Analisti politik dhe drejtori i Fondacionit “Rockfeller Brothers” për Ballkanin Perëndimor, Haki Abazi, duke e komentuar dorëheqjen e gjyqtarit amerikan të Gjykatës Kushtetuese të Kosovës, Robert Carolan, ka thënë se veprimi i Carolan tregon se si ruhet integriteti personal, pavarësia e gjykatësit dhe se si nuk përlyhet karriera.

Abazi në rrjetin social Facebook ka shkruar se dorëheqja e gjykatësit amerikan “është goditje për gjykatësit tjerë, të cilët janë pjesë e Gjykatës Kushtetuese, që kanë pranuar të jenë instrument politik i suprimimit të kushtetutshmërisë”, e të cilët sipas tij, përveç tjerave e kanë bllokuar procesin e institucionalizimit të shtetit dhe kanë sabotuar republikën parlamentare.

“Është koha për dorëheqje të Enver Hasanit dhe për rishikim të vendimit antikushtetues për vazhdim të mandateve, në gjykatën Kushtetuese, të gjykatësve ndërkombëtar”, ka shkruar Abazi në Facebook.

Përfaqësuesi special i BE-së në Kosovë, Samuel Zhbogar ka thënë sot në Prizren se partitë politike kosovare duhet t’i japin fund ngërçit politik.

Përfaqësuesi special i BE-së në Kosovë, Samuel Zhbogar ka thënë sot në Prizren se partitë politike kosovare duhet t’i japin fund ngërçit politik, dhe në mbledhjen e Kuvendit të Kosovës që është caktuar për të enjten të ofrohen zgjidhje.

Ai tha se zgjedhjet e fundit kanë qenë demokratike, ku populli ka dhënë votën e tij dhe tani tha ai, është koha që politikanët të reflektojnë lidhur me krijimin e institucioneve të reja.

Për dorëheqjen e gjyqtarit amerikan të EULEKS-it, Robert Carolan, nga Gjykata Kushtetuese e Kosovës, Zhbogar tha se ai është informuar për këtë vendim të këtij gjykatësi, i cili sipas tij, një gjë të tillë e ka bërë për shkaqe personale.

Ai shprehu besimin se do të ndiqen të gjitha procedurat e mëtejmë ligjore për zëvendësimin e Carolanit.

Përfaqësuesi special i BE-së në Kosovë, Samuel Zhbogar, këto deklarata i bëri sot pas takimit që pati me pjesëtarë të shoqërisë civile, të cilët ia shprehen atij shqetësimet e tyre lidhur me degradimin e Qendrës Historike të Prizrenit.

Përfaqësuesi i BE-së, Zhbogar tha se institucionet përkatëse duhet të marrin masa adekuate për zbatimin e Ligjit për këtë Zonë të Veçantë të qytetit të Prizrenit.

Gjykata Themelore në Prizrenit ka caktuar një muaj paraburgim për Sami Telaku nga fshati Banjë e Malishevës, dhe Bujar Kadrijaj nga Suhareka.Ndërkaq, Shqipran Mehmetit nga Suhareka , ia caktohet masën e arrestit shtëpiak. Ata dyshohen se kanë kryer veprën penale të falsifikimit të parasë.

“Gjyqtarja e Procedurës Paraprake e miratoi kërkesën e Prokurorisë Themelore të Prizrenit e cila kërkoi mbajtjen në paraburgim të pandehurve”, njoftoi zëdhënësja e Gjykatës në Prizren, Afërdita Kicaj.

“Të pandehurit dyshohet për shkelje të Kodit Penal , pasi që duke vepruar në bash kryerje dhe marrëveshje paraprake mes tyre, me qëllim që t’i vë në qarkullim parat e falsifikuara si të vërteta, në vlerë prej 9.000(nëntëmijë) dollar, në atë mënyrë që të njëjtit me datën 12.09.2014, të pandehurit takohen në qendrën ,,Viva fresh,, me persona me qëllim të shkëmbimit të monedhave ,, dollar amerikan në euro,, dhe të pandehurit gjatë kryerjes së veprës penale zihen në flagrancë nga organet e policisë”/PrizrenPress.com/

Ka përfunduar takimi i Bllokut dhe Vetëvendosjes, ku kanë diskutuar rreth seancës konstituive dhe mënyrës se si do të veprojnë për t’i zgjedhur institucionet.

Lideri i AAK’së, Ramush Haradinaj, tha se ende nuk janë takuar me Listën Serbe për ta sqaruar ato që i kanë kërkuar rreth marrëveshjes me VV’në.

Ndërsa, lideri i Vetëvendosjes, Albin Kurti, tha se të enjten do të përfundojë pushteti i PDK’së ku do të formohen institucione të reja.

Ai nuk ka shpjeguar nëse do t’i japin sqarime Listës Serbe, e cila ka kërkuar se cili do të jetë pozicioni i VV’së në raport me bisedimet dhe marrëveshjet e arritura në Bruksel.

Kurti ka ritheksuar se është e papranueshme shtyrja e seancës nga Flora Brovina vetëm 24 para se ajo të fillojë të mbahej, transmeton Politiko.net.

Në mbledhjen e rregullt të Këshillit të Drejtorëve, të qeverisë komunale të Malishevë, të drejtuar nga kryetari i Komunës së Malishevës, Ragip Begaj, u bë e ditur se janë hequr të gjitha reklamimet pa leje në hapësirat publike në qytetin e Malishevës, ndërsa largimi i tyre është bërë nga ana e inspektoratit dhe shërbimeve publike.

Kështu kanë deklaruar drejtorët e drejtorive të Inspektoratit, Sejdi Paçarizi dhe i Shërbimeve Publike, Milazim Morina, sipas të cilëve nuk ka pas probleme gjatë largimit të reklamimeve pa leje.

Në mbledhjen e sotme, edhe drejtorët tjerë komunal, kanë raportuar për aktivitetet e zhvilluara gjatë javës së kaluar dhe për aktivitetet në javët në vazhdim, ku janë duke u realizuar disa projekte me rëndësi, në të gjitha fushat, si në infrastrukturë rrugore, shkollore, ujësjellës, kanalizime, pastaj investime në shëndetësi, bujqësi, dhe fusha tjera me të cilat menaxhon Komuna e Malishevës. /PrizrenPress.com/

Kryetari i Gjykatës Kushtetuese të Kosovës, Enver Hasani, është informuar nga gjyqtari Robert Carolan për largimin e tij nga puna për arsye personale dhe i njëjti nuk do të jetë më gjyqtar i Gjykatës Kushtetuese të Republikës Kosovës.

Kjo u bë e ditur në një njoftim të Gjykatës Kushtetuese, ku thuhej se ky institucion do të vazhdojë me punën si deri më tani.

Ndryshe, gjyqtarit Robert Carolan nuk u pajtua me vendimin e Gjykatës Kushtetuese për seancën konstituive, ku patë thënë se vendimi i Kuvendit për të zgjedhur Isa Mustafën, kryetar të Kuvendit ishte në përputhje me Kushtetutën.

Gjyqtarit Robert Carlon thotë se meqë Agim Aliu i PDK-së nuk mori votat e shumicës së deputetëve, atëherë shumica zgjodhi, sipas tij, në përputhje me Kushtetutën, Isa Mustafën, kryetar të Kuvendit.