Autoritetet e Beogradit po paralajmërojnë ndryshimin e pozicionit të tyre në raport me dialogun dhe Marrëveshjen e arritur me Prishtinën. Në bazë të vizionit që ka paraqitur presidenti serb, Tomislav Nikoliq, që nga 19 prilli e këndej kanë ndodhur zhvillime të reja, që sipas tij, ndikojnë tani edhe në zbatimin e marrëveshjes. Në rend të parë, Nikoliq ka përmendur reduktimin dhe transformimin e misionit të EULEX-it pas 15 qershorit si dhe paralajmërimin për formimin e Forcave të Armatosura të Kosovës.

Kurse shkarazi ka përmendur edhe ndryshimet në politikën globale, që ka lënë të nënkuptohet se ka menduar për rastin e krijuar në Krime të Ukrainës pas invazionit të Rusisë. Mirëpo pretendimet e presidentit serb në Prishtinë po komentohen qoftë si nisma të njëanshme apo edhe deklarime për konsum të brendshëm politik.

Profesori i të Drejtës Ndërkombëtare, Afrim Hoti, ka rikujtuar se Marrëveshja e 19 Prillit e arritur në dialogun ndërmjet Prishtinës dhe Beogradit me ndërmjetësim të Bashkimit Evropian ka karakterin e marrëveshjes ndërkombëtare. Andaj, sipas tij, duhet pasur parasysh se asnjë marrëveshje ndërkombëtare nuk mund të ndryshohet pa pajtimin e dy palëve..

Nënkoloneli Ruzhdi Saramati, ish komandant i brigadës 128, tha se të gjithë këta ushtarë kanë qenë luftëtarë të UÇK. ” Absolutisht nuk është e vërtetë, se kinse ushtarët që kanë luftuar në Koshare, kanë qenë formacion i të ashtuquajturit ”FARK”. Të gjithë ushtarët janë rreshtuar nën emblemën e Ushtrisë Çlirimtare të Kosovës. Dhe bëhet fjalë për afër 5.000 ushatër të mobilizuar”, thotë ai.

Më poshtë, po japim reagimin e plotë të Nën Kolonel Ruzhdi Saramatit, ish Komandant i Brigadës 128, ZOP, UCK, dhe ish Komandant i mobilizimit të përgjithshëm, në Kukës.

“Kohën e fundit i kam dëgjuar disa deklarime publike që po bëhen në lidhje me të ashtuquajturin “FARK”. Nuk e kam ndërmend të zgjerohem shumë e të flasë për atë që nuk jam kompetent, por më intereson të flas në lidhje me mobilizimin e përgjithshëm të Ushtrisë Çlirimtare të Kosovës në Kukës në periudhën mars-prill 1999. Gjatë kësaj kohe, Shtabi i Përgjithshëm i UÇK-ës më pati emëruar përgjegjës dhe komandant i mobilizimit të përgjithshëm në pikën 1 dhe 2 në Kukës. Mund të themi se mobilizimi ka shkuar në mënyrë shembullore. Të gjithë ushtarët janë rreshtuar nën emblemën e Ushtrisë Çlirimtare të Kosovës. Dhe bëhet fjalë për afër 5.000 ushatër të mobilizuar. Asnjëherë dhe askund nuk është përmendur e as nuk ka ekzistuar fjala “FARK”.

Këta ushtarë, sapo i kanë kryer stërvitjet, janë dërguar nëpër frontet e luftës brenda në Kosovë, pastaj në Koshare (operacioni “Shigjeta”-1), Pashtrik (operacioni “Shigjeta”-2), etj. Të gjithë këta ushtarë kanë qenë luftëtarë të Ushtrisë Çlirimtare të Kosovës. Absolutisht nuk është e vërtetë, se kinse ushtarët që kanë luftuar në Koshare, kanë qenë formacion i të ashtuquajturit “FARK”. Me të vërtetë, ky është një manipulim me luftëtarët. Këtë e di shumë mirë zotëri Rrustem Berisha ish-komandant i Brigadës 138 “Agim Ramadani”, Esat Krasniqi, ish – anëtar i Shtabit të Brigadës 138, etj. Tashmë, ekzistojnë listat e ushtarëve të mobilizuar, të cilët janë dërguar për luftë në Koshare nga pikat e mobilizimit në Kukës. Kjo hallkë ka funksionuar në mënyrë zyrtare, dhe në kuadër të strukturës së Shtabit të Përgjithshëm të UÇK-ës. Këtë, nuk e di vetëm unë, por të gjithë anëtarët e Shtabit të Përgjithshëm të UÇK-ës. Bile, eprorët dhe oficerët e Brigadës 138, që perceptoheshin si formacion i FARK-ut, janë zotuar para Xheladin Gashit – “Plaku”, komandant i logjistikës së përgjithshme të UÇK-ës, dhe para anëtarëve të tjerë të Shtabit të Përgjithshëm të UÇK-ës, se do të punojnë dhe veprojnë në kuadër të Ushtrisë Çlirimtare të Kosovës dhe nën urdhërat e Shtabit të Përgjithshëm të Ushtrisë Çlirimtare të Kosovës. Këta, që sot po trumbetojnë për të ashtuquajturin “FARK”, e dinë këtë punë shumë mirë, dhe është e papranueshme, të thuhet diçka që s’ka ndodhur.

Kemi edhe shumë gjëra të tjera për të thënë, por me këtë paraqitje, deshta të përmendi se luftëtarët e Ushtrisë Çlirimtare të Kosovës, që kanë luftuar në Koshare, kanë qenë pjesë e mobilizimit të përgjithshëm të Ushtrisë Çlirimtare të Kosovës, dhe është gabim të njollosen se kanë qenë të “FARK”-ut. Unë, një gjë e di, se i ashtuquajturi “FARK” nuk ka bërë mobilizim të ushtarëve, dhe ne nuk kemi pa asnjë emblemë tjetër, përveç asaj të Ushtrisë Çlirimtare të Kosovës”.

Për dallim prej Krimesë, në Kosovë kishte një proces të lirë demokratik të mundësuar nga OKB, e ku njerëzit e kishin mundësinë që të votonin për të zgjedhur Parlamentin e tyre, i cili në mënyrë legale e shpalli pavarësinë, pasi që të gjitha mundësitë e tjera u shteruan.

Shtëpia e Bardhë ka sqaruar deklaratat e Presidentit Barack Obama rreth mbajtjes së referendumit në Kosovë për shkëputjen nga Serbia.Një zyrtare e lartë e Shtëpisë së Bardhë i ka dërguar një përgjigje me shkrim agjencisë ruse të lajmeve, Itar Tass.

“Kur ka folur për Kosovën, presidenti ynë ka pasur në mendje situatën unike me të cilën Kosova e ka fituar pavarësinë. Ajo ka ndodhur pas viteve të tëra të negociatave dhe me një rol prijës nga bashkësia ndërkombëtare”, ka thënë kjo zyrtare.

Ajo ka shtuar se pavarësia ishte një nga opsionet e përmendura nga bashkësia ndërkombëtare, transmeton koha.

“Me Rezolutën 1244 Kosova u vu nën administrimin e OKB-së që mundësoi negociata për statusin e ardhshëm të Kosovës, që përfshinte edhe mundësinë e pavarësisë. Për dallim prej Krimesë, në Kosovë kishte një proces të lirë demokratik të mundësuar nga OKB, e ku njerëzit e kishin mundësinë që të votonin për të zgjedhur Parlamentin e tyre, i cili në mënyrë legale e shpalli pavarësinë, pasi që të gjitha mundësitë e tjera u shteruan”, ka thënë zyrtarja amerikane.

Vetëm gjatë tre mujorit të parë të këtij viti në Kosovë kanë ndodhur 10 vrasje. Sipas Mentor Vrajollit, nga Qendra e Kosovës për Studime të Sigurisë, shqetëson fakti se vrasjet e kohëve të fundit në Kosovë kanë ndodhur për motive të hakmarrjes dhe si pasojë e dhunës në shkolla.

Kryetari i Komisionit për Punë të Brendshme dhe Siguri, Ahmet Isufi e ka quajtur shqetësues numrin e madh të vrasjeve që kanë ndodhur gjatë tre mujorit të parë të këtij viti.

Sipas tij, institucionet e shtetit duhet të angazhohen për krijimin e një ambienti të sigurt për qytetarët, për shkak që ata sipas tij, mund ta humbin besimin në organet e rendit.

“Konsideroj që Policia e Kosovës, gjatë kësaj kohe ka qenë neglizhente në zbulimin e fajtorëve dhe krijimin e një ambienti të sigurt për qytetarët e vendit. Këndellja është e domosdoshme në këtë institucion, sepse nëse vazhdohet me këtë avaz, mendoj se te qytetarët do të krijohet një imazh jo i mirë për Policinë e Kosovës”, ka thënë Isufi për Telegrafin.

Në anën tjetër, Mentor Vrajolli nga Qendra e Kosovës për Studime të Sigurisë, ka theksuar se vrasjet e kohëve në Kosovë kanë ndodhur për dy arsye: për hakmarrje dhe si pasojë e dhunës në shkolla.

Ai tha për Telegrafin se institucionet nuk po bëjnë aq sa duhet për parandalimin e krimit në këto dy fusha.

“Policia është e informuar për potencialin e problemeve që mund ta shkaktojë fenomeni i hakmarrjes. Prandaj, duhet të merren të gjitha masat për t’i parandaluar vrasjet për shkak të këtij motivi. Me të qetësuar paksa problemet në mes nxënësve nëpër shkolla, Policia e ka neglizhuar këtë problematikë. Mendoj, se shkollat në bashkëpunim me Policinë e Kosovës, duhet që problemet t’i parandalojnë dhe assesi t’i lejojnë vetit luksin që pasi të ndodhin, të merren me to. Problemet (vrasjet) mund të shkaktohen edhe aksidentalisht. Problem është se në shumë raste kryesit e veprave kanë arritur t’ia mbathin dhe të mos dihet identiteti t iyre”, ka thënë Vrajolli.

Kryeministri i Kosovës, Hashim Thaçi e ka lutur liderin e Lidhjes Demokratike të Kosovës, Isa Mustafa që zgjedhjet nacionale të mbahen në javën e fundit të majit.

Për dallim prej herëve të kaluara ku dy liderët janë takuar nëpër restorante, kësaj radhe ata kanë pasur një takim më special.

Ata janë takuar në aeroplan gjatë udhëtimit për Bruksel, ka bërë të ditur një burim brenda PDK-së, shkruan Gazeta Blic.

Sipas këtij burimi, Thaçi e Mustafa kanë qenë duke udhëtuar në të njëjtin aeroplan për Bruksel, ku kryeministri po merrte pjesë në takimin e radhës me Dacicin.

Kryeministri ka biseduar me liderin e LDK-së, dhe e ka lutur që zgjedhjet të mbahen para qershorit, gjegjësisht në javën e fundit të majit.

Kryeministri në këtë takim ka qenë i shoqëruar nga Hajredin Kuçi, Blerim Shala dhe pjesëtarë tjerë të delegacionit kosovarë që kanë marrë pjesë në këtë takim me Dacicin.