Gjykata Themelore në Prizren ia ka caktuar një muaj paraburgim të dyshuarit për kontrabandë me njerëz, Visar Hasanit nga fshati Randobravë i Prizrenit.

“Visar Hasanit, i caktohet paraburgimi në kohëzgjatje prej një muaji, i cili do të llogaritet prej kohës së arrestimit”, njoftoi zëdhënësja e Gjykatës në Prizren, Afërdita Kicaj.

“Ai dyshohet për shkelje të Kodit Penal ,pasi që me datën 20.09.2014, me qëllim të përfitimit të drejtpërdrejt të dobisë pasurore, pas ndaljes së autobusit “ Erhan Trans”, në dalje të fshatit Malësi e Re, që kishte relacionin për në Beograd pas kontrollimit ka hasur personat e ndaluar V.B. , B.R dhe SH.M pa dokumente të udhëtimit, të cilët kane deklaruar se janë duke udhëtuar për në Itali dhe në emër të shërbimit secili prej tyre ua ka dhëne shumën prej 200 eurove”

“Pas marrëveshjes paraprake dhe pas kontrollimit të zyrtarëve të policisë, të pandehurit i është gjetur shuma prej 1.272,70 euro”/PrizrenPress.com/

“Takimi I sotëm është thirrur për shkak se jemi shumë të shqetësuar për mënyrën se si PDKja përmes Flora Brovinës e ka uzurpuar pozitën e kryesuesit të seancës kjo stituive. Ajo që ka bërë Brovina është ikje nga seanca, duke shkaktuar edhe më shumë humbje kohe e që kjo shkon në dëm të Kosovës”, ka thënë Ramush Haradinaj.
Ne jemi të bindur që seanca është dashur të thirret gjatë kësaj jave, tha ai.

“PDK dhe Flora Brovina po e bllokojnë vendin sepse kjo bllokadë është në favor të tyre dhe u blenë kohë”, tha Haradinaj.

Ndërkaq, Ismet Beqiri nga LDK’ja tha se blloku të javë s‘do të ndërmarr asnjë veprim asgjë, do të jetë vetëm javë e konsultave. “PDK dhe flora Brovina kanë vendosur një regjim jo demokratik I cili është në favor të tyre por në dëm të qytetarëve të vendit”, tha ai.

“Duke pasur parasysh gjendjen në të cilën gjendet Gjykata Kushtetuese, nuk e konsiderojnë të arsyeshme që shkeljet e Flora Brovinës”, tha ai.

Në Komunën e Malishevës, dyshohet për 14 raste të deleve të prekura me sëmundjen “Gjuha e kaltër”. Kështu është bërë e ditur në mbledhjen e sotme të Këshillit të Drejtorëve, ku drejtori për bujqësi, Hajrullah Mazreku, ka konfirmuar se në dy ferma janë regjistruar nga shtatë raste të dyshuara.

“Në dy ferma janë regjistruar 14 raste me sëmundjen “Gjuha e kaltër”, tek delet, ndërsa në njërën fermë, dy nga shtatë rastet kanë ngordhur, por jemi në pritje të konfirmimit të analizave, nëse këto raste janë me këtë sëmundje, përderisa simptomat janë të asaj sëmundje”, tha Mazreku.

Sipas tij, inspektorët për veterinë dhe ai i shëndetësisë kanë dalë në vend të ngjarjes, ndërsa janë në pritje të rezultateve.

Ndërkaq, drejtori për shëndetësi, Hajdin Berisha, ka deklaruar se “kohëve të fundit nuk regjistrohen raste të thumbimit nga rriqrat dhe duket që rreziku nga infektimi me EHKK ka kaluar, dhe këtë vit nuk kemi asnjë rast vdekjeje nga EHKK”. /PrizrenPress.com/

Burime të Gazetës Express brenda koalicionit LDK-AAK-Nisma dhe VV, bëjnë të ditur se, sot do të mbahet takimi i radhës ndërmjet katër liderëve dhe ekipeve të tyre.

Takimi do të zhvillohet në zyrat e Grupit Parlamentar të LDK’së, në ndërtesën e Kuvendit të Kosovës, në orën 13.

Një person është rrëmbyer në Suharekë. Zëdhënësi i Policisë së Kosovës në Prizren, Hazir Berisha tha se viktima është rrëmbyer për shkak një borxhi.

“Rreth orës 08:15 minuta, Policia e Suharekës ka pranuar një informatë përmes telefonit e cila bënte me dije se një qytetar është futur me dhunë në një veturë të llojit “Opel Vectra” nga ana e dy personave, tanimë të dyshuar dhe kanë shkuar në drejtim të fshatit Mushtisht”, njoftoi Berisha

“Pas vlerësimit të informatës, policia ka reaguar dhe ka arritur që t’i identifikoi të dyshuarit dhe viktimën dhe më pas t’i sjellë në stacion për t’i pyetur për ngjarjen”.

“Pas intervistës është kuptuar se të dyshuarit e kishin rrëmbyer viktimën ngase ky i fundit u kishte një borxh prej 550 eurove. Me urdhër të prokurorit të shtetit, të dyshuarit ndalohen nën masën e arrestit policor për 48 orë”/PrizrenPress.com/

Policia në Prizren ka arrestuar një person të dyshuar për kontrabandë me njerëz. Arrestimi i tij është bërë në rrugën “Xhevat Berisha” në Prizren.

Të dyshuarit i janë konfiskuar edhe 1272 euro.

“Njësiti policor ka arrestuar të dyshuarin, pasi që dyshohet që i njëjti kishte marrë para nga shtatë viktima për t’i dërguar ilegalisht jashtë shtetit të Kosovës”, njofton Policia e Kosovës.

“Viktimat pas intervistimit janë liruar,ndërkaq nga i dyshuari janë konfiskuar 1272 €”. Me urdhër të prokurorit i dyshuari është dërguar në mbajtje./PrizrenPress.com/