Komuniteti Islamik i Kosovës po punon të përhapë mesazhin se islami nuk ka asgjë të përbashkët me ekstremizmin dhe terrorizmin.

Në një intervistë ekskluzive me SETimes, myftiu Naim Tërnava, kryetari i Komunitetit Islamik të Kosovës tha se imamët predikojnë se Islami është paqësor dhe nuk ka të bëjë fare me fundamentalizmin. Ai tha se nuk është vetëm komuniteti islamik që duhet të luftojë ekstremizmin, por edhe institucionet dhe individët.

“Nuk ka ekstremizëm në Kosovë…ka një grup të vogël të të rinjve që kanë një kuptim pak më ndryshe të kuptimit të islamit”, tha Tërnava, duke shtuar se Komuniteti Islamik i Kosovës ka organizuar jetën e tij fetare për rreth 600 vjet në bazë të kushteve të islamit që janë Kurani dhe Hadithet.

“Ne Kosovën tonë, shpirti i ruajtjes së asaj fryme tradicionale, të kultivuar me shekuj në popullin tonë në edukimin e besimtarëve, ka funksionuar në të kaluarën dhe funksionon [tani]. Kjo frymë do të vazhdojë edhe më tej”, tha ai.

Bekim Sakiqi, një shitës 37 vjeçar vendas, i beson komunitetit islamik.

“Bashkësia islame po bën një punë të mirë. Ka njerëz që e marrin gabim, por kjo është diçka tjetër. Ka disa njerëz që e keqpërdorin atë. Feja si e tillë punon drejt dhe mirë”, i tha Sakiqi SETimes.

Tërnava tha se si në islam dhe në fetë e tjera, ka individë që “i interpretojnë gjërat paksa ndryshe”.

“Dhe ky interpretim pak më ndryshe i islamit mund të shkaktojë konfuzion në masën e gjerë të njerëzve. Nga ana tjetër, ka kaluar koha e islamit formal, siç ishte gjatë kohës komunisto-ateiste, kur besimtarët myslimanë identifikoheshin vetëm me emër dhe një pjese e madhe e tyre nuk ishin praktikues te Islamit”.

Tërnava shtoi se besimtarët myslimanë integruan praktikën e islamit në jetët e tyre të përditshme, duke përfshirë faljet në xhami, agjërimin dhe shmangien e dukurive negative në shoqëri, të tilla si droga, gënjeshtrat, vrasjet, alkooli dhe prostitucioni.

Abit Hoxha, studiues për Qendrën e Studimeve të Sigurisë në Prishtinë, tha se një mungesë tolerance në diskursin publik tregon se ekstremizmi ekziston.

“Kosova ka kultivuar tradicionalisht një kulturë dhe traditë që është tolerante dhe jo ekstreme, por me ndryshimet politike, edhe fraksione të ndryshme kanë dalë në sipërfaqe dhe mund të jenë ekstremiste në fjalorin e tyre” tha Hoxha për SETimes.

Përveç diskutimit të çështjes në xhamitë, Komuniteti Islamik i Kosovës nuk ka programe apo nisma në veprim për të shkurajuar ekstremizmin. Tërnava tha se qasja e komunitetit islamik ka funksionuar mirë për pjesën më të madhe, por ai pranoi se ka pika të dobëta.

Një imam i Kosovës në qytetin perëndimor të Prizrenit kohët e fundit bëri komente lidhur me imoralitetin dhe prostitucionin që ofendoi shumë shtetas të Kosovës, veçanërisht nga gjuha që imami përdori. Ai tha se gratë që kishin pasur marrëdhënie përpara martesës qenë “kurva” dhe ai u kërkoi të rinjve t’i braktisnin ato.

“Bashkësia islame e ka thënë fjalën e vet dhe askush nuk e mbështet gjuhën e përdorur në këtë rast nga imami. Imami ka përmendur një grup grash, vajzash që mund të jenë jo të moralshme, problem këtu është se ai ka përdorur një gjuhë shumë të vrazhdë ne këtë rast, por Zoti thotë se mëkati duhet të luftohet”, tha Tërnava.

“Ne e kemi për detyrë ta luftojmë të keqen, pavarësisht i vjen mirë dikujt apo nuk i vjen. Për ne nuk është demokraci të bësh prostitucion, laviritet. Ne e kemi parim në islam që të mundohemi që motrat tona, gratë tona t’i largojmë nga marrëdhëniet intime jashtë kurorës”.

Tërnava shtoi se që nga konflikti i armatosur dhe pavarësia e Kosovës, ka pasur më shumë mundësi për individët dhe shoqatat të kuturisin jashtë shtetit, “ku ata mund të marrin dhe të frymëzohen nga disa ide që nuk përkojnë në total me traditën tonë fetare” dhe besimet tradicionale shqiptare islamike.

“Bashkësia Islame…ka dhënë kontributin e vet në demaskimin e çdo gjëje të huaj në luftën e vazhdueshme që veçanërisht të rinjtë të mos indoktrinohen me mësime dhe rryma të huaja që dëmtojnë ardhmërinë e vendit tonë dhe të besimtarëve tanë”, tha Tërnava.

Partia Konservatore e Kosovës (PK) ka uruar të gjithë qytetareve e besimit Islam ua Muajin e Ramazanit.

“Të gjithë myslimanëve në vend dhe në diasporë dëshirojmë agjerim te lehte dhe të pranuar tek Zoti i madherishëm.Urojmë që ky muaj i madherishëm të gjithëve të ua sjellë shendet, lumturi,mireqenje dhe bereqet!”, thuhet në urimin e PK-së.

Zëvendësndihmësi i sekretarit amerikan të shtetit, Philip Reeker, ka thënë se Kuvendi i Kosovës duhet të miratojë sa më parë Ligjin për Amnisti.“Miratimi i Ligjit për Amnisti është i domosdoshëm për përparim në zbatimin (e Marrëveshjes së 19 prillit). Nuk do të ketë amnisti të gjerë”, u ka thënë diplomati amerikan gazetarëve në Bruksel.

Siç transmeton Shërbimi i Ballkanit i Radios Evropa e Lirë, Reeker ka kujtuar se Ligji për Amnisti parashihet me nenin 5 të Marrëveshjes së Brukselit dhe ka thënë se deputetët që kanë votuar kundër tij, kanë qenë “të painformuar”.

I pyetur të komentojë formimin e “kuvendit të përkohshëm të Kosovës dhe Metohisë”, nga serbët në veri, Reeker ka thënë se është i informuar vetëm sipërfaqësisht për këtë çështje, por ka shtuar se “ka pasur gjithmonë të tillë që kanë ngritur barrikada në rrugën e normalizimit”.

Aleanca për Ardhmërinë e Kosovës, u bëri thirrje qytetarëve që të mos largohen nga Kosova dhe të kërkojnë qëndrim në shtetet e tjera. Në një konferencë për media, kryetari i AAK-së, Ramush Haradinaj drejtoi akuza në drejtim të Qeverisë, se është duke bërë pak për përmirësimin e jetës së qytetarëve të Kosovës.

Kryetari i Aleancës për Ardhmërinë e Kosovës, Ramush Haradinaj u ka bërë thirrje qytetarëve të Kosovës të mos e lëshojnë vendin. Ai tha se gjendja ekonomike dhe sociale në Kosovës është e vështirë, por sipas tij, ndryshimet pozitive do të vinë pas zgjedhjeve të ardhshme.

“Nëse nuk ndalet dhe në këtë duhet të ndihmojnë të gjithë, ministritë, do të shkaktojë pasoja në zhvillimet e brendshme në vend, mungesa e njerëzve do të shkaktojë pasoja edhe në planet e Kosovës për me përshpejtua procesin e liberalizimit të vizave. Mos e lëshoni vendin, keni prit që sa vjet, pritni edhe një vit, sepse është më pak se një vit që priten ndryshime në vendin tonë”, tha Haradinaj, transmeton RTK.

Ai për këtë, ka fajësuar edhe ekzekutivin e vendit. Ai tha se qeveria ka lënë anash çështjet sociale dhe ekonomike në vend.

“Ne i adresojmë kritikë serioze qeverisë së vendit, e cila jo vetëm për faktin që i ka dhënë prioritet temave regjionale dhe më gjerë, por për shumë arsye mendoj se ata nuk kanë kapacitet me i dhënë përgjigje zhvillimeve të brendshme, mungon kapaciteti nevojshëm që temave të brendshme me i dhënë përgjigje, është e dhimbshme që nuk ka një takim të jashtëzakonshëm qeveria për këtë çështje”, tha ai.

Haradinaj i është përgjigjur kërkesës së Lëvizjes Islamike për Bashkim të bërë dje, për largimin e deputetit Burim Ramdani duke thënë se nuk marrin parasysh kërkesat, siç tha, të palaçove. Ai tha se janë shqiptar dhe respektojnë të gjitha liritë dhe të drejtat në Kosovë.