë, porse akoma nuk ka marrë vendim zyrtarë për vendimin e Këshillit.

Bedri Zyberaj ka lindur më 6 maj të vitit 1963 në Gjakovë. Shkollën fillore e kreu në Drenovc të Rahovecit, ndërsa të mesmen në Rahovec. Studimet universitare i përfundoi në Prishtinë,Fakultetin e Gjuhës dhe Letërsisë shqipe ku më pas ka mbaruar edhe magjistraturën në të njëjtin fakultet./KultPlus.com

Pesë vjet pas vdekjes, Michael Jackson elektrizoi publikun e Billboard Music Awards, dje në mbrëmje në Las Vegas, duke ”rilindur” në formën e hologramit për të interpretuar një prej këngëve të albumit të tij të fundit pas vdekjes.

Me një veshje të artë dhe pantallona të kuqe, hologrami i ”mbretit të popit” fizikisht shumë më afër me kohën e tij “Bad” se vitet e tij të fundit, interpretoi “Slave to the rythm”, një prej tetë këngëve të albumit pas vdekjes “Xscape”, publikuar këtë javë në SHBA.

Koreografia, shumë e sofistifikuar dhe gjithashtu e interpretuar nga një trupë kërcimtarësh, përfshinte të gjitha lëvizjet karakteristike të yllit të popit, veçanërisht ”moonwallk-un” e tij të famshëm.

Për ”shfaqjen” e Michael Jackson, mbajtur sekret deri në momentin e fundit, është nevojitur një vit punë dhe kanë konkuruar 104 artistë dhe teknikë, sipas organizatorëve.

Kjo përkon me pesë vjetorin e vdekjes së këngëtarit, i cili vdiq më 25 qershor 2009 nga mbidoza e medikamenteve, në moshën 50-vjeçare.

Dirigjenti vietnamez, Le Fi Fi së bashku me instrumentistët e Orkestrës Simfonike të Filarmonisë vendase, kanë shoqëruar për më shumë se gjysmë ore kitaristin prizrenas, Petrit Çeku i cili ka sjell para audiencës meloditë e veprës së kompozitorit spanjoll, Joakin Rodrigez “Fantazia për një xhentëlmen”, në kuadër të edicionit të trembëdhjetë të Festivalit Ndërkombëtar ReMusica.

Madhështia e performancës së Orkestrës Simfonike e Filarmonisë Opera e Kosovës, në kuadër të hapjes së edicionit të trembëdhjetë të Festivalit Ndërkombëtar ReMusica është duartrokitur gjatë të dielën mbrëma nga më shumë se pesëqind spektatorë të cilët kishin zënë vend në ulëset e katedrales “Nëna Tereze” në kryeqytet për të shijuar tingujt që po i lëshonin instrumentistët e kësaj orkestre shtetërore të vendit.

Vepra muzikore “Variacioni për archi”, e kompozitores vendase Dafina Zeqiri, e ekzekutuar me mjeshtëri nga trupa e Filarmonisë Opera e Kosovës, që është udhëhequr kësaj radhe nga dirigjenti i njohur nga qyteti Hanoi i Vietnamit, Le Fi Fi, ka hapur maratonën e koncerteve të Festivalit ReMusica, ku deri në fund të këtij muaji, sipas organizatorëve të saj janë të paraparë të mbahen edhe nëntë koncerte tjera, ku sivjet synohet të prezantohen për herë të parë disa nga artistët më cilësorë të paraqitur në skenën e muzikës shqiptare gjatë viteve që lëmë pas.

Dirigjenti vietnamez, Le Fi Fi së bashku me instrumentistët e Orkestrës Simfonike të Filarmonisë vendase, kanë shoqëruar për më shumë se gjysmë ore kitaristin prizrenas, Petrit Çeku i cili ka sjell para audiencës meloditë e veprës së kompozitorit spanjoll, Joakin Rodrigez “Fantazia për një xhentëlmen”.
Koncerti i katërt i këtij viti të mbajtur nga Filarmonia e Kosovës është përmbyllur me notat e veprës “Scheherazade”, që i takon kompozitorit rus Nikolai Rimsky Korsakov, e ku kjo vepër muzikore nga Le Fi Fi është cilësuar të jetë tejet e vështirë për shumë instrumentistë për t’u interpretuar.

“Deti dhe anija e Sinbadit” “Princi kalendarik”, “Princi i ri dhe princesha e re” dhe “Festival në Bagdad”, kanë qenë vepra të tjera të kompozitorit rus Korsakov që janë luajtur në këtë mbrëmje.

Le Fi Fi, dirigjent nga Vietnami ka lavdëruar instrumentistët e Filarmonisë së Kosovës dhe ka thënë se tek ata ka vërejtur se janë duke u përmirësuar kohë pas kohe.

“S’është hera e parë që unë vijë këtu. Hera e fundit atëherë kur isha në Prishtinë, ka qenë para dy vitesh kurse sa herë që vije në Kosovë shohë përparim të madh në fushën e muzikologjisë. Për mendimin tim, kitaristi Petrit Çeku ishte fantastik në këtë mbrëmje dhe unë vërej se trupa e Filarmonisë së Kosovës po kultivon dhe po ia del që të luaj veprat më të vështira për t’u interpretuar, për çka i komplimentojë për punë e tyre”, ka thënë dirigjenti Fi Fi.

“Sapo përfundoji koncerti i parë i Filarmonisë së vendit ku shoqëruan edhe kitaristin Çeku, e ku u mbajt për të shënuar hapjen e koncerteve që organizohen në kuadër të edicionit të trembëdhjetë të Festivalit ReMusica. Natyrisht ishte një koncert i bukur me shkëlqimin e Petritit si zakonisht. Ai që sa vite është mik i yni dhe është hera e katërt e tij që merr pjesë në ReMusica. Gjatë tërë këtyre ditëve që do ta mbyllin muajin maj, do të mbahen edhe disa koncerte ku si gjithnjë ftohen adhuruesit e muzikës klasike që të vijnë për t’i shijuar këto mbrëmje që sjellin emra të njohur të interpretuesve shqiptarë dhe ndërkombëtar”, ka deklaruar për KultPlus, Donika Rudi, drejtoreshë e Festivalit muzikor ReMusica.
Kryetari i Prishtinës, Shpend Ahmeti, i cili bëri hapjen zyrtare të këtij festivali, ka thënë se për komunën të cilën e drejton ai është kënaqësi që të mbështesë festivale të tilla ku performojnë interpretues si kitaristi i njohur nga Kosova, Petrit Çeku.

“Besoj që ju dhe Prishtina të i përcjell sa më shumë koncerte e Festivalit ReMusica. Gjatë bisedës që pata me dirigjentin holandez Rene Gulikers para disa javësh që e drejtoi gjatë një koncerti të Filarmonisë së Kosovës, e pyesja për Filarmoninë tonë dhe më tha se ai që tre vite i përcjell dhe lirisht mund të thotë se kjo Filarmoni e Kosovës është njëra ndër orkestrat më të mira jo vetëm në Ballkan por edhe më gjerë. Ku ka më mirë se të fillojmë sonte me një prej solistëve më të mirë që ka Kosova, pra me kitaristin Petrit Çeku që e komplimentoi për paraqitjet dhe është një prej dy-tre kitaristëve më të mirë që i ka bota”, ka thënë i pari i kryeqyteti Ahmeti.

Të hënë në mbrëmje, në kishën katolike “Shën Ndou” në Prishtinë nga ora 20:00, Kori i Filarmonisë së Kosovës, do të mbajë koncert ku do të shënohet 105 vjetori i lindjes së kompozitorit Lorenc Antoni, e po ashtu edhe 65 vjetori i lindjes së dirigjentit të këtij Kori, Rafet Rudit me premierën e veprës së tij më të re vokalo-instrumentale “Kurorë gjembash”, vepra e pestë nga Cikli Afresk arbëresh. Të gjitha koncerte që do të mbahen në ReMusica janë falas./KultPlus.com