Sipas Samuel Zhbogarit, përfaqësuesi special i BE-së në Kosovë, Tribunali do të jetë për të trajtuar rastet individuale, dhe ai në asnjë mënyrë nuk është as kundër Kosovës, as kundër Ushtrisë Çlirimtare të Kosovës
Bashkimi Evropian e kupton se sa e vështirë është për Kosovën të trajtojë çështjen e krijimit të një gjykate speciale për të trajtuar akuzat e mundshme që dalin nga raporti i Dick Martyt – shkruan ‘Koha Ditore’.

Por themelimi i Tribunalit të tillë është tashmë i pashmangshëm dhe zgjedhja është nëse kjo do të bëhet me pajtimin e Kosovës nga Bashkimi Evropian, ose, në rast të refuzimit nga Kosova, të bëhet përmes Këshillit të Sigurimit të OKB-së, si një Tribunal Special i Kombeve të Bashkuara.

Kështu e shpjegon situatën përfaqësuesi special i BE-së në Kosovë, Samuel Zhbogar, në një intervistë për “Kohën Ditore”. Zhbogar në vazhdim thotë se opsioni i krijimit të Tribunalit me pajtimin e kosovarëve është shumë më i favorshëm për vetë Kosovën, meqë gjykata do të jetë në kuadër të sistemit të Kosovës, me një pjesë të saj në një vend të BE-së, me gjykatës ndërkombëtarë, të cilët brenda disa viteve të ardhshme do ta mbyllin përfundimisht çështjen.

Ndërsa, shton ai, opsioni i dytë – ai i krijimit të një Tribunali nga OKB-ja – do nënkuptonte një proces të pafund, në duar të OKB-së, që mund të zvarritet pafundësisht.

Më e rëndësishmja, sipas Zhbogarit, është se Tribunali do të jetë për të trajtuar rastet individuale, dhe ai në asnjë mënyrë nuk është as kundër Kosovës, as kundër Ushtrisë Çlirimtare të Kosovës.

Në intervistë, Zhbogar flet edhe për transformimin e EULEX-it, për dialogun me Serbinë dhe për situatën në veri të Kosovës.

Kryetari i Kuvendit të Kosovës, Jakup Krasniqi thotë se UÇK-ja nuk e ka asnjë faj se pse sot kërkohet themelimi i një Tribunali për krimet e supozuara të luftës.

Në këtë kontekst, Krasniqi i ka bërë fajtorë institucionet vendore dhe ndërkombëtare për këtë çështje.

“Jam i bindur se UÇK-ja nuk e ka asnjë faj pse sot bisedohet dhe kërkohet gjykata speciale, përgjegjësia nuk është e luftës, përgjegjësia është e pasluftës. Pas luftës institucionet e Kosovës është dashur ta konsolidojnë sistemin e drejtësisë. Pa faj nuk janë as institucionet ndërkombëtare që kanë pasur ndikim të madh në sistemin e drejtësisë”, tha Krasniqi në një intervistë për “Epokën e Re” që do të botohet të mërkurën.

Sipas tij, vetë fakti se 15 vjet pas lirisë e gjashtë vjet pas pavarësisë po kërkohet një gjykatë e tillë tregon imazhin e shtetit të Kosovës.

(E plotësuar) Përfaqësuesi special i BE-së, Samuel Zhbogar, në një intervistë ekskluzive për RTK-në, deklaroi se po kërkojnë një gjykatë speciale për deklaratat e raportit të Dick Martit, sepse kjo çështje i ka bërë dëm Kosovës, për këtë arsye kjo është për ta vërtetuar nëse ka ndodhur apo jo.

Ai tha se EULEX-i ka ngarkuar një person për këtë cështje, pra do të jetë një gjykatë në Kosovë me disa zhvillime jashtë. ta kemi selinë në Kosovë, por dëgjimi i dëshmitarëve të bëhet jashtë vendit.

Po mundohemi ta heqim një re të zezë mbi Kosovën, pra të qartësohet cdo gjë rreth raportit të Dick Martin, që është i dëmshëm për Kosovën.

Zhbogar: Kosova do të ecë përpara në liberalizimin e vizave

Ai tha se BE ende nuk ka marr vendim për liberalizim dhe se Kosova duhet ti pëermbush edhe disa kritere, disa nga to i ka pëermbushur nga viti i kaluar. Kemi filluar hartimin e një raporti lidhur me këtë ceshtje që të dimë cka na ka mbetur pa bërë.

“Institucionet na fajesojne se po e neglizhojme kete ceshtje dhe e trajtojne si politike, por ne po ecim drejt liberealizimit. Nuk mund ta them kur do të ndodh”.

Zhbogar në intervistën eksluzive në RTK, foli edhe për mandatin e EULEX-it, që sipas ti,j duhet të vazhdojë, ai po ashtu foli edhe për bisedimet Kosovë-Serbi, që sipas tij duhet të vazhdojnë.

Disa gjyqtarë dhe prokurorë të EULEX’it janë duke u hetuar për shkak të dyshimeve se kanë marrë ryshfet nga disa avokatë vendorë në lidhje me rastet e krimeve të luftës.

Emisioni “Betimi për drejtësi”, në bazë të burimeve që ka thotë se prokurori Mauricio Salustro dhe gjykatësi Francesko Fjori, janë duke u hetuar për veprimtari të dyshimta korruptive, pë rmarrje të ryshfetit, duke keqpërdorur pozitën e tyre zyrtare si prokurorë dhe si gjykatë.

Hetimet ndaj tyre po zhvillohen nga një Task Forcë e përzier kur bëjnë pjesë prokurorë vendor e ndërkombëtar.

Kryesuesi i Asamblesë Komunale në Prizren, Kujtim Gashi ka kritikuar opozitën për bojkotimin e mbledhjes së Komitetit për Politikë dhe Finaca.

Ai tha se mungesa e opozitës nuk i shërben platformës demokratike.“Mungesa e opozitës nuk i shërben platformave demokratike dhe nuk i shërben qytetarëve”, tha Gashi,transmeton TVZ.

Partitë opozitare për të dytën herë kanë bojkotuar sot mledhjen e Komitetit për Politikë dhe Finaca.

Gashi tha ai pozita pavarësisht bojkotimit të opozitës, i ka të gjitha numrat e mjaftueshëm për të marrë vendime të rëndësishme.

Ndërkaq, opozita në Prizren nuk hekë dorë nga kërkesa për dorëheqjen e kryetarit të Komunës, Ramadan Muja. Ata për këtë çështje kërkojnë mbajtjen e një seance të jashtëzakonshme.

Përfaqësuesja e LDK-së, Mybera Mustafa tha se subjekti i saj politik këmbëngulë në mbajtjen e mbledhjes së jashtëzakonshme për dorëheqjen e Mujës.

“Ne kemi kërkuar që të mbahet mbledhja e jashtëzakonshme e cila ditë më parë dështoi për shkak bojkotimit të pozitës”, tha Mustafa.

Përfaqësuesja e LDK-së, Mybera Mustafa edhe një herë i ka bërë thirrje pozitës që të mbajnë mbledhjen e jashtëzakonshme për dorëheqjen e Ramadan Mujës.

“Ftojmë pozitën që të respektojë kërkesën e opozitës për mbledhje të jashtëzakonshme”./PrizrenPress.com/