Një propozim që Hashim Thaçi, Ivica Dacic dhe Catherine Ashton të laureohen me Çmimin Nobel për Paqe ka dalë edhe nga Parlamenti Europian.

Pas nominimit që kjo treshe mori nga Kongresi Amerikan, edhe Grupi i Aleancës Progresiste të Socialistëve dhe Demokratëve në Parlamentin Europian i ka dërguar Komitetit të Nobelit një nominim të tillë.

Në dokumentin e nominimit të cilin e ka siguruar lajmi.net, Kryetari i këtij Grupi Eurodeputetësh, Hannes Swoboda ka dhënë arsyet për këtë nominim.

“Që nga përfundimi i Luftës së Dytë Botërore, zhvillimet paqësore në Europë nuk kanë qenë lineare. Duhet ta pranojmë se Komuniteti Europian i atëhershëm dështoi t’i parandalonte luftërat në Jugosllavi, në të cilat rreth 140 mijë njerëz humbën jetën dhe të cilat ringjallën kujtimet e momenteve më të errëta të ndarjes etnike dhe gjenocidit të Europës”.

“Sot, marrëdhëniet ndërmjet dy faktorëve kryesorë, Kosovës dhe Serbisë, janë të brishta – por ato ekzistojnë. Përpjekjet për t’i normalizuar marrëdhëniet ndërmjet dy vendeve kanë qenë të paparashikueshme dhe kanë krijuar rastin për një paqe të qëndrueshme dhe bashkëpunim në rajon”.

“Mësimet nga konfliktet tjera nëpër botë na kanë mësuar se ndonjëherë ekziston vetëm një dritare e vogël e mundësisë për ta avancuar paqen e qëndrueshme – një paqe solide, e gjatë e cila garanton siguri dhe stabilitet për të gjithë qytetarët- dhe unë besoj se sot në jemi duke qenë dëshmitarë të kësaj dritareje të mundësisë ndërmjet Kosovës dhe Serbisë.”

“Jo vetëm si një shpërblim për përparimin e arritur tashmë, por edhe si motivim, ndoshta meqë nevojitet një shtysë e fundit, prandaj unë propozoj nominimin e Catherine Ashton, Përfaqësuese e Lartë e Bashkimit Europian, Ivica Dacic, Kryeministër i Serbisë, dhe Hashim Thaçit, Kryeministër i Kosovës, për Çmimin Nobel për Paqe për vitin 2014.”

“Esenca e indikacioneve të Alfred Nobelit, për t’i dhënë çmimin të cilët ‘duhet të japin më të mirën ose të punojnë për vëllazërinë mes kombeve’ duhet të respektohet me të drejtë”, thuhet në arsyetimin e nominimit të bërë nga Eurodeputeti Hannes Swoboda, Kryetar i Grupit Socialist-Demokrat në Parlamentin Europian.

Në fshatin Vraniq të Suharekës është varrosur të premten veterani i UÇK-së, Adem Kolgeci ,i cili ndërroi jetë në moshën 73 vjeçare.

Në ceremoninë e varrimit, përveç familjarëve dhe bashkëluftetarët kanë marrë pjesë edhe qytetarë të shumtë.

Kolgeci ka ndërruar jetë pas një sëmundje të rëndë në Itali.

Bashkëluftëtari, Shpejtim Basha, tha se Adem Kolgeci, ishte një njeri i cili i ka dhënë shumë atdheut,transmeton TV Prizreni.

Ai, gjatë luftës në Kosovë, ka qenë komandant i Batalioni të II-të, i cili ka funksionuar në kuadër të Brigadës 123, të Zonës Operative të Pashtrikut të UÇK-së./PrizrenPress.com/

Kompania private e pastrimit “Shërbimi”, në komunën e Prizrenit, është duke e marrë seriozisht mirëmbajtjen e Lumëbardhit.

Një gjë e tillë është parë të premten në mesditë teksa dy punëtorë të kësaj kompanie, e cila është e kontraktuar nga Komuna për mirëmbajtjen e gjithë qytetit, ishin “zhytur” në ujë për të pastruar lumin.

Por, për këta punëtorë është një punë e cila bëhet vetëm sa për të thënë, ngase sipas tyre, Lumbardhi duhet të pastrohet në burim të tij, e jo në qendër, aty ku mblidhen disa mbeturina siç janë shishet e plastikës apo qeset e ndryshme, që sipas tyre hedhen nga vizitorët.

Pjesa që pastrohet kap sipërfaqen prej Lidhjes së Prizrenit e deri tek lagjja “Tabakhane”.

“Ne e pastrojmë shumë shpesh, por kjo nuk është alternativa e duhur pasi mendoj se ky lumë duhet të pastrohet përtej Reçanit apo Prevallës, e jo këtu ku ne dërrmohemi e prapë nuk vjen në shprehje të thuhet se Lumëbardhi është i pastër”, ka thënë njëri nga punëtorët e kompanisë “Shërbimi”,shkruan Zeri.

Qyteti i Prizrenit edhe pse në fund të vitit 2013, si dhuratë nga “MSN” mori epitetin e një prej vendeve më të bukura në botë, nga qytetarët e tij thuhet se mund të jetë edhe më i bukur nëse funksionalizohen projektet e premtuara nga udhëheqësia komunale dhe ajo e Qeverisë së Kosovës.

Ambasadorja amerikane në Prishtinë, Tracey Ann Jacobson, ka thënë se formimi i Asociacionit të komunave serbe do të jetë në përputhje me ligjet e Kosovës dhe me Kartën Evropiane për Vetëqeverisje lokale.

Jacobson i ka thënë televizioni Most të Zveçanit se kufijtë e Kosovës janë të caktuar dhe se SHBA-të e mbështesin Kosovën si shtet të pavarur e demokratik, brenda këtyre kufijve.

Drejtoria komunale e arsimit në Prizren i ka ashpërsuar masat ndaj atyre mësimdhënësve që organizojnë kurse në lëndët e ndryshme dhe i obligojnë në njëfarë forme nxënësit, që t””i ndjekin ato për përfitime materiale.

Drejtori komunalë i arsimit, Nexhat Çoçaj thotë se vendimi është përkrahur nga Ministria e Arsimit dhe inspektorët komunalë, të cilët nga data 20 e këtij muaji kanë dalë në terren dhe po hetojnë objektet në fjalë. Nërkohë nxënësit pranojnë se janë të obliguar t””i ndjekin kurset nga mësimdhënësit e tyre.

Janë rreth 23 mësimdhënës për të cilët dyshon Drejtoria komunale e arsimit se po mbajnë kurse me pagesë në lëndët e matematikës, gjuhës angleze asaj gjermane por edhe të tjera, aty ku nxënësit kanë ngecje.

Çoçaj thotë prerazi se ndaj atyre që nuk e rrespektojnë vendimin e MASHT-it do të merren masa që parasheh ligji. Sipas tij, inspektorët nga data 20 e këtij muaji janë në terren dhe po i hetojnë objektet ku po organizohen kurset. Ai tregon se tashmë është formuar edhe task-forca,shkruan rtk.

Çoçaj pranon se ky akt i mësimdhënësve po e dëmton edhe procesin mësimor, pasi që ata përgatiten në të shumtën e rasteve për mbajtjen e orëve të kurseve e jo orëve të mësimit.

“Nëpër klasë ka dallime, ata që i ndjekin kurset te mësimdhënësit e tyre u vihet notë më e lartë e ata që nuk shkojnë marrin nota të ulëta”, thotë drejtori komunalë i arsimit.

Ai pohon se ky fenomen më së shumti është i pranishëm te Shkollat e mesme, duke mos anashkaluar edhe ato fillore. Sipas tij, janë disa institucione të licencuara nga MASHT-i që kanë të drejtën e organizimit të kurseve, por jo edhe personat individual, në këtë rast mësimdhënësit që edhe në të shumtën e rasteve kushtëzojnë nxënësit.

Çoçaj thotë se masa e parë ndaj tyre është pezullimi nga puna.