Imami i xhamisë së madhe në Prishtinë, Shefqet Krasniqi, është paraqitur sonte në një emision televiziv, ku ka shpjeguar edhe rastin e marrjes në pyetje nga Policia e Kosovës.

Ai ka thënë se Policia e Kosovës është sjellur shumë mirë me të dhe i kanë thënë se “duhet të shkojë me ata në Polici”.

“Erdhën policia, më thanë hoxhë duhet me të marrë në polici”, ka thënë Krasniqi.

“Atje më kanë marrë në pyetje rreth këtij aktualiteti, rreth ekstremizmit, radikalizmit, rreth nxitjes së disa djelmoshave për të shkuar në Siri, të cilat nuk qëndrojnë, as nuk kanë qëndru as nuk do të qëndrojnë deri në Kiamet”, ka thënë ai.

Të gjitha shtëpitë ishin të zbrazëta. Sapo ju drejtuam Maleve të Sharrit, shoferi ynë na i tregoi fshatrat përreth, secila prej tyre kishte grupe kuturu të shtëpive të rrethuara me shkurre ngjyrë kafe e të artë. Asnjëra shtëpi, tha ai, nuk ka banorë.

Pronarët e shtëpive, na tregonte shoferi, e kanë lëshuar vendin për të migruar në Gjermani, vend ky i cili është shtëpia e pjesës më të madhe të diasporës kosovarë, jashtë Ballkanit. Nga Gjermania, ata u dërgojnë para familjeve të tyre kudo në Kosovë.

Kullotja e deleve, mënyra e zakonshme e jetës në Malet e Sharrit, është pak profitabile; një pjesë e madhe e komunitetit Goran të regjionit, emri i të cilëve rrjedh nga sllavishtja e që në shqip do të thotë ‘malësor,’ kanë filluar të kërkojnë një jetë më stabile gjetkë.

 Përgjatë këtyre fshatrave fantazmë, disa prej të cilave ende funksionojnë. Një nga të paktat që janë ende në funksion, është fshati Brod, 45 km në jug të qytetit më të madh të Kosovës, Prizrenit. Me shtëpitë e vjetra Otomane dhe rrugët e kalldrëmit, Brodi ka qenë më i suksesshmi në zhvillimin e një ekonomie modeste turistike, duke mirëpritur turistët të cilët kanë ardhur njësoj si unë, në kërkim të kulturës autentike gorane në malet më të larta të Kosovës. Vetëm me disa mijë banorë, ky fshat posedon hotelin e vetëm në rrethinë, Hotel Arxhena; për vite me radhë, Programi për Zhvillim i Kombeve të Bashkuara, ka punuar me vendasit për të zhvilluar rrugë zyrtare për ngjitje (hiking), nëpër fshat. Edhe unë, sapo ta merrja vesh do t’i ngjitesha kalit në shpinë dhe do e eksploroja vendit, kjo është mënyra më e mirë për të parë gjithçka.

I pasur me lumenj dhe livadhe të djegura nga dielli, Brodi është një nga vendet më piktoreske të regjionit. Me të arritur takova shtëpitë e lyera me gëlqere të bardhë të vendosura me kujdes mbi kalldrëm; era e shtatorit sjellë freskinë fushave. Delet me kokë në barin e gjatë; hingëllimat e kuajve; breshkat duke marrë rreze mbi gurë.

Reputacioni i Kosovës në dekadat e fundit është identifikuar me luftë, jo qetësi. Lufta e fundit 1998-1999 – e cila rezultoi me pavarësinë e Kosovës nga Serbia, ka lënë gjurmët e saj. Ngjitja nëpër zona të caktuara ende kërkon masa sigurie, për shkak të rrezikut të minave të pashpërthyera. Por, pavarësisht kësaj, duke parë se si Kroacia dhe Mali i Zi kanë zhvilluar politika zhvillimore të turizmit, njësoj ka filluar të bëjë edhe Kosova. Autostrada 272 kilometërshe Milot-Prishtinë, që kalon nëpër Prizren, e ka bërë jugun e Kosovës më të qasshëm për vizitorët. Edhe më shumë pritet ta shtojë qasjen autostrada 60 kilometërshe Prishtinë-Shkup.

Prapë se prapë, infrastruktura në Brod është më modeste se kudo tjetër në Ballkan. Për të gjetur akomodim atje, shoferi ynë është dashur të ndalej dhe t’i pyeste banorët se ku mund të gjenim një dhomë. Shpejtë zbuluam se mysafirët që vizitojnë Brodin, dhe kërkojnë strehim, duhet ta kërkojnë një njeri të quajtur Bilygaip Zilje. Para disa vitesh Zilje kishte pasur edhe një shtëpi në fund të fshatit, dhomat e të cilës i lëshonte me qira. Dhjetë shtretërit e asaj shtëpie janë më se të mjaftueshëm për vizitorët që kalojnë andej.

Ziljes iu deshën vetëm pesë minuta për të na dërguar deri në shtëpinë e tij, nëpër rrugët e pa definuara të Brodit. Kemi negociuar me të me një rusishte të çalë pasi që gjuha gorane hyn në familjen e gjuhëve sllave, dhe kështu më në fund u pajtuam për 10 euro për shtrat dhe pesë të tjera për ushqim. E natyrisht, na duhej të merrnim edhe kuaj.

 Në udhërrëfyesin tim thoshte se në Brod ka më shumë kuaj se vetura. Në fakt, nga dendësia e vogël e njerëzve në rrugë, dukej se kishte me shumë kuaj se njerëz. Ndërsa e vetmja mënyrë për t’i parë përrenjtë dhe bukuritë e tjera të fshatit është përmes kalërimit. Për 10 euro mund të merrnim një kalë, e për 20 euro më shumë, një udhërrëfyes. Por nuk u pajtuam që ta marrim edhe më tutje udhërrëfyesin: një djalë 10 vjeçar, anglishtja e të cilit ishte e kufizuar në një këngë të dëgjuar dhe një ‘mirëmëngjesi; të çalë. Ai më uli në një kalë mjaft të lodhur, dhe vet hipi në një tjetër .

Kanë mbetur vetëm edhe 8 ditë deri në vazhdimin e seancës konstituive të 17 korrikut, mirëpo dy blloqet politike, PDK në njërën anë dhe Blloku LDK- AAK- Nisma në anën tjetër, nuk kanë arritur ndonjë marrëveshje politike për tejkalimin e situatës.

Partia Demokratike e Kosovës, e cila me vendimin e Gjykatës Kushtetuese të Kosovës njihet si grupimi më i madh parlamentar, dhe kësisoj e ka automatikisht të drejtën që ta propozoj kandidatin e saj për kryetar të Kuvendit, megjithatë nuk i ka numrat e mjaftueshëm që ta zgjedh atë.

Në anën tjetër, Blloku LDK- AAK- Nisma edhe pse i ka numrat, duket se Gjykata Kushtetuese u ka lënë më pak hapësirë për të pasur kryeparlamentarin nga radhët e veta. Megjithatë, përfaqësues nga Blloku janë të bindur se pika 127 e aktgjykimit të Gjykatës Kushtetuese ua jep atyre të drejtën për ta zgjedhur kryeparlamentarin.

Nëse është për t’i besuar deputetit të PDK-së, Adem Grabovcit se PDK i ka numrat për ta zgjedhur kryetarin e Kuvendit, atëherë situata mund të zgjidhet lehtë.

Mirëpo, nëse kalkulohen numrat në bazë të qëndrimeve të partive politike, atëherë PDK e ka të pamundur që t’i mbledhë 61 vota. E vetmja mundësi që në këtë situatë është ajo që PDK t’i bëjë numrat duke blerë disa deputetë nga koalicioni LDK- AAK- Nisma.

Këtë skenar nuk e kishte përjashtuar as deputeti i PDK-së, Xhavit Haliti i cili kishte thënë në një intervistë dhënë medieve se në tërë rajonin ndodhë që deputetët të kalojnë nga një parti në tjetrën. Pra, Haliti nuk e ka përjashtuar që edhe kësisoj t’i bëjë numrat për zgjedhjen e kryetarit të Kuvendit.

Liderët e Bllokut LDK- AAK- Nisma janë të vetëdijshëm se mund t’u ikë ndonjë deputetë nëse shkohet në votim të fshehtë, si një prej opsioneve që e ka rekomanduar Gjykata Kushtetuese. Dhe për këtë sipas burimeve të Gazetës Blic ata e kanë përgatitur skenarin që deputetët e tyre të marrin pjesë në votim, por do t’i dorëzojnë fletëvotimet blanko, pra nuk do të shkojnë fare të kabina ku do të votohet.

“Ky skenar do të përdorej në rast se shkohet me votim të fshehtë”, ka thënë ky burim.

Mirëpo, ky zyrtar i lartë i Bllokut ka bërë të ditur se në momentin që i dështon kandidati i PDK-së, atëherë do të thirrën në pikën 127 të aktgjykimit, dhe do ta zgjedhin Isa Mustafën në krye të Kuvendit. “Ju e dini se pika 127 e aktgjykimit të Gjyjkatës Kushtetuese na lejon që ne ta zgjedhim kryetarin e Kuvendit”, tha ky burim.

Edhe Lutfi Haziri i LDK-së, sot në një deklaratë që e ka dhënë për medie ka thënë se Blloku do të shkoj me Isa Mustafën kandidat për kryetar të Kuvendit. Ai është shprehur i bindur se do të mund ta zgjedhin të premten e ardhshme Isa Mustafën kryeparlamentar.

Për analistët politik në vend, shkuarja në seancën e së premtes së ardhshme pa ndonjë marrëveshje, do të ishte skenari më i keq që do të mund të ndodh.

Kryeredaktori i Gazetës Tribuna, Arben Ahmeti ka thënë për Gazetën Blic se partitë politike do të ishte mirë që të merreshin vesh para 12 shtatorit. Në të kundërtën, ai paralajmëron se do të shohim një skenar shumë të keq.

“Shkuarja ne seancë pa ndonjë marrëveshje paraprake do të ishte skenari më i keq që mund të ndodh me 12 shtator. Përsëritja e seancës së parë konstituive do të dëshmonte papërgjegjësinë e skajshme të skenës politike karshi legjitimitetit institucional dhe kushtetutës së vendit. Duket që LAN-it, vendimi i Gjykatës Kushtetues nuk i ka lënë shumë hapësirë, ata ose duhet ta votojnë një kryeparlamentar të PDK-së, në mënyrë që nëse kanë vullnet pastaj ta bëjnë qeverinë, ose do të shkojmë në zgjedhjet ë parakohshme”, ka thënë Ahmeti./Gazeta Blic/

Drejtori i Administratës së Prizrenit, Ilir Baldedaj është shprehur i kënaqur me regjistrimin e qytetarëve në diasporë.

“Deri më tash kemi regjistruar rreth 100 ekonomi familjare, ndërsa brenda vitit synojmë të regjistrojmë të gjithë të diasporës”, tha Baldedaj për TVO.

Në kilometrin e shtatë të magjistrales Malishevë-Rahovec, në dalje të Malishevës, ka ndodhur një aksident ku si pasojë ka humbur jetën një person rreth të pesëdhjetave dhe janë lënduar edhe gjashtë të tjerë, ndër ta edhe një person i moshës 70 vjeçare.

Aksidenti ka ndodhur si pasojë e përplasjes së një veture Audi 80 dhe një Jeep.

Rreshteri Vesel Gashi nga Policia e Kosovës në rajonin e Prizrenit konfirmoi aksidentin dhe vdekjen e një personi.

Ai tha se një nga të lënduarit është në gjendje më të rëndë dhe është duke u dërguar në Qendrën Rajonale në Prizren ndërsa të tjerët po marrin trajtim në Qendrën e Mjekësisë Familjare në Malishevë. /kallxo.com

Asamblisti i Lëvizjes Vetëvendosje! në Prizren, Arbër Rexhaj ka akuzuar PDK-në se po bënë përpjekje për të “shpëtuar kokën” Ramadan Mujës. Ai thotë se PDK-ja po bënë përpjekje që pronat publike për të cilat është dënuar Ramadan Muja t’i shpallë prona në interes publik.

“PDK-ja në Prizren po e bënë edhe një përpjekje të fundit për të shpëtuar kokën e Ramadan Mujes. Ai u dënua për shpronësim të paligjshëm të pronave publike,kurse në mbledhjen e kaluar të Asamblesë, u kërkua që asamblistët të votojnë që pronat 800/1 dhe 800/2 të kthehen në prona të interesit publik, me c’rast të krijohet një zonë ekonomike dhe industriale”, thotë Rexhaj.

“Pra, bëhet fjalë për të njëjtat prona për të cilat u dënua Ramadan Muja”.

“Përmes një vendimi të tillë në asamble, PDK-ja në Prizren po mundohet të krijojë rrethana lehtësuese për prof. Mujën, sepse cdo rrethanë e re, realisht merret për bazë në aspektin juridik”.

“PDK-ja po mundohet të krijoj alibi dhe rrethana të reja për vendimin e ardhshëm gjyqësor ndaj Mujes. Në të vërtete përmes nje vendimi te tille do te mundohet te krijoj, rrethana lehtësuese dhe alibi për Mujën”.

“Sigurisht që nuk jemi kundër zonave të reja ekonomike dhe industriale, por një vendim i asamblesë për këto dy parcella duhet të shtyhet pas vendimit gjyqësor të Ramadan Mujës, gjegjësisht pas zgjedhjeve te parakohshme në komunën e Prizrenit”.

“Prandaj, ju bëj thirrje subjekteve opozitare, shoqërisë civile, mediave dhe qytetarëve që të ushtrojnë presion publik që në asamblenë komunale nje ceshtje e tille të mos vihet në votim fare, por që të shtyhet per shume me vonë”./PrizrenPress.com/