Kryetari i LDK-së Isa Mustafa tha të martën në Prizren, se subjekti I tij politik është I vetëmi që mund të sigurojë rend dhe ligj në Kosovë. Sipas tij, LDK-ja për dallim nga partitë tjera ofron program të qeverisjes.
“LDK-ja ofron program qeverisës për qytetarë,e jo programin e një partie politike”, tha Mustafa.
Para simpatizantëve të LDK-së, ai, ka shpalosur programin për shëndetësi dhe politika ekonomike në Przren.
Mustafa tha se orientimet e LDK-së janë përcaktuar në katër fusha. “E para do të jetë zhvillimi ekonomik, punësimi dhe zvoglimi i varfërisë, si një kompleks shumë i rëndësishëm që kërkojnë ndryshime esenciale, në qeverisjen e ardhshme”.
“E dyta do të jetë shëndetësia, reformat në arsim”.
“Vetëm pas këtyre mund t’i qasemi ndërtimit të shtetit ligjorë, luftës kundër korrupsionit dhe plotësimit të kushteve për inegrim në BE”.
Anëtari i Grupit të Ekspertëve për Shëndetësi të LDK-së,Kujtim Shala,tha se ky subjekt politik, ka hartuar një program në shërbim të funksionalizimit,fuqizimit dhe dekriminalizimit të sektorit të shëndetësisë në Kosovë.
“Me investimet në shëndetësi, pos të tjerave , do të sigurohet mbulimi i 100% të materialeve shpenzuese dhe barnave esenciale.Po ashtu do të rritet buxheti për qendrat klinike dhe spitalet rajonale./PrizrenPress.com/